🍃⚘🍃رواية عيون النار🍃⚘🍃
داعش
⚘الحلقة -10-⚘
⚘"الكاتبة: فاطمة علي"⚘
..🍃رأيكم🍃..
الحزن لو راد يعبرنا
ينسى بالضلوع ايبات
🥀🍂💔
..............................
امام انظاري ......؟!!!!
ماجد : معتز ، لازم ادخل بنصهم واجيب حرمتي منهم ، ولك صارلي اشهر مااعرف عنها شي ...
معتز : لا انت تخبلت شلون تدخل بنصهم ، والله يذبحـ.ـوك اول ميشكون بيك ...
ماجد : عجل شلون اتركها بيدهم ، عجل اذا السالفه هيج شاربي هذا ازينه والبس شيلة امي ...
طه : تذكر قبل فترة حاولنا ندخل ويانه قوة كاملة ، وردنا ننطي شهداء وماكدرنا نوصل ....
معتز : ماجد الدخله هناك صعبه حيل ، ولك احنه هنا جاي نقاتلهم ، بحزام بغداد ، يعني لازم تدخل العمقهم وتوصل للموصل ، كلي شلون تعبر كل هاي السيطرات ...
ماجد : ماادخل بأي سيطرة ، ادخل عن طريق الصحراء لو البساتين ...
طه : خوية دخلتك هناك صعبه ، لو شسوي صعب ، يعني انت تريد اتموت بس متعرف شلون ...
ماجد : شيخنا ترى واصله حدها وياي ، انه گلبي لايب على حرمتي ، وانتو تكلولي موت ؟! ، خلو روحكم بمكاني شسون ...
طه : حقك والله حقك بس غير نخاف عليك ...
معتز : والله ياخوية انه ماريد اخسرك ، وهيج احجي، والصراحه لو اني صار وياي هذا الموقف اسوي المستحيل بس اوصللها ...
ماجد : هاهي عجل ساعدوني خل ادخل بنصهم ...
طه : لازم جنسية مال واحد موصلي او انباري المهم من الغربية ...
ماجد : سهله سوگ مريدي موجود ، رايح هسه وهل يومين اجيبهن ، رحت واخذت اذن بالنزول ونزلت ، وبوجهي السوگ مريدي انطيت فلوس كوومه حتى خلال يومين يكملوها ....
... سوالي جنسية بأسم واحد من تكريت
، وخليت صورتي ، خليتها بجيبي ورحت اشتريت هدوم دو١عش قميص طويل وبنطرون زيتوني
، ورى يومين ، رجعت الجماعتي ....
معتز : ها خوية ، كملت شغلاتك ..
ماجد : دحكو جنسيتي ، دا١عشي اصلي ...
علي الرضا : صدام يزيد ال بناصر ، و الله معدله هل جنسية اصلا بس يشوفون اسمك گبل يعبروك ويطشون وراك جكليت ...
ماجد : اخذت نفس ، ادعولي الكاهه ، رايح اودع اهلي وارد وادخل عن طريق الرمادي ....
معتز : الله وياك خوية ، الله يحميك ويرجعك النه سالم غانم ...
طه : ردد سورة يس ، اية وجعلنا من بين ايديهم سداً ومن خلفهم سدا فأغشيناهم فهم لا يبصرون ، واقرا الفاتحه الام البنين عليها السلام، وفوت بزودك ...
ماجد : ماشي شيخنا واخوي طه ،
سلمت على جماعتي ، واتجهت للامر مالتي وتم الاتفاق على دخولي بشكل رسمي الى د١عش بس تحت تكتم حتى لينكشف امري ...
... ويا ماطلعت صار بوجهي حاج ابو مهدي المهـ.ـنـدس جان يريد يدخل الحجرة العمليات ، رحت سلمت عليه ، حجينا ابريني الذمه ...
الحاج : ليش وين رايح ...
ماجد : رايح ادخل بنصهم ارد حرمتي من بيناتهم ، خلا ايدو ورى ركبتي وابتسم ...
