عشگ الضابط أمير

البارت الخامس والعشرين

#⁽♔₎┋آيهـ آلُِبَيآتي ┋:

شو دِضحك !
امك من تنست بيك
مّدري اشـ حَطَت
بـ ملحك ، شو دضحك
خل نلغيهه شمس الله ،
ونفك ارياگنه بصُبحك ♥️
🌾🌾🌾🌾🌾🌾🌾🌾

نور؛ فتحت عيوني بالگوة منعسة ونايمة بغرفة جدتي شفت موبايلي لگيتة ب٩ خل اكمل نومتي مدام اليوم جمعة خليت راسي وطسيت بالنوم.......
أحمد؛ يمة وين نور شو ماكو
ام أمير؛ يمة نايمة بغرفة جدتك محتاج شي اني اسوي الك
احمد؛ لايمة سلامتج ممحتاج شي بس من تگعد گليله أريده.......
....................
إيه؛ سمعت الموبايل يدگ ضليت واني مغمضة عيوني ادور علي
أمير؛ دفتحي عيونج
إيه؛ فتحت عيوني لگيتة طالع من الحمام وشعرة ينگط مي گتلة فدوة انطينا مابية حيلل اتحرك جسمي مكسر
أمير؛ شبيج مريضة
إيه؛ لا بس مشابعة نوم.. گعدت وناوشني الموبايل لگيت مكالمة من زينب اختي گلت بصوت زينب شعده من الصبح...
أمير؛ ياصبح هذا دشوفي الساعة
إيه؛ باوعت عل الساعة ياا عزا ب ١١ ونص هاي شگد نايمة وماادري بروحي... دگيت عليه... الوو هلا حبي شلونج الجهال شلونهم
زينب؛ هلا ايوو الحمدللة يسلمون عليج اكلو راسي مشتاقين ل ايوو
إيه؛ فدووة حيااتي واني هم... شوكت تجين اشتاقينة الج
زينب؛ بعد مو هسة انتي شلونج اهلي
إيه؛ الحمدللة بخير ناقصنة شوفتج
زينب؛ انشاءالله اخذ اجازة واجي
إيه؛ هلا بيج.... ختمت اتصالي بيه وأمير واگف يمشط....
أمير؛ يله لحگيني
إيه؛ هوه نزل واني بعدني مقفلة من النعاس گلت خل انام شوية وانزل بس حطيت راسي غفيت..........
.........
فاطمة؛ علي الله عليك عوفني نايمة والله تعبانة من القراية والسهر
علي؛راح تصير ب ١٢ گومي يله وكملي نوم الظهر
فاطمة؛  فدوة علي ونبي منعسة خليني شوية وأنزل
علي؛ ماشي نازل اني نص ساعة الگاج جوه
فاطمة؛ حاضر......
.....................
زهرة؛ جا وين نسوانكم
علي؛ باوع ل أمير وضحك....
زهرة؛ اي ضحكو نايمات الخوانم اني اعلمهن ضامتلهن ضميمة العصر.......
.......
ايه؛ فزيت وباوعت عل الساعة خرب ب١ غسلت وبدلت.. لاگتني فاطمة..... لاتگليلي هستوج گعدتي
فاطمة؛ اي ونبي هستوني اخذتني نومة
إيه؛ دنزلي نزلي شيخلصنة من زهرة.. وصدگ نزلنة لگيناه متخصرة واگفة بنص الصالة وعلي وأمير گاعدين هم گلت بغباء صباح الخير
زهرة؛ مساء النور عيني
إيه؛ ههههه ليش معصبة زهورة وگرصتة من خدة اشو ضربتني بالعصا عله رجلي واني طفرت... اخخ بيبي عله كيفج هاي فوگ ماادلعج
زهرة؛ ولج يالمسعدة شعندج گاعدة جان كملتي نومج انتي وهاي الفاهية
فاطمة؛ بيبي والله تعبانة واخذتني نومة
زهرة؛ ومنين تعبانة عيني وتباوع ل علي
فاطمة؛ عزااا صارت خدودي حمر فهمت غلط وانوب أمير گاعد... لا بيبي فهمتي غلط والله تعبانة من الدراسة والامتحانات.... عزاا انوب جفصت واگله فهمتي غلط اباوع ايه ميتة من الضحك وأمير وعلي كاتمين ضحكتهم يمة صرت هل الگدوتني من الاحراج گبل رحت للمطبخ.......
