⚘🍃رواية عيون النار🍃⚘🍃
داعش
⚘الحلقة -7-⚘
⚘"الكاتبة: فاطمة علي"⚘
..🍃رأيكم🍃..
شلونَك يَّ بعَد المُو إلي
يالتعبِتني انتَ و هَلي ♥️....
.................
معتز : ما شاء الله اسم على مسمى ، عفتها ومشيت ، صار بوجهي ماجد ، ها خوية ....
ماجد : ها شبيك ، وجهج يلولح ...
معتز : لا مبية شي ، شني اليوم ماعنده هجوم ...
ماجد : الظهر عدنه هجوم ....
معتز : خوش ....
ماجد : هجمنه هذا الهجوم وردينا لدرتنا ، جنت جثير فرحان بحمل فاطمة ، ادحكها جدام عيني تروح وترد وبطنها مبينا ، اخذتها للحجرة ...
فاطمة : ها حبيبي شبيك ...
ماجد : اروح فدوة الطولج ، صايرة تخبلين ..
فاطمة : ليش قبل مجنت حلوة ...
ماجد : يول انت بكل وكت حلوة ، بس هسع احلى وبطنج تخبل ...
فاطمة : ههههههه ، هم تتمنى يصير عدنه اول طفل ولد ...
ماجد : اي واحد يتمنى يصير عندو ولد ، بس انه طلبتو هل طفل من مولاتي زينب عليها السلام، اذا اجت بت اسميها زينب ، واذا ولد حسن لو عباس ، وكلشي يجي من الله خير ...
.... انه صارلي سنين منتظر هل ضنه وتكليلي ولد وبنية ، اروح فدوة لعيونج ....
فاطمة : حبيبي ...
ماجد : اخذتها الگلبي ، وجني مالك الدنيا بين ايدي ، الله يحفظج الي ...
فاطمة : ويحفظك ويطولي بعمرك ....
ماجد : مر سبوع هدوء ماكو معارك اتصلو عليه وكالو اكو هجوم ولازم نلتحق السوريا ، حبيبة حظريلي جنطتي ، عندي تدريب بلبنان ...
فاطمة : والله دا اضوج تعوفني وتروح وتبقى بالاشهر هناك ..
ماجد : هاي التاخذ عسكري ، يله حبيبتي حظريلي جنطتني وكلها كم يوم وتخلص ...
فاطمة : ان شاء الله...
ماجد : ثاني يوم الفجر ، يابه فاطم امانه عدك ...
سيد هاشم : بعيوني وليدي ...
العلوية : والله يايمه نحطها بعيونه انت بس رد سالم ...
ماجد : ادري بيكم ماتقصرون ، بوستهم ، لزمت فاطمة بست راسها ، لاتعبين نفسج ...
فاطمة : ماشي تدلل ...
ماجد : يله في امان الله ، ودعت اهلي وطلعت بس گلبي ضل يم فاطمة ، مدري هل مرة ليش صار بيا هيج ، بس اختنكت ، جان سفرنه اول مرة نروح لايران ومن ايران نسافر بدون جوازات او اي مستمسك لسوريا ، فقط علامه الشهيد ، الي هي الحديده الي نلبسها گلاده ...
.... بيها رقمنه هذا الرقم يدكو حاسبه يعرفون اسم وعنوان الشهيد ومكان اقامتو ، كل يومين تلاثه يله اكدر احصل اهلي ، مر ٢٠ يوم على وجودي بسوريا ، ومشتاگ حيل الاهلي .....
زهراء : جنه طالعين للسوگ اني وفاطمة وامي ، فاطمة حامل ٥ اشهر وبطنها مبينه ، جنه حيل فرحانين بيها ، نسمع الهوسه صايرة بالموصل ، ونص الرمادي گابه ....
.... كملنا وجاي نطلع من السوگ وماانشوف الا سيارات بيك اب وكفو وكامو يرمون فوگ روسنه ،
كعدنه بالكاع انعيط ، وامي صارت فوكانه ....
.... كومتنه ورحنه نركض حتى غراضنه تركناهن ،
جتي سيارة بيك اب ثالثه وكفت گبالنه ، ونزلو مسلحين منها ، امي دفعتني بالفرع وهي تصرخ ...
العلوية : اهربي من هين اهربييي ولا ديرييين وجهج ...
زهراء : كمت ابجي وامي لازمه الطريق عليهم وهمه يردوني ، دفعو امي وركضو وراي ....
فاطمة : عمممممه ، اباوع الفرع راح يركضون ورى زهراء ، اجه واحد وسحبني من ايدي حيل ، تركنييي ولك وركعته راجدي ...
ابو قتادة : دحكي هين يول انتي مرتو للضابط ماجد ...
فاطمة : وشتريد منيييي، وخرررر هدنييييي ، عممممه ساااعدينييييي ، هوسه والبنات يجرون بهن من نص السوگ ويصعدوهن بالسيارات ، عمممممه ، ولك مااااجد ويييينك ....
العلوية : يمممه بناتييي ، يبوووووو، ولك يلمتخاف الله هدهااااا ، الحرمه حبله ....
فاطمة : ضرب عمتي بسلاحه وجرني منها وصعدني السيارة بالكوه ، اتقاوى ويا ربطني حيل ، واكو ثنين بالسيارة خلو السلاح على روسنه ، لزمت بطني وزدت بالبجي .....
زهراء : وصلت قريب فرعنه ، وكمت اصرخ بعلو صوتي ، وييينكممم يهل الغيررررة ، انسبيييناااا ياااااابه ، وينك حمزززززززه ، طلعو الفرع يركضون عليه ، من شافوهم عافوني وراحو ....
سيد هاشم : يااابويييية ، شبيج بنيتي وين امج وحرمة اخوج ...
زهراء : بالكوه اسولف واجر بأنفاسي ، يابه ، اخذووهم بالسوگ الحكهم نزلو علينه بسلاحهم ، يااابه الحك امي و فاطممممه ....
سيد هاشم : يله وليداتي تسلحوو بسرعه ...
حمزة : يله يابه ، تسلحنه وطلعنه بسياراتنه للسوگ ولكيناهه مگلوبا الدنيا ، شصاير هينا ...
سيد هاشم : يله بوية دورو على امكم وحرمة اخوكم ...
حمزة : ساعه ندور عليهم ماكو اختفن ، يابه دورنا وماكو ، خاف اخذوهم للمستشفى ...
سيد هاشم : بسررعه دز ناس للمستشفى خلهم يدحكو زين ....
حمزة : اخذنا مجموعه ورحنه للمستشفى مگلوبا الدنيا ، والعالم متصوبة ، اسئل على امي ، بالكوه دلوني عليها بالطوارئ ، وصلت يمها شادين راسها وجهه نصو مورم ، يممممه ، يممممه سمعيني صوتج يممممه ...
العلوية : حمزة وليدي ، اخذو فاطمة ، اخذو حرمة اخوك ...
