⚘🍃رواية عيون النار🍃⚘🍃
داعش
⚘الحلقة -6-⚘
⚘"الكاتبة: فاطمة علي"⚘
..🍃رأيكم🍃..
اضفر #واكووول تهون
والضفره تالي
يطلع رفيچ الروح
ياااااااخذ حلالي
.
.........................
اميرة : هدنييي ، عووف ايديييي ، ماااردييين ، اااااااااا ....
ماردين : انجنيت على عمتي ، اعيط وابجي واكمز بيد خالي ومايهدني ابد ، اخذها خالي كريم واخشع صريخها برا الى ان تحركت السيارة واختفى صوتها ، هدني خالي ...
.... وكعت بالكاع ابجي واصرخ بعلو صوتي ، وين اخذتوووهاااا ، انتو انجنيتووو اكيدددد ، دنجت عليه جدتي ولزمتني من فجي حيل ...
امية : هاي رافضـ.ـية ، ونسوان الروافـ.ـض حلال النا وسبايا ناخذهن ، ودور حريم الوسط و الجنوب گرب ...
ماردين : اني ويييين اجيييت ، انه شجااابني هيييين ، كمت املخ بشعري تخبلت ، نمت بالكاع وابجي بكل حرگه ، اريد اهليييي ، وينكمممم جده خاااتون ويننج ...
امية : ههه ، خاتون ؟ ، نست اصلها وفصلها ، وراحت دخلت دين الروافـ.ـض ، جايها الدور كلها جايها الدور بس بالتسلسل ، اخذها من وجهي هلطامه ....
ماردين : جا خالي ، وجرني من شعري ورماني بحجرة ، نمت على ايدي وابجي واصرخ اريد ارد الديرتي واهلي ، وين اخذو عمتي ، واحمد وين راح معقولة تخلى عني ، ليش كلها عافتني ليش ....
.... ضليت على هل حالة محبوسه اربعة ايام ، رجعت اي شي اكلو اتقيئو ، والكوابيس ماتفاركني ابببد ، وهذا الصوت يهمس بأذني يزيد خوفي ....
.... تمر الايام والاسابيع ، واخشعهم يسولفون ان هم ماضل شي ويدخلون بغداد ، وتجهزوا حتى تدخللهم قوة من الدولة الاسلا.مية تقودهم عن طريق سوريا ، زاد خوفي و دخلت بمكان صعب الخروج منو ، ربي ساعدني ....
.............................
سكينة : ضليت بيت السيد تقريباً شهر ، اهلي ماملو ابد بس يردون يحصلوني ، والسيد قفل عليهم ماينطيني الهم ، نايمه بالغرفه اسمع صوت هوسه بالبيت صارت ، وعياط مال نسوان ....
.... طلعت من الغرفه اركض ، نزلت جوه واشوف كومه حرس بيدهم سلاح ، ومخلين السلاح براس السيد ولده ، دخل اشرف وهو يبتسم ، انت شدتسوي هناااا ...
اشرف : مابيه حيل اسولف ، جاي حتى نروح سوى ...
سكينة : عوووف العالم ، شنو ذنبهم ، ماااجي وياااااك ابببد ....
اشرف : اهووو دلال النسوان ابد مااحبه ، باعي لج اذا مااجيتي وياي هاي العائلة كلهم اطشر روسهم بأشارة وحده مني ...
سكينة : اباوع على السيد وولده وكمت ابجي ،اشرف حرام عليك الي دتسوي ،الله يخليك عوفني ...
السيد ابو ناصر : بنيتي سكينة لاترحين ويا ، خلي يكتلنا ولا ياخذج ...
ناصر : خوية سكينة ، همه تكاثرو علينه وبسلاحهم دخلو للبيت والله لو ماداخلي غدر جان عرفت شسوي بيكم ...
سكينة : اشرف اخذ السلاح ويريد يرمي ناصر ركضت عليه ، وگبل لزمت ايده ، الله يخليك لا محد ماله ذنب ، التريده يصير بس عوف الولد ....
اشرف : مشكلتي مااكدر ارفضلج طلب ...
سكينة : نداريت على السيد كعدت گباله وبجيت من كل گلبي ، لزمت ايده حتى ابوسها سحبها ومسح على راسي ....
سيد ابو ناصر : بوية لاترحين وياهم ....
سكينة : لا سيد ماريدهم يأذونكم من وراي ، ابوس ايدك سامحني لان هيج صار بيكم من وراي ،كل السويته حتى احافظ على روحي وشرفي والله ياسيد وحق جدك رسول الله ، محد لامسني لو مسوية الحرام ابببد والصور والفيديو كلهن مثل ماكتلك غصب عني ...
سيد ابو ناصر : بنيتي انتي صرتي بمكان غلط وعائله مو كفو ، هنياله العنده بنية مثلج ...
سكينة : زدت بالبجي ، جرني اشرف من ايدي وطلعني من البيت ، صعدني بالسيارة و طلعنه ، الطريق كله ماسكتت من البجي ، وصلنا الشقق ، صعدنه الطابق الثاني ....
اشرف : مو كافي بجي ...
سكينة : وخررر ايدك الوصخه منييي ، دخلت للشقه ، انت شكووو لاحكني لهناااااك ، شعدك ورااااي ، اني بالكوه خلصت منك انوب تجي تلحكني ، شلون ادز صور الاهلي ماكلت راح يكتلوها خلاص ....
اشرف : مايكتلوج ، بعدين ردت تشوفين اهلج التتحامين بيهم وشردتي مني علمودهم ...
سكينة : انت تريد تسويني وحده مو خوش ، وتكسب فلوس حرررررام ...
اشرف : سكينة ، باعي مو وكت حجي هسه انتي تعبانه ، و بجيتي هواي روحي غسلي ونامي ...
سكينة : كعدت بالكاع ، وابجي بشكل متعب بحيث حتى ماعندي طاقه بعد اسولف ...
اشرف : كاااافي كتلج لتبجييييين ...
سكينة : تعبت والله تعبت صارلي جم سنه متبهذله ، ليش هيج ياربي لييشش ، هسه الي بعمري يدرس ويتعلمن ، اشرف الله يخليك عوفني خليني ارجع البيت السيد ، كمبص ولزم ايدي حاولت اسحبها خزرني ....
اشرف : اهلج ميردوج وهدرو دمج وين ميشوفوج يذبحوج ، يعني بعد متكدرين تشردين وترحيلهم ، اهلج همه باعوج لهذا الطريق من زمان ، اهلج محد بيهم سئل عنج سنين محد بحالج بس اتذكروج من سويتي هيج ، اهلج مصدكوج وضربوج ضرب وصلوج للموت ....
سكينة : عادي اني اتحمل كل انواع التعذيب ولا اشتغل وياك ...
اشرف : باعي ، اني مراح اخليج تشتغلين مثل الي بالج ، سكينة اني صار سنتين اراقب بيج ،
وردت بس اتأكد منج ...
سكينة : تتأكد من شنو ...
اشرف : لا عندج سوالف مو زينه ، ولا تقبلين تشتغلين هذا الشغل ، تدرين من وافقتي حيل ضجت ، وكلت بس تكول اموت ولا اشتغل هذا الشغل اجيبج هنا ، بس من شفتج تجهزتي اتأذيت هواي ، وكلت راحت من ايدك ...
سكينة : اباوعله وهو يسولف مو هذا اشرف الي يشمر عليه ، ويحجي بخشمه هلكد متكبر واكف ويسولف وخجلان ، بس عباله راح يمشن هذني دروبه ...
اشرف : من شردتي عفتج ومااذيتج ابد ...