علي؛ عل كيفج يمة خجلتي البنية
زهرة؛ انته الصم هواي منطيهن عين ومدلليهن..... ولج فطيم ايه وينجن
إيه؛ هاا بيبي
زهرة؛ وجعة تعاي هنا وصيحي هذيج
إيه؛ خرب شيخلصنة اليوم صحت فاطمة ورحنة للصالة تخيلو گاعدة عل التخم واحنة واگفين گباله شلون المسويات شي وجاي يتعاقبن وانوب القهر أمير وعلي گاعدين ويضحكون علينة وزاد الطين بله من طلعت نور من غرفة جدتي تثاوب ونوب تگول..
نور؛ صباح الخير بيش الساعة
زهرة؛ وعله تعاي هنا
نور؛ايوو بيش الساعة بدون زحمة
إيه؛ ب١
نور؛ خرب ولاحسيت
زهرة؛ ولج انه شگلت تعاي هنا
نور؛ اجيت بيبي
زهرة؛ أسمعن العصر تسون خمس كيالو كليجة وچرك وكاستر وحلاوة وشربت نومي
إيه؛ هااا شنو السالفة بيبي وين نلحگ وبعدين شنو كليجةة عيد وماادري
زهرة؛ اي أريده ثواب للموته
إيه؛ والموته اله كليجة يله ياكلون.... اني گلت هيج وهذن ماتن من الضحك حتى أمير وعلي يضحكون
زهرة ؛ ولج ام لسان احترمي وهاي عقوبة الجن حتى بعد متگعدلي للضهاري....
إيه؛ عافتنة ومشت عود صدگ غير يطيح حضنة.. رحت گعدت بصف أمير واتئفف
فاطمة؛ خرب اضافري راح يتكسرن والله
علي؛ هسه انتي خايفة عل اضافرج اصلا اني گتلج اول وتالي تگرضيهن وهل اجت عدلة
فاطمة؛ علي لاتضحك ونبي اليوم اجيك ميتة وانوب ملگت غير الكليجة تكسر الضهر
علي؛ سم الله عليج بنيتي وهم تستاهلين حتى من اگلج گعدي تصيرين شطورة وتگعدين گرصة من خشمة وگام....
نور؛ تم سحقنا رسمي من قبل زهرة هههههههه......
إيه وفاطمة؛ ههههههههه اي والله
................
نور؛ صعدت ل أحمد يريدني دگيت الباب
احمد؛ تعاي گعدي واحجيلي كلشي
نور؛ اووف احمد يعني مراح تعتقني يااخي كل الگدر اگولة الك انو البنية مموافقة عليك
احمد؛ شنووو وليش بله
نور؛ يااخي سمعتك طاشة بالجامعة وهية سامعة وگالت اني ماأحب هيج نوع من الشباب وگالت گليلة ماكو قسمة والله يوفقة
احمد؛ ماشي طلعي انتي
نور؛ احمد لاتضوج يجوز مو من قسمتك
احمد؛ الله كريم.....
...................
إيه؛ أمير طلع العصر عنده گعدة هوه وجدي واحنة طبعا اتجهنة للمطبخ وبدينة نشتغل عجنة الكليجةة وطبعا طلبنة المساعدة من آيات ومريم زوجات حسين وحسن اخوان فاطمة همه عازلين وحدهم بيت بصفنة لان هنه اخوات وخوش بنات حبابات بس من الجهال والهوسة عزلو اثنينهم بيت وحدهم وطبعا بدينة نلف كليجة وشي تسوي حلاوة وكاستر يعني بين قوسين ظهري انكسر بلشنة ب ٣ و خلصنة ٧ وجدتي جابت جهال الجوارين يوزعون للمنطقة وهمه كيفو لان راح تنطيهم فلوس ماكو شي بلاش 😂خلصنة توزيع جدتي ماخلت بيت بالمنطقة مانطتة لان سوينة خير من الله اخير شي نضفنة المطبخ وصعدت گبل للحمام سبحت وطلعت مااحس لابايدي ولاضهري گبل نمت بدون تفاهم وماگعدت اله عله أمير يگعدني رفعت راسي بتعب...
