عشگ الضابط أمير

البارت السابع

گآلوولي عنگ حلوو*
وآنت آلگمـر جنگ*&
وگآلوولي حتئ آلورد مـآخذ عطـر مـنگ$
بس آني رآح آختلف ويآ  آلحجو عنگ*
مـو آنت جنگ گمـر &
لك هو آلگمـر جنگ*&
♥️♥️♥️♥️♥️♥️
إيه:گعدنة الصبح ونضفنة وكملنة وبدلنة البنات لبسن عبايات بس اني لبست بنطرون وقميص ويه الركبة سمائي وشال مخليت مكياج
نور :ايه تلبسين عباية مو
إيه :طبعا لا
نور :ايه فدوة لبسي عباية والله أمير ميرضة هوه الجامعة بالگوات قنعنا بدون عباية لان خط من الباب للباب
إيه :ما ما البس شيسوي مثلا نزلت لاگتني فاطمة
فاطمة :فدوة شطالعة تخبشين جايبة وياج عباية لو انطيج
إيه :هم انتي مااريد ماالبس
فاطمة :عزا صدگ تحجين ونبي أمير ميرضة يگلب الدنيا
إيه :يووو سكتي عاد مااريد يعني مااريد اجت نور
نور :خليه اله تترزل يله ترتاح يلة نزلن
إيه :انتن روحن اني اجيب الفون نسيتة رحت جبتة واجيت الكل گام يباوع عليه لان گاعدين بالصالة امي وعماتي والبنات وأمير هم اشو هذا گام يخزر
أمير :يله بسرعة فضنة هوب هوب وين طالعة هيج
إيه :احجي وگالبة وجهي خير اكو شي
أمير؛ ايه خلي النفس عليج طيبة وروحي لبسي عباية
إيه:مااريد البس لبسي مابي شي
أمير :يعني جاي تعانديني يابه ايه خمس دقايق اذا مالگاج لابسة العباية لاتلوميني شنو اسوي
إيه :خفت بس والله اله احرگ دمة ضليت واگفة
نور :فدوة ايو لبسي والنبي هسه يفركش الطلعة
أمير :بصياح يعني انتي جايييي تگليلي ائذيني موو طالع بالسيارة انتضرجن ومره الماتسمع كلامي ورگع الباب
إيه :يمةة والنبي متت خوف انگلب احمر ويصيح بعلو صوتة رحت لبست واجيت
فاطمة :يعني من البداية عليمن هل الهوسة كله
إيه :المهم حرگت دمه
فاطمة :اوووف منج لج هوه ميريد ايئذيج ليش تجبرينة امشي يله لايعطلنة من وراج
إيه :صعدت السيارة واني اتفئف ورگعت الباب بلكت تتكسر هوه ضل يخزرني من المراية مهتميت درت وجهي وكل ما ادور وجهي الگة يباوعلي اووف شوكت نوصل ضليت العب بالفون منا لمن وصلنة
أمير :يمه كملي وخابري ع احمد اني عندي شغل
إيه :احسن والله دخلنة لمحل فساتين يجنن
نور :لج ايه هاذا يجنن بله قيسي
إيه :مااريد شوفي فتحة الصدر
فاطمة :يوو غير مالت خطبة يله جربي بدون حجي
إيه :اووف دخلت لبستة واوو يجنن طلع بس مفتوح من الصدر طلعت
نور :يااااي يخبل والله
فاطمة :واووو يجنن خلي ناخذه بدون حجي زايد
إيه :مااريده
فاطمة :ما ناخذة يعني ناخذة اخر كلام لج يمووت والله
إيه :اووف اووف شگد تلحن اخذتة والبنات اشترن فساتين تقريبا نفس اللون بس غير مديلات واشتريت كعب ويا الصراحة عجبني  خلصنة وخابرنة أحمد واجة اخذنة
احمد :يمة اني هم اريد ازوج مدام فكت عقدت أمير
إيه :ههههه هوه منو التاخذك اله متريد روحة
احمد :نجبي لج اصلا امه داعيتله وين اكو احسن مني اشو شخصية وجمال وطول ومحامي هم
إيه :هههههه ولك قصدك داعيه عليه
احمد :سكتي لج مظغوطة مني
نور :احمد انته بس قرر واخطبلك من صديقاتي
احمد :وشبية اخذ من صديقاتج اكيد نفس خبالاتج مشكورة عيني عرضج مرفوض
إيه :ولك هيه التاخذك حتئ لو عاقلة انته تخبلة