سكينة : مأذيتنيييي، كل هذااااا ومأذيتني ، دز صوري وفيديو اليه بالملهى ، كل هذا ومأذيتني بعد شلون تصير الاذية فهمني ....
اشرف : تردين اكعد ابرر ، هم صفنت جاوبيني ، اني مااقدم اي تبرير الج ، المهم هذا بيتج منا وجاي ، واي شي تحتاجي اكو تلفون تلكي بالغرفه الجوه وبي رقمي ...
سكينة : لك اني ممحتاجتك عندي خير من الله ، اطلع من حياتي ، ماريد منك شي لا شقتك هاي ولا فلوسك الحرام ، باوعلي بنفاذ صبر عافني وطلع من البيت ، اوكف احجي وياااك ، سد الباب وقفله من جوه ...
... ااااااا، افتح الباب ، استغفر الله ، باوعت للبيت بقهرة ، بعد شمضموم الج ياسكينة ، هففففف .....
................................
اسيل : دحكت بوجهو صفن ، جاوبني ...
معاذ : ماكدر ...
اسيل : ليش ...
معاذ : اخوتج تكاطعت وياهم ...
اسيل : شنووو ، ليش وشوكت ؟ ...
معاذ : من صارت مشكلتج ، رادو ياخذوج يكتلوج ، بس اني مارضيت ، وبعدهم مصرين على هذا الشي ، واني طردتهم ، بومها كالو بعد كل واحد يكعد بمكانه واسيل اذا تدخل الرمادي نذ.بحـ.ـها ...
اسيل : وانه اكول ليش امي واخواني كطعو بيا ...
معاذ : السويتي غلط ، وغيرج وحده مسويته جان هسه جوه التراب ....
اسيل : ماجاوبتو بس ضجت ، محد من اهلي يحضر عرسي ، مر يومين فكرت بسالفة عرسي ، رحت وصح معاذ ، اريد اكعد ويا خالتي ....
معاذ : تدللين ، امشي ...
اسيل : اخذني الحجرت خالتي ، دخلنا وهي ماتدحك بوجهي ابد ، خاله ، اريد احجي وياج ...
خاتون : اسمعج ...
اسيل : اعرف السويتو غلط ، وانه ندمانه بكد شعر راسي ، انتي هنا بكان امي ، انه نحرمتها منها ومن ريحتها ، وانتي بمكانها ، ماعندي بعد احد غيركم اتسند عليه ، واذا على العرس انه ماريد عرس ، حفله صغيرة والبس نفنوف ابيض كلش كافي ، بس الله يخليج يخاله سامحيني ....
خاتون : دحكت بوجهه وهي تبجي ، احنه دخلناج بيتنا ، وحماج ابني ، وصرتيلو حبيبة ، ومن ادحك عيون معاذ وانتي تمرين ، گلبي يفرح ، بس انه زعلانه حيل منج على سوايتج ، وصعب اسامحج عليها ....
اسيل : ماشي براحتج ، بس اذا مترضين تسامحيني
على الاقل خلينه نفرح بوجودج ، الخاطر معاذ ....
خاتون : دحكت معاذ كاعد ، ها يمه يمعاذ تالي وكت مرة جابت خشمك ...
معاذ : يمه رحمه للعباس عوفي خشمي ، هسه شكلتي ...
خاتون : شكول ، ماشي يمه تزوج انه لازمتك ، عشر ولد خلفت ٩ مشيتهم مثل الساعه الا انت ، ماكدر عليك ولا اكدر على زعلك ....
معاذ : هههههه ، انتي من يوم يومج تكولين معزة معاذ تختلف عن الباقين ...
خاتون : اي والله ييمه ...
معاذ : العرس هل جمعه ماشي حبيبة ...
خاتون : تدلل ، اليتريدو يجرالك ....
معاذ : ماشي ، بدينه نحظر للعرس وشي بسيط مثل ماطلبت اسيل ، لبست دشداشه و عكال ، واخوتي نفسي ...
اسيل : هل مرة الفرحه غير ، جنت فرحانه من كل گلبي بس اكو غصه امي ماكو ، لبست فستان تور ابيض ، ردان وبي شغل من صدرو ، اخذتني مريم حفتلي ورتبتني دخلت للحمام سبحت وطلعت ، جات بنية مكيجتني وشسورت شعري ،
حطيت البركع والتاج ، ناس تهلهل وفرحانه وناس گالبه وجوهه ....
.... اجه السيد وعاد العقد وانه اسلمت ، ورددت الشهادة من كل قلبي هل مرة ،
دخل معاذ والبنات يهلهلن لابس زي عربي ، اخذنه جم صورة طلع برا ، جات خالتي خاتون ومريم وحريم اخوانو ماعدا سراب ضلت واكفه على صفحه ....
.... زفوني للحجرة بس هل مرة حجرتي فوك ، دخلت للحجرة نظيفه حيل ومعطره و مخلين فرشه بيضه ، كعدت على التخت جات خالتي لبستني گلاده ذهب ومحبس وسوارت وحلقه وتراجي ، وخلت البركع على راسي
....
خاتون : الله يسعدكم ومايشوفكم يوم شر ، يجعل ايامكم كلها سعادة وفرح ....
اسيل : دخل معاذ يزفون بي اخوانو ، كلها طلعت بس خالتي ضلت ، دنكت على ايدها ابوسها وهو باس ايد امو ....
خاتون : ربي يهنيك وليدي ويجعلها زواجة الدهر ، ويترس هل غرفة وليدات وبنيات ...
معاذ : الله يسلمج يمه ، بست راسها عافتنه وطلعت من الغرف ، درت وجهي على اسيل ، تتراجف هههه شبيج مراح اكلج ...
اسيل : مابيه شي ، رفع البركع من راسي وباسني ، ورجع باسني بخدي ، اخذني من ايدي وكعدني على التخت ، دحكت بعيونوو، وهو يبتسم ...
معاذ : تدرين انتي حلوة ...
اسيل : لا ، انت تشوفني حلوة ...
معاذ : تدرين انه احبج ...
اسيل : ابتسمت ، ودنكت راسي ، وهمستله ، انه هم ، احبك ........🌚🔞عرسان شعليكم بيهم .....
... ومن هين بدت حياتي الحلوة ويا معاذ ، احلى ايام ، حتى خالتي تغير تعاملها وياي للاحسن ، مشاكلي كثرت ويا سراب ، مدري شبيها هل مرة ....
.... تأخرت بالحمل خفت مايصير عندي ، وخالتي بدت تسأل ليش ماحبلتي وليش ماخلفتي وخاف ماتخلفين ، خفت وصار كابوس اليه هل موضوع ...
... المصبرني معاذ ، مدللني دلال ، ومامخليني محتاجه شي ابد ، صارلنه خمسة اشهر متزوجين ، ومن دخلت هل بيت قبل سنه بالضبط ....
معاذ : يمه يعني قابل بيدنه هل شي ، هي يجي يوم وتكول اني حامل ...
خاتون : شلون بله ، محد من حريم اخوتك تأخرت هلكد كلهن من ليلتها يشيلن ، انت ليش ...
معاذ : يمكن الصوج بيه ، ليش تخلين الصوج بيها ...
خاتون : ادحك هين يول وهاي كدام حرمتك ، اذا ماحبلتي هل شهرين الا اعرسله ثالث شهر وكولو خاتون ماكالت ....
اسيل : كمت ابجي ومجلبه بمعاذ اخاف يسويها ويروح يتزوج ، وجرت الايام والاشهر وماصار حمل ، وخالتي ملت حتى من ملحتها علينه ومعاذ منطيهم اذن الطرشه ، حريم اخوتو يخلفن وانه ماكو ...