أمير؛ بنيتي شبيج ذابة روحج
إيه؛ جسمي مكسر تكسير ونمت بسرعة.. بيش الساعة هسة
أمير؛ ب ٩
إيه؛ ماشي راح انزل اسويلك عشا
أمير؛ مااريد متعشي بره... كملي نومج
إيه؛ ماشي وصدگ نمت للصبح.......
.................
فاطمة؛ خلصت من المطبخ صعدت سبحت وانوب عندي قرايه طاح حضي من الامتحانات والله... خليت المنبه عل ١٠ ونمت....
علي؛ حبيبي فاطمة  شبيج ميته لو نايمة
فاطمة؛ هاا
علي؛ بدت الفهاوة صحصحي بنيتي
فاطمة؛ اوف شبيك وياي عله كيفك خل استرجع الذاكرة
علي؛ وهسة سترجعتي ذاكرتج
فاطمة؛ اي نمت من التعب
علي؛ دگومي المنبة صارله ساعة يدگ وحده
فاطمة؛ عزا بيش الساعة. باوعت لگيتة ب ١١ يبوو گمت ركض طلعت الكتب وگعدت اقرة تقريبا وره ساعة تذكرت علي خاف بعده ممتعشي.. علوش اسويلك عشا
علي؛ بعد وكت
فاطمة؛ هههه شسوي تكسرنه من الشغل وحتئ عندي امتحان باجر ومجاي اركز من التعب.... هسه انزل اسويلك
علي؛ مااريد متعشي بره...
فاطمة؛ وين متعشي
علي؛ اني وأمير بمطعم صاحبنة..
فاطمة؛ اهم بالعافية رجعت اقرة وهوه يشتغل عل الحاسبة بعدين دگ موبايلة وهوه يمي عل الطاولة شفتة بس رقم گتلة حبيبي موبايلك
علي؛ منو
فاطمة؛ بس رقم... گلي فتحي سبيكر لان جاي يدز ايميل للخارج.. فتحتة اجة صوت بنية مايع وتدلع ... رحت وگفت فوگ راس علي والموبايل بأايدي ويحجي وياه
مرحبا استاذ علي
علي؛ اهلا منو حضرتج معرفتج بله زغره
... ههههه لا مومشكلة اني غدير صاحبتة مشروع دبي
علي؛ اهلا أستاذة محتاجة شي اني جاي اتواصل ويه اخو حضرتج علمود المشروع
...... اعرف بس حبيت اطمئن عل المشروع وشوكت نگدر نستلمه
علي؛ والله جاي اشتغل علي حاليا انشاءالله تستلمي بوقتة
.... تسلم استاذ علي متقصر والله اني گولت ل أخوية خل نسلم المشروع ل علي لان سمعتة حلوة بكل الدول
علي؛ وهوه يحك راسة لان فاطمة شوية وتكسر الموبايل... متقصرين من ذوقج يله اني اترخص
.... بااي استاذ عليي......
فاطمة؛ يحجي وياه وهذيج تدلع وعلي وعلي ونبي لو حاجية بعد كلمة جان كسرت الموبايل.. چتفت ايدي واباوع ل علي وأريد اخنگة بأايدي
علي؛ هههههه شبيج عبالك متهم گبالج
فاطمة؛ لاتضحك منو هاي
علي؛ مو سمعتي وحده مستلم مشروع اله بدبي
فاطمة؛ سمعت بس ليش تخابرك اذا انته دا تواصل ويه اخوه
علي؛ من حقة غير مشروعة وجاي تستفسر علي
فاطمة؛ هاا حقة موو.. دا احجي وهم دگ الموبايل باوعت مكتوب أستاذة هند.... لا تريد اموتك اليوم
علي؛ حبيبتي شبيج
فاطمة؛ منوو أستاذة هند
علي؛ بهمس خرب حضي وكته هسة... هاي زبونة وداعتج
فاطمة؛ زبونة گلت وشعدهن يدگدگن بنص الليل..... فتحت الخط وخليته سبيكر..... وحجت ويا وانوب شايله الكلفة تگلة علي بدون استاذ وتتلوگ خلص وباوعلي... گتلة واني ميتة غيرة وقهر ودموعي شوية وتوگع....