احمد :هسه غير تسكت مرت الشيخ عشتوو يابة ياكلمة ردي المكانج بطلت مااريد
فاطمة :هههههههه خبلتي ولج حتئ زواج بعد ميزوج من وراج
إيه؛ هههههه اشاقة وياك حموشي والله انته بس أشر واني اخطبلك
أمير :متقصرين خيتي عود اشوف بلكت الگة وحدة حاته بعرسج
إيه :هههههه تدلل وخلصنة الطريق مناگر اني ويا والله صدگ امه داعيتله التاخذة شخصيتة حلوة ويضحك بس من يعصب الله ليستر يگلب البيت گلاب وصلنة للبيت ذبيت روحي ع الفراش مااتحمل فره بسرعة اتعب
نور :يا شبيه هايي ركضت ع الفراش
فاطمة :خطية تتعب بسرعة من وره حالتة المهم لج اريد اروح مركز اسويي بشرتي
نور :اوك نروح قبل الخطبة بيوم احسن
إيه :مر هذا الأسبوع واني كل يوم يخلص احس روحي اختنگ وابد ملتقيت بأمير دائما گاعدة بالغرفة علمود مااشوفة يربي شلون بعدين اعيش ويا الله كريم يربي ساعدني اليوم خميس رحنة للمركز وسوولي تنضيف جسم وبشرة وسويت حواجبي طلعت شكل ثاني والله
فاطمة :اووو عيني شنو هذا الحلو
إيه :حياتي انتي الاحله وصلنة اول مجاي ادخل صار بوجهي أمير دا يطلع اشو هذا طگلة صفنة بوجهي گتلة ممكن افوت وگمت احرك بيدي بعدين انتبه وگلي فوتي منو لازمج وطلع ياا شبي هذا عود صدگ الحمدللة ربي الله يصبرني وخلص هذا اليوم هم والصبح گعدني سحل وحتئ زينب اختي أجت هيه وجهاله فديتهم رحنة للصالون اني وفاطمة وزينب ونور وصلنة أحمد بلشت تشتغل بشعري گتلة اريدة التسريحة بسيطة رفعتلي الجوانب والباقي برمتة الي وخلتلي تاج ناعم ومكياج ترابي وركزت ع سحبة العين كملت لبست الفستان احس النسوان اكلتني اكل وحده منهن گلتلي
مشاءالله بنيتي ربي يحرسج من العين خلي امج تقره المعوذات
إيه :عيونج الحلوة خالة اني ابد ماامن بهل السوالف بس زينب عندج مهووسة بيهن ضلت مدري شتقرة عليه ضحكتني ولج زينب كافي
زينب :مشاءالله ولج ايوتة شنو هل الجمال والله خايفة يضربنج بعين
نور :يمةة هنيال اخوي فدوة تخبلين
فاطمة :وخرن ولجن خلي ناخذ صور ويه هل الگمر هذا يفديتج يعمري تجننين يله خل نبدي بالجلسة مالتي
نور :ولج كافي شگد اخذتي صور
زينب :لج بعدج مهووسة بالصور
نور :الله وكيلج زادت منقصت لج ابسط شي لبسنة بجامة نوم لازم صورة
زينب؛ هههههه الله يعين لياخذج ع هل الخبال يله هذا علي خابرني يگول خلصتن
فاطمة :ليش هوه راح ياخذنة
زينب :اي يلة لبسن العباية بسرعة
إيه :اوووف ولجن اختنگ شلون البس هذا بلة
زينب :لج بالسيارة نزعي يلة بسرعة هذا صار عصبي طولنة كلش
إيه :ماشي طلعنة صعدت ليورة اني ونور وزينب هم هههههه فاطمة ضلت واگفة بمكانة عباله زينب تگعد اليگدام بس ضربته بوري
علي :بالگوا لازم اعصابة يله خانم مناوية تصعدين منا ناس فضية
فاطمة :اووف اني اعلمجن حقيرات صعدت بصفة
علي :مدگللي شمصخمات بوجوهجن شنو هذا هااا
زينب :عله كيفك خوية غير مناسبة
علي :يعني واذا مناسبة لازم تصخمن عود هاي انتي الجبيرة ماكو عتب ع الزعاطيط
فاطمة :اووف ربي شدعوة عليك خب اريد اخذ صورة شلون هسة اهمس لنور گاعدة وراي
نور :لج كافي متشوفينة أعصاب لايفلش وجهنة هسة من نوصل اخذي شگد متردين
