🍃⚘🍃رواية عيون النار🍃⚘🍃
⚘الحلقة -١٣-⚘
⚘"الكاتبة: فاطمة علي"⚘
..🍃رأيكم🍃..
هذا المنحني عودي
وهاي الذابلة أوراقي ..
..........................
علي : حامل ؟! ، جسمي كله رجف ، واريد احجي مااكدر ، اضحك لو ابجي ، حضنتها حييييل ، رجعت لزمتها من خدها ، يعني صدك حامل ....
سكينة : اي والله حامل ، وهذا التحليل ، فرحته متنوصف ، حضني وكام يبجي ، هسه ليش تبجي
....
علي : اني ماعندي اهل ولا اخوان ولا عشيرة ، متعرفين شكد فرحان احس گلبي ولج راح يوكف صدك صدك راح اصير اب ، الف الحمد لله والشكر يارب ....
سكينة : ان شاء الله اترسلك هذا البيت جاهل ، شعندي كاعده وساكته ، ويصيرون الك عزوه وظهر
دكافي بجي شبيك ...
علي : امسح بوجهي واحجي وبالكوه اخذ نفس ، مو صدمتيني ، وفرحتيني ، واني بحاجة هيج فرحة جبيرة ، اخذت نفس ، مو لازم ترحين دكتورة ...
سكينة : اي الدكتور انطاني عنوان دكتورة بشارع فلسطين وكال خوش دكتورة ...
علي : ماشي باجر نروحلها ...
سكينة : متشي حبيبي ، رجع حضني وحيل فرحان
اسمع دكات گلبه وايده ترجف ، ههههه اروح فدوة الفرحتك هاي ، شنو هل الورد الحلو ، مثل صاحبه يخبل ....
علي : صدك عجبج ، اني اسف لان اليوم مأجيت وياج لدكتور بس والله شغل مهم جان عندي
....
سكينة : يله مصار شي المهم بعد لتعيدها مرة ثانية ، يله ترى جوعانه ...
علي : شمشتهية هسه اجيبه الج لو بأخر الدنيا،. انتي بس اطلبي ، راح اجيبلج عامله تساعدج بالبيت ، ماريدج بعد تتحركين اببد ....
سكينه : مو لهل درجة ، ترى محد بلبيت بس اني وياك ...
علي : حتى لو ، اجيبها كل فترة تعدلج البيت وتنضفه ، انتي متدرين شنو واحد راح يصير عنده عائلة بعد مافقدهم من سنين ...
سكينة : ياحبيبي ....
..............................
مجاهد : رجعت وراهم ، ايدي كامت تأذيني ، وصلت للمقر لكيتهم متجمعين ، انتو شلون تنسحبووون ...
ابو ميسان : اكو خاين بيناتنه ...
ابو قتادة : لزم نعرفو ونكطـ..ـع راسو لهل نذ.ل ...
ابو ميسان : دحكتوهم شلون جانو متأهبين ، الخبر واصللهم من زمان ، حتى قادتهم جانو بالحرب ...
ابو قتادة : خلو ايدهم بيد المجوس الملاعين ....
مجاهد : من خيبتكم تحجون هيج ، مااطلع وياكم بعد اذا متتأكدون ان احنه مراح نكع بهيج كمين ....
.... رجعت للبيت ، وايدي تنزف ، دخلت دحكت ماردين نايمه ، هل بنية انوب تورطت بيها ، شجابج هين يول ....
.... كعدت اسوي بجرحي بس مااسيطر عليه ، ماحسيت الا وحده عاطت وراي ، شبيج يول ...
ماردين : شبيها ايدك ، كمزت من فراشي ، ليش تنزف دم ، بيش تعورت ....
مجاهد : لزمتني الضحكه ، دحكتها وضحكت ماتحملت ، هههههههه ، تعورت ؟! ماكو شي بس جنت اتشاقه ويا ابو قـ.ـتادة ...
ماردين : كسر بيدو ان شاء الله...
مجاهد : صدكتي يول ، ههههههههههه ....
ماردين : شبيك تضحك ...
مجاهد : تصوبت بالهجوم ...
ماردين : صدك ، شلون ، كعدت اتشخص الجرح مالو ، وامسحو بردن ثوبي ....
مجاهد : يول مابية شي ، جرح سطحي ، ردي النومتج ....
ماردين : هذا جرح سطحي ، عجل الجرح العميق شلون يصير ...
مجاهد : الجرح مو بعمقو ، الجرح من واحد يفگد ناس عزاز على گلبو ، وبعد مايكدر يردهم ، هذا الحرج العميق
، هاي سهله بوية ، يله ردي نامي
....
ماردين : لا مااتركك ، خل اساعدك ، فتحت جنطتو وطلعت خاولي وبلوز ، وركضت جبت وصله ومعقم ، ومي ، نضفت داير مداير الجرح ، هذا يحتاجلو خياط ....
