عشگ الضابط أمير

البارت الخامس

أحب ذاك الـ يميزني
ويرسمني حلم وأنوب يَتعبلي ويحقُقني ،
أحب ذاك الـ يقدسني !♥️
💮💮💮💮💮💮💮💮💮
فاطمة :فجأه صاحو المهندس علي محمد رحيم اني تفاجأت وراقبت حركاتة وهوه يصعد ع المنصة بكل ثقة وقوة وشخصيتة طاغية ع كل الموجودين وبده يلقي الخطاب بكل سلاسة واني أشوف البنات صافنات علي وبعد مخلص من الخطاب الكل گام يصفگ واني بعدني صافنة علي
سارة :لج شبيج اكلتي اكل تره خلص الخطاب ونزل ولج شوفي جاي يتوجه علينة
فاطمة :هاا لاهيج منو المتوجه علينة شبيج شتحجين
سارة:لج شوفي منو واگف وراج بهمس
فاطمة :درت وجهي واشوف علي واگف وراي گتلة خلصت محاضراتي
علي :ماشي اني هم خلصت شغلي يلة انتضرج بالسيارة
حوراء :لج هذا شيصير منج وشنو تعالي لسيارة
سارة :لج هذا منو احجي
فاطمة :وسم شبيجن اكلتني انطني مجال احجي هذا أبن عمي
حوراء :صدگ ولج عندج هيج ابن عم صاك يمة فديتة متكبلي الي
فاطمة :دنجبي اكبلة الج مو هوه لعبة
حوراء :ع كيفج عيني شبيج حميتي شعندج ويا 😉
فاطمة :حويرة توخرين مني لو اطيرج ولا اگولج خل امشي احسلي اتأخرت من وراج
حوراء :روحي عيني روحي لحبيب الگلب 😉فاطمة :اني اعلمج والله لو مامستعجلة جان طيحت حضج يلة باي مشيت اتأخرت والله هسة يرزلني وصلت يمة لگيتة يخابر صعدت وضليت ساكتة
علي :يي جايي بالطريق لا مااتأخر ماشي حبيب مع السلامة وين جنتي
فاطمة :اسفة بس البنات سولي استجواب
علي :استجواب ع شنو
فاطمة :ها مو سئلني عليك وگالن شنو يصير منج
علي :يي وشنو گلتيلهن
فاطمة :شنو اگول غير ابن عمي
علي بينة وبين نفسة :خرب عمي اي والله
فاطمة :گلت شي مسمعتك
علي :لا ماحجيت شي
فاطمة :بتردد اگول علي
علي :اشتعل علي يي گولي شعندج
فاطمة :انته ليش مگلت انته راح تلقي الخطاب بالندوة
علي :لان شي عادي واني وافقت لان العميد يصير صديقي
فاطمة :يعني انته مو دائما تلقى خطابات او محاضرات
علي :لا ماأحب القي بس مرات أصدقاء ومااگدر أرفض انتي ليش مهتمة بهل الموضوع
فاطمة: لا عادي ودگ موبايلي الوو هلا حبي
نور:هلا بيج جبتيلي الملازم لو نسيتي
فاطمة :يي جبتهن لگيتة بالنادي
نور :اها اوك عبالي نسيتي شوكت تجين لان عماتي يجن ع الغداء جدي سوه عزيمة للكل
فاطمة :بالطريق شوية واوصل بس شعجب البارحة مسمعت
نور :هوه انتي التنبل أربعة وعشرين ساعة نايمة
فاطمة :باوعت ع علي مبتسم عزا سمعة والله فشلة گتلة اني اعلمج من أوصل يله باي وره خمس دقايق وصلنة يبو هاي شصايرة مگلوبة الدنيا كله جاية شو علي صار احمر من العصبية يمه شكو
علي :استغفرالله ربي
فاطمة :خير علي اكو شي
علي :لا ماكو شي سلامتج بس شلون تفوتين هسة والدنيا مگلوبة
فاطمة :عادي انزل راسي وافوت هئئ شهگت لان ضرب الستيرن قوي
علي :يي عيني تردين تعرضين طولج گدامهم فاطمة سكتي مني لاتخليني انتحر بيج هسة
فاطمة:شبي انگلب سم الله سكتت لا اخذلي سطرة منه لان شكلة يخوف