شنو هاي علي
علي؛حبيبتي وداعتج زبونة وبس
فاطمة؛ زبونة وتخابرك بنص الليل وتتموع وعلي وعلي موو... شنو شايفني طرطور هنا ويخابرن ميدرن بيك مزوج لو شنو الموضوع
علي؛ حبيبتي غير شغل
فاطمة؛ علي لاتستفزني شنو شغلل شغل بنص الليل لو بس ذاك اليوم من شفتني واگفة ويه الطلاب گلبت الدنيا عليه معناه هم راح اگلك دراستي ماشي
علي؛ بصياح فاطمة لا تخربطين بالحجي
فاطمة؛ هاا وفوگاه تصيح گوم اضربني علمودهن
علي؛انتي شبيج تدورين العركة جاي اگلج شغلي يعني شلون اعوفة
فاطمة؛ صرت ادور العركة هسة موو.. ماگتلك عوف شغلك بس احترمني
علي؛ بصياح استغفرالله بابا شبيج منو ممحترمج
فاطمة؛ نزلت دموعي... لا تستغفر مو گدامك شيطان سحبت الروب والشال وطلعت وطبگت الباب حيلل يمكن اتكسر ونزلت گعدت بالصالة وابجي... بعدين طلعت جدتي من الغرفة وشافتني گاعدة
زهرة؛ يمة شبيج گاعده وحدج وعايفة رجلج
فاطمة؛ مسحت دموعي ماكو شي بيبي بس ضايجة شوية
زهرة؛ يمة شبيج جاي تبجين
فاطمة؛ نزلت دموعي من جديد وهيه خطية اجت گعدت بصفي واني خليت راسي عله رجله
زهرة؛ احجي يمة علي سوالج شي
فاطمة؛ تعاركنة وضل يصيح عليه
زهرة؛ ليش يمة ميصير بعدكم عرسان مو من هسة مشاكل وعرك
فاطمة؛ بيبي والله غصبن عليه هوه قهرني
زهرة؛ اسم الله عليج يمة گومي صعدي لغرفتج واتفاهمو ميصير تعوفينة وتنزلين
فاطمة؛ مااريد اصعد هوه الغلطان
زهرة؛ عنودية متردين
فاطمة؛ هههه عليج طالعة.. ضلت تسولفلي عل الحياة الزوجية وشلون نتفاهم بس اني بيه طبع من ازعل لو اضوج اعند أكثر.. مادري بنفسي وغفيت....
..............
علي؛ استغفرالله ربي صبرني.... راح لغرفة نور... دگ الباب
نور؛ هلا خوية محتاج شي
علي؛ لا سلامتج فاطمة يمج
نور؛ بستغراب لا مموجودة
علي؛ ماشي تصبحين على خير.... نزلت جوه ادور عليه لگيتة نايمة عله رجل جدتي ... نقهرت وتندمت لان صيحت عليه وضوجتة الله يلعنك ياشيطان
زهرة؛ يمة عل كيفك وياه بعده عقلة زغير خليك انته العاقل واتحمله وحلو مشاكلكم بدون صياح وخلي خلگك طويل...
علي؛ انشاءالله يمة گومي ارتاحي واني اصعده.. شلته وصعدت...
فاطمة؛ فزيت من شالني.. نزلني مااريد انام فوگ
علي؛ وتعوفيني وحدي انام
فاطمة؛ ما يله نزلني.... علي نزلني.. ولاسمع مني نزلني من وصلنة للغرفة نزعت الشال ورحت جبت فراش وفرشتة بالگاع ولحاف وتغطيت حتى راسي غطيتة....
علي؛ فاطمة لا تعاندين گومي يله
فاطمة؛ احجي ويا من جوه الغطا... مااريد هنا مرتاحة...
علي؛ ضلي براحتج...
فاطمة؛ طبعا مرتاحة من ازعاج بعض الناس...