مجاهد : جبت من المستوصف ابرة وخيط هسع انه اخيطو ...
ماردين : عقم الابرة والخيط ، وبده يخيط بأيدو ، تعجبت من صبرو وبدون مايتألم ، كمل ورش عليه بخاخ وخلا كطن ، دحكني وهو يكلي ...
مجاهد : يله شدي الجرح ...
ماردين : بديت اشدلو بالجرح ، همست بصوت ناصي ، شنو من الم مأذيك بحيث ماتحس بوجع الخياط والطلقه ...
مجاهد : دحكتها ، شي حيل جبير ، مو سهل واحد يتحملو ، مشكور منج داويتي جرحي ...
ماردين : ماسويت شي ، رحت غسلت ايدي وهو غسل وبدل هدومو ، من يبدل دائما برا مايبدل كدامي ابد عندو حياء وخجل مو طبيعي ....
.... كملت تبديل ...
مجاهد : اي ، ليش ...
ماردين : ماتنام ...
مجاهد : لا عندي صلا اصليها ...
ماردين : هم راح تقفل الباب عليه وانه بالحجرة ، لزمني من ركبتي ...
مجاهد : ماريدج تدحكيني وانه اصلي ، من اقفل الباب علمودج ، عفتها وطلعت من الحجرة ، وقفلت الباب ، رحت توضيت وتوجهت للصلا ، صليت صلاة الليل ، رددت زيارة عاشوراء وانه ابجي ، لاني حافظها على الغيب ....
.... كل ليلة اقراها واختنگ واحس بغربة ال البيت عليهم السلام ، من داير مدايرهم العدو وهمه بنصهم ، دخيلك ياجدي ياحسين شتحملت ....
.... دخلت للتنـ.ـظيم بعد استشهاد فاطمة ، جان حيل صعب انظم الهم واكسب ثقتهم ، بس انظميت بنفس الاسم الي دخلت بي اول مرة ، ايام صعبه تمر عليه هينا ، وجنت ابحث عن ام عمر ماخليت مجان مادورتها بس ماكو ....
.... جابو بنات وانه واكف دحكت وحده بيهن باوعت بعيوني وهي تبجي وكل ملابسها دم ، وجهه كلو تراب وصخ وشهرها مكفوش ، هل وجه وين شايفو ، ضلت هل بنية بالي ، وافكر هل بنية شايفها بس وين ....
.... ايام مرت وانه اشخص وجهه ، طلبت ان ادحك وجهه البنات الاجو ، طلعو ساجنيها ، طلعوها بطلب مني ، فتحو الباب ودخلت ام حفص ، واخذتهن ....
.... دحكت وجهه هي رفعت عينها بتعب ، اتذكرت البنية الاجت بعرسي ، معقولة هي ، هاي جدتها الشيخه خاتوووون ، شجابها هين ، رحت الام حفص ، هاي منين البنية ...
ام حفص : هدية من الامير عدي ابو بشار ، علمت انها مسيحية لولا انها هدية لأقمت عليها الحد ....
مجاهد : انه اريدها ...
ام حفص : لم افهم ..
مجاهد : خليها الي ، واي واحد يطلبها كوليله ابوجهاد اخذها ...
ام حفص : حسناً ....
مجاهد : عرضوهن بقاعة جبيرة وانه جنت خارج النقطه ، رجعت اركض دخلت للقاعه لكيتها واكفه وترجف ، شاورت ام حفص ورحت اخذتها ، شفتهم يدحكون بيها وهي تمشي ، درت وجهي عليها ونزلت النقاب ....
.... بيومها تعاركو عليها وكلهم يصرخون اليوم الك وباجر الي ، وانه ماقبلت انطيها ، واحد منهم
حجى ...
...( راح اتنطرها تخرج من دارك ، والا اكسر عينك بيها ) ...
مجاهد : ركعتو بوكس وكع جدامي ، جرب ودحك شجرم بيك ، عفتو ومشيت ، دحكت يكتبون بالصبورات ويسوون جداول للحريم ، من ضمنهن ماردين ، تخبلت وعلكت براسي النار ، رجعتلها و عقدت عليها ....
ماردين : اخشعو يصلي ويبجي ، بس ممفهوم شنو شكول ، كمل صلا وخشعت صوت الباب نسد ....
... ضل بالي يمو وخوفي يزيد عليه ، يطلع بس كام يخلي المفتاح عندي ، وانه اقفل الباب ....
مجاهد : وين العزم هل يوم ....
ابو ميسان : لتكريت ...
مجاهد : شنسوي هناك مو عدكم ناس ...
ابولهيب الليبي : نحن نريد ان سيطر على تلك المنطقه ، انت تعرف ان فيها معسكر سبايكر ، ويجب علينا ان نأخذ هذا المعسكر ....
مجاهد : المعسكر صعب ينوخذ ، من بعد اربعه كيلو متر وبعد مانكدر نوصلو ...