علي :الو هلا يمة اگلج حجية فتحيلي باب الحديقة الخلفية ماشي دار السيارة من الجهة الخلفية يلة نزلي وانتي مدنگة راسج فهمتي لو اعيد
فاطمة :ماشي نزلت همزين مموجود احد ولگيت نور واگفتلي يم الباب
نور :ها لج ليش اجيتي منا وشبي وجهج ميگصة السيف
فاطمة :سكتي مني روحي طافرة من وره هذا أبن عمج طلع الروحة من خشمي
نور :هههه دفوتي فوتي هسة تكملينة جوه العگارب كله موجودة وخو ايه تموتين عليه من الضحك بس مناگر هيه وياهن والله شوية واحسه تگب العيطة لان هذنيج بس يتحارشن بيه وهية تعرفينة ترد الكلمة بعشرة
فاطمة :هههههه والله ضحكتيني يلة اني صاعدة ابدل وانزل صعدت بدلت ونزلت مشاءالله ماكو محط رجل بالبيت العشيرة كله جاية وخو خدي طار من البوس هلا ايوشة شلونج
اية :هلا حب والله مو زينة شوية وانفجر من وره هذني الحياية وخو هاي إسراء والنبي بدي اموتة الحقيرة
فاطمة:يمعودة بدون مشاكل أمير هنا وتدرين ميرضة صوت يطلع اتحمليهن ولاتحجين وياهن خليهن وحدهن يحجن ولو ادري الحجي وياج ضايع
إيه :ههههه والله تعرفيني مااسكت عن حقي بس لعيونج راح أحاول
......................................
علي :السلام عليكم
الكل :وعليكم السلام ورحمة الله
علي : شلونك ابن العم
أمير :هلا ماشي الحال وين جنت اليوم
علي :عندي ندوة بالجامعة خلصتة واجيت يلة گوم خلي نجيب الأكل وين أحمد شو ماكو
أمير :هسة جاي بالطريق يلة گوم بين مايجي مرخصتكم
الكل :مرخوص شيخ
..................................
إيه :دخلو أمير وعلي علمود الأكل
أمير :يمه جهزتو الاكل تره اتاخرنة وعيب من الناس
ام أمير :جاهز يمة جاهز
أمير :يمه خلي البنات كله تطلع من المطبخ هسة الشباب تطب وتطلع
ام أمير :يلة بنات دخلن جوه بسرعة
إيه :ليش عمة خلي انساعدج
أمير :بخزرة اني شگلت الكل برة يلة
اية :عابت والله اله يخزر ويصيح دخلت جوه ادردم وره نص ساعة رحت للمطبخ سويت الجاي ومنتضرين الانتقام المواعين شوية وجابوهن الولد واني انحصرت بالمطبخ اووف دنگت راسي لان هاذ ياسر ابن عمتي اكلني اكل بعيونة يووو كملت دخل أمير هسة يرزلني
أمير :اني شگلت الكل برة يلة وانته ياسر اطلع اني اجيب الجاي
إيه :جاي اطلع وجان لزمني أمير من ايدي قوي
أمير:اني شگلت ليش تعاندين يابة ايه قسم بالله اذا حجيت كلمة بعد وتعاندين راسج اكسرة مفهوم وهسة مااريد اشوفج بالمطبخ
إيه :عوف ايدي وجعتني
أمير :يلة بسرعة طلعي وصيحيلي أمي
إيه :حاضر اووف عابت والله وحش شوف شسوه بيدي 🥺عمة أمير يريدج بالمطبخ
............................بالديوان
ابو ياسر :شيخ اني جايك بطلب اليوم واتمنة متردني خايب
الشيخ رحيم :امر بوية ماعاش الي يردك
آبو ياسر :والله يشيخ اني اجيت اطلب منك الگرب وهاي گدام كل الموجودين
الشيخ رحيم :بستغراب من منو تطلب الگرب بوية
ابو ياسر :والله يشيخ اني طالب ايد ايه بنت الشيخ محمد لابني ياسر
الشيخ رحيم :استغرب من طلبة وهوه يباوع ل الي گاعد بصفة ولازم قبضة ايدة ويحاول يسيطر ع اعصابة هدي بوية أمير لاتتهور