حمزة : وين اخذوها ، يمممه جاوبيني وين اخذوها ...
العلوية : ولك يمه هذا واحد يندهولو ابو قتادة ، اخذها و هو يعرف اخوك ، الحكها يمه الحگها ....
حمزة : طلعت اركض واتصل على ابوية ، يااااابه اخذووو فاطمةة خطفووووهاااا ....
سيد هاشم : شلوووون يخطفووووها من نصننننه ، ياااابووووية ، يااااحييبف على الزلم والله حرمه ومن نصنه يخطفوووها الانذااال ، بسرررعه خابر عمامك وجيشهم ، اليوم نرد حرمتنا منهم .....
ماجد : اتصل على اهلي مايردون ، كعدو حدري جماعتي ...
معتز : سمعت اكو هجوم وهل مرة لازم ناخذ المنطقه ...
ماجد : الساعه بيش الهجوم ...
طه : الساعه ب ٥ الفجر ...
ماجد : واحد صاح ( اما النصر او الشهادة ) دمعت عيوني واتذكرت الشهيد احمد كيارة الي استشهد بسنة ٢٠١٢ ، وكان من اشرس المقاتلين وقائد لواء كافل زينب (العصائـ.ـب حالياً) ....
معتز : ها ماجد وين رحت ...
ماجد : نفس هل كعده كعدتها ويا احمد كيارة بسنة ٢٠١٢ قبل استشهادو بساعات ، والله وسفه راح غدر ...
طه : اويلي احمد البطل ابو حمزة الف رحمه على روحه ...
ماجد : تدرون بيومها شكالي ....
احمد كيارة : والله قتالنا مستمست ، مانترك مولاتنا زينب تنسبي مرة ثانية ، اما النصر او الشهادة
....
ماجد : اروح فدوة الشهامتك وبطولتك لو كلها مثل گلبك ، جا من زمان اخذناها السوريا كلها....
احمد كيارة : نحن رجال كـ مالك الاشتر ، ندوس بطن اللبوة بنص غابة ضلمه وميرف النه جفن ...
ماجد : انت صارلك ٣ سنوات تقاتل جبتها من الحدود السوريا ولهينا ...
احمد كيارة : اذا احنه ماندافع عن عقيلتنا ياهو يدافع خوية ...
ماجد : اي والله بس انتو ماكو بشهامتكم ، لواء ابا اخوة زينب وصدك من سماكم هل اسم ...
احمد كيارة : تدرون شغله صارلي سنين اتمنى استشهد هنا ، بس ماحصلي الشرف ، اقرا كل فجرية قبل لا اروح للهجوم زيارة عاشوراء واكول بهل هجوم راح استشهد بس مااجاني التوفيق بعده ...
ماجد : اسم الله عليك خوية عمرك طويل ، احنه محتاجيك ويانه ، بدال ماتكول ننتصر تكول استشهد ؟ ...
.... بيومها ، صار عدنا هجوم ، بس احمد راح هو وفرقتو بمحور واحنه بمحور ، وبعد ساعات من القتال المستميت وصوت القصف والطلق ، نادو بالاجهزه ، ( احمد نعشان الملقب احمد گيارة استشهد التحق بقافلة الشهداء المدافعين عن حرم السيدة زينب عليها السلام ) ....
....جثير انقهرت عليه بليلتها جابو ، وحطو جدام المرقد ، وبعدها بطيارة اخذو للعراق ....
معتز : رحمة الله على روحه ...
ماجد : صلينه الفجر ، وجمعنه الحاج مهدي الكناني ، وهواي قادة ويا ، جاب خريطه للمكان ، حطها عل ارض ، وبده يدلينه مكان الهجوم واحنه داير مدايرو ...
الحاج مهدي الكناني : هسه احنه وين بهاي الجهه ، هنا تقريباً ساقطه ، بادين منا لهنا ، هذه عدو وهذه صديق وهذه عدو وهذا عدو ، شغلنه احنه واجبنه تكليفنه نوصل نطهر هاي المنطقة ...
...واضح ...
الكل : ان شاء الله...
الحاج : التطهير والشغل مانريد مثل طبتنه هاي وانطينه بيها اربع شهداء ، وكل ساع واحد جريح مدري شنو ، نشتغل نار وحركه اخوان احنه ماداخلين دورات ؟ ماشايفين قتال ؟ ...
.... واحد يغطي واحد يطب ، ومانطب خمسة سته اني افضل واحد يطب والواحد يغطيله ، كمل يغطي للثاني مانريد هوسه واحد يطك الثاني ، جريمه والله جريمه همه يطكون واحد من عدنه ، متفقييين ....
الكل : ان شاءالله ...
الحاج الكناني : انكول ياعلي ...
الكل : ياعلي
الحاج الكناني : يله يله سويلكم زيارة ، زيارة عاشوراء قبل الهجوم ....
ماجد : كلنا قرينا زيارة عاشوراء ، وبدينه بالهجوم ، كأنو دنتسالى بالهجوم مرايحين معركه رايحين لمدينة اللعاب ، على كد عزيمتنا وركضتنه بنص الطلق ، والقاذفات ، شال القاذفه القائد رياض مطر وصرخ بنص الساحه ....
رياض مطر : ياااصااحب الزمااان ...
ماجد : علييي وياااك ، لبيييك يازينب ...
سلام ابو طيبة : لبيييك يااازهرااااء ....
ماجد : صوت الطلقات والقذائف ، ونركض بينهم البيوت مهدمه ، الكاع ترتج من الضرب ، الى ان تم اعلان التحرير بهاي المنطقة ...
رياض مطر : ابطال وعلييي ابطالللل ....
فخري ازاد : هذه قوة من الله سبحانه ، انزل علينا الملائكه مسومين ، لتنصرنا على اعداء الله ، لبيك يااااازينب ....
مصطفى الايراني : كلنااا عباس ياااازينببب ...
محمد اللبناني : تمنيت اسقط شهيد ، بس نضربت بأيدي مع الاسف ، ماتوفئت بهل يوم ....
مصطفى : حبيبي محمد اطلب النصر لا تطلب الشهادة ، مادام نحن في هذا الطريق كلنا شهداء بأذن الله ....
ماجد : رجعنه لنقطتنه كلنا تجمعنه ونهوس وفرحانين بأنتصاراتنا والولد يهوسون ،
( من نصرخ زينب منتصرين ، ومن نصرخ زينب منتصرين ، تستاهل هاي اخت الهيبة ، تستاهل هاي اخت الهيبة )
( الج كل العشاير هاي ، ودتلج سلام وياي ، الج كل العشاير هاي ، سواعد نزلت بهمه ، الج كل العشاير هاي والكعبي نذر دمه الج كل العشاير هاي ، زينب ويه ابو اليمنه نقدم الروح الها الماي ، الج كل العشاير هاي وياي وكلها تتحزم الج كل العشاير هاي والحميداوي مايحمل الج كل العشاير هاي مايرتاح جنه االصل ، وبميدانه ثبت عداي ، الج كل العشاير هاي ، شيعه احنه وتعنينه الج كل العشاير هاي ،وينه الزامطج وينه ، وينه الزامطج وينه .......الى نهاية الاهازيج والهوسات ....