ابو لهيب : نحن لم نأت الى هنا حتى نقول ان هذا صعب ، يجب ان نأخذ المعسكر بأسرع وقت ممكن ....
مجاهد : شوكت الهجوم ...
ابو ميسان : باجر الساعه العاشرة صباحاً نصل الى المعسكر ....
مجاهد : بأذن الله ، بگلبي هاي اذا وصلتو ، طلعت منهم رجعت للبيت ، دحكت ماردين جالسه ومهمومه وحقها ، بس صعب اشردها من هين ، رحت كعدت گبالها ، شبيها عيونج مهمومه ....
ماردين : تعبت من هذا المكان ، كنو سجن ، هم يجي يوم واروح الاهلي وادحك وجوهم ، اخذت نفس ورجعت ادحك بالشباك ...
مجاهد : لازم تصبرين هن جم شهر ...
ماردين : جم شهر ؟ كول جم سنه يله اكدر اوصللهم ، عمتي اميرا مااعرف عنها شي ، واحمد استشهد ومااعرف حتى وين اخذو جثتوو....
... انه لسه صغيرة وشايله هموم الدنيا كلها فوگ راسي ، مرات اكول انه اجت بس زيادة على هل دنيا ....
مجاهد : استغفر الله ، ماكو انسان انولد زيادة على هل دنيا ، بس هو امتحان من ربج ، ولو تنجحين بي لو ترسبين ، وانتي بديتي ترسبين لان ماجاي تصبرين على البلاء ....
.... الله سبحانو من يحب بشر يبتلي بأعز شغله عندو ، حتى يشوفو يصبر على بلائو لو يترك ربو ويروح يسيس بالحرام ، ويقودو الشيطان ....
.... يول كلنا نمر بهل امتحان بس يحتاجلو صبر ، وصلا ودعاء ، انه مااشوفج اتصلين ابد ، ولا اشوف گلبج يم ربج ، حتى اذا جنتي مسيحية ، اتقربي منو هو الوحيد الي يخشع صوتج ....
ماردين : ابتسمت ، انت متأكد روحك دا١عشي ....
مجاهد : هههههههه، لا بالله انه مو دا١عشي ، بس مجبور اضل وياهم ...
ماردين : الله يخلصنا منهم بأسرع وكت ...
مجاهد : ماكلتيلي شكد عمرج ...
ماردين : مادري شكد ، بس انه مواليد ١٩٩٩ ...
مجاهد : اه كل هل ضيم وانتي همرج هلكثر ، عجل لو اكبر جا متي من زمان ، ١٥ سنه وبعدج صغيرة ....
ماردين : وانت شكد عمرك ...
مجاهد : بوية انه جبير حيل ، لو متزوج من وكت جا بتي بكدج ...
ماردين : صدك انت جبير ، بس مامبين عليك ، مبين تسعينات لاتضحك عليه ...
مجاهد : والله جبير ...
ماردين : متزوج ..؟
مجاهد : اي ، ادركت الموقف وابتسمت ...
ماردين : منو هي ..
مجاهد : انتي ...
ماردين : انت تكول انه بكد بناتك وانت مامزوج ، عجل انت جذاب ...
مجاهد : والله مو جذاب بس انتي على ذمتي ...
ماردين : اهممم ، يله المهم تشرفت بمعرفتك .......
مجاهد : عفتها طلعت هدومي السود بدي اسود وبنطرون اسود لبستهن ، طلعت الغترة لفيتها ولبست الدرع ....
ماردين : طلعت من الحجرة ، دحكتو واكف يعدل بشعرو ، هل شكل جني شايفتو ، سحب سلاحو وسحب اقسام ، ندار عليه وابتسم ، ماشاء الله شكد حلو ، عفتو ورحت للحمام ...
مجاهد : فتحت باب البيت ، دحكت هم موجودين ، سديت الباب وطلعت اتمشى ، حتى اوصل الاحداثيات الجماعتي ، دخلت بين البيوت ، وتسللت ، لحد ماوصلت لبيت مهجور بي مخزن جوا الكاع ...
.... نزلت بي ، وبعثت الهم رسالة ( راح يهجمون على معسكر سبايكر وهل هجمه نوعية ، راح يتم مساندتهم ، الهجوم يبدي الساعه بـ ١٠ الصبح ، احنه راح نغادر بس ساعه مكانه ) ....
.... اتأكدت استلمو ، وراح الهم ، قفلت الاجهزه طفيت الضوه وطلعت من البيت ، رجعت اتسلل بين البيوت ، خشعت صوت طفل يصرخ ، بخرابه ، واكو صوت زلم يمو ، سحبت سلاحي ...
.... دخلت للخرابه على كيفي امشي ، جان اكو ضوه فلاش التلفون ، دحكت من شباك البيت ، والكاهم لازمين طفل ويردون يعتدون عليه ، نار وشبت براسي ....
.... دخلت عليهم ، وخليت كل واحد طلقه براسو ،
سحبت الوليد ، انت وين بيتكم وشمطلعك بنص هل ليل ...