الحاج : ادري بيك بطل ، وتجيبها ، روح وليدي الحسين يحفظك وترجع سالم غانم ...
ماجد : مشكور حجي ، بعد اكو احلى من هل دعاء ، سلمت عليه وطلعت ، تسللت بالبداية بين البساتين بدراجه فوك الساعتين انه بالطريق ، خليتها بمكان وكمت اتمشى ، طلعت مبايلي ودحكت احداثية الموقع ، بعد طريق ١٠٠كليو متر على الرمادي ....
... ررجعت ركبت الدراجه ، اتجهت على الشارع ، دحكت سيارات بيك اب اتجاهي جايات ، دخلت بين البساتين ، دحكتهم راحو ، عرفت انه دخلت بعمقهم ...
.... وصلت المنطقه، ذبيت الدراجه وتمشيت بينهم ،
حياتهم عادية ماكو اي حرب يمهم ، والحريم كلها لابسه نقاب وعباية وكلشي مطالع منها ، ركبت سيارة تكسي ، وطلعت للموصل ...
....هينا قريت اية ( وجعلنا من بين ايديهم سداً ومن خلفهم سداً فأخشيناهم فهم لا يبصرون ) ضليت اردد بيها ومحد حس عليه انه بنصهم غريب ...
.... وصلت للموصل ، الساعه ١٠ بليل ، وين اروح ومنين ابدي ادور ، دحكني واحد شايل سلاح وصرخ بيا ...
..( انت منو ، ومن وين ) ...
... اشرتلو ، وتقدمت عليه وانه رافع ايدي ليفوك ، انه اسمي صدام وهاي جنسيتي وجيت من تكريت انضم لدولة الاسلام ، وابايع الخليفة ابو بكر البـ..ـ..ـغدادي ...
.... ( مو هينا تبايعو ، روح لمنطقة وسط الموصل ، راح تلكه الامراء هناك ، وتبايعو للخليفه ) ...
ماجد : تسلم خوية ، طلعت وتجهت مثل ماگالي ، وصلت لهناك ، وانصدم بعددهم الهائل ، ماخذين البيوت و عايشين يضحكون ويسولفون والله بيهم تفجير الا اسوي طشارهم مالو والي ،
وانوب ناس لغتهم مامفهومه بنصهم ، يسولفون اجنبي ....
.... دحكت حريم ماخذيهم مثل الجواري ، دخلت بنصهم و استقبلني واحد اسمو ابو ميسان ، وبايعت ابو بكر ودخل بنصهم ....
.... مر اليوم الاول ، والثاني والثالث وانه كل ليله ادور على فاطمة وماهي ماكو فص ملح وذابت ، بليل اخشع صوت حريم تصرخ ، وللفجر ، خشعت صوت واحد يتحرك ، طلعت من المكان الانه بي ...
... الدنيا ظلمه وبس ضوه السيارة مبين ، طلع شي شايلو بيدو وذبو بالبيك اب ، اخذت دراجه ولحكتو بين البيوت بدون مايحس ، وصل المكان بي بستان ، نزل سحل هل شي من البيك اب وذبو ، وركب سيارتو وراح ...
.... شغلت تلفوني ، ورحت شغلت الفلاش ، ادحك المكان ظلمه ، واخشع صوت ذيابه مدري جلاب ، وصلت لهل شي جان ملفوف بغطى لونو جوزي ، فتحتو وادحكها بنية صغيرة ، تراجعت ليورى ....
.... ورجعت ادحكها شبيها ، خليت ايدي على نبضها ماكو نبص ، ضربتها بخفة ايدي على وجهه ، جسمها بارد ، شوية كشفت جسمها كلو كدمات ومالابسه هدوم ، رجعت غطيتها ....
.... الله لا يوفقو مغتـ.ـصب الطفله ، رجعت بالدراجه جبت كرك واجيت ، شفت الجلاب ملمومين عليها ، طردتهم وحفرتلها گبر ونزلتها ودفنها ، اشتكي الربج عن الشفتي ، بلكي نخلص من هذول الانجـ.ـاس ....