... وانوب ياهي التخلف خالتي انوب تزعل عليه ،
كن اني بيدي الخلفه ، وبيوم جان شهر السابع سنة ١٩٩٨ ، كاعده وياهم على الاكل ، مدري ريحة شنو لعبت روحي منها ، كمت وتقيئت ، لحكتني مريم وهي خايفه عليه ...
مريم : شبيج ولج ...
اسيل : ماادري ، بس صار يومين اضوج من ريحة الاكل ...
مريم : صدك تحجين كلللووووووش ...
اسيل : ولج شبيج تهلهلين ...
مريم : حامل اكيد حامل ، زين وهذيج الشغله متأخرة لو لا ..
اسيل : لا شحامل ، ها ماادري بس هل شهر ماكو ، راحت تركض لخالتي تبشرها ولج تعالي اسكتي ، كلهم كاعدين ياكلون وطبت عليهم تصرخ ....
مريم : عمه كلوووووش ، اسيل اسيييل ...
خاتون : شبيها يمصگوعه ...
مريم : اسيل حامل ...
خاتون : صدك ، كللووووش الف الحمدلله ...
معاذ : جنت مامصدك ، طفرت من مكاني وكفت كدام اسيل ، صدك احجي ولج فرحيني ...
اسيل : والله يمكن صدك ، لان على حجي مريم انه حامل ...
معاذ : الف الحمدلله والشكر الك ياربي ، مارديتني اببببد ...
اسيل : اخذوني لبغداد لدكتورة هناك ، وتأكدت ان اني حامل اربعة اسابيع ، فرحنه فرح موطبيعي صارلنه سنتين ونص ننتظر هل شي ، عبالك صارلنه قرن ، بدت بطني تكبر ، وانوب سراب شدت عداوة وياي ....
.... ماتخليني اكعد ، وكله اتخيلي اشتغل شغل يتعب ،وتستغل مرات سفر خالتي ، لان تحب تواصل العالم هواي ، انه الوحيدة مااروح بيت اهلي كلهن يرحن الا انه ...
معاذ : لو تدرين شكد فرحان بيج ...
اسيل : انه هم جثير گلبي فرحان ،
اكلك ، اذا اجاك ولد شسمي ...
معاذ : احب اسم حسين ...
اسيل : واذا بنية ...
معاذ : هههههه ، يمكن راح تستغربين من الاسم اذا اكله الج ...
اسيل : سولف ، انه بالنسبه اليه عاجبني اسم مريم ...
معاذ : هذا تقريبا نفس اللفظ ، مرة قريت شعر بأحد الكتب ،
يگول
في ماردين
حماها الله لي قمرا
لولا الضرورة مافارقته نفسا
ياقوم قلبي عراقي يرق له
وقلبه جبلي قد قسى وعسا ،
اذا بنية اسميها ماردين ....
اسيل : شكد حلو هذا الشعر والاسم يخبل ، عجل هاهي ماردين ، اسم غريب وحلو بس مكتلي شنو معنى ....
معاذ: بي هواي معاني ، بس المعنى الا ساسي ، المتمردة ، او القلعه المتمردة ...
اسيل : اممممم ، هم حلو المعنى مالتو المهم انه اقتنعت بي....
معاذ : ههههه ، الحمدلله ، اسيل احبج ...
اسيل : وانه هم احبك وجثير احبك بعد ،
دخلت شهر السابع ، بطني كبرت بس مااعرف اذا جانت بنية لو ولد ، كاعده بالحديقه ،ومخليه ايدي على بطني واتامل ، وين جنت وين صرت ،
طلعت سراب وكفت كدام ،، خير ...
سراب : شعدج كاعده هنا ...
اسيل : اتشمس ، وارتاح ،انتي شعليج اكعد وين ميعجبني ...
سراب : دكومي كومي كملي تنظيف الفوك قبل لا تجي عمتي ...
اسيل : مابيه حيل هسع ، خليني ارتاح ، دحكتني بنظرة مدري شلونها عافتني ودخلت للبيت ، ورى ربع ساعه دخلت الجهال يلعبون ويركضون بالبيت ، صعدت الحجرتي باب الحجرة مثل الرمل ، دحكت الكاع كلها هيج فتحت الباب ، والكه الفرشه مكصكصه ، ومكياجي مطشر والحجرة صايرة مهرجان ....
... كبل صرخت ، هاي شصاااير هينه ، منووو مسوووي هيج ، نزلت جوه واصرخ بيهم ، والجهال واحد يذبها على الثاني ...
سراب : جهال وجاي يلعبون نربطهم مثلا...
اسيل : بس هيج توصل بيهم يذبون تراب بالحجرة ويكصكصون ويخربون ، عفتها وصعدت فوك لان مايفيد الحجي ...
.... شلت الغراض كلهن ذبيتهن بالزبل ،
نظفت الحجرة ، تعبت تمددت على السرير ،
رجعت معاذ من الشغل ، صبيتلو غده ، وعادي كلشي طبيعي ...
.... لحد الليل حسيت وجع صار بطني ، كعدت معاذ ، الحكني وجع بطني...
معاذ : شجاج مجان بيج شي قبل شوية ...
اسيل : ماادري بسرعه معاذ بطنيييي ...
معاذ : نزلت اركض كعدت امي ...
خاتون : يمه بعدها بالسابع ..
معاذ : سمعت اسيل تصرخ فوك ، سمعتيها يمه يله يمه بسرعه شسوي هسه ...
خاتون : جنها راح تجيب بالسابع ، صيح الجده ام نور بسرعه ...
معاذ : طلعت اركض من البيت وجبت الجده بسرعه
...
اسيل : خاله الوجع كتلنييييي ، اااااااا يمه وينننج ...
خاتون : ولج يمه لا تعصرين بعدج بالسابع ، هاي بس تقلصات ، دخلت الجده وفحصتها ، ها ام نور شنو ...
ام نور : خل نجيبها بسرعه لا تموت البنية ، جاي تنزف ...
اسيل : خفت حيل ، كمت اطلك والوجع كسر ضلوعي انتهيت ....
معاذ : اسمع صوتها تصرخ قلبي ينمرد مرد ...
فيصل : شبيك خوية شد نفسك كل حريمنه جابن ...
معاذ : بس هي بعدها بالسابع ...
تحسين : يمكن غلطانين بالحساب وهسه تطلع بالتاسع ...
معاذ : ماادري ماادري ،طلعت برا ماريد اسمع صوتها ، مطرت مطر مصاير وماسكت المطر ابد ...
... ساعه مرت والساعتين واسمع اسيل تصرخ جوه ، لحد ما انكطع صوتها ، ركضت وادك على الباب ، يمه يممممه ...
خاتون : بجي ، ها يمه ..
معاذ : يمه ليش سكتت اسيل ، وليش تبجين ...
خاتون : مريتك معسرة يمه ، خل ناخذها للمستشفى بسرعه ، راح يخلص دمها ....
معاذ : بسرعه جهزوها وخل نطلع ، جهزوها وطلعنه دك مطر بحيث بالكوه اشوف ، واسيل منتهية وجهه اصفر فجأة فزت وكامت تصرخ مرة ثانية ، ها يمه اوكف السيارة لو شنووو ...
خاتون : كمل يمه بسررررعه ...
معاذ : يمه نسوي حادث والدنيا ليل اذا مشيت بسرعه ، مااسمع الا صوت طفل ترس اذني ، وكفت السيارة بحيث شخطت ، درت وجهي شنو يمه ...