...الطفل ( عمو انه ابوي عطاني الهم ، وكاللهم جاهدو بي ، لاترجعني البيتنا ابوي يقتلني ) ...
مجاهد : انت منين ....
...( انه من اطراف الموصل على سوريا ، قلتلك ابوي يقتلني اذا رجعتني ، عمو اترجاك احميني ) ...
مجاهد : انت شكد عمرك ...
... ( عشر سنين ) ....
مجاهد : وين اوديك بهل ليل ، سحبتو من ايدو ، واخذتو للبيت الي بي استخباراتي ، تبقى هينا منا البكره واجي اخذك لاتطلع ابد واذا جعت اكو اكل معلبات افتحهن واكل ماشي حبيبي ....
.... ضليت يمو هو يتراجف من الخوف ، استغفرالله شهل نفسيات هاي ، اشكال ندحك بهذا المكان الوصخ ، دحكتو غط بنومتو ، غطيتو وطلعت ...
.... وصلت للبيت حيل متضايگ ، على الشفتو اليوم .....
............................
آصف : حيدر حيدر وينك ...
حيدر : امرك سيدي ...
آصف : بسرعه جهزو العده ، اجتنه اخبارية راح يهجمون على المعسكر ، وهل مرة جايبين قادة وجيش من الموصل ، بسرررعه حيدر ، اني رايح اخبر القيادات وانت جهز الجيش ...
حيدر : امرك سيدي ...
آصف : دخلت لغرفة العمليات ، وانطيتهم الاحداثيات ، بدون يخططون شلون يتم حماية المعسكر ، سيدي المصادر موثوقه ، من م.م ....
حيدر : رجعت لغرفة القائد آصف ، انتظرته يجي ...
آصف : رحت اتجهزت ولبست ملابسي العسكرية الخاصه ، دخلت للمكتب لكيت حيدر يروح ويجي ، شبيك حيدر ...
حيدر : سيدي ، اخذتله تحية ،وكفت كدامه ، سيدي اريد اطلب منك طلب ، ولتعتبره تعدي حدود ...
آصف : حيدر احنه بحالة حرب ، واذا اني بيوم اذيتك بكلمه فـ اعذرني ...
حيدر : استغفر الله سيدي ، انت الي تعذرني خاف قصرت وياك ، انت احسن قائد ، كلهم يتأمرون علينا وميتحاجون ويانه ، بس انت تختلف يعني بهاي رتبتك المفروض متباوع بوجهنه ...
آصف : ليش انخلقت من ذهب ، لو طينتي جانت مميزة ، هههههه، سولف ملازم حيدر ، يجي يوم وتوصل المكاني ...
حيدر : بس ياريت اصير مثلك ، ومثل شجاعتك وغيرتك ، انت مثلي الاعلى ...
آصف : هذا فخر اليه ان طلابي يتخذوني مثل اعلى. الهم ...
حيدر : سيدي ، انت ابقى بغرفة العمليات لتنزل للمعركه ، خلينا احنه نحارب ونفديكم بدمنه ...
آصف : لزمته من ركبته بهدوء وابتسامه ، حيدددر ،
اذا اني والي مثل رتبتي مينزلون للحرب راح نخسر ، عزيمة الجيش ياخذوها من القائد ، من يشوفو يركض كدامهم ، راح يصير عدهم عزيمه وشجاعه ويشكون حلگ الموت ، بسرعه جهز نفسك ورى
حرب ...
حيدر : دمعت عيوني ، واريد احجي دنكت راسي وردت امشي ...
آصف : حيدر ، اليوم تبقى وياي بالهجوم ...
حيدر : حاظر سيدي ...
آصف : متعودت عليك هيج مكسور ...
حيدر : وكفت بحيل صدر واخذتله تحية حاااظر سيدييي ...
آصف : راح حيدر ، كعدت ورى المكتب فتحت المجر طلعت العتاد مال مسدس ، ترست المخازن خليتهن بالجعب ، طلعت جهزت سلاحي ، m4 ، شفت المعسكر مخبوص ...
.... جهزنه كلشي ، وانتظرنا الهجوم ، لان بأي لحظة يبدون يقصفون ، حظرنه الدبابات لاي خرق امني ، واعلنه حالة جيم بالمعسكر ....
.... بسم الله الرحمٰن الرحيم ....
مجاهد : طلعونه بأعداد هائلة ، وسمو الهجمه صولة الشجعان ، بقيادة ابو لهيب..الليبي ، وابو قـ..ـتادة وباقي قيادات جبيرة بدا١عش ، شوارع توصل للمعسكر كل مطب يكسر الظهر ، هدوء يعم المكان ....
.... تجهزو وصارو قريبين المعسكر ، بعد كيلو واحد ،
ماندكح الا اجو سيارات جيبرة جيش من الدوا١عش ، يساندون هل هجمه ....