..... جنا جثير فرحانين بالنصر وهل اهازيج هوسناهه قبل جم شهر ، وهسع هوسناهه مره ثانية لان جثير حلوة ، وتذكر كل عشاير العراق ....
.... جا الحاج ابو مهدي المهنـ.ـدس والحاج سليـ.ـماني وهمه يباركولنا بالنصر ، ردد الحاج ابو مهدي ....
الحاج المهنـ.ـدس : اكو اخبار ان راح يوجهون انظارهم للعراق وراح يكون تواجدهم ودخولهم من المناطق الغربية ...
ماجد : شلون يدخلون وحنا هينا ...
الحاج المهنـ.ـدس : جدهم منو غير خالد ابن الوليد ، يردون يفترون علينه ،وبمساعدة بعض عشاير الغربية ...
ماجد : الموصل عالگه بيها صار اشهر المفروض من الدولة تقمعهم ...
الحاج المهـ.ـدس : شلون تقمعهم وهمه اولاد بلدنا ، وطبعا الابواق الطائفية الي ضد العراق راح يكولون طائفية والشيعة قمعوا المتظاهريين السنه ، الدولة انطتهم مجال ومهله يحددون بيها موقفهم وطلباتهم ...
معتز : حجي حجي ، باوع شناشرين بالفيس بوك ...
ماجد : دحكنه كلنا بلتفونو المعتز ، ساحات العز والكرامه ؟ شني هاي انوب ، شمكتوب، ولكم هاي الرمادي اهلي ....
مثل ماذاكرين ......
المقطع / ( الجمعه الاخيرة )
الشيخ علي حاتم سليمان : اسمعو اسمعو ، اول شي احنه طلبنا ذيج الجمعه من علمائنا ان تكون توجهه الى الرمادي لتنظيفها من من المفسدين اسمعو يا اخي بس اسمعو كتلكم الراح يفيدكم ، المفسدين ماجاي يكفون عد حدهم ولا راح يكفون عد حدهم ، هسه راح ننزل من المنصات نروح عليهم راح يصير الاتي...
..... المجموع ٣٠٦ اسم على كل القيادات بالمظاهرات من شيوخ ووجها الدين ، احنه حذرنا القواة الامنية والشرطه ان ماتنصاع الى اوامر بغداد بس ماسمعو ............الى نهاية المقطع
..... اسمعو زين ، الليل حصتنا ، والنهار حصتهم ( يقصد القواة الامنية ) بليل المفروض كلها تحشد ومثل مامسوين احنه كلها مسلحه تحافظ عن شرفها ( هاي السوالف الجذب حتى يطلعون العالم )
وعن كرامتها وعرضها اي واحد يطب بليل غمد همرات يا همرات ميرجع بلغو المركز
....
... العالم تهتف ( ملينه من حزب الدعوة ، ملينه من حزب الدعوة ) ، ( انعل ابو بشار لابو الملكي )
علي حاتم : العشيرة الي ماتحامي نفسها مو عشيرة
زلم الليل ....
معتز : شفتوهم شكد ...
ماجد : لازم اتصل على اهلي ، ادك عليهم ماكو تغطية ، خررب حظي ...
معتز : ها بشر ...
ماجد : ماكو اشارة بالتلفون لازم نرجع للخلفيات اكثر ....
القائد ١ : لازم نرجع للعراق ، الوضع صار اضرب من سوريا ، اذا ماسيطرنا عليه ياخذون العراق انوب نكوم نقاتل هنا وهناك ...
حاج قاسم : نحن معكم ، اينما ذهبتم نذهب معكم ، ومستعدين بالعده والعدد ....
قائد لبنانيي : شو بدكن نحن معكن الى اخر نفس ،
اهم الشي ، نحمي الاماكن المقدسة ومانخليهن يتقربو للمراقد المباركة ....
الحاج المهنـ.ـدس : ياحاجاج ممنوع حاليا تدخل اي جهه خارجية ، امريكا مستحيل تقبل بتدخلكم ....
حاج قاسم : الشيطان ، لا يحب ان يرى المؤمنين ، لذالك سأنتظر اتصالكم ، وان شاء الله نحن المنتصرون ....
القائد اللبناني : وانا ايضا سأكون على اهب العده والعدد وبأنتظار اتصالكم ....
ماجد : استعدينا وبدينا نرجع كل قائد والفصيل مالته ، رجعنه للعراق وياريت مراجع ، ادحك مقاطع الفيديو ، العشاير بالرمادي والموصل ، تنادي على المنصات ...
.... ( زمجري يل مدافع زمجري ، والصواريخ زينة الرجول ، والميلـشيات ودباباتها ( يقصدون القوات العسكرية العراقية ) ، فجروها بطيارات سود ، و احنه تنظيـ.ـم اسمنه القـ.ـاعده ، نكـ.ـطع الراس ونجيب الحدود ) ....
.... مقطع ذبح اربع جنود عراقيين ، على يد سعد اللافي ، ورى ٣ ايام طالع بمقطع بساحات العز والكرامه ...
.... مقطع الشيخ سعد اللافي ( انتو زلم لتخلون من هاي موجودة قواة الجيش او الشرطة الاتحادية او غيرها تتواجد بالمحافظه ، الكل ( الله اكبررر )
، الى ابو غرييب الى ابو غررريب ...
... يرجع يكول : هذا مو كلام سعيد البيان كان واضع من شيوخ العشائر والممثليين والعلماء واهل الانبار رداً
على ماحصل في الحويجه ، خلصت المهله ، والنداء الاخير لاهل الجنوب ، ولدكم اسحبوهم من طريبييييل الى المحافظات السته المنتفضه
...
...الجماهير ( انگص ايده اليوصل حدنا نكص ايده اليوصل حدنا )،
يرجع يكول : لواء المثنى اشد لواء على اهل السنه ذبحاً وقتلاً
الكل : ( الله اكبر الله اكبر )
: ولا نامت اعين الجبناء ان بقي هذا اللواء ( الله اكبر الله اكبر )
( منصورة شباب السنه ، منصورة شباب السنه ) ....
.... مدينة الفلوجه ، تخرج بأعتصامات حاشده بعد ان خرجت الموصل و الرمادي ، عرض عسكري لشباب ملثمين امام شيوخ ووجهاء الفلوجه ،
اطفال يشيلون مسدسات ، وشباب صغار سلاح ، وينادون ( جيناكم بالذبـ.ـح يلروافض ، جايين يابغداد ، سوف نهدم كربلاء المنجسه ، والنجف الاشنع ) ....
