عشگ الضابط أمير

البارت الخامس عشر

تعال بصدري اضمك ياحبيبي شبيـــك بلكي بصــدري اخفف هايه وناتـــــك احسك انته بيه واني عايــــش بيـــك واحس دگات گلبي تحاچي دگاتــــك اذا تذبـل عيونك فدوة الك هالعيــــن واخذ عيوني الك وانطيني مالاتـــك....
🧡🧡🧡🧡🧡🧡🧡🧡🧡🧡
إيه :كملت تنضيف المطبخ ورحت گعدت بالصالة يم جدتي وهذني بعدهن مموليات
زهرة :خايبة ام لسان لاتضايگين ادري بيهن حياية بس انتي لاتنطيهن مجال وتسوين مشاكل وية رجلج فهمتي ولج
إيه :والله بيبي حرگ دمي واني مغلطانة بشي بس والله اله أخلي يندم ع السواه بيه واليوم اني ضيفة بغرفتج
زهرة :يا اگلله لاتسوين مشاكل تريد تعوف رجلة وتنام يمي ولج اني شحجي
إيه؛ والله بيبي يتحمل مشكلتة حتى منا وهيج يسمع قبل لايقرر شي باوعت ع الدرج شفت أمير نزل وراه نور وتضحك طبعا عرفت متضم شي بطنة شلون تضم غير تموت هوه گعد گبالي يحجي ويه خالتة ونور اجت يمي گتلة هاا مضميتية مو
نور :الساكت ع الحق شيطان أخرس
إيه :معرفتج يالحقانية وشگلتيلة بله
نور :والله گتلة شلون يضحكن ع مرضج وشلون يتبلن عليج وشلون الفن قصص
إيه :مو السان
نور :هسة موزين يعرف الحقيقة علمود يعرف انتي بريئة
إيه :والله هوه مصدگني شسويلة ماعنده ثقة بيه
نور :عوفينة من هل الموضوع اگلج أخوج شو مبين من يوم حادث فطوم
إيه :شمدريني اخابره ميجاوب عود ردت اسئل أمير صارت هاي السالفة
نور :فطوم احسة ضايجة ومختنگة ادري بعده تحبة
إيه :ادري حاسة بيه بس لازم افهم علي ليش سوه هيج بعدني احجي وأمير صاح عليه
أمير :ايوو
إيه :طبعا مردت أبين گدامهن انو بينة خلاف گتلة نعم حبيبي هههه خطية هوه نصدم اول مره اگلة هيج ضل صافن بوجهي
أمير :احم تعاي هنا
إيه :گمت رحت يمه واني ابتسم واباوع بعيونهن همستلة شتريد
أمير :مرتي واريده تگعد يمي
إيه :اي مرتك وهاي گعدت بس يكون بعلمك اي تصرف راح اسوي هسة خارج ارادتي ماشي حبيبي
أمير؛ هههههه ليش احد غاصبج تسوين شي خارج ارادتج
إيه :لا بس مااريد الحياية تشمت بيه باوعت لگيت عماتي وجدتي كلهن مندمجات بالسوالف وبس هذني العگارب صافنات علينة عاد اني اشتغل عندي هرمون الخباثة تقربت لأمير وبستة من خدة هوه تفاجئ بس اني استغليت الفرصة مدام محد يباوع علينة بس هذني الزوج وبعدين بستة قريب من رگبتة هوه احسة اشتعل هههه
أمير :ولج كافي شجاج انتي بالغرفة گوة تبوسيني بوسة أخوية
إيه :هههههه حلوة هاي بوسة أخوية يقصد من خدة گتلة لعد خل اشبعك بوسات أخوية ورجعت بستة من خدة
أمير :ولج كافي طيرتي الهيبة لاتشوفنة زهرة وتشرنة ع الحبل
زهرة :ولكم لاعبالكم مااشوفكم ولج انتي ام لسان اخذي لغرفتج وشبعي بوس لو محلالج تبوسينة اله هنا
إيه :فد فشلت فشلة شكبره صرت حمرة وأمير همسلي