حيدر : سيدي ، يبعدون عن المعسكر كيلو واحد ...
آصف : هاي كدرتهم بعد ميكدرون يقتربون اكثر ، حيدر احنه المسيطرين ان شاء الله واحنه متمركزين ، لو يجيبون جيش كامل مراح ننطيهم ربع المعسكر ...
مجاهد : اهلي تكريت كلهم انظمو للتنـ..ـظيم ، ناس باعت ذممها ، منيلهم هل عده كلها ، قاذفات صنع حصري وجديد راجمات ، سلاح m16 ومسدسات بعيدة المدى ، لزم اعرف منيلهم ....
ابو لهيب الليبي : اليوم هي صولتكم ايها الشجعان ، هيا بنا لنسطر الملاح ونذكر بالتأريخ ....
مجاهد : بقلبي ، هو دوم الخبيث المجرم يذكرو بالتاريخ ، بس العادل الشجاع يبعدو منو ، تقدمو ٥٠٠ متر حتى يرمون القاذفات ، حظرو القاذفات ، وطلقوا بشكل مستمر على المعسكر ، ندك التراب يتطاير من السياج ، بس السياج جثير قوي مايتفلش بسهولة ....
آصف : يااااااعليييييي ، وبدينه نرمي عليهم قاذفات ، وبالقناص لعبنه بيهم لعب ، صوت الطلقات والهاونات والراجمات بينا ....
حيدر : سيديييي ، لترفع راسك ...
مجاهد : يرمون عليهم وهمه يرمون علينه ، وشغلو الراجمات والدفاعات علينه ، كلت هاهي متت ،جانت حرب طاحنه ....
آصف : خلوهم يتراجعووون ، بسررررعه ، هلااااا بولد حيدر الكراررررر انتو ابطاااال ، نزلو القادة ويقاتلون ويانه ، احنه بينا وبين دا١عش بس الحايط مال معسكر بس هو مشكلتهم بالحايط لان الا صاروخ قوي يله يتفلش ....
.... اصوات الطلق والهاونات والراجمات وبدو الدوا١عش يتساقطون واحد ورى الثاني ، واحنه مستمرين بالقصف بيهم ....
مجاهد : كمت ارمي الدوا١عش بدون ميحسون الحرب بأوجها ، والتراب مايخلينا ندحك شي ، والركضه وحارة تكتل من الحر ، نمت جوا ساتر متت من التعب والعطش ، هسع انه مو لازم ويا جماعتي اقاتل هذول الوصخين ....
... رديت كمت ، وكل واحد ادحكو جدامي ارمي براسو ، ادحك المعسكر امان عفية ابطال ماخلوهم يتعدون ال٥٠٠ متر الباقية ابد وردوهم كيلو كامل ، نسحبت من المكان وضليت اتنطر ، دحكتهم ردو يركضون ....
ابو لهيب : سنعود لها من جديد ...
مجاهد : ماذا حصل ، خلينا نقاتل ...
ابو قتا.دة : شتقاتل يول ، خلينا نرد نجمع قواتنه ونهجم مرة ثانية ...
مجاهد : بقلبي كون هسه ادك مزيقه ودك جوبي انزل ، ردو لتكريت مهزومين وعدهم كومه قتله ، تركوهم بأرض المعركه ....
آصف : خمس ساعات تعرض علينا سحلناهم سحل ، انتصرنا والحمدلله ، اتصلنا بالابراج ، نداء الى الابراج ، كلكم بخير ...
... ( سيدي بخير الحمدلله ، خليناهم يركصون كدام عيونا ) ...
آصف : ابطال عاشت ايدكم ...
المقدم سلام العبيدي : ابطاااال ، انتو ابطاااال ...
اللواء فاضل برواري : فتخر عندي هيج ولد ابطال ....
آصف : اخذتلهم تحية اني والجنود ، سيدي احنه تلامذتك ....
... النداء ... الحمدلله بفضل جهود ابطال القوة الجوية والفرقة الذهبية الابطال ، تم احباط عملية تسلل دا١عش الارهـ.ـابـ.ـي ، الى الباحه الخرجية للمعسكر ...
حيدر : سيدي ، حيل فرحان لان ماكدرو حتى يوصلون للساتر الاول مالتنه ...
آصف : ميكدرون ، ولا راح يكدرون يوصلون ، رجعت ميت من التعب ،وكلنا تراب وحارة حركتنه الشمس حرگ ، اتأكد من جميع محاور المعسكر منطينه شهداء او جرحى ...
حيدر : سيدي جروح خارجية هي بالقمصان ...
آصف : هههههههه ، ابطال والله انتو ابطال ...
مجاهد : بدو يجهزون لعملية ثانية للهجوم ويومين همه يخططون الها ...
آصف : يومين هدوء ، ماكو اي تعرض ،
اجاني نداء بالالسلكي ...( الى كل الوحدات وقيادة عمليات القوة الجوية في معسكر سبايكر ، سوف يتم انزال طائرات صديقة في معسكر سبايكر ، اكررر ، سيتم انزال قواة صديقه في معسكر سبايكر ....