خاتون : ولك جابت جابت ، بسرعه وصلنا للمستشفى ...
معاذ : اسمع صوت الطفل يبجي وامي واسيل ليورى ، بلحظتها نزلت دمعتي من الفرحه مدري على اسيل ، وصلنا للمستشفى اسيل جانت منتهية ، والطفل بيد امي ، دخلوها طوارئ ، واحنه وياهه ...
الدكتورة : بسرعه لازم عملية ، انت زوجها وقع ، مرتك راح تخسر رحمها اذا موقفنه النزيف ، وين جنتو بس اريد اعررررف ...
معاذ : غير الجده جيبتها ..
الدكتورة : مرتك منتهية ، شنو الجده ، يعني مرة تطلك بشهر السابع شلون تخلون الجده تجيبها ، جان لازم تجيبوها من اول ماصارت عدها ولاده ...
معاذ : الدكتورة ضلت تصيح علينه ، صحت اسيل شوية ...
اسيل : وين الطفل ، اني شنو جبت ...
خاتون : بنية مثل الكمر ، دحكيها يمه بعيونج ...
معاذ : صدك يمه صارت عندي بنية ...
خاتون : اي يمه ...
الدكتورة : بسرعه اخذو الطفله للخدج ..
اسيل : دكتورة بس اخذها شوية الحضني ، اخذتها الحضني تخبل مكرمش وجهه ، خالتي خاتون وكفت فوك راسي وهي تباركلي بولادتي ...
... جاوبتها بتعب الله يبارك بيج خاله ، رجعت راسي ليورى بس جان عندي خفقان قوي ، معاذ گلبي احسو راح يوكف خانگني حيل ...
... انطيت الطفله الخالتي واني اوصيها بيها ، خاله هاي بنتي امانه عندج ، خاف يصير عليه شي ...
معاذ : اششش ، لتحجين هيج ، كلها نص ساعه وطلعين بخير مابيج شي ...
السستتر : من رخصتك اخوية ...
خاتون : بجي ، يمه والله تكومين بالسلام ، انتي بس گوي نفسج واتذكري صارت عندج بت ، وتكبريها وتجيبيلها اخوان ...
اسيل : خالة ، اوعديني
..
خاتون : وعد يمه ، بجيت على حالها ، يمه انتي سامحيني ، انه سامحتج من يوم الزفوج على وليدي والله يشهد عليه ...
اسيل : ليش انتي شمسويتلي حتى اسامحج ، ساعدتيني وكفتي وياي وحميتيني ...
معاذ : بست ايدها وراسها وابجي على حالها ، جان وجهه اصفررر ، اخذتها الحضني وشميتها ، اخذوها للعمليات ، و ضلينه ننتظر على نااار ، طلعت الدكتورة ، ها دكتور حرمتي شلونها....
الدكتورة : انتو وصلتو متأخرين هواي ، وزوجتك فقدت نص دمها بالضبط ، ماكدرنه نسيطر على النزيف ، حتى خلينالها ٣ بطاله دم ، ومفادها ...
معاذ : وهسه شنو ، يعني تردون دم ...
الدكتورة : هاي ارادة الله سبحانه ، البقية بحياتك ...
معاذ : شن ، شنو ، شنو يعني ماتت ؟...
الدكتورة : للاسف ، توفت ...
معاذ : اصعب واكبر واسوء يوم بحياتي ، بحيث ضليت واكف مااعرف شجاوب الدكتورة ، لا اراديا كعدت بالكاع ، اسمع امي تصيح وتبجي اجت وحضنتني ، بس ماكدرت ابجي ...
.... احس شي خنكني ، بس مابجيت ، گلبي يدك على السريع والرجف بجسمي ، مااصدك ابد اسيل عافتني وماتت، لا جذب مستحيل ....
.... طلعوها كدامي بالسدية ،امي تبجي وتعيط ، اني رحت وياهم للثلاجه ، كشفو وجهه ، لا جذب مماتت ، اسيل حبيبتي كومي ، مو جنه ننتظر هذا اليوم حتى نسمي بتنا ، اسيل جاوبيتي ولتضوجيني ...
.... لج تدرين بيه مااكدر اعيش بدونج ، اسيييل ، حبيبتييي ، وجهه جان اصفر وحلكها ازرگ ، وجسمها بارد ، بستها بخدها وبركبتها ، سحبت ايدها ، والمشكله اتمنيت ابجي مخنوگ بس مااكدر ...
.... ضليت كاعد يم الثلاجه ،دخلو اخوتي حضنوني ويصبرون بيه ، بس يمكن مجنت بوعيي ، بالكوه رجعوني للبيت ، ضليت جوه كاعد البنات يبجن ويعيطن ، واني كاعد مخلي ايدي على راسي ، وساكت ....
.... جابو التابوت اجت امها بجت وعيطت ولطمت ، شلت التابوت بيدي ، وشديته على السيارة ، معقولة ماتت وهذا تابوتها ، لا جذب هذا حلم وهسه افز منه ....
.... وصلنا للمگبرة ، زورناهه الامام علي ورجعنه نزلتها بيدي ، هناك بالگبر كشفت وجهه ، بست خدها ، وتمنيت ابجي ، رجعنه للبيت احس شي بداخلي مفلش ، مختنگ حيييل .....
.... مر اليوم الاول واسيل ماكو بالبيت ، بعد مرور ٣ سنوات اسيل اليوم مبايته بيتها ، مااصعد للغرفة ابد اضل كاعد بالاستقبال نوم قليل جگاير كووومه ،
مر اليوم الثاني والثالث ، خلصت الفاتحه وخلص السابع ، وطلعت الاربعين ....
.... ومر خمسة اشهر ، حتى مااتذكر ابد ان صارت عندي بنية وين هي اصلا ، انعزلت عن الكل شكد يحجون وياي چني مااسمعهم ...
.... الا بيوم ، مااحس الا طفل جلب برجلي ، باوعتله وخرته من يمي ، رجع زحف عليه وصعد على رجلي ، ويردد ( با، با ، با ،با ) رفعت راسي امي واكفه باب الاستقبال وتبجي ....
... يمه شيلي مني هذا الجاهل ...
خاتون : يمه هاي بنيتك ماردين ...
معاذ : باوعت على امي ورجعت اباوع للطفله ، وهي تردد بعدها با با با با ، دمعت عيوني ، رفعت راسي لمي ، منو معلمها ...
خاتون : انه علمتها ، ودزيتها عليك ، بلكي تحس بيها ييمه بنيتك محتاجتك ، خسرت حضن امها لا تخليها تخسرك ...
معاذ : اااااخ يايممممه ، وهنا سحبت الطفله حضنتها وبجيت من كل گلبي بعد مرور ست اشهر من وفاة اسيل يله كدرت استوعب ان هي ماتت وبجيت من كل گلبي بحيث كلها التمت عليه وتبجي على بجيتي ....
.... صارت روحي بماردين ، اني انومها واللعبها ، كمت كل فترة اخذ ماردين واروح للمگبرة ابجي وافرغ گلبي وارتاح ...
.... نهاية سنة ١٩٩٩ ، ماكدرت بعد ابقى بالبيت كمت اختنگ اذا ابقى ، بكل مكان اشوفها تفتر وتضحك ،
قدمت لجوء للخارج ، وگبل قبلوني ، لان اعتبروني هارب سياسي ، شلت ماردين وخليتها امانه عد امي ....
.... واخذت جنطتي وسافرت ، وطلعت من كل العراق ....