ماجد : وكفونا السيطرة ، طلعتلهم الباج مالتي اخذولي تحية ...
الضابط : سيدي بس احجي وياك دقيقة ...
ماجد : نزلت من السيارة واخذني ليغاد ، شصاير ...
الضابط : سيدي الوضع مو امان خطر ، الجيش جوه جاي يذبـ.ـحون بيهم ، لا تدخل مهددين اذا شافو احد الضباط العراقيين يذبـ.ـحوهم ، واحنه كم يوم ويسحبونه من المنطقه لان دزينه رسالة لوزارة الداخلية والدفاع حتى يسحبونه ...
ماجد : شلون ماادخل اهلي كلهم جوه ...
الضابط : اسحب اهلك البغداد ، لو تاخذهم للجنوب ، حتى ابعدهم من كربلاء والنجف ، سيدي انوب انت سيد وضابط يعني بالحالتين محكوم عليك بالقتل ...
ماجد : ماشي اني راح ادحك شنو جوه واسحب اهلي ...
الضابط : بس ياريت تستعجل سيدي ....
ماجد : رجعت للبيت تعبان ومهدود حيلي ،
وصلت للفرع دحكت فرعنه كله زلم معگله ، يارب سترك ، حسيت صاير شي من دحكتو هيج ،
نزلت من السيارة لان ماكدرت ادخل بيها للفرع ، اتمشه وصلت جريب البيت الكل صاحو ماجد اجه وانخبص البيت ..
.. طلعو عمامي واخوتي ومسلحين وعلى راسهم ابوي ، استغربت من حملتهم وجايين اتجاهي ..
سيد هاشم : بوية ماجد ....
ماجد : هابوية شصاير ،ابوي باوع عليّ ونزل راسه و خلا ايده على عكاله وطره بالكاع ، فكيت عيوني وندهته بصوت عالي ، هااااا يااااااابه ،شلت العگال ، عرفت صاير شي چثير جبير ، لان مستحيل ابوي يطر عكالو
بالكاع ومصاير شي...
... بويييه شصاييرر ، احجووووو شبيكم ساكتين ، كلهم منزلين روسهم دخلوني للديون ، يابه والله تعبان احجو شصاير ....
سيد هاشم : يابه ماجد الحجي الراح احجي لازم تلزم اعصابك ولا تتخبل علينه الا انكمله للاخير ..
ماجد : احجي بوية خسه اليكطع كلامك ..
سيد هاشم : بوية ماجد حرمتك طلعت قبل يومين للسوك ويه الحريم ، احس گلبي رجف من كال هيج ، ابوي رجع نزل راسو وماكدر يكمل ، بوووية احجي شبيها حرمتي ، اخذت نفس ورجعت سألتو بوية شبيها فاطم ..
سيد هاشم : اخذوها الدولة الاسلامية .....
ماجد : شنووووووا ، شني اخذوها الدوله ، ومنو هذو ول الدووولة ،بوووية انت شجاااي تحجييي وين اخذووووووها ، وين هييي هسسسسع ،بوووية احجي لاتضل ساكت ...
سيد هاشم : مااعرف بس هذه الحجي كالو الحريم ، كالن جنه بالسوك مثل كل مرة فجأه دخلت سيارات وبيها زلم ملثمين وشايلين سلاح ، كامو يلمون بالحريم ، هن ركضن بس مثل ماتعرف حرمتك حبله ماتكدر تركض واخذوها من حظن امك ...
ماجد : وانتوووووو وينننن جنتوووو لمن هذووولاك اخذوووو حررررمتيي ، عجل ليش ما هديتووو بوكتهااااا ، كمت اصرخ كمت على حيلي جان بصفي كومدي بي غراض ، ضربتو بوكس فلشتو وكمت اشيل بالغراض واكسر بيها ....
سيد هاشم : بوية لاتسودن علينا اكعد خل نفهمك، احنه هدينه عليهم بس مالحكنه بيهم وانطينا جرحه اربعه ، واحد شهيد ..
ماجد : شفتهمممم يااابه و حرمتي بحظن الوصخيييم ، صارلها يومين ، اااااااااااا ، طلعت اركض وهمه وراي ، وبالگوه جروني ورجعوني للبيت ، انجنيت ...
....
كعدت بالكاع مهدود حيلي وايدي تجري دم وارجف كومني اخوي حمزة ، و أخذني جوه تلكتنني امي و هي تبجي ...
العلوية صالحة : سوده عليه وليديييي ....
ماجد : كعدت جدام أمي وخليت أيدي بيدها ، يمه كليلي شلون أخذوها ...
العلوية : يمه سودة بوجي ركضنا وأنه وراهن هي و كعت وأنه جيت أحملها ماكدرت جا واحد منهم ملثم سحبني وشمرني منها وهي تتوسل يمه لاتعوفيني ماكدرت يايمه أخذوها من أيدي وهي تصرخ ، بالگوة ساعدت اختك ....
ماجد: ااااه يايمه ليش ماكلتولي ماخابرتوني ....
العلوية : خابرنه و مارديت وأنت جنت ملتهي ....
ماجد : كمت من حظنها ورحت الحجرتي دخلت دحكت ارد اصدك هي ماكو تخايلتها كاعده ولازمه بطنها وأنه اسألها شلونو وليدي وياج وهي ترد شوي متعبني وأنه ارد أكلها ماضل شئ بس هل جم شهر ، حاولت ابجي ماكدرت ...
... نزلت جوه كلهم يدحكون بيا ...
العلوية : يمه ماجد بدل ملابسك وريح شوي .....
ماجد : شلون اريح وأنه ما اعرف حرمتي وابني عايشين لو ... لو ميتين ...
العلوية : لا تكول هيج وليدي أنت إنسان مؤمن وإذا هم من نصيبك يردون آلك ....
ماجد : هزيت راسي وطلعت وكلهم وراي درت عليهم و اشرتلهم بمعنى ارجعو ، ركبت سيارتي وأخابرت على القيادات تخبلو من عرفو بسالفة حرمتي
، اتصلو على قاده عمليات الأنبار عرفت بدو ينسحبون من الأنبار ولازم العده أهل يطلعهم بأسرع وكت من الأنبار ...
....شبه فقدت الأمل ان الگاها ، خابرت الأهل وكتلهم لمو عوايلكم وطلعو من الرمادي لان الثوار قريبين كلش عليكم ، رجعت للبيت شفتهم مكتضين ، ليش بعدكم ما لامين غراضكم ...
سيد هاشم : نعوف ديرتنه ونتركها لهذول الوصخين
....
ماجد : بوية أنت بس أتخايل حرمه حبله وشالوها عاد انتو شيسون بيكم ....
سيد هاشم : بويه هاي ديرتنه مانكدر نتركها الهم
، وانه من اليوم مطوع للواء اخوة زينب ...