علي؛ اه اني صرت إزعاج
فاطمة؛ مجاوبت ونمت.... گعدت الصبح اريد اتحرك مااگدر درت وجهي وشفت علي وراي وحاضني من خصري وراسه برگبتي.... حاولت اگوم مااگدر ذاب ثگله علية...علي علي فلتني اريد اگوم... ضل يفرك بعيونة وانوب ابتسم كتلة بعصبية اتاخرت عل الدوام
علي؛ گولي صباح الخير حبيبي
فاطمة؛ مااگول وخر شوية خل اگوم بعدين انتة ليش نايم هنا
علي؛ ماگدر انام اذا مااحضنج
فاطمة؛ متضحك عليه بهذا كلامك.. وخرت ايده وگمت غسلت وبدلت وعناد بي كثرت المكياج والعطر...
علي؛ ياالله بدينا.. فاطمة شنو هذا
فاطمة؛ شنو
علي؛شدعوة هل المكياج والعطر تردين تخبليني انتي
فاطمة؛ لا بس البارحة بجيت بسبب ناس وعيوني مورمة للذلك كثرت المكياج وهسة اتأخرت عل الخط عفتة وطلعت ركض لان راد يلزمني......
إيه؛ صباح الخير حب
فاطمة؛ صباح النور
إيه؛ شبيج شو مطنگرة
فاطمة؛.........
إيه؛ اهمم مدام سكتي الشغلة بيه عركة ويه الحب
فاطمة؛ هزيت راسي ب اي
إيه؛ تره عيونج حمرة مبينة
فاطمة؛ من وره أخوج قهرني البارحة😢
إيه؛ يا شبيج راح تبجين شصاير
فاطمة؛ حقير وخبيث ومستفز
إيه؛ هههههه مبينة الشغلة چايده... احجي فضفضي خية
فاطمة؛ لج البارحة خابرت علي وحدة مايعة وتدلع وتتلوگ مثل مسده من هاي خابرت الثانية نفس المياعة وعلي وعلي وشلونك وشخبارك واني اتعاركت ويا وهوه فوگ القهر صيح عليه علمودهن بس بسيطة اله اندمة الخبيث ياييييييييي قهرني وضليت اضرب رجلي بالكاع...
إيه؛ ههههههه اعصابج ولج راح اطگين..
فاطمة؛ لج راح انفجر من اطگ كل مااتذكر صوتهن ومياعتهن الحقيرات بنص ليل ويخابرن أمهات الذوق 😤
إيه؛ يله امشي اجه الخط
فاطمة؛ صدك لعد نور وينه
إيه؛ فلاونزه خطية ومتگدر تداوم
فاطمة؛ اووف فلاونزته نحسه
..........................
روئ؛ گاعدة بالقاعة وضوجة بدون نور خطية مريضة بعدين گلت خل اروح للحديقة الخلفية اراجع الامتحان لان هادء وقليل طلاب بيه مشيت وگعدت وانتچيت عل الشجرة ومندمجة اقرة ومااحس اله خيال فوگي رفعت راسي نصدمت شجابة هذا والصراحة هم خفت... بتلعثم نعم تفضل
احمد؛ ليش رفضتيني
روئ؛ اتفأجئت من سؤاله ماعرفت شنو اجاوبة بعدين گتلة ماكو نصيب
احمد؛ بدون سبب مقنع
روئ؛ ضليت ساكتة شجاوبة اگلة اكره هيج نماذج معناته دا اگلة اكرهك... وگفت بس اول موگفت رجعني عل الشجرة واتقرب مني اني رئسا اجة بعقلي هذاك الموقف والولد الحقير وشكلة وشلون راد يبوسني گامت تنزل دموعي وحدة بعدين ضليت اشهگ وادفع بي..
أحمد؛ انصدمت من ردة فعلة واني ممسويله شي... شبيج عله كيفج
روئ؛ هئئ وخر عفية هئئ وخرر
احمد؛ وخرت منه وهيه گعدت بالگاع وحاضنة رجلة وتبجي...
روئ؛ شلت أغراضي ومشيت سريع للقسم....
.................