.... رجعت كل هدومي تراب ، ومنتهي كني فاقد شي ، مختنگ حيل ، ودي اصرخ بعلو صوتي فااااطمه وييينننيج ، معقولة ماتت ....
.... اخ يافاطم وينج ياحبيبة ،وينج ، ضليت سبوع هناك اتمنى بس الكاهه ، همه يرحون يقاتلون ويردون ،اندليت المكان اليخلون بي الحريم ، دحكت ودورتها زين ماكو ...
.... بعدين عرفت ناقلين قسم بيهن حوامل للرمادي ، گبل ركبت السيارة ورديت للرمادي وصلت للمقر وانه ادور عليها ، بس ماكو فاطمة اختفت ....
.... كعدت بتعب جريب المقر ، هسع دخلت بشهرها ، اكيد لان هي قبل ٣ اشهر اخذوها ، ربي مسني الضر وانت ارحم الراحمين ، اذن الفجر ، كمت توضيت دحكتهم بيهم كامو يصلون ، عود هم مسلمين ....
.... دخلت للجامع ، وكفت اسبلت ايدي ونسيت ، مباشرتا ، ادركت روحي وجتفتها ، كملت صلا ، كاعد ادعي واناجي ربي الكاهه ، صارت بالسته ، خشعت صوت هوسه ....
.... مهتميت وضليت كاعد ، واحد اجه وهو يضحك ، شبيك تضحك ....
...( راح يذبحون روافض ومرتدين اليوم الوجبه اثجيله ، گتلو ثنين حريم ، وبعد الزلم راح يقيمون عليهم الحد ، هنيال اليتگرب بدمهم لله ) ....
ماجد : كمت من مكاني وركضت ، الكاهم بساحه متجمعين ،
بعدت جم واحد ، دحكت حريم ثنين سابحات بدمهن ، حسيت قلبي نغزني ، اختلطت وياهم ، جابو الزلم وصرخ ابو ميسان ...
..الحكم بالاعدام على هؤلاء المرتدين ، من جيش الهالكي (المالكي) بقطع رؤسهم ورميهم بالصحراء ..
... اجو زلم ملثمين بيدهم حربات تلمع ، رفعو الكياس من فوك راس الزلم وذبحوهم ، راحو على الحريم گلبوهن جانو راميهن طلق ، لو بيدي سلاح جان لعبت بيهم لعب ، بس بنص خونه وجلاب ...
... دحكت وحدها منهن انفتح شعرها ، وملامحها مو كلش مبينه ، ضلت ادحك بتفاصيلها ....
... اختنكت ، هذا الشعر اعرفو ، معقولة البالي ، لا ياربي لاتكسرني هل كسرة ، حسيت حيلي نهد تگربت منها ، جسمي كلو رجف ، كانت فاطمة ارد ادحك عدل بعيوني ماكدرت حسيت جمدت تنفسي صار سريع و ظلمت الدنيا بعيني ...
... سحلوها من كدامي ، ودمها بقى بالكاع ، اريد استوعب الحاله الدخلت بيها ، لا اكدر اصرخ ولا اكدر اكتلهم ، ولا اكدر اسوي اي شي ...
... طلعت بيا مابيا وراهم خلوهم واحد فوك الثاني وأخذوهم بسيارات ، ماعرف بيومها ليش ماشكو بيا وكتلوني وياهه ...
... أخذت سيارة وراهم كني مو بوعيي ، اخشع الحريم وراهم تهلهل وتشمر جكليت لان كتلوهم وتشمت بالماتو ،دحكت بصفي سلاح تأكدت منو بي طلق ...
.... وصلو اطراف الفلوجه ، شجابهم هينا ، ومن جهة كربلاء ، جان المكان صحراء قاحله بيها تلال صغيرة مثل السواتر ، ختلت ورى احد التلال جريب عليهم حفروا حفره وذبوهم واحد فوك الاخ ...
... ربع ساعه ، رادو يصعدون بسيارتهم ، سحبت اقسام وطلعت ارمي بيهم عامي شامي ، اربعتهم كتلتهم ....
