عشگ الضابط أمير

البارت الثاني

هلاوو حبايبي 😍🙋🏻‍♀️
🌺🌺🌺🌺🌺🌺🌺🌺🌺🌺🌺🌺

ام أيه (ليلى):ولج يمه گومي تأخرنة ورانة طريق
أيه :يمه بس شوية والله نمت متأخره 😴
ليلى :ولج ياشوية الساعة ب ٥ هم يلة نطلع
أيه :اي اي گمت اوووف
ليلى :يله فضية صلي ونزلي اتريگي مو تتأخرين
إيه :حاضر حاضر. گمت سبحت وبدلت لبست بنطلون اسود وقميص قصير لون وردي فاتح وشال مشجر ومكياج خفيف لان اليوم راح نروح للبصرة اليوم خميس ومداومت انطونة عطلة اسبوعين علمود امتحانات نهاية الكورس الأول وجدو مريض شوية بابا گال خلي نروح نشوفة مدام عطلة المهم صليت ونزلت صبااااااااح الخيررر 😁

ليلى :ومرض طرشتي اذني هوه هيج اليصبح
علي :صوتج لج منا ناس 😡
إيه :حاضر علوش تأمر أمر ورحت بست راس ماما وراس بابا وگعدت اتريگنة وطلعنة بسيارة علي واني نمت لان اني تلعب نفسي من الطريق وانام احسلي المهم وره شوية گعدت لگيت الساعة ب ٧ودخلنة مطعم غسلنة وعلي جاب حلويات وعصاير واكلت شوية وهم رجعت نمت😁گعدتني ماما
ليلى :يلة يمه گعدي وصلنة مشبعتي نوم
أيه :اي ماما ونزلنة لكيت عمامي وولدهم گاعدين بالحديقة احنة بيت جدي كبير وبي حديقة أمامية وخلفية يجنن زرع واشجار فواكهه ترد الروح المهم سلمنة عليهم وراحو للديوان واحنة دخلنة للبيت لكيت نسوان عمي بالمطبخ هلا هلا بالصاكات شلونجن