فاطمة؛ تعالي نشوف ننوش
إيه؛ماشي........ هلا حب شلون صرتي
نور؛ هلاو بيجن ماادري جسمي مكسر عضامي توجعني
إيه؛ لعد خل أمير ياخذج العصر للدكتور
نور؛ يو يمعودة عندي فوبيا من الدكاترة خليني هيج احسن
فاطمة؛ ها ولج اني هنا
نور؛ هههه عداج انتي
فاطمة؛ اي عفية هسة رتاحي وخل اجيبلج اكل وعلاج واذا مصرتي زينة للعصر نطير بيج للدكتور😈
نور؛ عابت لهل النضرات الله يكفينة شركم
فاطمة؛ ههههههه سلامتج وعله كولتج الله يكفيج شرنة........
...........
نور؛ ادخل
احمد؛ شبيج شو ماكو اليوم
نور؛ مابية حيلل فلاونزة
احمد؛ سلامتج حبيبي
نور؛ الله يسلمك... تعال عندك شي
احمد؛ نور ريحيني واحجي سالفة روئ والخلقج انسطرت من التفكير اليوم تقربت منه ردت احجي وياه شو نهارت وبس تبجي كلشي مفهمت منه وراحت ركض
نور؛ شنووو تقربت منه
احمد؛ لج مسويتلة شي والله بس ردت احجي وياه
نور؛ اووف خربت كلشي من تقربتلة.... اسمع راح اگولك بس لاتتصرف بعد بتهور ماشي
احمد؛ هسة دحجي شلعتي گلبي
نور؛ حجيتلة كلشي وهوه خطية نصدم ونزعج كلش..... احمد تره البنية شريفة وممتقربله لاتفكر غير شي ديربالك
احمد؛ لا شسالفة بس كسرت خاطري... ماشي اني اشوف الموضوع بس انتي خابرية وطمئني عليه
نور؛ ماشي تدلل... وصدگ خابرتة ومجابت طاري الموضوع.......
..................
فاطمة؛ طبعا العصر هم رجعنة تعاركنة اني وعلي لان هوه صايره عنده مشكلة بالشغل واني متجاهلتة مااحجي ويا فه ذب حرگتة بيه واني هم مسكتت اخير شي اخذ سويج السيارة وطلع عصبي بس خفت علي لان عصبي وهوه متهور بالسياقة اووف اووف.....
................
إيه؛ العصر دخلت للغرفة أمير بالحمام فه سمعت اشعار موبايلة رحت شفتة لان طبعا الفضول قره الف واني هم عرفت الرمز 😁طلع مخلي تاريخ زواجنة المهم فتحتة لگيتة من الماسنجر ومن بنية مكتوب الوردة الحمراء مدري شنو.. اني اقرة والدم صعد لراسي كاتبة والله احبك ليش مترد عليه واحب كلشي بيك هيبتك ورجولتك وشخصيتك.... تخبلت ضليت افتر بالغرفة منتضرتة يطلع واني اتذكر حجية والقرآن لو گدامي اموته خلاص......
أمير؛ شبيج تفترين
إيه؛ اخذت نفس... أمير شنو هاذا
أمير؛ سحب الموبايل وقره... مااعرفة
إيه؛ بس هذا جوابك يعني
أمير؛ ليش تفتحين الموبايل
إيه؛ هاا يعني بهذا الحجي كله اجيت تحاسبني ليش فتحتة...
أمير؛ ايه كبري عقلج وحدة لازگتلي وميت مره حضرتة وترجع واني متجاهله فه ختولي لاتفكرين بيه....
إيه؛ شلون ماافكر بيه وهيه حضرت جنابه تتغزل بيك وميتة عليك...
أمير؛ استغفرالله هسة ليش تبجين شايفتني خطبتة ازوجتة
إيه؛ بدموع حتى اموتك والله
أمير؛ هههه تعاي ام دميعة
إيه؛ حضني ويضحك عليه
أمير؛ ولج والله عيوني متشوف غيرج انتي متربعة هنا بگلبي وبعقلي وعيوني
أيه؛ واذا شفت وحدة احلى مني
أمير؛ وين اشوف مثل هاي العيون بس اباوع بيه اغرگ بحره ومثل هاي الخدود ومثل هاي الشفه وباسه منه ولج والله اعشگج
إيه؛ حضنتة حيلل واني هم اعشقك واموت عليك واحبك موووت وأبوس بي
أمير؛ خرب يومج عود جاي اطلع بس بطلت تعاي اكلج وسحبة........