.... ذبيت السلاح ، جسمي كلو يرجف ، ودمعتي جامده ، واردد يارب مو هي يارب كون هاي وحده تشبهه ، ياالله مو هي ،دخيلك ياداحي باب خيبر ....
... رحت حفرت بيدي كني مجنون صارت عجاجه داير مدايري ، وصلت لملابسهم وكمت اسحب بيهم إلى ان وصلت المحبوبتي بالكووووه سحبتها ، بعدت التراب عن وجهه ....
... فاطم حبيبتي، فطومه حبيبة ، اني اجيت ، فاطمة ردي عليه فاااااطمه ، جاوبيني حبيبتي ، دمها بعدو حار يجري من صدرها ، اويليييي فااااااطمممم ....
حظنتها حيل وابجي واصرخ اريد صووتي يوصل الاخر الدنيا اريد ربي يسعمو ....
... اااااااااااا فاااااااطممممم اكعديييلي انه جيييتج فاااااطم حبيبتييييي ، فاااطمه ، اذوووووج ريت انه ولا انتيييييي فااااطمه حبيبيبتي ...
.... اشم بعطرها وتزيد أوجاعي وحيلي ينهد اكثر واكثر ، ااااااع ، حبيبه كوووميلي هاي مو عوايدج مااااتتلكينيي ....
... امسح بالدم المغطي هدومها وحلكها ، اتهسترت صرخت صرخه رجت الصحراء بيها ارد اطلع حركة گلبي .. ياااااااااا الله ااااااااااااااااااااااااااااا ...
..نص ساعه انه ابجي وهي بحظني ماترد عليه انتبهت على بطنها الطفل ماكو كمت ارجف واعصابي ماسيطر عليها ، تهسترت ....
... ويننننووو وووووينووو فااااطمه جاوووبينييييي وين ابناااااا اااااااااااا ابنيييييي وين فاطمه جاوووبييي يااااااااربيييي شهل عذاااااااب ابني وحرمتي بيوم واااحدد ، فاطمه ابني وينوووو ااااااااااااااااا ....
.... هينا حسيت روحي ، خسررت ثنين حرمتي وابني حاولت اشيلها لارجل ولا أيدي تعيني أخذت نفس وشلتها حطيتها بالسيارة ليورى ،والباقين خليتهم بالبيك اب ورى وغطيتهم ، حاير شلون اطلع ومنين اروح دحكت انه اجيت من جهة الغرب وانه لازم ارجع عكسهم ...
... ادركني ياجدي ياعلي ، ساعدني انه بختك ، ادركني يلحجه ابن الحسن ، بسم الله الرحمن الرحيم ، وحركت السيارة بتعب وعيوني متروسه دموع ، وگلب مكسور ....
... بيومها ، مدري شلون محد دحكني ولا سيطرة جان بيومها واكفه ، مدري شلون ماكتلوني ، اقسم بالله جنت افوت من نصهم ولا يحسون بيا وفاطمه والجثث وياي بالسيارة ، شلون عبرت مادري ....
.... وصلت الساتر ماعرف حسيت انطوتلي الكاع شبه معجزه طلعت من أيدهم شلون مااعرف ، من الفلوجه لهينا حدود كربلاء ، محد بيهم اشرلي ، وصلت المكان بي جنود وراية فرقة العباس القتالية ، وكفوني بسلاحهم ...
المقاتل : اووووكف عندك ..
..سلم نفسك ..
.. أنت منين جاااي ...
ماجد : وجوه أسلحتهم عليه وبصوت مبحوح جاوبتهم بتعب ، انه النقيب ماجد هاشم ال شهم الحسيني ..
المقاتل: شنووو اليثبت ..
ماجد : تكدر تتصل بالقيادة وتتأكد ، اتصل بقائد الحشـ.ـد ابو مهدي المـ.ـهندس ..
... وصدك اتصلو بقيادة العمليات واكدولهم دحكو فاطمه ، والعالم المذبحه وياي ..