ماجد : الهم صبرررج ياااارووووح ، بويه أكلك مايرحمون النساوين تريدهم يرحموك ، ياله يأبويه لم عوايلكم واطلعو خطر اتضلون هينا ....
.... طلعت من البيت ادحك العالم تحمل بغراضها بسيارات وتطلع من ديرتها ، تسلحت وياي اخوتي ولد عمي ورحت للسوگ ، وهناك صارت اشتباكات بينا وبين الثوار ، وماكدرنالهم عده وعدد الملاعين ، ردينا لمنطقتنا ، واستعجلت اهلي يلمون غراضهم ....
... كعدت واهز برجلي وهم بدو يلمون لأغراض اليحتاجوهن ، لازم ارد بس هل مرة ويا جيش كامل ومجهز ، لو ادخل وحدي ، بس اول شي أأمن على اهلي وناسي ...
.... عفتهم وصعدت لحجرتي أخذت جنطه وخليت بيها ملابس الي و الصور و المستمسكات وكم حاجه ومن ضمنهن ملابس الفاطمة ، شلتها نزلتها ، بويه انه كدامكم ريح ألبغداد كون بليل انتو هناك ....
.... عفتهم وطلعت وصلت البغداد قريب المغرب نزلت بفندق صليت وخابرت على جماعتي ثاني يوم من الصبح عرفت اهلي بالبيت الي عدنا بغداد ، بيومها التحقت الاول واجب بالعراق منطقة الكرمه ...
... جانت الحرب بذروتها والثوار يوم عن يوم يتقدمو علينا مر سبوع وانه اكل بروحي على فاطمه وجماعتي كوووه لازميني لان ارد ادخل للانبار ، وادور عليها ، بس ممنوع ندخل ....
.... هتافاتهم مستمرة وتقدمهم اكثر علينه ، احنه فقط مسك ارض ، فصيل العصائـ.ـب من جهة ابو غريب ، وحزب الله من الوسط ،والكتائب من جهة كربلاء ، وسرايا السلام لزمو سامراء ، وقوة الامام علي لزمو حدود النجف ، باقي الالوية وزعناهم على حزام بغداد ....
.... اتصلت على الفريق الركن محمد الكروي ، السلام عليكم سيدي ، انه النقيب ماجد هاشم الحسيني سيدي ، انه اريد ادخل الانبار وادري بيك بعدك هناك ...
الفريق محمد الكروي : الوضع خطر ، شلون تجي لهنا ....
ماجد : سيدي حرمتي خطفوها الانذال ، اريد ادخل مايخلوني اعبر السيطرة ، لاني شيعي وسيد ...
الفريق : باوع ، مو سهله العبور ، احنه بين اهلنا وبديرتنا ويصيحولنا المرتدين ، ابني ماجد خليكم تحمون بغداد والمحافظات البقن ...
ماجد : سيدي ، اترجاك لتردني ، انه هسع بطريقي للانبار ، خبر السيطرات خلهم يعبروني ...
الفريق : ماشي ، راح انادي عليهم بالجهاز ...
ماجد : اي والله اكون ممنون منك سيدي ، طلعت بوجهي للانبار ، واي سيطرة توكفني بس يعرفون بيا النقيب ماجد هاشم يعبروني ، وصلت لنقطة الي بيها الفريق والجنود مالتو ، جان بطل وماقبل ينسحب من الارض الي ماسكها ....
الرائد عماد : الاوضاع حيل خطرة والقا.عده رجعو ، والثوار انظمو للقتال ضدنا ، انطونا الصبح النه واليل الهم .....
ماجد : طلعنه برتل عسكري ، واستولينا على مكان بي سلاح وعتاد وقتلنا الي لكيناهم ،
كمت احوس ادحك وين اخذو حرمتي ...
النقيب علاء : جبتلك خبر مدري شلون اكله اكلك ....
ماجد : شصاير ، احد استشهد من عدنا ...
النقيب علاء : ياريت ، بس
الحريم الي خطفوهن من الرمادي والفلوجه اخذوهن للموصل ، يعني اكيد حرمتك من ضمنهن ، والدخول هناك صعب حيل ، خاف القوة السابعه هنا ، هناك ماكو ولا شرطي واحد ....
ماجد : وين جنتو من كل هذا ...
علاء : الصار اكبر من عدنا و اقوة ، المشكله مو غريب الغدر بينا ، من عدنا وبينا اخوتنا واهلنا ، والي يقودهم عشاير الموصل ، الجيش الي على الحدود انسحبو ، الي لزم مكانو انذبـ.ـح ، والي هرب رد البغداد ، خوية ماادري شلون اوسك لان حيل صعب الجرا عليك ، الله يساعدك ويوكف ويانه ....
ماجد : سيدي مقهور حيل ، واحس نار وانه بنصها ، شلون اجيبها منهم ، شلون حالها هسع ، صارلها فوك الثلاثة ايام ماكو ....
..... كمنه نطلع الصبح نهجم عليهم نگتل منهم وناخذ عتادهم وغراضهم ونرجع النقطتنه ، الفريق محمد بطل بنص الحرب لا يهاب موت ولا يرفلو جفن ....
.... كل يوم يهجمون علينا بليل ونضل للفجر نرد عليهم ، ونرد الصبح احنه نهجم على اوكارهم ،
الى ان يوم ١٢/٢٠١٣ نص شهر ال١٢ ....
.... طلعنا رتل عدنا وكر لازم ناخذو ، سيارة الركن سبقتنا للوكر ، بصحراء الانبار ، مانخشع صوت انفجار صار ، اسرعنه بالهمرات من وصلنا دحكنه سيارة الركن محتركه ، وترابه گبت للضالين ، هدء الوضع رحنه نركض على سيارة الفريق ...
... الامررر ويييننن ، ولكممم الامر وييين ، السيارة گابه نار محترگه ، واحد صرخ ...
الملازم : سيديي ، الامر هنااا هذا الامر ، عقيد عماااد هنا همين ...
ماجد : ركضنه عليهم جانو واكعين
ليغاد من السيارة ، لاتتقربووون من السيارة لا تنفجررر ، الامر شوووفووو ، رحنه عليهم جانو يلفضون انفاسهم الاخيرة ،وهناك بمكانهم استشهدو ، اعلنو استشهاد الفريق الركن محمد الكروي ...
.... هو والقوة مالتو ضلو بصحراء الانبار ، جانو خانگينهم خنگ ، وغدرونا ، الصار ان سيادة الفريق وصل للوكر ،دخل للخيمة وبحثو بيها ، وطلعو اعتاد وسلاح للقاعـ.ـدة ....
....وجان اكو براميل ، واثناء ما جاي الامر يدفع البراميل احد البراميل جان مفخخ وانفجرن ، وتصوب برجلو وبخاصرتو بس الضربه مالتو قوية وعلى اثرها استشهد ، مع الاسف انطينا هيج ابطال ....