أمير :ههههه ارتاحيتي هسة شيخلصنة بعد من برج المراقبة
زهرة :ولك انته شتحاجية
أمير : يمه اگللة خل نكمل فوگ
زهرة :انته متشبع صارلك يومين حابس البت
فوگ
أمير :يمه يعني شسوي اضل مگابلة واگعد متشوفين حفيدتج مينشبع منه
إيه : اريد اختفي دار السالفة كله عليه
زهرة :ولج طلعتي مو هينة گوم ولك آخذة واصعد فشلتونة
أمير :هههههه يمة مابية شي حلالي مو هيج خالتي
ام نبأ؛ ههههه اي يمه حلالك وهيه عين الله عليه گمر
أمير :مدام هيج احنة نترخص
إيه :جرني من ايدي ومشة... بس احلى شي شفت هذني يردن يطگن من القهر عرف ياخذ حقي منهن بس عبالة افوته اله دخلنة للغرفة گتلة أمير عوف ايدي
أمير :مااعرفة شسوين
إيه :لاعبالك راح احجي وياك وكأن شي لم يكن تره السويتة جوه هيج علمود اضغطتهن
أمير؛ يعني حبيبي هم هيج گلتيه خارج ارادتج
إيه :اي
أمير؛ يعني اني مو حبيبج
إيه؛ جنت حبيبي وهسة لا
أمير؛ اه هيج زين ليش الحلو زعلان
إيه؛ يعني تسوي نفسك متدري والسويتة العصر شنو تسمي من تفشلني گدامهن ومترضة تسمع مني وفوگاه تطردني لغرفتي وهذا كله كوم وانو تگله حقج عليه كوم ثاني واني ممسوية شي غلط وهيه البدت تجاوز وصايرة براسي شاطرة أمير خطية يدور غيرج گمت اقلد صوتة المايعة گوة تريد تسوي نفسة فاهمة براسي
أمير؛ هههههه.... زين ليش ادور غيرج
إيه :تگلي خطية شكلج يتغير وتصيرين مو حلوة وأمير يدور غيرج وهم اقلد صوتة
أمير؛ هههههه خرب يومج والله ضحكتيني بس تره لو تصيرين عجوز ماادور غيرج لج انتي هنا بالگلب واني اعتذر غلطت لان ماسمعت منج وهاي إسراء حسابة وياي
إيه؛ ختولي مااريدك تحجي وياه اصلا
أمير؛ ليش تغارين
إيه؛ لا مااغار
أمير؛ مدام هيج أني نازل جوه اوصل خالتي لبيته
إيه؛ ركضت وگفت ع الباب لاوالله تريد توصل هاي لبيتة
امير ؛ عادي انتي متغارين مراح يأثر عليج وبالطريق نسولف شوية سوالفة حلوة
ايه؛ شنو شنو منو سوالفة حلوة هاا
أمير؛ هههههه نبأ نبأ احجي عليه اگول سوالفة حلوة
إيه :يربي شلون راح اموتة يحجي ويحرك بحواجبة گتلة ونبي اذا طلعت من باب الغرفة اخنگك
أمير؛ ههههه لاعمي قابل مرايد روحي
إيه؛ اميييييير كافي لاتضحك وگمت ابجي
أمير؛ هههههههه لج ليش تبجين اشاقة
إيه؛ وخر روح وصله سوالفة حلوة
أمير؛ هههه لج جذب اضحك عليج اصلا اني مااطيقة وداعتج
إيه؛ وخر يله اصلا اني ضايجة منك كلش قهرتني اليوم عفتة ودخلت للحمام سبحت طلعت انشف شعري ملگيتة بالغرفة معقولة راح يوصلهن لا لا ميسوية والله اموتة اذا سواه جاي افكر وهوه دخل اني درت وجهي وگمت اشسور بشعري وبعدين رشيت عطر اله احرگ دمة خليت مرطب بشرة وجنت لابسة برمودة وكيمونة بدون ردان اعرفة يدوخ من البس هيج ههههه ورحت گعدت ع القنفة وخليت رجل ع رجل وشغلت التلفزيون طلعت مسلسل تركي نتابعة اني والبنات وهذا كله وهوه بعده واگف يباوع عليه هههه