المقاتل: وهاي المرة منين جايبها ،وذول شنو ..؟
ماجد : انتبهت عليها بس بالثوب وشعرها نازل منا ومنا ، نزلت من السيارة ، سحبت الغتره من ركبتي وغطيت شعرها ، هم دارو وجهم ..
المقاتل : بسرررعه اسعاف ..
ماجد : اجت سيارات الاسعاف والدنيا انگلبت ، حطوها بالأسعاف نقلتها لمستشفى بكربلاء ، طلع الدكتور ويا دكتورة جنت كاعد بالكاع ، كمت بالكوه ...
الدكتور : البقية بحياتك ، متوفية من ٣ ساعات ونص ...
الدكتورة : انت زوجها ...؟
ماجد : اي دكتورة ...
الدكتورة : اعتذر عن نقل هذا الخبر الك ، بس زوجتك متعرضه للاغتصـ..ـاب الشديد ، واكثر من شخص ، ومن شدة الاعتداء ، صاير عدها ولادة مبكرة ، صعب علينا ننقل هيج شي للناس ، بس هذا التبين وياي ...
ماجد : جسمي كام يبرد ويعرك ، تسندت على الحايط وكعت متحملت حسيت راسي احد لزمو وثگل وخشمي طك دم ،والدنيا ظلمه بعيني ...
الدكتور : بسرررعه سدييييه بسرررعه ...
ماجد : فتحت عيوني ، معلكيلي مغذي ، اتذكرت الصار بفاطمه ، كمت بحيلي وراسي افتر وعيوني ازلمت ، عصرت عيوني حيل جت وحده من السسترات ...
... اخي ارجع انت تعبان ...
ماجد : وخري مني ، كمت ونزعت الكانونه من ايدي ، ركضو عليه الدكاتره لازميني بس مو بيدي فقدت انوب انجنيت ، عووفنووننييي خلووني اروحلهم هذول السفله ، اااااااااااا ....
.... كعدوني كووه بالكاع وذبو مي بارررد على راسي دكيت حيل على راسي وانه اصرخ وين جنت عنج انه موووو ابو غيره لان عفتج يمهم المفروض اجيبج من اول يوووم ااااااع ....
معتز : دخلنا للمستشفى نركض ، وين ماجد هاشم ...
الممرض : بغرفة الطوارئ ...
معتز : ركضنه لللطوارئ ، وياريت ماشفنه حالة ماجد ، كاعد بالكاع ومخلي ايده على ركباته ومدنگ ، وايده بيها دم وهدومه كلهن دم ، ركضنه عليه خوووية ماااااجد ....
ماجد : رفعت راسي الهم ورجعت نزلته ...
معتز : التمينه عليه ، وين مريتك خوية ، نزلت دمعته ، اووويلي ريت اموت ولا اشوف دمعت ماجد ، لا لتكولها خوية ...
طه : الله يرحمها ...
معتز : كعدنه كلنا داير مدايرة ، نبجي على حالته ، خوية الله يصبرك ، ياماجد ياخوووية ...
طه : انت مؤمن ، وهي انحسبت شهيده ، بس الله يصبرك على بلائك ...
علي رضا : خوية ماجد احجي ويانه ، لتضل ساكت ، انكسرت ظهورنا على حالتك خوووية ...
ماجد : انه مو زلمه ، انه ماعندي غيرة ، لو زلمه صدك جان من اول يوم الحكهم واخذها ...
معتز : وين تروحلهم ، وبنصهم ، غير ايكتلوك ...
ماجد : هل دخلت بنصهم وطلعت ومحد دحكني ، ولا واحد سألني وين رايح ومنين جاي ....
معتز : اسفين خوية اسفين احنه لزمناك وماخليناك تروح اسفين خوية ....
الدكتور : تكدرون تستلمون جثة المرحومه ...
ماجد : كمت بالكوه وجماعتي لازميني ، تمشيت بالگوه ...
معتز : ااااا، شلون خلينا هيج ينكسرررر كله من عدنااا ...