خاتون : سافر معاذ وخلا بنتو عدني ، كمت ادللها مثل ماادلل اميرة ، صار عمرها سنه ونص ، دخلت الحجرة امها وابوها وهي بيدي ، نزلتها وراحت تلعب وتفتر بالحجرة ، دحكت بيدها شي ...
.... سحبتو من ايدها ، گلاده وبيها صليب ، اتذكرتها هاي الگلاده مال امها ، شلتها ولبستها الها ،
كبرت وهي عبالها مسيحية ، وعفتها على راحتها تختار ، ماجبرتها ....
.... دحكت بيوم منام ، اسيل كاعده بمكان حيل حلو يخبل ، ومادرين تلعب يمها ، اجيت واخذ مااردين منها ، راحت ماردين واخذتني المكان كنيسه تخبل ، وهل طفله بيدها شمعه ماشايفه منها ابد ، ولا بسه ذيج التراجي والخاتم الحلو ، شغلتها الشمعه وطلعنه ...
... فزيت من المنام ، كمت كل فترة اخذ ماردين نشعل شمعنه بالكنيسه ونرد ، علمتها الايات القرأنية كلها وحجبتها ، بس هي كله ضنها مسيحية ....
................. ٢٠١٣
معاذ : يمه احمد خابرني ويكلي الوضع خطر ، انتي شلون دزيهم لهناك ...
خاتون : شمدريني ييمه ، بتك انتهت بين ايدنا ، وكلنا خاف تموت ، ودزيتها لهناك ....
معاذ : لاحولة ولا قوه الا بالله العلي العظيم ، الو ها حبيبي حمود ، باوع باجر من الصبح تردهن للبيت افتهمت ...
احمد : ماشي عمي تدلل، والله كتلهن باجر من الصبح نرد ، وحتى كالن نجهز غراضنه ...
معاذ : احمد تريد اجيكم ...
احمد : لا عمي اني اجيبهن واجي لا تخاف ...
معاذ : شلون مااخاف وليدي ،وانت بعد الحجي السولفته اليه عن خوال ماردين ، شلون مااخاف ...
احمد : شسوي ياعمي حظنه جابنه لهنا ...
معاذ : يله وليدي محروسين ، تردون بالسلامه ان شاء الله ، سديت الخط منه بس ضليت على نار ، مر الليل بصعوبة ، ثاني يوم اخابر على احمد مغلق تلفونه ، دكيت على اميرة همين ماكو ....
.... يمه اني لازم اروح..
خاتون : وين تروح ...
معاذ : يمه راح تنزل الشمس وهم بعدهم ماراجعين وينهم ...
فيصل : شبيكم ...
معاذ : شبينه يعني ، غير خايفين على احمد والبنات ...
فيصل : خابرتني اميرة الصبح ، وكالت احمد ماكو ....
معاذ : كمزت من مكاني ، شنووو وين احمد ...
فيصل : شبيك خوية لا تتخبل علينه ، احمد ادك عليه ميجاوب ، ويمكن رجع بلطريق ...
معاذ : لك البارحه احمد جان يحجي وياي وكال راح اجيبهن وارجع من الصبح ...
فيصل : خوية يعني شني كلامك هسه ، شنسوي ...
معاذ : لم الولد رايحين للرمادي ...
فيصل : يله خوية بساع ...
معاذ : ثاني يوم من الصبح ، اخذنه سلاحنه وطلعنه للرمادي ، وصلنا البيت خالتي ، وكفت بابهم ودكيته ، محد طلع ، دكيته كومه ماكو طلعو جوارينهم وهم ماكو ...
الرجل : تريد بيت ابو كريم ...
معاذ : اي عمي وينهم ...
الرجل : دحكتهم البارحه اخذو حريمهم ومشو لهلهم للموصل ...
معاذ : شنوووو، الموصل وشعدهم بالموصل ، اخذنه رقم كريم وعدي نخابر عليهم كله خارج التغطية ، صعدنه سياراتنا وطلعنه للموصل وبأول سيطرة وكفونه ...
الضابط : وين رايحين ...
معاذ : للموصل ، احنه من ديالى ..
الضابط : شيعه ...
معاذ : شهل سؤال ..
الضابط: ياخوية جاوبني ...
فيصل : اي خوية كلنا شيعه ...
معاذ : ليش ، دك على السيارة واشرلنه وهو يحجي ....
الضابط : ارجعو بوية ، بسرعه بوجهكم لديالى ، واذا تردون تحافظون على حياتكم حتى ديالى عوفوها ،
الجماعه ناوين على شر ، واي شيعي يعبر منا ينذبح ...
معاذ : نزلت من السيارة وراي اخوتي ، حظرة الضابط بنتي واختي وابن اخوي جوه انجيبهم ونطلع ...
الضابط : هذا امر ، اي شيعي ممنوع يدخل هاي المحافظه ، ارجعو خوية لديرتكم ، ليش تعرضون حياتكم للخطر ...
معاذ : اكلك بنتيييي جوووه واختيييي ، انت شتحجييي مااروح الا تعبررررنه ، سحبو سلاحهم علينه واخوتي جرجروني ، ولكممم عوووفوني ماخايف من سلاحكم ، اجه الضابط ورانه ...
الضابط : خوية لا تصعبها سويتو ازدحام ،
يول ارجع لديرتك احسن ، وادعي الله يردلك الغايبين الك بسلامه ، احنه الضباط ومانكدر عليهم انوب انتو ارجع رحمه لاهلك ...
معاذ : طلعنه سياراتنه ،ورجعنه لديالى ، نار وشابه بقلبي على بنيتي ، وين راحت ، بقينه مسلحين ومنتظرين خبر منهم ماكو ...
فيصل : احمد ماكو اختفى ، وبيت خالتي ولا واحد يجاوبني ، وين راحو ووووين ...
معاذ : امشي نرد للموصل ، لو على كص ركابنه مانرد الا هم ويانه ،ولك صارلهم ٣ ايام ناكو خبر عنهم ...
تحسين : يله خل نطلع ...
معاذ : طلعنه الفجر ، وصلنه العصر ، وهم وكفونه السيطرة وماخلونه نعبر ، تخبلت ، فرينه السيارات على السايد الثاني وضلينه واكفين مسلحين ومنتظرين ، بلكي يعبرنه ...
فيصل : ياااابووووية ...
معاذ : شبيك ...
فيصل : شوف الرسائل من اميرة ...
معاذ : قريتهن ( خوية فيصل اخذونه بيت خالتي للموصل ) ( خوية احمد ماندري عنه شي طمنوني عليه رد للبيت ) ( فيصل الحكنه احنه شردنه من بيت خالتي لان طلعو بالدولة الاسلامية كلهم منظمين حتى خالتي ) ( سااعدونا اجو كسرو علينه بسارات....) هاي الرساله مكامله ....
معاذ : ااااااخ ، بنيتي واختي راحوووو، اخذت التلفون من ايد فيصل وخليته بوجهه الضابط ، اقرا ...
الضابط : بعد اخطر ، مستحيل اعبركم ، هي غير بيت خالتكم بعد ليش خايفين ، خوية ارجعو لبيوتكم ، مابيها اي مجال ماكدر اعبركم ...
معاذ : ماتحملت وتعاركت ويا اهل السيطرة وصارت هوسه ،كامو يرمون فوك راسنه اخذوني اني وفيصل وتحسين ورجعونه للرمادي وهناك تركونه ...
فيصل : لازم نرجع ونشوف شنسوي وشلون ندخل الموصل ....