أمير :حاضر شيخ بس خليني اني احجي مرخصتك
الشيخ رحيم :مرخوص بوية
أمير :بكل ثقة وصوت حاد عمي ماكو نصيب
ياسر :بصياح وانته منو حتئ تدخل الشيخ موجود
الشيخ رحيم :ياسر لاتعلي صوتك هاذا الشيخ أمير ومقامة من مقامي واضاهر نسيت هوه الشيخ من بعدي وكلامة يمشي
أمير :بعد عمر طويل جدي
ياسر :بس جدي بس اني رايده من زمان وكانو بهاي الكلمة هدم كلشي أمير حاول يسيطر علي وهوه غضبة
أمير :وگف وحجة بصوت رج الديوان الكل يسمع والحاضر يعلم الغايب الاسبوع الجاي مشيتي على بت عمي ايه بت الشيخ محمد وطلع من الديوان
ابو ياسر :شنو هذا الحجي عمي
الشيخ رحيم :ماحجة شي غلط وهوه ابن عمه وأوله بيه من الكل
ياسر :امشي بوية المكان الي نداست بي كرامتنة منبقى بي وطلعو وخابر ع امة حتئ تطلع
علي :هدي ابو فهد متسوه الشغلة
أمير :لك علي هذا الحقير الكلب حاط عينة الزفرة عليه وانته تدري كلشي ولا ايه انته ناسي اني الربيتة اني النومتة ع هاي ايدي لك هاي بنتي من عمرة سنة واني جان عمري سبع سنوات جنت اگل لجدي ايه الي لك هيه النفس اليصعد وينزل لك حتئ وخرت عنه حتئ لاائذيه بحبي لان ادري بنفسي عصبي ومااتحمل لك حاولت انساه بس ارجع اعشقة اكثر واكثر لك صارت إدمان الي اني أمير الدواوين كله تهابني بس يمر طاريي لك اني لملعب داعش ع ايدي لك اني ابو گلب قاسي يسموني ويگولون ماعندي گلب يمه يتبخر كلشي اني البنات يركضن وراي ويردن بس اشاره مني بس هذا الگلب هذا شسويلة كل هاذا واجيت هسة وحاولت اتقرب منه لان ادري هيه تخاف مني وتضوج بس اجة هذا الحقير وخرب كلشي أكيد هسة راح تكرهني بالزايد واني ادري بروحي عصبي وهيه عنودية ومااتحمل وائذية
علي :لك أمير ملاحظ انته أول مره تحجي على ايه لك جنت اتوسل بيك تحجيلي تفضفضلي بس جنت تتهرب من الموضوع وهسة اجيت من وحدك حجيت أمير اني ماالگة احسن منك لأختي واني ادري بيه طفلة وطايشة وبس انته تتحمله أمير اصبر عليه وهدي أعصابك وكلشي ينحل وداعتك
أمير :ههه طفلة لك هاي الطفلة دمرتني انته تدري ليش خليتة تروح لبغداد لان ادري بنفسي راح ائذية بغيرتي عليه واني ادري بيك انته تحميه وتكون گد المسؤولية ولالحضة راحت من بالي بس لو اعرف شنو مسويتلي جان ارتاحيت
علي :هههههه يمعود هوه احنة حضنة نحب زعاطيط نصوم نصوم من الزواج ونفطر ع جهال يله ابو الشباب فكة عاد انگلبت روميو علينة
أمير :گوم لك عار صوجي گاعد يمك لو نسيت من تجيني وتضل تشعر وتصير شاعر براسي من وره فاطمة
علي :لك هوه شمحصل اني
أمير :انته صوجك متتحرك شمنتضر
علي :لك خليه بالگلب احسن ويجوز اصير مثلك وفجأة أعقد عليه
أمير :هه دگوم خلي نطلع ختنگت الله وكيلك
علي :يلة امشينة خلي نروح للشباب كلساع داگين عليه اگلك صدگ شوكت تلتحق
أمير :بعد ٨ايام
علي :خوش لعد حتى تعقد ونرجع لبغداد عندي شغل وامتحانات ايه هم
أمير :انشاءالله علي مااوصيك بعد
علي :لاتشيل هم ابو فهد
.........................