..... صار الو تشييع مهيب ، كلها جانت مقهوة ومختنگه شلون قائد بطل مثل محمد الكروي راح شهيد ....
.... كلمة رئيس الوزراء نوري المالكي : ايها الشعب العراقي ، السلام عليكم ورحمة الله وبركاته ،
الاحداث التي حدثت في اخر فترة والشهداء الذين راحو ضحية على ايادي خبيثه و تنظيمات القاعـ.ـده ....
... وفي طليعتهم كان العميد الركن محمد الكروي رحمة الله عليه واخوانه الذين سقطو معه شهداء وهم يدكون قلاع القاعدة ،في صحراء الانبار ومن قبله استشهد عميد شرطة الشركاط ومعه ثله الذين تصدو للقاعده ..... الى نهاية المقطع
..... هذا يدعونا الى ان نتحدث بصراحة ، وان بقاء الوضع على حاله غير ممكن ، وغير مقبول وليس من وضيفتنا ان نتساهل مع الذين خرجو على كل الضوابط ، واوجه كلامي بالذات الى اهل الانبار الكرام ، الذين نقف الى جنبهم في مواجة التحديات التي تريد ان تسلب امن المحافظه تعرض الشرفاء من ابنائها الى الاستهانة والعدوان من قبل هولاء الغرباء ...
....انا استحثهم واستنهضهم غيرتهم ،العربية الاسلامية لمواجهة هذا التحدي الخطير لمواجهة هولاء الغربان ، كما اتوجه الى كل من خرجو الى الاعتصامات مع المطالب تكون مشروعه او غير مشروعه ممكنه او غير ممكنه ، لكن لا نعترض على من يتحرك في مطالبه ، بل ونلتزم في تلبية مطالبهم ضمن القانون وضمن الممكن ..........)
....ولكني اقول ، في كل وضوح وصراحه ،
ان ساحات في الانبار ، قد تحولت لمقر قيادة القاعدة ، وهذا مايشهد به حكومه المحافظه ........)
......انا اوجه كلامي جادا حازماً ، الى من يريد مطالب مشروعه ان ينسحبو من هذه الساحة ، ليبقى فقط هولاء ، ولنا معهم كلام لاننا لن ولم نسمح ببقاء قيادة للقاعدة في الانبار ، تمارس عملية القتل والاذلال ، والتخريب في هذا البلد ......)
.... ادعوكم ايها الاخوه جميعاً والى القوات المسلحة والاجهزه الامنية ، الى ان تتخذ جنباً الى جنب مع اهل الانبار الشرفاء ، الموقف الحازم بأنها مقر القاعدة الذي ، صبح يشكل خطرا ليس فقط على الانبار وانما على العراق بشكل عام ......)
............................
.... كل العراق سمع كلام نوري المالكي ، منهم المؤيد ومنهم الضد ، وناس تكول خلي يخلي كوكريت داير مداير الانبار ونخلص ، وناس تكول خلي يسويلهم اقليم سني ونخلص ، وناس تكول ، خل يضرب المناطق صواريخ وتفض ، وناس تكول راح تشب الحرب بالعراق وراح نروح احنه ضحية هاي الحرب ....
.......... ٢٠١٤ ..........
..... شهر الواحد ، ١٥ ، المحافظه صلاح الدين ، المكان : تكريت ، قاعدة سبايكر ، الساعه السادسه صباحاً ....
آصف : مواليد ١٩٨١ ، بشرة حنطاوية ، طولي ١٨٠ ، شعري اسود ، عيون سود ، متزوج ، وعندي ولد اسمه علي وبنية تكتم وزوجتي منسا ، لقبي الصگر ، قناص في الفرقة الذهبية ،
برتبة عسكرية عالية ، بدون ذكرها لان يمكن تعرفوني اذا ذكرت اكثر ، وشي ثانية لان اني متفاني بعملي عندي ترقيات بالرتبه رغم عمري الصغير .....
.... مركز الاستخبارات في سبايكر ، تحركات من التكرته ( عشاير تكريت ) خارج المعسكر ....
الملازم حيدر : سيدي ، اكتشفنه حركات غير طبيعية بالمنطقة ، وجتنه اخبارية من الناس الي مخليهم بنصهم ان راح يتحركون بهاي الاشهر الجاي اتجاه المعسكر ....
آصف : لا تخاف مايكدرون يوصلون نص الباحه الداير مداير المعسكر ، الخارجية ، مو تريدهم يدخلون ...
حيدر : سيدي ، واكو خبر اخر ميسر ابد ...
آصف : شنو هو ؟
حيدر : اكو اخبار ، ان بعض التكارته انظموا للثوار ، وراح يتسلحون وينتظرون دخول الدولة الاسلامية للعراق عن طريق الموصل والانبار ....
آصف : باوعت بحيرة ، اخذت نفس ، حيدر هذا الكلام ماريده يطلع خارج هاي الغرفه ، لان الطلاب الموجودين بعدهم صغار ويخافون اذا سمعو هيج شي صاير ، واني ماريد يصير ذعر وتمرد داخل المعسكر لان همه اعينهم على المعسكر ...
.... انت تعرف اذا اخذو المعسكر شيصير ، هذا العتاد والسلاح ، يكفيهم قتال مستمر لمدة خمس سنوات وانت تخيل ، غير الدبابات والهمرات والصواريخ والسلاح الثقيل ، والطائرات ، حيدر اني راح احجي ويا القيادات بهذا الامر لان لازم يكون عدهم علم ...
حيدر : سيدي لو نفرغ المعسكر من هذولة الطلاب احسن ، خاف يبثون الرعب بينهم ....
آصف : النت نعطله شلون بله ، مشكله ، اخذت نفس وافكر شنو نسوي ، هذوله طلاب وجدد وفوك ال٣٠٠٠ الالف طالب ، وبعدهم صغار ، باوع استمرو دربوهم ولتوقفون التدريبات ابد ....
حيدر : حاظر سيدي ...
آصف : جنت اتابع كل الاخبار ، وتحركات الطلاب ،
جنت خايف عليهم حيل ، لا يرحون بيها ، سوو زين تشوف شين ....
حيدر : سيدي الطلاب يردون ينزلون الاهلهم ، يكولون لازم تنطونه اجازه ...
آصف : اجازتيش حيدر ، انت متدري صارلنا شهرين محاصرين ، والتكارته منتظرين طير يطلع من عدنه ، مو بشر ، كوللهم ماكو اجايز ، هو احنه القادة وصارلنه شهرين منازلين اجازة ، ممنوع نفر واحد يطلع من المعسكر انت تتعاقب ....
حيدر : امرك سيدي ....
آصف : حقهم نفسيتهم تعبت ، واكثرهم بعدهم ممتعودين على العسكرية ، ولازم كل ٤٥ يوم ينزلون ، بس حفاظاً على حياتهم مستحيل اطلعهم ....