معاذ : بنية بكد الشبر عفتها امانه عدكم ، امرضيهااااا و خبلتووووهااا الييييه ،وحق هو العباس ابو فاضل اذا تأذت شعرة ، شوف بعينك يفيصل شعره وحده من بنيتي بيوتكم احركها على روسكم واهجولكم ، ااااااااااااااا ....
ماردين : طلعوني من الحجرة ، دحكت بنات كاعدات دحكني ، منو هذني ...
امية : بنات خوالج ...
ماردين : دحكت بيهن ، صغار واكو اكبر مني ، خمس بنات ، حلوات ، وين عمتي ....
امية : معليج بعمتج ...
ماردين : بس هي بت اختج وانه حفيدتج ، شلون يجي من گلبج تأذينه ...
امية : جدتج خاتون هي الاذتني ، حرمتني من بتي ، وماخلتني ادحك وجهه ، وهذا ثار بيني وبينها وهي دزت بتها بيدها الي ...
ماردين : بس جدتي تحب خوانها ماتأذيهم ...
امية : صح تحب اخوتي بس انه لا ، خذت بنتي مني وطردتني من بيتها ...
ماردين : وامي وين ....؟
امية : انتي موتي بتي ، وصار الثار ثارين ...
ماردين : اريد استوعب الكلام الي تكولو الي ، ليش امي ميته ..؟
امية : امج ماتت وهي تجيبج ، انتي الفگر ، بس جابتج ماتت ، اخذي روح بنيتي ...
ماردين : كعدت بالكاع ، ودمعتي نزلن ، ادحك بيها ،
انتي تجذبين ....
امية : امج ماااتتت ، انتي موووتيهااااا ...
ماردين : لالاااا انه ماموتت امييي ، انتي تجذبيييين ، لزمتني من شعري وتخض بيه حيل ...
امية : امج ماتتت بسببج ، انتي موووتي بنيتييي ، وثار بنيتي منج ومن خاتون اخذتو ...
ماردين : كمت ابجي واشهك ومااصدك كلامها ، جدتي خاتون مستحيل اتجذب عليه ، هي كالتلي امج وابوج مطلكين ...
امية : اكبررر جذااااب ، بنتي اسيل ماتتت وهي تجيبج ...
ماردين : بجيت بكل حرگه ، السنين الي جان عندي امل ان ادحك وجه امي ، كلهن تفلشن على راسي ،
ليش جدتي خاتون جذبت عليه ، لييييش ....
.................................
ماجد : من مواليد ١٩٨٠ ، شكلي عادي شاب عراقي اسمر عيون جوزية شعر اسود ، طولي ١٨٠ ،
من مدينة الرمادي ....
.... واكف كدام الضباط ، ويشدولي برتبة النقيب ، جانت بسنه ٢٠١٠ ، انه وجماعتي ( معتز ، عباس ، علي ، هادي ،حسين ، علي رضا ، محمد ، بارق ) وباقي اصدقائنه ، بس هذوله اقرب اصدقاء اليه ...
ملاحظه / رتبة النقيب تنشد للضابط من عمر ال٢٨ او ٣٠ سنه ،
خاف تكولن بعده صغير وشدولة هاي الرتبه ، لان كل رتبه حسب سنين الخدمه ، ولازم من يتخرج الضابط برتبة ملازم يداوم بوزارة الداخلية مدة ست سنوات ،
وتشمل هاي الكلية ( الشرطه الاتحادية، الجوازات والجناسي ، الرد السريع ( مكافحة الشغب ) ، حرس الحدود (المغاوير ) ، الدفاع المدني ، ويشمل الاناث والذكور ، ومدة الدراسه بيها ٣ سنوات ....
معتز : اني اختلف عن مواصفات ماجد ، لتصدكو ترى شاب يطك بالكاع بس هو دائما يكول على روحه مو حلو ، بالنسبة اليه ، اني اجكم اجلح من البصرا ساكن بغداد ، يكولون عيوني حلوا لان عسلي فاتح هههههه ، مواليد ١٩٩٨٠ ، طولي ١٧٥ ...
... كلنا جنه ندرس بنفس الكلية العسكرية ،
حياتنا اتخبل اني وجماعتي وماكو منهم ابد ...
علي رضا وعباس : اني وعباس توم ، من الكوت ، مواصفاتي حنطاوي ، وطولي ١٧٦ ، شعري اسود وعيوني لون جوزي ، جماعتنا ميفرقون بينا من يشوفونا ، علي رضا اني المستهتر مال كروب بس والله صايم مصلي ههههه ...
طه : اني الطويل الضخم بيهم ، ههههه بس صدك طولي مبالغ بي ١٩٠ ، اكرع واخبل شحال لو عندي شعر ، عيوني لون جوزي بشرة بيضه ، متزوج وعندي ثنين اطفال المؤمن مال اصدقائي لابس عمامة درست فترة طويله بالحوزة رغم دراستي بالكلية العسكرية ....
بارق : ابيضاني ، طولي ١٧٥ ، ممتزوج بعدني خاطب ،
شعري لون اسود عيوني لون سود
....
حسين : اني الاشگر مالتهم ، ههههه على كولت علي رضا بسرعه تتوصخ ، طولي ١٧٨ ، متزوج وعندي ثنين ولد وبنية عيوني لونهن ازرگ الي مضوجاتني عبالك بنية .....
...............................
ماجد : وكفت جدام ابوي عدل واخذتلو تحية ، النقيب ماجد هاشم ال شهم الحسيني سيدي ...
سيد هاشم : الله يحيك وليدي ...
ماجد : نزلت على ايدو بستها تسلم يابه ، خلنا نرد الدريتنا بالرمادي ...
سيد هاشم : محظريلك عزيمه ويا عمامك ...
ماجد : يله بوية نرد ، رجعنه للرمادي ،
اتلكونا عمامي بالذبايح ، دخلت للبيت عيوني تدحك فاطمة وتدورها ، يمة وين فطيم ....
العلوية صالحة : يمه توها صعدت الغرفتها ...
ماجد : ماشي يمه انه اروح ادحكها وينها ، صعدت فوك فتحت باب حجرتي ، لكيتها تبدل ....
فاطمة : هلا يانور عيوني ونور بيتي ، هلا بيك حبيبي ...
ماجد : هلا يروحيتي ، شلون حالج اليوم ...
فاطمة : بخير ، الله شكد حلوة الرتبه على جتفك مبروك ...
ماجد : بستها براسها الله يبارك بيج حبيبة ، خل ابدل وننزل انه وياج ...
فاطمة : ماشي ، اني فاطمة مواليد ١٩٩٠
مواصفاتي ، عيوني سود ، وبشرتي بيضه ، وشعري طويل ، طولي ١٥٧ قزمه ، من بغداد ، طبعا ماجد يصير ابن عمي ، وشافني من اجه البيتنا ودك رجل عليه الا ياخذني وانتظرتو ، يله تزوجنه بحيث مخطوبين سنتين ....
.... لبست نفنوف ذهبي ، ولفيت شالي رشيت عطر و درت على ماجد لابس دشاشه واجه اتجاهي يريد يعدل شعره ، هاي شنو راح تنزل هيج ...
ماجد : دحكت روحي ، ليش شبيه يول ...
فاطمة : ليش ملبست تراك ...
ماجد : ماارتاح بي ، هيج احلى وارتب ...
فاطمة : بس كرايبنه كلهن هنا ، وهسه يشوفنك ، دك عليه وهو يسولف ...
ماجد : عجل انه شنو بيا ، خلهن يدحكن ، المهم عيوني المن تشوف ، الج وهل گلب مفتاحو عندج ...
فاطمة : بعد الله اعلم يمكن يجي يوم وحده تفتحه او تلكه مفتاح گلبك ...