أمير؛ اشتعلو عشيرتج ع هل البلوة هاي
إيه؛ اجة گعد بصفي واخذ الريموت وطلع لعبة اني محجيت ادري بي يريد يستفزني واصلا اني احب اللعبة وخاصة فريقي الأحبة يلعب اندمجت باللعبة وهوه عين عليه وعين ع التلفزيون اني خليت راسي ع چتفة نعست ومابيه حيل اگوم وهوه طفة التلفزيون
إيه؛ ليش طفيتة
أمير؛ دنامي نامي بالگوة مفتحة عيونج
إيه؛ مابيه حيلل اگوم
أمير؛ يعني تردين اشيلج يااميرة
إيه؛ اي حباب 😁
أمير؛ هههه أمري لله
إيه؛ شالني ونام بصفي وطبعا اني نايمة ع ايدة لان اصلا تعودت علي مااغفة اله ع ايده وهوه استغل الفرصة اني مطفية كلش وهوه يبوس بخدودي ويعض اميررر خل أنام فدوة
أمير؛ هسة شمسوي تره زين مني ومخليج تنامين يله نامي لا اغير رائيي.. بعدج زعلانة
إيه؛درت علي وحضتنة من خصرة وگتلة لا مااگدر ازعل منك
أمير؛ اويليي على ميزعل
إيه؛ ههههه عفية خليني انام
أمير؛ بشرط اريد بوسة
إيه؛ ماشي بس تخليني انام موتضحك عليه بستة من شفتة لان ادري ميعوفني اذا بستة من خدة يگلي مااريده
أمير؛ أمري لله نامي وحسابج بعدين
إيه؛ هههه بسرعة غفيت وعفتة يحوس گعدت ب ٩ فلتت نفسي وبدلت ونزلت اتريگت ع الماشي وبدينة أنضف كملت ب ١١ صعدت سبحت ونزلت وهوه بعده نايم مبين نايم متأخر لان رگبتي صايرة خريطة متأكدة استغل فرصة نومي بس خلال الأيام العشتة ويا اكتشفت أمير ثاني حنون وطيب وحتئ يشاقة ويضحك يعني يختلف تماما عن الجنت اشوفة لان دائما جنت اشوفة عصبي ويصيح وميتحاجة وتعلقت بي كلش ماادري شلون راح افارگة من يروح للدوام لان هوه اسبوع هنا واسبوع هناك وبعد يومين وتخلص اجازتة واني كلش ضايجة شلون اتحمل أسبوع بكبره اوف رحت للمطبخ اساعدهن ونزل أمير صباح الخير
أمير؛ صباح الحب
إيه؛ غمزلي عرفت قصده ع رگبتي گتلة اسويلك ريوگ
أمير؛ لامااريد بس سويلي جاي
ايه؛ حاضر سويتلة جاي وصعدت نضفت الغرفة وبعدين صليت ونزلت صبينة غدآ واتذكرت علي لازم اسئل أمير الظهر رحت يمه أمير
أمير؛ احجي شعندج بدون مقدمات
إيه؛ ههه اريد اسئلك عله علي وينه مختفي
أمير؛ بغداد عنده شغل
إيه؛ امم وشوكت يجي
أمير؛  من يخلص شغلة يجي
إيه؛ زين سؤال ثاني
أمير؛ غردي
إيه؛ يعني علي صدك يريد يزوج بنية ويا لو هيج يحجي بس علمود يغث فاطمة
أمير؛ واني شمدريني هذاك أخوج واسئلي
إيه؛ امييير يعني تقنعني انته متدري
أمير؛ ايه لاتعلين گلبي گتلج ماادري
إيه؛ يعني اني عله مو
أمير؛ اهوو شلون راح تخليني اضوج... سمعيني علي يعرف شنو يسوي انتي لاتدخلين بالموضوع ماشي
إيه؛ خلص أعصابك يله اني نازلة
أمير؛ هوب هوب وين البارحة خلتيني مسموط ونمتي محد يخلصج مني هسة........