إيه :چنة گاعدين وفجأة نسمع صياح عمتي بغرفة بيبي
الجدة :ولج يمه شبيج متگليلي
ام ياسر :يمه ابني شنو ناقصة حتى تردونة ومتنطونة مره
الجدة :يمه هوه منو راده
ام ياسر :ابوي رادة ليش هوه مو شاب وكامل شنو ناقصة بلة لو أمير بشنو احسن منه
الجدة :ولج يمه أمير شدخلة وهوه ابنج رايد منو من البنات
ام ياسر :راد ايه بت محمد وأمير سامع هيج وگايم واگف بنص الديوان ويصيح ايه الي والاسبوع الجاي مشيتي عليه
إيه :عبالك اتكهربت عقلي كلشي مجاي يستوعب شنو أمير شنو مشيتي عليه
الجدة :ولج يمه انتي قابل متدرين ايه ل أمير
ام ياسر :يمة انتم لحد هسة مفاتحين الموضوع ومخلينة سكتة ومحد يدري أيه ل أمير بس احنة بيناتنة واني گلت يمكن سدو السالفة وابني خاطرة بيه من زمان گلت خل اخطبه اله
الجدة :هوه أمير ميرضة احد يفتح هذا الموضوع ومدام صار هذا هوه. هوه أوله بيه وبت عمه وهوه رايده من زمان واذا ع ابنج البنات ضالات خل ايأشر واني اخطبلة
ام ياسر :مشكورة يمه يلة مع السلامة ابو ياسر منتضرني برة
إيه :بعدني ع وگفتي وصفنتي همه بكيفهم يصرفون شنو مشيتي الاسبوع الجاي شنو رايده قابل لعبة باايدهم والله مااوافق مو بكيفهم رحت صعدت ركض للغرفة وقفلت الباب وگعدت ابجي لان ادريي راح اتعذب هوايي ومحد راح يتجرأه يگل لأمير لا هه لان طبعا الشيخ أمير منو يرفضلة طلب لك حتئ جدي ميعارض كلمتة حقير شگد اكرهك 😭😭ضليت ابجي
فاطمة :ايوو حبي فتحي الباب لخاطري
إيه :هئئئ مااريد احد وخرو مني
نور :ايوشة فدوة فتحي الباب لاتخوفينة عليج
إيه :فتحت الباب شكو لاتخافن ماانتحر 😭ليش هيج سوه لج تدرين بيه مااطيقة لج هوه حرمني من طفولتي ماخلاني العب ولااطلع بالشارع ترديني هسة اكمل حياتي وياه لج هوه ولامرة حجة وياي وسئلني ع احوالي لج من شفته وشافني بس يصيح ويرزل 😭وانتن تدرن بيه ماأحبة ماأحبة ياناس فهموني 😭لج اني اخاف منه لج حتئ اخاف اخلي عيني بعينة شلون ترديني اعيش وياه بغرفة وحدة
فاطمة :هدي يعمري لاتسوين بنفسج هيج والله أمير اني اعرفة وحاسة بي يحبج انطي فرصه ليش تحكمين علي من طفولتج والله هوه گلبة طيب لج سئليني علي اني عايشة ويا
إيه :لج ياحب لتحجين علي لج هوه ماعنده گلب گلبه قاسي شلون يحب
نور :ايو تعرفين أمير عصبي بس والله حنون ليش متنطينة فرصة وتتقربين منه
إيه :لج نور يافرصة لاتخليني اگوم اخنگج لج انتي تدرين اني جنت متعلقة بي كلش هوه جان يلعبني ويوكلني وينومني ويدرسني لج جنت احسة ابوي بس فجأه يختفي من حياتي واشوفة بالسنة مره وهم ياريت اشوفة مثل الاوادم لو يصيح لو يخزر لو يرزل لج احسة كرهني كرهني واني هم كرهتة ماشي كرهته لان عافني واني لجنت بس يمه يله انام،واكل والعب 😭
فاطمة :خلص حبي كافي مو زين عليج والله لاتسوء حالتج وانتي تعرفين شيصير
نور :😳فاطمة عل شنو تحجين وليش تسوء حالتة انتن شنو ضامات عليه هاا
فاطمة :اشش سكتي لااحد يسمعج
نور :احجي لعد ايه شبيه
فاطمة :ايه بيه....................

للقصة تكملة......... لاتنسون التصويت والتعليق حتئ اتشجع واكمل القصة احبكم 😚😚 الجاي 🔥🔥🔥🔥