ماجد : ماتلكا وعيونج ، فاطمة انه احبج ...
فاطمة : اي اضحك عليه ، اني هم احبك ، يله خلينه ننزل ، جر الغترة ويريد يلفها على راسه ، جريتها من ايده شدا تسوي ...
ماجد : الفها ...
فاطمة : وحگ العباس اذا لفيتها ونزلت ازعل عليج ...
ماجد : علمود غترة تزعلين وتتگاونين وياي ، عجل شسوي اذا نزلتلهن بالعسكري ....
فاطمة : مو هن شافنك بعد شكو ، لتضوجني العباس عليك ...
ماجد : ولج مايصير خليني الف الغترة ارتب ...
فاطمة : انزل وحدك ماانزل وياك ...
ماجد : امري لله ...
فاطمة : نزلنا جوه كلها تباوع عليه واني فرحانه ، شافتنه عمتي ...
العلوية صالحة : هايمه ، شعجب لابس تراكسود.، ليش مالابس دشداشه ...
ماجد : اوامر جنتج ، خلتني حتى الدشداشه ذبيتها ...
فاطمة : عمه غير اغار عليه ...
العلوية : حقها يمه انت حلو ...
ماجد : اهوووو هم كالو هل كلمة يمه عيب عيب انه مو حلو ، انه زلمه شني تكولن حلو ، عفتهم وطبيت للديوان بنص عمامي ولدهم ....
فاطمة : هاي حياتي ويا ماجد ، واهله حيل حيبوني واني هم ، البيت جبير والي بي ، زهراء اختهم ، وحمزة متزوج وعنده ثنين جهال ، و فضل ١٤ سنه ورقية ١٢ سنه بزر الكعده والمدللا مال بيت ، عمي سيد هاشم وعمتي علوية صالحة ....
.... دخلنا ٢٠١٣ ، تأخرت بالحمل حيل ، لحد مادخلنا بهاي السنه اني اشوفها حلوة ، لان واخيرا وبعد ٣ سنوات انتظار طلعت حامل ، بهل وكت ماجد جان مسافر الايران ....
ماجد : هينا جنت مسافر لسوريا بس محد يدري انه بسوريا كلها تعرف انه بأيران عدنه تدريب ، جنه خايفين على مرقد السيدة زينب عليها السلام ، لاياخذو ....
.... طلعنا عن طريق ايران ومناك طيارة مباشرتاً الى سوريا ، مع عصا.ئب اهل الحـ.ـق ، هناك جانو موجودين حـ.ـز.ب الله اللبناني وقادتهم ، و العراقي ،
و النجـ.ـباء ، والحرس الثـ.ـوري الايراني ، يعني اغلب الي داير مداير السيدة جنه من خارج سوريا
.....
....ندحك بالمرقد من بعيد ، مانكدر ندخل الو ، وگلبونا تنمرد ، المعجزه الصارة ، ان جانو يرمون على القبه صواريخ وتوكع بعيد المرقد ، لا احنه نكدر نوصل ولا هم يكدرون يقاتولونه ....
حاج مهدي الكناني : ما نطلع منا اذا مانحررر السيدة ...
الحاج قاسم : حبيبي حاج ، نحن جأنا لنفدي السيدة بأرواحنا ، وخلال هذه الايام سندفع عنها الخطر ...
الحاج المهندس : لعد نتوكل على الله ، ونبدي بهجوم مباغت للعدو ....
ماجد : كاعد بنص عمالقه الخط الجهادي ، طبعا اكو قادة يسولفون ولكن مراح اذكرهم بالاسم ممنوع ...
قائد ١ : لازم نتقسم الى اربع اقسام ، ونهجم من اربع محاور واكيد اكثر من نقطه نخليها ورانه لازم خاف يفترون علينا ...
قائد : هل فكرة كتير منيحه ، منها راح ناخد دمشق بأذن الله كلها ....
قائد ٣ : حاج مهدي انت مريض شلون راح تدخل للحرب ...
مهدي الكناني : لاتخاف عليه ، هي ابره اضربها وادخل للحرب ...
قائد ٤ : حجي قاسم ، انت قائدنا ابقى في المقر الخلفي ....
حاج قاسم : هنا لا يوجد شي اسمه قائد ، انا هنا جندي سليـ.ـماني ...
الحاج مهدي الكناني : نكول ياالله ...
الكل : يا الله ...
الكناني : نكول ياعلي ...
الكل : ياعلي ...
ماجد : اتقسمنا اربع اقسام ، وانتشرو الباقين بكل مكان ، نخشع يرددون بالاجهزه مالتهم ( مهدي الكناني دش القاطع ، ابو مهدي نزل للحرب هو وسلـ.ـيماني ، ياالله شو بدنا نعمول ، هدوليك ، نحن معنى الله وهم فئة قليله )
سلام ابو طيبة : والله جيناكم ، شيعة علي اجتكم اليوم وين ترحون ...
صادق : لكم اشردو شوفولكم درب اليوم حلفنا انحرر السيدة ...
محمد النداف : والله اليوم نعلسكم علس ...
الفيلي : هذوله مايدرون ( وكم من فئه قليله غلبت فئة كثيرة ) احنه ويانه عليي .....
ماجد : هذولاك تخبلو وكامو ينادون بالاسلكي (
والله ياروافض الا نذبحكم والا نصلخ ونسبي نسائكم جيناكم ) ، واحنه خربانين عليهم من الضحك ....
.... توزعت الاسلحه والعتاد ،وبدينا نقاتل ، ويانه الجيش السوري ، جانت اشرس معركه نخوضها ، حرب شوارع الافرع اغلبها كصيفه ، مدة ايام الى ان دفعنا الخطر عن السيده زينب عليها السلام ....
...نادو بالاجهزه ( الى كل الوحدات ، الحاج مهدي الكناني تصوب بعينو وصوابو خطر ، بسرعه جيبو سيارة ، احنه قريبين السيدة ) ...
.....ركضنه كلنا ، جبهة النـ.ـصرة يعرفون حجي مهدي الكناني اذا دخل حرب ياخذ المكان الي هم مستولين عليه ، وصدك ماتصوب الا لمن بعدهم من السيدة ،
الجرحه والشهداء تجر ، نقلنا الحاج الى المستشفى وجان وضعو حيل خطر ، لان جان عندو سكر وممكن يروح بيها ....
.... بس جا شاب من احد الفصائـ.ـل ، وبيدو راية ويبجي ...
الشاب : وين الحاج مهدي الكناني ...
ماجد : بحجرتو ، بعدو ماصحى ...
الشاب : هاي الراية جبتها من السيدة زينب عليها السلام ، شفتها بالحلم وانطتني هاي الراية وكالتلي اخذها الى المجاهد مهدي الكناني وكله هاي من السيدة زينب ، صارت الراية بيدي ومن فزيت لكيتها جوا راسي ، ابوس ايدكم خلوني انطيها اله ...
ماجد : كلنا كمنه نبجي ، دخلوها الو ، هو كعد بالكوه ، حضن الراية وبجى ، وبجينا على بجيتو ، ردينا لمكان السيدة ، ورجعنا انقاتل ، ونردد كلنا عباسك يازينب لبيك يازينب ، كانت حصة الاسد للعصائـ.ـب بأسم قائدهم الكناني وكمنه ماندخل حرب الا هم ويانه واطلقنا عليهم (اخوة زينب)...
.... اشرس المعارك ممكن انخوضها بذيج الايام ، جانت القوة مال العدو قوية ومجهزه تجهيز كامل
، الى ان انتهت وحررنا كل دمشق ....