................
فاطمة؛ نزلت جوه گلت اروح يم نور بلكت يرجع...... دخلت للغرفة لگيتة ضلمة تقربت يمه رفعت الغطا شفت وجهه احمر خليت ايدي عليه نار مصخنة كلش وحتئ تهذي... رحت بسرعة جبت كمادات.. گعدت اسويلة وشوية نزلت شوية... نور حبيبتي تسمعيني....
نور؛ راسي يوجعني وجسمي هم
فاطمة؛ ماشي خل اشوف واحد من الولد ياخذج للدكتور.... رحت لغرفة احمد مموجود.... ماكو غير أمير بلكت موجود دگيت الباب طلعت ايه هستوه طالعة من الحمام لابسة روب الحمام وجسمه مزورگ ضحكت عليه... هههههه ها ولج وغمزتله
إيه؛ ههههه نجبي ولج عل اساس انتي مقصره
فاطمة؛ هههههه شعلية أخوج منحرف..
إيه؛ اذا عل الانحراف كله نفس الشي... انتي عليمن جاية
فاطمة؛ ها صدك نسيتني.... نور سوده عليه مصخنة نار وجسمة يوجعة وراسه رايدله دكتور وعلي واحمد طالعين اجيت اشوف أمير خل ياخذة
إيه؛ ياا خطية حبيبتي متستاهل...انتي بدليله واني اگول ل أمير....... أمير نور مريضة
أمير؛ بقلق شبية
إيه ؛ فلاونزة قووية وصخونة بعظامه
أمير؛جهزنه خل آخذة للدكتور...
إيه؛ بدلت ونزلت أمير راح يبدل خاف عليه لان نور عزيزة عدهم كلش هيه الوحيدة المدللة......دخلت لغرفتة
فاطمة؛ لج موتتني مترضة تروح تعالي حاجيه
إيه؛ گومي ولج مو زينة الصخونة
نور؛ اخاف مااريد اروح
امير؛ نور گومي يله مااريد نقاش شوفي وجهج وعيونج ذبلانه
إيه؛ أمير انطة اوامره وطلع واحنة بدلنه اله ونزلناه للسيارة... أمير خل اجي وياه
أمير؛ وين جاية شعندي زفة
إيه؛ 😑
أمير؛ هههه روحي صيحي امي يله بسرعة راح تعزل العيادات
إيه؛ حاضر... عمة استعجلي
ام أمير؛ اي يمة اجيت.....
نور؛ خرب لحو اله ياخذوني وصلنة للعيادة فحصتني الدكتورة گالت فلاونزة بعظامة وعدهه صداع شديد وانطتني علاج وطلعت صعدت بالسيارة وخليت راسي عله چتف امي ومغمضة عيوني بس منايمة وره فترة وگفت السيارة رفعت راسي واشوف أمير واگف گبال بيت دانيال ويسلم علي هوه وأمه دا يطلعون....
أمير؛ هلا دانو شلونك
دانيال؛ هلا بيك شيخ الحمدللة منين الجية
أمير؛ من الدكتورة
دانيال؛ سلامات انشاءالله
أمير؛ الله يسلمك..... هلا خالتي شلون صحتج
ام دانيال؛ هلا بيك يمة...
نور؛ وانوب امي فتحت الجامة تسلم وصار گبالي...
ام أمير؛ شلونج خية
ام دانيال؛ هلا بيج عيوني الحمدللة خيرر انشاءالله شبية نور شو وجهه اصفر
ام أمير؛ سم الله عليج فلاونزة وهاي فلاونزته نحسه وصايره بعظامة وهاي جيتنة من الدكتورة
ام دانيال؛ سودة عليه سلامتج يمة
نور؛ بصوت بالگوة ينسمع من التعب... مشكورة خالة الله يسلمج
أمير؛ يله ابو الشباب اترخص وتعال باليل مو تنسى
دانيال؛ انشاءالله... الله وياك شيخ .....