طه : لتلومنه ، هذا يسمو انتحار ، وهو دخل جان مثل الجنص اله ويمكن اذا يدخل مرة ثانية يعرفو ويكتلو ، كافي واحد يلوم الثاني ، هسه وكتنا نوكف ويا صديقنه واخونه بهاي محنته ...
ماجد : رادو يخلوها بجيس مال موته ماقبلت شلتها وطلعت ، دحكت جماعتي والعالم كلها تدحكلين بنظرة حزن ....
علي رضا : اااااخ ياخوووية ، الله يساعد گلبك ...
معتز : كسرته كسرره كسرنا ويا ، ااااااخ ...
ماجد : عيوني متروسه دموع ، فتحولي الباب الورى وصعدت وخليتها بحظني الطريق كلو ودموع حاركه عيني حرك جانت خصله طالعه من شعرها كمت اعدل بحجابها ..
... شفايفها بيض وجسمها ثلج شكد جانت تضوج من البرد ، بالكوا حجيت بصوت تعبان ، معتز انطيني شي اغطيها بي ...
... انطاني جرجف ، غطيتها ،
ضعفانه حيل وجها انتهى مابي دم والضحكة الحلوا راحت حظنتها وخليت راسي على ألجامه ماعرف جم ساعه بالسيارة وصلنا بغداد ...
معتز : إنروح البيتك مو ..
ماجد : اشرتلو بمعنى أي ، ساعه وصلنا للفرع كنو الخبر واصللهم لان الفرع مكتض بالعالم ...
معتز : ماجد جان شبهه فاقد على زوجته الله يساعده محد يعرف شاف هناك بهذيح الايام ، ماجد خوية وصلنا ، فتحتله الباب ونزل شايلها شلون منظر يكطع اتكطع ...
ماجد :هي بحظني ماريد احد يتگرب الها ، وصلنه لباب البيت باوعت على وجهه وملامحها البريئه بستها بخده واشتم بعطرها ...
... نزلت من السيارة وشلتها على صدري ، راح معتز فتح الباب جدامي ، اول ما دخلت وانه شايل فاطمة شفت اهلي واهلها كلهم بالحوش طلعت أمي بوجهي متحملت كبل صرخت ...
زهراء : كلنه جنه كاعدين فجأه دخل ماجد وشايل فاطمة وحالته حالى من شفنا كمنه انعيط امي راحت تلكته وهو يبجي اي يبجي مثل المره ...
ماجد : يممممه يمممه حبيبتي رررراحت حبيبتيي راااحت ، يمممه اني جببببان جتلوووها جدام عيييينيي وماسووويت شييي ، يممممه ....
زهراء : يبوووووو ، فاااطممممة ، اوووووف يااااخووووية ، وج فاااااطمممممه ااااااااا ،
كعد بالكاع احنه كلنه التمينا عليه وهي بحظنه اتهستر كنو أنجن مو ماجد النعرفو ..
ماجد : فاااااطمممه اااااااااااااااا يممممه رررراحت ماترررررد بعددددد ، حرمتي الاحبها ام وجه الحلو ماتتت ...
زهراء : أمي فقدت ، وامها تخربطت وماجد كام يلطم إلى ان صوتو اختفى ،
حاول أبوي ياخذها من ايدو بس ماقبل ...
سيد هاشم : اكرام الميت دفنو بويه كوم وينكم تعالو كووومو اخوكم وشيلن حرمتو من حظنو ...
ماجد : بصوت شبه معدوم ، اتركووها بحظني انه أكوم بواجبها ..
زهراء : اخذها ماجد جوه و حطها بالحمام غسلها وأخذها للغرفه كان مكسور ظهرو من يمشي يحني ضهرو ماعرف كيف جان شايلها ..
... كام يطلب الها ملابس ، ركضنه طلعنالها ملابس ، بدل ملابسها ولبسها حجاب حتى جوارب لبسها و شالها ، احنه كلنا ورا حسينا بي انجن مو طبيعي ..
سيد هاشم : اااااخ يابنيتييي ااااااااا ، كوم وليدي لازم ندفنها ، بعد كوووم ...