... تمر الايام والعدو كل ماجاله يكثر ويقتربون من المعسكر ، واحنه نقاتلهم بدون علم الي بداخل المعسكر ، القتال بعد ٤ كيلو متر عن المعسكر ، اكثر من هيج منكدر نتحرك ....
اللواء فاضل برواري : اجمعلي كل القادة العسكريين، بسرررعه ...
الملازم احمد : امرك سيدي ....
آصف : اتجمعنه كلنا بغرفة الاستخبارات ويا الواء فاضل برواري ، وبده يحجيلنا عن الخطر المحيط بالمعسكر ...
اللواء : احنه محوطين بالخطر من كل جوانب المعكسر، واذا اكو واحد يهاب الموت بنصنه مايشرفني اشوف وجه ، الي يخاف على روحه ، يوكف ، ويطلع خارج هذا الاجتماع ....
آصف : سيدي ، كلنا وياك ، انت شتكول احنه وياك ...
اللواء : ادري بيكم ولدي ابطال ماينخاف عليكم ، بس لازم نحمي الطلاب الي بالمعكسر ، بعدهم حتى سلاح ميعرفون يشيلون ...
قائد الطيران : همه ضايجين لان منطيناهم اجازة ، عبالهم مجحفين بحقهم ، ميدرون من خوفنه عليهم ....
آصف : بس لازم نلگه حل نطلعهم من المعسكر ....
قائد ٣ : ليش. همه واحد ثنين ميه ، ٣٠٠٠ الالف طالب ، يعني اذا ننقلهم بالطيارات لازم نحتاج فترة طويله ، وخوفنا ان يقصفون اي طيارة تطلع من المعسكر ....
اللواء فاضل : تعرفون شنو معنى قاعدة سبايكر ؟ ، شنو اهميتها للدولة العراقية ، اذا سقطت يسقط كل العراق ، وعلى كص رگابنه ننطي هذا المكان ، لو نموت بعز ، لو نذب رتبنه ونلبس هدوم نسوان ونسلم رواحنه ، ومستحيل ننطي شاب واحد من سبايكر ....
آصف: سيدي لعد لازم نطمنهم ونبرد گلب الطلاب ، حتى ليتمردون علينه ، طلع اللواء وحجه ويا الطلاب وفهمهم ، وبدت اتصالاتنا بغداد ، وان لازم نسحب الطلاب من سبايكر ، بس جان الوضع تعبان ، وبغداد محاصرة من كل الجهات ، وسقوطها محتم بالايام الجاية ....
.... اسمع الشباب هذاك يكول بس انزل اتزوج ، والثاني يكول مشتاق المرتي ، واحد يكول امي كل يوم تخابرني خايفه عليه ، واللاخ اجا طفل وفرحان ، اختنگت حيل عليهم ....
.... هنا بدت الخيانه من داخل المعسكر ، وانتشرت الاخبار ان التكارته راح يوكفون ويا اليطلع من المعسكر وراح يساعدوهم ويرجعوهم الاهلهم ، والامان للي يسلم نفسه ، والقتل للي يبقى بالمعسكر ......
..............................
سكينة : صار ايام هنا تعبت نفسيتي ، حتى اشرف مجاي يجي للشقه ، اخر شي مليت وطكت روحي ، ولاول مرة خابرته گبل جاوبني ، انت وين ....؟
اشرف : بالبيت نايم ، بيج شي ...
سكينة : لا مابية بس مليت من البيت ، لعبت نفسي ، تعال بسرعه ...
اشراف : ماشي جايج ...
سكينة : فتحت الكنتور ، طلعت نفنوف وحجاب لبستهن ، هو جان مشتري كولشي عبالك يعرف راح يحبسني هنا ، انتظرته يجي ، كاعده على اعصابي ، دخل للبيت كمت بوجهه ، انت وين جنت كل هاي الايام ....
اشرف : بالشغل ، ليش ...
سكينة : امشي طلعني مليت من البيت ،وكفت باب الشقه ، دار وجهه عليه وابتسم، فتح الباب ونزل قبلي ونزلت ورى ، صعدت بالسيارة ...
اشرف : وين تردين اخذج ...
سكينة : الاي مكان مختنكه وحيل ضايجه ...
اشرف : ماشي تدللين ...
سكينة : خليت راسي على باب السيارة والهوى يضرب بوجهي ، وصلنا لمطعم ، نزلنا تعشينه وطلعنه ، كام كل يومين تلاثه يجي يفرني ويرجعني للبيت بدون تبادل كلام بينا ....
....دخلنا ٢٠١٤ ، صارلي بالاربعة اشهر هنا ، تعبت حيل ، اريد ارجع البيت اخوية، اريد ابري روحي كدامه بس شلون اني ادري بي يحبني ، وراح يصدكني ، اتصلت على اشرف گبل اجه للبيت ، اشرف احذني البيت اخوية ...
اشرف : احنه مراح نخلص من هل سالفه ، لج بابا اهلج نسوج انسيهم ...
سكينة : كمت اروح واجي واسولف ، ماكدر مااااكدر مختنكه حيل ، اريد اشوف حازم وجهاله حيل مشتاقتلهم، اتخيل حتى رنا مشتاقتلها ، تعبت والله من التفكير ، كعدت ابجي ، ابوس ايدك اشرف اخذني الهم وبريني كدامهم ...
اشرف : ماريد اخذج ، لان اذا اخذج خاف تتأذين ...
سكينة : خل يأذوني عادي ، المهم اروح اشوفهم ، حتى لو من بعيد ...
اشرف : ماشي بدلي وخل اخذج ، بس الي راح تشوفي راح يأذيج حيل ...
سكينة : عادي المهم اشوفهم ، ركضت بدلت بسرعه وطلعنه ،وصلنا للفرع قلبي كام يدك على السريع ، يله ادخل للفرع شمنتظر ، دخلنا للفرع وكفنه باب بيت اهلي وهنا جانت الصدمه ، لافته سوده ومكتوب بيها ....
....( انتقلت الى رحمة الله المغفور لها ، سكينة مجيد ، اخت حازم ، سبب الوفاة حادث ) ....
... صدوك هنا انتهيت من البجي ، بجيت من كل قلبي حيل تأذيت من هاي اللافته ، نزلت نزل وراي اشرف لزم ايدي ...
اشرف : ماانصحج دكين الباب ابد ...
سكينة : ليش ؟، وخرت ايده وتقدمت دكيت الباب مرة مرتين، دكيت الجرس ، سمعت صوت واحد طلع يصيح ( اي ، اي اجينه ) ، جسمي كله كام يرجف واباوع الاشرف ،انفتح الباب طلع ولد شاب ...
.... انت منو ( انتي منو ، تفضلو رايدين احد ) ...
هذا بيت اخوية حازم ، انت منو ..
( اخته ؟ ، الاخ حازم شال من سبوعين ، لان ماتحمل يبقى بالبيت وطلع) ...
سكينة: وين شال متعرف ...