ام فاطمة (إيناس) هلا ام لسان شلونج ولج مشاءالله صايرة تخبلين
اية :رحت حضنتهن والله اني من اصلي حاته😌وين بيبي شو ماكو
ام أمير (أميرة) بالغرفة مالته تلگيه
نور:هلا هلا بالعووبة الحقيرة مدگولين عندي بت عم اسأل عليه حقيرة صارلج سنة متجين 😒
اية :اجتني نور جنه خبلة تركض وحضنتني طبعا اني صارلي سنة مجاية لان دائما دراسة وتعبانة ومااجي ويه اهلي هلا حبي عذريني والله دراسة ومجاية وين فوفة (فاطمة) شو ماكو
نور :بعدهي بالجامعة هسة ساعتين وتجي
اية :اهاا والله مشتاقتلة لعد انتي ليش ممداومة ولج
نور :والله مااعندي شي وتعاجزت اگوم الصبح اداوم😁
اية :هوه انتي شوكت منعسانة تنبل مال نوم
نور :وانتي مقصرة عيني 😒
أيه :ديلة يله امشي خل اروح لبيبي مشتاقتلة بگد رحمت الله دخلت لغرفة بيبي ركضت حضنتة حيلل والله مشتاقتلج ولج زهرة
الجدة (زهرة) ولج بگدج تناديني زهرة
ايه :اووي بيبي ع كيفج وياي ايدج والعوجية غير مشتاقتلج اممح💋فدوة للخدود الله يساعد جدي ع هل الخدود 😉
الجدة :ولج اشو مستخفة طاح صبغج ام حلگ امشي گومي لابارك الله بيج
ايه :هههههه گايمة وديربالج ع جدي 😉هههه طلعت اركض اجت ترگعني بالعوجية 😂يلة ولج نور اخذيني اريد اسبح وارتاح تعبانة
نور :يلة تعالي للغرفة
ايه :يي عفية ودخلت للغرفة مگلوبة گلاب هايي الخبلة هستوه گاعدة من النوم ودخلت سبحت وگلت لنور لج سمعيني اطلع الگة الغرفة تلمع ام الوسخ
نور :عابت والله هستوني گعدت وملحگت المه هسة تجي فطوم وتلمة 😁
اية :نجبي لج كله برأس فطوم انتي شنو شغلج يله يله لمي وسكتي
نور :خوش خوش دخلي وخلصينة
آية :طلعت وذبيت نفسي ونمت وگعدت وره ساعتين اجت هايي الخبلة فززتني وگعدتني
فاطمة :دخلت للبيت جنت بالجامعة تعبانة موووت حارة تسمط سمط بعد البصرة دخلت وشفت حسن وحسين اخواني وعلي گاعدين بالحديقة شافني علي وخزرني يمه شبي هذا بسم الله بعدني مدخلت انوب شفت عيونة ع رجلي دنگت يوو شوية التنورة قصيرة جنت لابستة بينصل وحذاء رياضي وحجل رحت سلمت عليهم السلام عليكم
علي :بخزرة هلا بت العم عاش من شاف شلونج
فاطمة :هسة غير ينزل عيونة يمة يصير يخوف من يخزر بس يمة شطالع غير يخبلل لابس بنطلون اسود وقميص بيجي والدگم البداية مفتوحة وحذاء رياضي اسود هلا بيك الحمدللة ع السلامة اني داخلة بااي يمة فلتت مو عيون ليزر والله دخلت للمطبخ شفت نور وماما وعماتي سلمت ع عمة ليلى وسئلت ع اية گالن نايمة بالغرفة گعديه خلي تصلي وتتغدة وياج لان متغدت صعدت للغرفة فتت ع كيف وگفت يم راسة وصحت عاااااااا وهية خطية طفرت من الفراش😂
اية :وسم وزقنبوت حقيرة نذلة هيج هوه اليگعد عابت ولاتبطلين خبالاتج
فاطمة :هههههه شلونج ولج انتي الحقيرة صارلج شگد متجين وحضنتة
اية :هلا والله مشتاقتلج مووت شلونج شلونة الجامعة وياج
فاطمة :سكتي يمعودة ظيم وظلايم وتعب مووت يلة گومي صلي علمود نتغده جوعانة كلش
اية :ام بطن هوه شوكت مو جوعانة يلة گايمة گمت صليت ونزلنة تغدينة بالمطبخ ونسولف ونضحك وبعدين دخل علي راد جاي لان ضيوف بالديوان
فاطمة :مندمجة وية ضحكتي دخل علي 😳ونوب شلون ضحكة توصل لسابع جار خزرني يمه
علي :صوتجن منا ناس لاتخلني ابتلي بيجن وگومن سوون جاي بسرعة
ايه :حاضر عشر دقايق. راح علي
فاطمة :ع كيفة شدعوة ميتحاجة بس يخزر
اية :هوه هذا طبعة عصبي متعرفي وأما ع الخزرة هوه يخزر بس ذولاك الناس 😉وطفرت بسرعة وضلت تركض وراي 😂
فاطمة :حقيرة اني اعلمج عابتلج انتي واخوج طوووب الطمت بشي صلب رفعت راسي يمةةةةةة لگيته واگف گدامي وعيونة حمر وقابض ايده بس لا سمعني 😦
علي :ولج هايي عليمن تغلطين واني لازم ايده قووي بصياح
فاطمة :اسفة والله مو عليك اخخخ ايدي جان لازمة قووي واني شوية وتوگع ادموعي
علي :نترت ايده احترمي منا وهيج فهمتي وخبال بطلن شكبر الوحدة وتركضن ايه وين الجاي
اية :خطية فطوم وگعت بيه يي كمل الجاي بس اصبة