آصف : اسمع صوت الطيارات ، گلبي رجف ، وجسمي كزبر ، طلعنا كلنا نركض للمدرج ، نزلت الطيارات بالمعسكر ، والقوات اسناد النه ، نزل منها القائد ابو نورس ...
.... بعدها اجت طيارة ثانية نزلت ، القادة وكفو كلهم ، نزلو من الطائرة زلم ثنين عبالك يتشابهون ، يبتسمون ويسولفون سوى ، وراهم قوات ، نزلت الطائرات الباقية كلهن ، وبيهن قواة نزلو منها ....
اللواء فاضل برواري : السلام عليكم ورحمه...
الحاج المهنـ.ـدس : وعليكم السلام حظرو اللواء ...
الحاج قاسم : قلوبنا معكم في محنتكم السلام عليكم ورحمه الله وبركاته....
اللواء فاضل : هلا بقادة العراق ....
آصف : باوعت ، انت الجنرال قاسم سلـ.ـيماني ....
الحاج : بله، انا الجندي قاسم سليـ..ـماني ....
آصف : ضليت صافن بوجهه حركاته وكلامه ويا القادة ،هو وابو مهدي المهـ..ـندس ، اخذناهم للمكتب كلنا كعدنه ، بعدني مصدوم شلون كدرو يوصلون والامريكان مانعين اي طيارة طير الا بأمرهم ...
الحاج قاسم : الالمنا جداً ماحدث معك ، في مجزرة التي حدثت للشيعة في قصور صدام الملعون ...
اللواء : طلبنا منهم ان يبقون في المعسكر ولكن دون اي رد ، وخرجو من المعسكر وحصل الي حصل ...
الحاج ابو مهدي : الله يصبرنا على فقدانهم ، ويصبر اهلهم على هاي المصيبة الكبرى ....
الحاج قاسم : اتينا الى هنا لمساندتكم ، ومساعدتكم ، كما نحن نساعد ونقاتل معكم قلبنا على قلبكم ، هذا المعسكر بجهودكم لم ولن يسقط ....
الحاج ابو مهدي : الحاج اذا قال فعل ، قال في اتصال لي ، لا تخف ياحاج لن ولم تسقط بغداد ، ونحن الان قد سيطرنا على حزام بغداد وكربلاء وسامراء والنجف الاشرف ، بأذن الله ...
الحاج قاسم : كلو هذا توفيق من الله سبحانه ، كما اعطى القوة بيد مولانا الامام علي عليه السلام في خلق باب خيبر ، سيعطينا القوة لخلع داعش من العراق ....
اللواء : ان شاء الله حاج ...
آصف : كعدو يحجون ويخططون ان ياخذون ال ٤ كيلو الكدام المعسكر بحيث بعد محد يكدر يتدنه النه ، وراح نبقى نقاتلهم كل مايجون ، نزلو السلاح والعتاد والمواد الغذائية ، رحت ورى الحاج قاسم ، حجي حجي من رخصتك ...
حاج قاسم : تفضل ، ماسمك ايها البطل ...
آصف : آصف خلا ايده على قلبه ...
حاج قاسم : اللهم صل على محمد وال محمد ، السلام على آصف ابن برخيا خادم النبي سليمان عليه السلام ، تفضل تكلم ...
آصف : حاج اكو شي بـ قلبي اريد ان اسئلك به ...
حاج قاسم : تفضل اسمعك ...
آصف : حاج احنه دخلنا بحرب معكم مدة ٨ سنوات وهسه جاي تساندنه وتوكف ويانه ، بعد ما كل دول العرب تركونه ، واحنه جنه عايلين بيكم ...
حاج قاسم : ولدي آصف
ان حرب ايران والعراق نحن نعتبرها حرب صدام على العراق العراقيين كانو مغلوبين على امرهم ، ونحن نعلم ان اكثر الجيش جائو خوفاً من صدام وحكمه الجائر ، الحرب الصدامية وليست العراقية ، فـ لعراقيين بريئيين من هكذا حروب ....
.... كانت حرب مسيسه ،وبدفع امريكي اسرائيلي ، لان في ذالك الوقت كانت دولة ايران تلفظ انفاسها الاولى كدولة مستقله عن دول اوربا ، وتكون دولة اسلامية ....
.... بني آصف ، دائما التأريخ يعيد نفسه في هكذا حروب بين المسلمين ، ولدي آصف ، اقسم بالله نحن نحب العراقيين كما نحب شعبنا في ايران والله شاهداً على مااقول ، نحن يربطنا الاسلام ، وثانيا يربطنا ولاية الامام علي عليه السلام، نحن شيعة امير المؤمنين علي ابن ابي طالب عليهما السلام ...