إيه؛سمعت صوت موبايل يرن وگعدت شفت هذا موبايل أمير اخذتة مكتوب دانيال... أمير موبايلك
أمير؛ الوو هلا ابو الشباب شخبارك
دانيال؛ هلا بيك يابة زين رديت علينة الضاهر عايش بالعسل
أمير؛ ههههه ليش مضغوط بعد يومين اگابل وجهكم
دانيال؛ هسة صارت ووجهنة متعجب حقك يابة حقك المهم اني باجر راح اجي للبصرة واشوف هذا البيت لگلت علي بس اتفق ويه صاحبة علمود اشوفة
أمير؛ تدلل ضلع تنور بس شوكت تطلع
دانيال؛الضهر
أمير؛ عشاك يمي حبيب
دانيال؛ متقصر ابو فهد اترخص اخليك بالعسل
أمير؛ ههههه الله وياك
إيه؛ منو هذا
إمير ؛ صاحبي بالدوام جان عايش بالبصرة بس قبل ٥سنوات عاش بغداد وهسة يريد يرجع وراح اشوفلة هذا البيت اليمنة
إيه؛ اهاا ماشي................. چنه گاعدين اني والبنات نسوي عشا لان راح يجي صاحب أمير... وأمير عندة گعدة بالديوان وكلهم هناك واحنة الديوان مفصول عن البيت بس بصفنة اندگ الباب منو هذا
نور؛ اني راح افتح اكيد احمد اجة من القاعة مشيت ع كيفي امشي بفهاوة ولازمة الموبايل بيدي اراسل صديقتي فتحت الباب واني مدنگة گتلة ادخل
دانيال؛ عفوا
نور؛ فزيت هذا صوت غريب رفعت راسي واشوف ولد گدامي انصدمت بسرعة عدلت شالي وصرت وره الباب گتلة آسفة منو تريد
دانيال؛ احم أمير موجود
نور؛ موجود بالديوان
دانيال؛ ماشي مشكورة
نور؛ سديت الباب بسرعة يمة گلبي والله فشلة رحت ركض لجوة والله لو يدري أمير يموتني وانوب اگلة ادخل طاح حضي
إيه؛ شبيج ولج منو راكض وراج
نور؛ سكتي ولج والله تفشلت
إيه؛ شصاير احجي
نور؛ حجيتله كلشي
إيه؛ ههههههه خرب تگلة ادخل هههههه همزين مسواه ودخل صدگ
نور؛ لا ولج مبين ثگيل بس خرب والله صاك برأيج منو هذا
إيه؛ ماادري والله............... اجة أمير واخذ العشا واحنة كملنة كلشي وگعدنة بالصالة
................
دانيال؛ خل اعرفكم بنفسي اني دانيال اصلي من البصرة وقبل ٥ سنين ابوي اتوفة وانتقلت لبغداد عندي اخ واحد مزوج وعايش بالبصرة واثنين أخوات واني المسئول عليهم الحمدللة الله مكني وعندي خير واشتغل ضابط وقررت ارجع للبصرة واخوي وعضيدي أمير احنة صحبان من زمان درسنة سوه واشتغلنة سوه وهوه شافلي بيت قريب عليهم واليوم اجيت اشوفة دگيت الباب طلعلي ملاك يخبل دوختني ومبينة فطيرة ضل بالي يمه دخلت للديوان وسلمت وگعدت
.......
أمير؛ الوالدة تريد تسلم عليك
دانيال؛ ايباه مشتاقلة كلش
أمير؛ هههه دگوم لعد اكلت كلبي عليك
.........................

للقصة تكملة....... هلاوو شلونكم راح اغير عنوان القصة ل (عشگ الضابط أمير) أنطوني رأيكم بلازحمة 🤗😚😚
👇👇👇👇👇👇