( لا والله مااعرف ، بس شلون اخته ومتعرفين وين شال )
... مو اني كاعده محافظات ، وجنت مسافرة وهسه رجعت ، خل اروح اخابرة ، شكرا اخي ، طلعت التلفون من جنطتي وسويت روحي اخابر وصعدت گبل للسيارة ، بسررررعه اتحرك ...
اشرف : ليش صايرة عصبية عليه شبيج ...
سكينة : صرت نار ، اريد اهدء مااكدر ، ضربت بيدي الكدامي مال سيارة ، وعطت ، كله مننننننننك ، الصاااار بييييه كلللله منننننك ، اهلي موووتوووني وانييي عاااايشه ، الله ليوفقك ، مشى سرعه بالسيارة وصلني للشقه نزلت ابجي ، فتح الباب ودخلت ...
.... رجعت عليه وضربته حييييييل ، كله منننك الصار بيييه ، شوووف حاليييي متهجوووله ، اااااااا، اريد ارجع الحياااتي الطبيعية واهلييييي، اني مااكددددررر اعيش بدووونهم ، كلللله بسببيك اني هاي حيااااتي دمرررتها الله ليوووفقك ، لزمني من ايدي حيل وركعني راجدي ...
اشرف : اني مدمرت شي ، اني ساااعدتج ، ونقذتج من مرت اخوج الظالمه ، لميتج من الشارع حتى تعيشيين حياة زينه ، لان انتي لازم تعيشيين احسن عيشه وبأحسن مكان وتلبسين ارقى شيييي ....
.... اني نقذتج من عمامج والمجتمع الي ذمج علمووود صووووورة ، لج اني سنين اتابعج واحميج بدووون متدرررين ، شعبالج هذا شغلج والتجار وكل واحد اشتغلتي وياااا اني وصلتج الهم واني الي خليتهم يشتغلون ويااااج ....
سكينة : مجنت محتاااجه مساعده منننك ...
اشرف : لج اني مردتج تدخلين بطريق الغلط ، جنتي تبيعين كلنكس بالشوارع ، وخفت لا وحده مثل سجى تسحبج وياهه وطمعج بالفلوس ، حتى الغراض الي جنتي تشتريهن اني جنت ادفع نص المبلغ الهم حتى يبيعو الج رخيص ، وترحين تبيعين الغراض بسعر اكثر وتربحين ....
.... اني ممنتظر منج اي شي ، ساعدتج لان حبيتج اول مرة شفتج بيها ، جانت الدنيا ليل ، وجنت تردين ترجعين ، وكفت كدامج بسيارتي ونزلت الجامه على النص ، وبيومها حبيتج ، ماردت منج اي شي ولا طلبت منج مقاااابل ....
.... واختبرتج ونجحتي ، وجان اكو واحد من الكبارية سجى كايلتله عليج ومشوفته صورة الج ، وجان مخليج بعقله ، وبوكتها رحت وسگطته وكعدته على كرسي ولحد هل لحظه ميعرف اني السويت بي هيج ....
سكينة : لك هذا حب هذاااا مو حب ، رجت ودزيت صوري وفديوهاتي العمامي ...
اشرف : موووو اني ، شلون اسوي هيج ولج اني متتت من شفتج لبستي الفستان وطلعتي على الستيج وتردين تركصين ، حتى من شردتي ماخليت واحد يلحكج ،وضليت يوم كامل كدام بابكم ، لحد ماسمعت الصريخ من بيتكم وشلون السيد طلعج هو ولده شايلج واخذوج للمستشفى وبعدها رجعوج للبيت ....
.... اذا تصدكين او لا ، اني مداز اي صورة ، بعدين منين اجيب ارقام اهلج كلهم ، الا اذا سجى متفقه ويا مرت اخوج ...
سكينة : انت جذااااب ، جذذذااااااااب ، مستحييييل رنا يوصل بيها تسوي هيج ، لزمت راسي وكعدت بالكاع بجيت من كل قلبي ....
اشرف : اقسملج ، الصار كله من ورى سجى هيج الدزت الصور والفيديوهات ، بمساعدة مرت اخوج ....
سكينة : اطلللللع بررررررررا ، بررررا ماريد اسمع صووووتك بررااااااا ....
....................................
ماردين : كل هاي الاشهر انه بيت جدتي ، لا اعرف شلون حال اهلي ،ولا اعرف شي عن عمتي ولا احمد ،
دخلت جدتي ولزمتني من ايدي ...
امية : كومي وياي ...
ماردين : وين؟
امية : دحكي هين يول ، اذا ماترحين ويا المجاهدين ، اسوي شي ابد مايعجبج ...
ماردين : يامجاهدين ، جده تركي اييييدييي ، هديت ايدها وكعدت ، جات وسحبتني من راسي ...
امية : انتي ليش هلجثر عنودييية ، والله لندمج على الساعه العاندتيني بيها ...
ماردين : ماريد اروووح ، وكعت عليه ضرب راجديات ودفرات ، وسحلتني من شعر طلعتني للحوش ، وشمرتني ، انفتح الباب طلاقتي ، ودخلت سيارة بيك اب ، بيها حريم يتراجفن ويبجن ....
.... انه كاعده بالحوش ، انفتح الباب مال ديوان ، وطلعو خوالي عدي و كريم ، وراهم ولدهم ، لازمين واحد وجهو مدمه وطلعو يسحلون بي ، وراسو مندندل ماببين وجهو زين ، هل شكل اعرفو ، والملابس ...
.... اخذو غسلولو وجهو ومبين عليه التعب ، ربي لا يكون الي بالي ، كل جسمي يرجف وعيوني تدحك باب الحمام شوكت يطلعو ، طلعو والشاب طلع صاحي وهم لازمي ، كبل صرررخت ، احمممممممد ، دحكني وابتسم ...
احمد : الحمدلله ، انتي عايشه يابعد هلي ...
ماردين : كمت اريد اركضلو ، لزمني خالي عدي ودفعني للكاع كسرني ، احممممد ، انتووو شمسوووين بييي ياضلااااام ...
احمد : لاتخافين عليه مابيه شي ، كلها حم يوم وينقذوج ....
مادرين : احممممد ، هدنيييي. خاليييي هد ايييديييي ...
احمد : لو انتو زلم صدك ماتكاثرتو عليه ، واخذتو حرمتي ...
عدي : حرمتك ؟ ، طلكها ...
احمد : ههههه ، تحلم وشسوي سوي مخايف منكم ,....
كريم : ماخايف من الموت ...
احمد : المهم شفت حبيبتي بخير ، هذا كلش كافي ....
ماردين : زدت بالبجي وهينا خالي عدي حجى ...
عدي : لو ترحين ويا المجاهدين
، لو نذبحو...
ماردين : تذبحـ.ـو ...........))))
رأيكم بالبارت 😶
توقعاتكم للقادم 💥
الكاتبة : فاطمة علي ♥️