... لن نتخلى عن اي مظلوم في العالم سواء كان شيعي او سنُي او مسيحي او من اي طائفه كان ،الله سبحانه وتعالى يوصينا بنصرة المظلوم وهذه من صفات الصالحين هي الوقوف مع الحق ضد الظالم مهما كانت قوته ، بأذن الله سننصر كل دولة فقيرة او ضعيفه او تعاني من استكبار ودكتاتورية امريكا واسرائيل وبطشهما ....
.... بني آصف ، نحن جيران وحق الجار على الجار ، ونبينا محمد صلى الله عليه وال اوصى بالجار السابع ، فما بالك بجاري ....
آصف : كلامك صح ، اقسم بالله اجمل كلام سمعته بحياتي وصف ،جنت منتظر هذا الكلام منكم شخصياً بالاخص انت قائد وجنرال كبير ، باوع عليه وابتسم وهو يخلي ايده على ركبتي ....
حاج قاسم : وايضاً اضيف لك ملاحظه ايها القائد آصف ، نحن المنتصرون بأذن الله وقوته ، وببركة رسول الله صلى الله عليه وال بيته الاطهار عليهم افضل الصلاة والسلام ....
الحاج ابو مهدي : ها حاج نرجع ....
حاج قاسم : حسناً ،وداعاً ايها القائد آصف ، وان شاء الله سنكون على لقاءات كثيرة ...
آصف : ضليت صافن على التواضع والكلام وانسان وجهه نور على نور ، هو حاج ابو مهدي ، خلا ايده على جتفي ...
حاج قاسم : كن على يقين اننا سننتصر خلال السنوات الثلاث القادمة ، في امان الله ايها القائد آصف ....
آصف : في امان الله حاج ، في امان الله ،
تركو ويانه قوة من عصائـ..ـب اهـ..ـل الحق ،
وعلى رأسهم القائد ابو نورس ....
...........................
مجاهد : بدو يجهزون لهجوم ثاني ، وفعلاً هجمو بس هل مرة اني مارحت وياهم بس لحكتهم وراهم، وكفو بعد كيلو واحد وبدو يزون مفخخين بالسيارة ....
آصف : كلشي جاهز سيدي ، باوعت بالناظور واشوف سيارات مدرعه جايه علينه ، بسرررررعه نزلووو روسكممم مفخخه ، بدت الراجمه تشتغل عليها ، وانفجرت هيضت التراب فوك راسنه ...
.... صوت الانفجار واحد يصير للثاني ، بيكم شي ، يمعودين احد صار عليه شي , ( لا سيدي كلنا بخير بعد ١٠٠ متر انفجرت بس الجدار تشضه ) ...
آصف : دزو الثانية والثالثه ، ورادو بأي شكل يوصلون وماكدرو ....
اللواء : لازم نهجم عليهم ،اذا راح نبقى ورا هل حيطان راح يضلون محاصرينه على الاقل ندفعهم كيلوين تلاثه عن المعسكر ...
آصف : سيدي همه جاي يدزون مفخخين يعني راح ننطي شهداء ، لزمني من جتفي ...
اللواء : آاااااصف ، احنه بحرررب لازم ننطي دم ، يله تجهزو وابدو بالهجوم ، جهزو الدبابات والمدرعات ....
آصف : امررررك سيدي ، همه بدو يرمون علينه ، ويدزون بهل قاذفات الي متوصل للحايط لان مداهه صغير ...
القائد ابو نورس ... قائد في عصا..ئـ.ـب اهل الحق ،والمسؤل عن قيادة عمليات بغداد ....
ابو نورس : المعسكر كلش جبير ولازم نتوسع بالتساوي ، وناخذ الداير مالته ....
آصف : تقسمنه الى اقسام ، لان المعسكر حيل ضغخم وداير مدايرنه صحراء ، طلعنه المدرعات كدامنه ، وبدو يرمون عليهم ،وراهم الشفلات تسويلنه ساتر ....
.... جنه لابسين بلوزات سود نص ردن حارة تكتل ، وبدون درع فقط الجعبة ، والخوذة ، القادة نزلو ويانه ، سيدي انتو ابقو بغرفة العمليات ونزف الكم النصر ...
اللواء : لا آصف ، ننزل وياكم للساتر ...
آصف : نزلنا وبدينا بالهجوم وياهم ، صوت الطلق يون بالسواتر ، والترابه تكب علينه ، وقتال طاحن جان ....
مجاهد : هذوله شلون يطلعون من المعسكر ، بس والله ابطاال الذهبية وعلي ابطال ، دحكت راية العصائـ.ـب ، ابتسمت واستبشرت ، هاهي ربحنه اخوة زينب طبو للحرب ، كمت اردد بصوت ناصي ، علي وياكم علي ....
حيدر : سيدي ابتعدنا من المعسكر ، باع جثثهم عافوها وشردو ...
آصف : هذوله التكارته مايتركونه بحالنه لازم بعد نبعدهم عن المعسكر ...