ام دانيال؛ خطية متستاهل ام لسان
دانيال؛ هههه هسه تذمينة تحمدينة يمة
ام دانيال؛ يايمة شحلات لسانه.. دمه محبوب الله يرزقة بأابن الحلال
دانيال؛ اميين يمة
ام دانيال؛ ها ولك چنك تدعي لروحك
دانيال؛ هههههه والله يمة ميفوتج شي
ام دانيال؛ من باجر اخطبة الك
دانيال؛ هوب هوب يمة شبسرعة طرتي للخطبة... انتضري فترة والله كريم
ام دانيال؛ يا يمة تطير البنية مشفتة ذاك اليوم بعرس اختك الخطابة عليه مثل الجكليت
دانيال؛ الله كريم يمة اذا قسمتي تصير الي تصير
ام دانيال؛ ونعم بالله وليدي....
....
فاطمة؛ طلعت من غرفة نور وره منامت نزلت عل الدرج وشفت احمد ساند علي وايده ملفوفة وجهه بي جروح وگع گلبي نزلت ركض... علي شبيك
احمد؛ مابي شي خيتي حادث بسيط
فاطمة؛ احمد شلون بسيط وشبيه ايدك وجهك..
علي؛ مابيه شي...
أمير؛ خيرك علي صاير وياك
احمد؛ كالعادة خوية سواقة طايرة زين مطيرله واحد... ضارب سيارة من وره وصاير عنده رضوض بجسمة وحضر نفسك شيخ هذاك ملطلط ويريد اللزمة حتى يحصلة چم فلس
أمير؛ شجاك علي ميت مره گلنالك عله كيفك بالسواقة صدگ جذب هيج متريد روحك
علي؛ وهوه يباوع لفاطمة ماكو شي بس جنت عصبي وماادري بروحي
أمير؛ احمد صعده خل يرتاح...
احمد؛ يله عليوي كل يومية اني مصعدلي واحد شبيكم يحضي واحد وره الثاني
علي؛ حميد لاتخليني اطلع حرگتي بيك امشي وانته ساكت
احمد؛ هاي فوگاه والله اني گلبي مشرشح عله گولت السوريين
فاطمة؛ هههههه ضحكني واني ضايجة من تصرف علي شلون تجاهلني
احمد؛ ضحكي خيتي لان هذا قافل اليوم وراح يشبعج نكد اقصد ضحك
فاطمة؛ ههههه دار عليه علي وخزرني اني سديت حلگي واحمد كمل تحشيش واني لازمة نفسي بالگوة حتى مااضحك خرب يومة يطلع الواحد من ضوجتة 😂...وصلنه لغرفتنة واحمد وصله للجربايه...
احمد؛ فطومة هذا العلاج خل ياخذة وره ميأكل... عليوي حبيبي تريد اني اوكلك
علي؛ امشي ولي اطلع
احمد؛ ههههههه قافل قفلة زينة اني خايف عله هل المگرودة تبقئ يمك
فاطمة؛ هههههه شمر علي علبة الكلنس وهوه طلع ركض.... درت علي گتلة راح اجيبلك عشا
علي؛ مااريد انطيني بس العلاج
فاطمة؛ علي ميصير لازم تاكل
علي؛ گتلج مااريد لاتلحين
فاطمة؛ موبكيفك اني دكتورة واعرف
علي؛ وعلي لو اگدر اگوملج جان علمتج شلون تحجين هيج
فاطمة؛ دمعت عيوني بس يصيح وفوگاه لو بيده يگوملي گتلة ماكو داعي اذا تريد اني اجيك وانطيني راشدي...
علي؛ خرب فاطمة طلعي
فاطمة؛ طالعة اصلا... طلعت واني مخنوگة من اسلوبة وفوگاه يطردني نزلت سويتلة شوربة خفيفة عله معدته گلبي مشرشح عله گولت احمد فوگ مطردني افكر بي..........

للقصة تكملة........ ثلونكم قلوبشاتي😘
حابة اسوي فقرة للتعارف يعني حابة اتعرف عليكم وتتعرفون عليه ثنو رأيكم (اليوم احجي ب ثثث😂) قبل لاانسئ عدد الكلمات 3200
الكل يشارك ياريت وينطي رأية بالموضوع الفوگ 👆👆
لاتغلسون عل التصويت 👇👇😘😘😘