.... الجو جان مغيم وبارد ، كفو القادة سوريين وعراقيين ولبنانيين وايرانيين ، حنا وراهم ، يدحكون بمرقد السيدة ، وبعد مرور اعوام من اغلاقها ، جابو المفتاح ، وحطو بيد الحاج قاسم ،جانت لحظات من الحزن والبجي ....
..... هو فتح بابها ، واول مرة بحياتي ازورها دخل الحاج ، ورى شوية دخلنا احنه نبجي ونصرخ ونحس بغربتها ....
.... ونردد، ياعقيلة اليوم عندج مو كفيل احنه كوافل ، كلنا متدربين في مدرسة الغيرة ابو فاضل ،نرفع الراية جنود حماية ، زينب الغاية برواحنه ناضل ، يااااااازينب ، لبيك ياااااازينب ،لبيك يازينب .....
..... صعد احد القادة بيدو راية حمرة مكتوب عليها يازينب الكبرى ، دحكو فوگ الگبه ، وينادي لبيك يازينب ، رفع الراية فوك الگبة المباركة ، ويا رفة الراية كمنا نرمي ، ونصلي على محمد ، اللهم صل على محمد وال محمد لبيك يازينب.....
القائد : وبزينب حفيدة المختار ، وبأبنت علي الكرار وبأبنت الزهراء ابنت الاطهار ، نحن قوة حيدرية حسينية ، لن تنهار لبيك يازينب ...
الكل : لبيك يازينب لبيك يازينب ....
ماجد : بيومها اتصلو بيا اهلي وهمه يبشروني ، راح يصير عدك ولد ، حيل فرحت ، والفرحة صارت فرحتين ، وهينا بشرتهم ، بوية حررنا عمتنا زينب ...
السيد هاشم : ابطال بوية ابطاال ، الله يحيكم بوية وينصركم ويرجعكم سالمين ...
ماجد : الله يسلمك يابه ، انه يومين وارد لديرتي ،
سديت الخط، جان بس ابوي يعرف انه وين رايح ، اخاف اردلهم شهيد ، كممت كل شوية اروح ازور السيدة ، وكأني ماشابع منها ، كعدت بصف الشباك وانه ابجي ، وهمست غربتج غربه ياعمتنا ، غربتج غربه ....
.... كمت كل فترة ، نسافر السوريا نحرر بيها ونقاتل ونرد منتصرين ، بس اليكسر الظهر الشهداء الي ننطيها ، ابطااال ويرحون شهداء كلو الخاطر مولاتنا زينب ....
.... دخلنا محافظه حمص ، وجانت من اكبر المحافظات السورية ، بليلة كاعدين ونخشع صريخ مرة ، يول معتز هذه صوت مرة ...
معتز : اي والله صوتها تصرخ ، بسرعه خل نركب سياراتنا ...
ماجد : طلعنه اتجاه الصوت ، يبتعد عنه ، وين هذا الصوت ، ناس تصرخ وين مانعرف ، اكلك خاف كمين خلنا نرد ...
معتز : اي والله شلون مافكرنا ، اوكف اوكف هاي بنية جايه علينه تركض ...
ماجد : سحبنه سلاحنه ، ونزلنا ، اوووكفي ، دحكتها البنية مدماية وجهه كلو دم وملابسها ، وشعرها مكفوش، تتراجف وتتلفت وتبجي ....
: ساعدوووني الله يوفؤكن ساعدوووني ، بترجاكم ساعدوني منهن .....
ماجد : اهدي خوية احنه اخوتج عراقيين واحنه نساعدكم ، انتي وين اهلج ...
: اهلييي ....
معتز : زادت بالبجي وتهستر ، امشي ويانه امشي لتخافين ، امشي ويانه ، لتخافين والله لا ويا جبهة النصرة ولا ويا النقشبندية .....
ماجد : غترتك بسرعه ، غطينا راسهه واخذنها ويانه بالسيارة ورجعنه لنقطتنا ....
معتز : جبت بطانية وخليتها على ظهرها الجو ثلج ،
دخل الدكتور ويعالج بالجروح الي بيها وهي ابد ماسكتت من البجي ...
... رحت جبت مي وخاولي ، كمبصت يمها خوية هاج غسلي ، رفعت عينها وتبجي ، كافي بجي انتي بأمان هنا ...
الدكتور : انتي بأمن مكان هون ، هدول الي حررو دمشق ابطال ربي يحفزهم ....
معتز : غسلت وجهه ، كمل الدكتور ورجعت تمددت وترجف وتبجي ، طلعت برا وكفت باب الغرفة ،جان مكانه عبارة عن مدرسه ...
.... غفيت بهل برد بالباب ، حسيت الفجر واحد يكعد بيه فتحت عيني ،ماجد ، كمزتني ....
ماجد : اذن يله انصلي ...
معتز : اجيت ...
ماجد : باوعت ماكو مي نتوضه بي بس ثلج ، كمنه كلنه نسولف ونضحك ولا عبالك بنص الحرب والخطر ، وممكن بأي وكت نستشهد ، الخشب مرطب منكدر نشعل شي ، وغاز ماكو ، نتيمم احسن شتكولون شيخ طه ...
طه : تكدرون تتوضون بالثلج لان يعتبر مي مطهر مابيها شي ....
معتز : ولك طه المي هل مرة صدك ثلج مانتحمله ....
ماجد : ضربتو على راسو بخفت ايدي ، يول عجل احنه شلون مقاتلين بسوح الوغى ، ضحكو كلهم ، خذنه سطل بي ثلج ، انتظرنا شوية يصير بي مي وبدينا نتوضى ، و كفنا سراوات وصلينه ....
معتز : كملت صلا ، كاعد اسبح ،وكدامي مباشرتاً الصف الي بي البنية ، مدري ليش بالي يمها ، شفت وحده طلعت من الصف ، تمشت اتجاهي وكفت فوك راسي ،نزلت عيني ، تفضلي خوية ....
: انا چيت اتشكرك لانكم نقزتوني مبارح ،
كتير بتشكرك ، لولاكم كانو دبحوني ...
معتز : رفعت راسي وابتسمت ، ياالله ،صفنت ابوجهه اللهم صل على محمد وال محمد ، البنية ما شاء الله جمال مو طبيعي العيون كبار ومدري شنو لونهن ، وملامحها يخبلن ،معقولة هيه ، اي هي هاي غترتي فوك راسها ،نزلت عيني ،استغفر الله ، كمت وسحبت مصلايتي وبيدي السبحه ....
.... هذا واجبنه ، عفتها رحت اتمشى بس حسيتها دخلت وتربعت بنص قلبي ، ردتت وراي اسم وكفتني، درت وجهي عليها شنو مفتهمت ...
:ملاك اسمي ملاك ......
معتز : بأبتسامه ،
اسم على مسمى ........)))))))
.
مو كل اليجيك امن الله،
يرهم ليك مرات البشر بلوه ....
.
رأيكم بالبارت ؟
توقعاتكم للقادم 💥
الكاتبة : فاطمة علي ♥️
الف مرة اعيد هذني البارتات
الي جاية انشرهن مجرد
تعريف عن الابطال وكتلكم مااكدر بشهر رمضان التزم وياكم
بعد شهر
رمضان راح اعدل النشر ويكون بين
يوم ويوم وتبدي الاحداث القوية
ومستحيل اقصر وياكم
بس هاي الايام ايام طاعه وصلا لهذا
اتأخرت عليكم والله هو كامل من البارحة
بس هسه رتبته وزيدت عليه وختمته
وتم النشر ....
شنو رأيكم بالابطال الجدد....؟