محور العصائـ..ـب ..ابو نورس : لازم هاي المنطقه نطهرها من العدو ، وهذنيج الابراج ناخذهن حتى نثبت القواة بيها ، علي وياكم ولدي ....
.... المصور يصور اول بأول الهجوم مستمر ،والقتال مشتد ، الشمس الحارة ، والتعب والركضه كلها مااثرت على الابطال ، الطيارات بدت طير وتقصف بمكانات العدو ...
مجاهد : دحكت الطيارات طارن ، انسحبت لان بدو يقصفون ، رديت المنطقه الكاعدين بيها ، كلها من عشاير البيجيات البو ناصر وباقي عشاير تكريت ، وكلهم منظمين لدا١عش ذاك من ذاك الي هرب ....
آصف : اباوع على الطيارات تقصف ، واحنه نتقدم ، والجثث الدو١عش كلها متروكه على الكاع ، اتقدمنه اكثر عليهم حيدر بصفي ...
حيدر : سيدي ليش مننسحب اخذنا اكثر من ثنين كيلو ، خل ثبت جيش بهاي الابراج ، بعد زلمه اليتگرب النه ...
آصف : حيدر ، لازم ناخذ ٣ كيلو حتى بعد ما يوصلون للمعسكر يملون ...
حيدر : تقدمنه عليهم وهمه كلهم انسحبو ، انتهت اليوم الحملة ، ثبتو بالابراج الخارجية القواة ، احنه بدينه نرجع فرحانين بهذا النصر ، ونهوس ....
.... الساحه النه ونلعب جوله الساحه النه ونلعب جوله ، احنه زلام حيدر من يگابلنا احنه زلام حيدر من يگابلنا ...
آصف : رجعوا الجنود فرحانين ، السلاح على جتفي شايله واتمشى وبعد عن المعسكر كيلو واحد ، اباوع حيدر بعد متر عني يهوس ، مااشوف الا واحد بالكاع اتحرك سحب اقسام باوعت لحيدر ، حييييدرررر صارت نظرته عليه ، ركضت دفعت حيدر ورماني ....
حيدر : وكعت بالكاع والقائد وكع وراي وصوت الطلقه وهو صاح اخ فتحت عيوني وصرخت ، سيدييييي ، اااااااصف ، راحو على الدا١عشي ورمو كتلو بمكانه ، كمت زحفت بسرعه سحبته بحضني سيدي اصف سيدي ، ليششش ماخليته يكتلنييييي سيدييي ، بسرررررعه شيلوووو القائد بسررررعه ...
آصف : اللهم ايدنا بجنوداً من الملائكه مسومين من عندك ، الطلقه وكعت بصدري ، من حرارتها بالكوه اتنفس ، اباوع عليهم ماكدر احجي فجأه صارت ظلمه بعيني ....
منسا : واني اشتغل وكعن الغراض من ايدي وگلبي رجف ، آصف ؟! لزمت گلبي ، رحت ركض على المبايل اخابر على احد القادة الي هو يجيب النه اخبار اصف ، ميجاوبني ...
.... ربي لاتحرمني منه ماعندي غيره ...
حيدر : بجي وعياط خلينا بالمدرعه ، وصلنا للمعسكر سيدي لاتعوفنه سيدي ، ليش هيج سووويت سيدي اني افديك بروووحي ، شلووون توكف كداميييي ...
اللواء : بسرعه جهزو الطيارة للقائد اصف وانقلو البغداد ....
الدكتور العسكري : سيدي لازم نسعفه ممكن يستشهد بالطريق ، بسرررعه جيبو المعدات ملازم حيدر اطلع ...
حيدر : مااعوفه ابببببد ، فداني بروووحه ، ضليت كاعد ليغاد منهم ، شكو بلوزه ، باوعت والدكتور صاح ...
الدكتور : صار عنده توقف بعضلة القلب ...
حيدر : لالاااااا سيييديييي لتعوووفنه سيديييي،
وكفت ليغاد منهم وهمه يحاولون يرجعون النبض بگلبه .....
منسا : ورى نص ساعه ، دك التلفون القائد ، جاوبته الو حظرة القائد ، ممكن اعرف اصف بي شي ، جاوبني وهو يكولي ....
القائد : انتي زوجة رجل
قائد عظيم واعرف انتي كد اي خبر يجي اذا جان حزين او سعيد ....
منسا : كام كل جسمي يرجف عبالك شي ضرب راسي ، لزمت گلبي و بالكوه حجيت بقهرة ودمعتي نزلت ، سيدي ، شبي آصف ...؟
القائد : بنتي ، اصف ........)))))))
وين شايل
ياعزيز الروح
وين شايل
ابنك منتظر ملكاك
وين شايل
بعده الگلب ما شبع منك شوف
وين شايل
.
.
.
.
رأيكم بالبارت 🥺
توقعاتكم للقادم 💥
الكاتبة : فاطمة علي ❤️