علي :يلة بسرعة واخذتة وطلعت اني من جنت صغير احب فاطمة وجنت اغار عليه من الهوا واني جنت مربيه ع ايدي ودائما أمنعة تلعب لو تطلع بالشارع وهية جانت متعلقة بيه هوايي واني امووت عليه النفس مالتي وجان عمري ١٩گلت لجدي وابوي َعمي اني فاطمة الي بس هسة بعدهه صغيرة واني راح اسافر ومن ارجع يصير خيرر وهمه محد اعترض وحتئ عمي گلي گبع واخذ وهية الك ومتصير لغيرك بس هذا الحجي كلة بس بيناتنة محد يدري بي من النسوان وسافرت اربع سنين ورجعت وهية كبرانة وداخلة جامعة طب اني نصدمت منه اني بطبعي جامد وماعرف اعبر جنت من اخابر ايةة اسأل ايه عليه بصورة غير مباشرة وهية دگلي زينة بس انصدمت من سمعت داخلة طب صح اعرفة شاطرة وتحب الدراسة بس ماتوقعت وشفته صايرة تخبل وتنگرط گرط واني گلت مو هسة اتقدملة خلي اكون شغلي هنا يلة المهم احنة عشنة بغداد وصرت كل اربع خمس أشهر اروح للبصرة لان أدير شركتنة هنا وجنت اشوفة واتنهد واني ميت غيرة عليه شلون اداوم والشباب تشووفة بس مردت ابطلة وتكرهني مع اني اگدر كلشي اسويي ومحد يفك حلگة بس خليتة ع راحتة واليوم اجينة للبصرة الظهر دخلت هية جاية من الجامعة اني شفته وعيوني نطت لبسة ضيگ وقصير ولابسة حجل اني اتخبلت وهية شلون صايرة انوب غير تموت بدي املخة اجت سلمت وراحت الظهر دخلت للمطبخ واني يم الديوان اسمع صوت ضحكة فتت لگيتة هية التضحك اني گبيت يعني الديوان كله سمعة عطت بيهن وصعدت للغرفة غيرت ملابسي نزلت وهية جانت تركض وره ايةة وسمعتة تغلط عليه اني اتخبلت شلون تجرء انضربت بية واني لزمتة وظليت أصيح عليه بس من شفت دموعة تندمت وونزلت ايدي اذيتة بس هية التجبرني بتصرفاتة
اية :فطوم لاتضوجين متعرفين علي عصبي وميتحمل
فاطمة :واني شعلية هيج يلزمني ويعيط عليه شوفي شسوه بيدي وحش والله اخخ توجع😭
اية :اووف حياتي كافي يلة تعالي اخليله دهن ونامي يلة انتي تعبانة نزلت نور جانت تنضف فوگ
نور :شبيج حياتي ليش تبجين ولج شصاير
اية :مابية شي بس علي عصب عليه ولزم ايدهه بقوة وأذاه
نور :اووف يلة گلبي همه هذا طبعهم ميغيرو وخو علي يشبهه أمير بالعصبية
اية :يلة كافي گومي صعدي ارتاحي وهسة انضف المطبخ ونجي وراج صعدت فطوم واني گلت اله احجي وية علي خطية ليش هيج يسوي بيه المهم نضفنة المطبخ اني وننوش وجايي اصعد دخل علي گال انطيني مي عطشان انطيتة وگتله علوش ليش هيج ويه فطوم والله خطية اذيتة وگامت تبجي من ايده
علي: ع كيفة شسوتلة اني
اية :ادريي بي يحبة ويغار عليه بس اخوي واعرفة عنيد وميعترف وميعرف يعبر عن مشاعرة صعدت للبنات ضلينة نسولف ونضحك ونكنك ونصنف ع بنات عماتنة شگد يضوجن ومنحبهن طبعا مو كلهن وجابن سيرت أمير گالن باجر ينزل من الدوام اني سكتت محجيت شي المهم بعدين فطوم نامت ونزلنة اني وننوش جوه ولاگاني احمد
احمد :هله والله بالضلعة شلونج ولج صايرة صاكة 😉
آية :هلة بالقرد طبعا اصلا اني من گاعي افلش 😌
احمد :نفخت ريشاته الصخلة
اية :منو الصخلة لك قرد اني اعلمك بليل اذا مسحلتك بالدومنة 😌
احمد :نشوف عيني نشوف يلة اني صاعد نور گعديني وره ساعتين عندي موعد
اية :ها لك موعد شنو 😉
أحمد :شعليج انتي بس خل اگلج لاتموتين من فضولج عندي موعد وية حاتة جديدة 😉
اية :اضرب لك بس والله حرام عليك توب يااخي كل يومية وحدة
احمد :قابل اني راكض وراهن هنه يركضن وراي يشوفني طول وجسم وعيون خضر 😏
اية :يي توم كروز حضرتك دطير بابا طير
احمد :ولي لج لاابتلي بيج نعسان وخري من طريقي 
نور :يلة ولج مشتهية كيك سويلنة حبابة خوش تسوين كيك
اية :طبعا منو يلحگني بالكيك 😌
نور :يبوو شالت خشمة ام خشم
اية :لج تره ابطل ومااسويي
نور :يله عيني يله لاتذلينة ووسوينة كيك وجايي وگعدنة بالحديقة كلنة احنة وعماتي وجدتي وشوية واجو الولد وساندين جدي خطية تعبان هل الفترة
اية :هله هله بجدي وگمت حضنتة الحمدللة ع السلامة يعمري شلون صرت طبعا اني كلش متعلقة بجدي احبه
الجد :هله بنيتي الحمدللة لاتخافين عليه گده وگدود انتي شلونج بوية مشاءالله كبرانة صايرة عروس
ايه :خجلتني جدي 🙈
الجد :هههههه لاجدي صار لازم نستعجل ونزوجج لهذاك الزلمة
اية :يوو هم جابو سيرتة😒بعدني جدي صغيرة خلي اكمل دراستي احسن
الجد :انشاءالله بوية
اية :گعدنة نأكل ونسولف وفجأة عيني طاحت ع علوش لگيتة صافن لفاطمة ورايح لغير عالم احم احم علوش وين صافن خبيثة مو بيدي 😁
علي : شبيج تصيحين صافن بشغلة
فاطمة :عابت اكلني بعيونة ولااخذت راحتي همزين گام
علي:يلة بوية اني طالع وية صحباني واتأخر بليل لايضل بالك
ابو اية (محمد) روح بوية ديربالك بسيارة مو تطير مثل كل مرة ع كيفك
علي :حاضر يابة يلة مع السلامة
اية :طلع علي وفاطمة اخذت نفس قوي ليگول جانت مختنگة 😂
نور :لج عووبة عود ليش عمي يوصي علي ع كيفة
اية:لان علي مشاءالله طاير بالسيارة بي طبع سواقتة طايرة ومرة اجة يسوي حادث اله شوية ربج ستر
نور :يااا وشدعوة طاير ع كيفة يلة بنات خل ندخل نسوي عشا ورانة المسلسل
اية :يي والله صارلي يومين ممباوعة ع المسلسل يلة گومن.........

وللقصة تكملة..... أتمنا تصوتون وتعلقون لان البارتات القادمة مشوقة وناار🔥🔥تابعو 😚😚