فاطمة :اوووف خلص
علي :سمعينة ست فاطمة ليش تتأففين معاجبج الوضع لازم
فاطمة :هااا لاماكو شي
علي :بهمس شتعلو لج شطالعة قسم بالله يافاطمة اذا احد لمحج لاتلومين نفسج ومااوصيج هزي خصر هم
فاطمة :يمةة وين اطم روحي من الفشلة صرت حمرة ودرت وجهي بس دقيقة هوه شنو قصدة يگلي شطالعة اوف والله يدوخ وصلنة ونزلت بسرعة
إيه :وأخير وصلنة انطرشت بالهلاهل
ام ايه :صلوات يمة الله يحفظج من العين
إيه :حضنتة ودمعت عيني گعدت واني اشوف البنات حاقدات خو اسراء تريد تخنگني
فاطمة؛ يلة شوية سون مجال خل تتنفس وناخد صور
إيه :لج خنگتيني بالصور كافي
فاطمة :نجبي لج لاتحجين سدي حلگج
نور :يلة فطوم خل ناخذ ردحة
فاطمة :جايه والله وخرت الخجل ع صفحة ورگصنة لمن وگعت رجلنة وگالو يله خلي يعقدون اووف ايه مو وكتج تبجين ديربالج اموتج والله
إيه :خلص ماابجي رحت يم باب الاستقبال الداخلي وگمت اردد وره الشيخ وبعدين هوه يربي شنو هايي يحجي بثقة وصوت رجولي اوف ايه مو وكت الصفنة كملت ورجعت گعدت
نور :يله خلي اضبط المكياج أمير ح يدخل
إيه :اريد اسيطر ع دگات گلبي مااگدر متوترة وخجلانة اووف شعور لايوصف قمة التوتر والله
دخل هوه اووف ربي هذا شطالع لج يجبر الواحد يتغزل بي لابس قاط اسود مخصر وبارز العضلات وقميص ابيض بدون رباط فاتح اول دگمتين وعطرا سبقة وخو البنات فاتحات حلگهن وبس يبسبسن گعد بصفي بأس راسي عبالك صارت صعقة بجسمي بس هوه ملامح وجهه باردة والهلاهل والهوسات وجابو الذهب لبسني الحلقة ومن وصل للعقد يمةة اريد اختفى من الخجل لان صدري نصه طالع لمس جسمي وهمس يم اذني
أمير :مبروك بنيتي واخيرا
إيه :اني ضليت مفهية بوجهه اول مره يحجي هيج وبهل الهدوء
أمير :هههه مضيعة شي بوجهي بويه
إيه :لا انوب يضحك أكيد مصخن ضليت صافنة عبالك لساني انبلع هاذا كله بصفحة والسوا كله بصفحة ضليت مصدومة باسني من شفتي گدامهن كلهن
أمير :هاي علمود بعد متصفنين بوجهي بس شلون طعم وهوه يغمزلة😉
إيه :وين اطم روحي حتى النسوان انصدمن وخجلن من تصرفة اكيد هذا مو أمير بعدين انتبهت بعدني صافنة ومن الثول گتلة الله يبارك بيك
أمير؛؛هههههه بعد وكت
إيه :فدوة شوف الضحكة حتئ نسيت الفشلة مالتي هوه خلة وطلع بس قبل لايطلع گلي بصوت ناصي
أمير :طالع عسل يحلوو
إيه :اخذ گلبي اجت فاطمة گتلة اگلج متأكدة هذا أمير
فاطمة :هاا لج صدك هذا منو لا وانوب يبوسج گدامنة لج هسة النسوان يفضحنة شيخ أمير يبوس مرتة گدام خلگ الله
نور :ههههههه ولجن طلع اخوي رومنسي اني خجلت من يمي
إيه :يمعودة سكتن بعدني تحت الصدمة خلصت الحفلة بس گلت متسوه خل ارگص واتونس هيه مره بالعمر شيصير خل يصير رگصنة واتصورنة وهلكت هلاك بنات انتهيت والله صاعدة انام باجر نطلع من الصبح لبغداد
فاطمة :اكلي وصعدي مماكلة شي اليوم
إيه :لا مااريد مااشتهي اريد انام صعدت سبحت وبدلت برمودة وفانيلة تلث ارباع واستشهدت للنوم مدري شگد مر وقت وگعدت عطشانة وجوعانه اووف الساعة ب ٣ الكل نايم خل انزل اكلي لگمة بطني تصوفر نزلت ملبست شي الكل نايم هيج وقت فتحت الثلاجة طلعت دولمة يم مشتهيتة سويت لفة وكلاص لبن وگعدت اكل چني مفجوعة فجئة سمعت صوتة