زهراء : شالها ماجد والكل طلعت ورا تصرخ اخذوها للمستشفى علمود شهادة وفاة يطلعولها ،
كم ساعه و خابرناهم كالو طلعوها شهاد وفاة وصارت عيطه ثانية بيتنا ..
.. يممممه طلعووولهاااا شهاااادة وفاااااة اااااااااه اويلييي عليج خيتييييي اااااااااااا يبوووو ....
..جابوها بتابوت وعياطنه مالو والي صار ..
معتز : شفت ماجد دخل جوه وياجنازتها نزلوها للنسوان ، وهو دخل وياهم شفته كعد يم التابوت ويهمس بينه وبين نفسه صارت هوسه اجه ابو ماجد ...
سيد هاشم : كرار روح طلعو الاخوك من بين الحريم ...
معتز : دخل كرار يسحل بي ،دخلنا يم الباب وجرينا بالكوه ، خووويه ماجد خووويه ليش ماترد ، ماجد ، جان شبه فاقد ميحجي ولا يبجي من بعد ما غسلها بالبيت ...
.... ودعوها وطلعنا وصلنا للنجف جانو محظرين القبر زورناها الإمام علي عليه السلام ، وطلعنه للمقبره وماجد جان متلفلف بالغتره الجان مخليها على راس مرته يمشي ويانه وحاني ظهره وطه وعلي رضا لازمي ...
... وصلنا للقبر كعد ماجد قريب على الفتحة قبل لا نزلها اشر اصبرو نزل ويشوف مكانها تمدد بي وخلا ايده على وجهه حسينه بي كام يبجي نزلت بالكوه سحبته ووجماعتنه لزومو ...
ماجد: عوفوني انه ادفنها
معتز: ماجد خويه ضل هنا هسه يدفنوها
....
ماجد: معتز كتلك وخر انه انزلها للكبر ، وخرتهم وشلتها عاونوني بيها نزلتها للكبر انفتح شوي من الجفن طلع خدها فتحت شفتها فاتحه عيونها على النص ، ومبتسمه تحسست نبضها ، بس ماكو نبض ، حاولت أغمضهن الها بس مانسدن ...
... عدلتها وصعدت كل مايذبون تراب احس روحي تخلص وتذبل هنا متحملت ادحكهم يدفنون حبيبتي
...
... خلصو دفن ، نمت على ترابها ، و اصرخ بعلو صوتي بس ماكو صوتي مبحوح منتهي ، فاااااااااااااااطمه ، بجيت بجي مصاير ، اريد نار گلبي تبرد بس ماكو صدري موجر نااار ،كمت منها وتمشيت ...
معتز: وين رايح
ماجد : بعيون مدمعات ، وصوت مشبه معدوم ، رايح الجدي علي راجع للمرقد ....
معتز : وياك خوية ...
ماجد : لا لاتجي ، اروح وحدي احسن ، رديت المرقد الإمام علي عليه السلام ، دخلت سلمت و كعدت كبال المرقد ....
.... تذكرت جدتي فاطمة الزهراء عليها السلام وظليمتها ، همست ،
أيي ياعلي التاريخ يعيد نفسو بظليمتكم انه هسه خسرت حرمتي وابني وأنت هم قبل الألف السنين اخذو منك ابنك وحرمتك محد يحس بوجع غيرو بس من يمر بي ، جدي ياعلييي ، شلون جان حال گلبك يامولاااي ...
.... آه والف آه اااااه ماكو مثل ظليماكم ابد ،
جدي ، هاي حرمتي فاطمه ، امانه عدك جبتها اليوم ، بامانتك يااااااااعلييييي ااااااااااااا يااااعلييي بختك احنه ياااعلييي ...
.... سجدت وانه ابجي إلى ان غفيت بهل اثناء حسيت احد يدغني بجتافي رفعت راسي وفتحت عيوني وصحت ...
... فاطمة شجابج هينااا ...؟؟
فاطمه: ماجد وليدي اخذو من يدي ماكدرت اخذه منهم شكد ناديت عليك بس ماجيت ...
ماجد: اجيت بس جدامي شفتهم كتللوج ...
فاطمه : الحمدلله من كتلوني ماعرفت شسوو بيا ، ماجد حبيبي ، انه عيني على وليدي رده الحظنك تلكا عد ام عمر ، لتنسى ، بس كللها وليد فاطمة وين ...
ماجد : فاطمه لا ترحيين وتركينييييي فاطمة ، انه ميت بدوونج فاطممة ...
فاطمة: لا تخاف عليه اني بأمان هنا ،خلصت من الدنيا ، اني راح انتظرك تجي يمي ....
ماجد: فاطمةةةةةةةةة ... كعدت والزوار داير مادايري والخدم يكعدون بيا ، لزمت گلبي ، وادحك بيهم ، اسف ... اسف ...
الخادم : الله يساعدك وليدي الي شفته مو هين كوم غسل راح يأذن الفجر ...
ماجد: الفجر ...... ؟ أخذت نفس وطلعت للحمامات غسلت دمها بعده بملابسي شلون اصلي طلعت من الحمام ورحت للخدم طلبت منهم ملابس أنطوني بنطرون وقميص مال خدم ...
... فهمتهم حالتي كبل اخذوني للحمامات الخاصه بيهم سبحت ولبستهم ورحت توضيت وصليت ، كاعد اسبح ، اجه رجل عليه هيبه وقار بيده عوجية كعد بصفي وكال ....
الحجي: أيي ياوليدي ، أنت ربك يحبك هنيالك على هذا الحب ...
ماجد: باوعتله باستغراب يحبني ..؟!
الحجي: أي يحبك ، التبي محمد صلى الله عليه وال ، يقول : الله إذا احب عبداٍ ابتلاه ،
وأنت عبد مبتلا ياوليدي عليك بالصبر والتأني بأخذ قرارك لاتاخذ قرار تتندم عليه طول عمرك ...
ماجد: وأنت منين تعرفني وهيج تحجي وياي هذا الحجي ... باوع عليه وابتسم ويحجي ...
الحجي: انه الكعدتك للصلا وانطيتك هذول الملابس وشفتك اليوم العصر من جابو زوجتك شهيده الكتلوها دا١عش ...
... لازم تنظر للمستقبل وتخلي الماضي وراك لان ماتعرف يمكن قبل لأتوصل ، للي تريده يدخلون تابوتك من هذا الباب ، لا تتسرع ابد ، زين منك جبت جثتها وفنتها ، غيرك يتمنون اظفر من ولدهم الراحو بيد الدوا١عش الله يلعنهم ...
... انتهز الفرصة وليدي صح الشهادة ماكو احلى منها بس لاتموت قبل لا تاخذ الي تريده ،وتجيب ثارك منهم ...
ماجد : دنكت راسي وهزيتو بمعنى أي ، دحكتو ابتسمت ، ان شاء الله حجي ، عافني وراح ... حسيت كلامه ريح قلبي كملت صلا ...
... طلعت للمقبره وصلت بعدو الضوه توى طالع ، كعدت يمها ، ادري بيج تخافين الظلمة وتخافين تبقين وحدج بس أنتي هيناا بأمن مكان بالعالم ، اعرف بيج مو وحدج ، أنتي يم جدي علي ...
... بقيت كاعد لما طلع الصبح ، احسيت اكو صوت من القبر طلع (ماجد ابني رجعه الحظنك) كمزت من مكاني ماعرف جان حلم أو حقيقه كبل رجعت للأمام صليت واخذت ملابسي غاسليهن لبستهن وانطيتهم ملابسهم ....
..... رجعت البغداد ......)))))
طـاح وتبـده الـماي مـنـج يـروحـي
ومـن وادعيتـه وراح كـثـرت جـروحـي
🍂⚔🍂⚔🍂
.
.
رأيكم بالبارت 🥺
توقعاتكم للقادم 💥
الكاتبة فاطمة علي ❤️
حبيت يكون البارت خاص بماجد
وفاطمة ،
الصار ويا ماجد معجزة
....