أمير :منو هنا
إيه :شغل الضوه لابس برمودة وفانيلة تعلاگة وشعرا مخربط انوب مااگدر احجي حلگي متروس ضل واگف گدامي ومچتف ايده ويباوعلي بتركيز انوب انتبهت شلابسة اني رجلي وزنودي طالعات شرگت بالأكل وهوه بسرعة جابلي كلاص مي واني بالگوه بلعت اللگمة والله فشلة ليگول ممأكلة
أمير :ع كيفج منو راكض وراج
أيه :هاا ضليت ارجع بشعري ليورة لامحد بس جنت جوعانة ممأكلة اليوم
أمير :هممم وهوه يتقدم ليش مماكلة البزونة
إيه :صار قريب كلش عليه هم صفنت وفهيت گدامة رأسا دفعني ع الكاونتر وحاوط خصري بأيدة وايدة الثانية يلعب بشعري
أمير :ليش هل الفهاوة متعمدة تخليني افقد السيطرة
إيه :هاا لاو... بعدني ممكملة وباسني قووي وبعدين شوية هدء اختنگت كلش فصله ونزل لرگبتي باسة قووي حتئ اتأذيت وكانو متعمد يترك أثارة عليه اني فقدت السيطرة ع جسمي بعد عني باوع لوجهي وتلمسه كله وبعدين باسني من خدي
أمير :بطلي فهاوة منا وهيج گدامي لان متدرين شنو العواقب كملي اكل بزونة
إيه :عافني وطلع هوه شكمل ضل عندي عقل صعدت تمددت واني افكر بتصرفاتة وياي والمشكلة اني ليش مصديتة اووف ربي مااريد لاحب ولاادخل بهل المتاهه نمت واني افكر گعدت ب ٥ غسلت وتوضيت وصليت وبدلت نزلت لگيت اهلي وأمير گاعدين يتريگون بس أمير شعنده گاعد
إيه :صباح الخير
علي :هلا ايوو يله گعدي تريگي
إيه :لامااريد تعرف مااكل واني وراي طريق
أمير :اشربي حليب
إيه :باوعتلة بغيض شقصده طفلة اني
علي :هههههه يي شربي حليب بابا
إيه :باوعتلهم اثنينهم يضحكون گتلهم مااريد مو طفلة اني
أمير :ليش اني گلت طفلة😉
اية :هاا يمه شگد جريئ شيقصد هاذا دخلت گعدت بالصالة هوه صعد فوگ وره شوية نزل لابس زي عسكري يجنن هيبة طالع وجنطتة بچتافة والمسدس بخصرة ضليت اباوع هوه وگف گدامي
أمير :ادري حلوو 😉
إيه :لاهذا ناوي يجلطني شو بس يغمز ويتغزل شصاير گتلة لا عادي بس جنت صافنة وانته صرت گدامي
أمير :هاا يعني مو حلو
إيه :لا والله اصلا شخصية شلون جفصة 🙈گام يضحك عليه وراح للمطبخ يم علي
علي :شوكت تنزل ضلع
أمير :اسبوعين
علي :شدعوة شو مطول هل المرة
أمير :والله لازم مكان صاحبي مصاوب
علي :الله يساعدك يله ضلع نترخص
أمير :واني طالع هم بس فكر بالموضوع
علي :انشاءالله حبيب يله ايه صيحي أمي تأخرنة
إيه :صعدت ودعت البنات ونزلت لابسة عباية مابية حيل رزالة من الصبح وصلت للسيارة شفتة واگف ويه علي
علي :اودعناكم وديربالك ع نفسك
أمير :لاتخاف ذيب وداعتك
علي؛ ههههه منو گلك خايف عليك اصلا خايف ع الدواعش منك
أمير :ههه وعيونك مسهرهم الليالي
علي :ذيب ابو فهد
أمير :مع السلامة ضلع
علي :الله وياك
إيه :سمعت حديثهم كله معقولة هيج ميخاف يربي هذا مثل المتاهة والله كل يومية اكتشف بي شغلة بس شنو الموضوع الي بينهم هوه وعلي يله بعدين استفسر.........

للقصة تكملة...... لاتنسون التصويت بدون تغليس ميكلفكم شي 😒
انتضروني بارت جديد 😚😚الجاي 🔥🔥