Thirty-fourth Chase
Xavier University Alumni Homecoming
"Speaking of exes, ilang nga ba ang naging ex niyo?" Biglang tanong ni Emma. Nagkantyawan kaming lima at nag-asaran.
"O, mauuna na ko dahil obvious naman. Wala akong ex, kasi di na ko pinayagan ni David na magkajowa ulit bukod sa kanya." Kunwaring naiinis na sabi ni Maggie pero we all know that she's proud of her relationship with Dave. Bihira naman kasi na yung unang boyfriend at first love mo yung makakatuluyan mo, di ba? But she's one of the few people na maswerteng unang try pa lang, nakilala na niya yung taong para sa kanya.
"Asus. Kunwari ka pa! O, ako naman, three!" Sabi ni Emma.
Tumawa si Nicole. "Ow. Five."
"Five?! Plus yung boyfriend mo... ganon karami yung ginawa mong rebound kay Aaron?" Pabirong sabi ni Emma. Hinagisan siya ng table napkin ni Nicole at tumawa kaming lahat.
"Ako, two." Sabi ni Tiffany.
"Di kasama yung chinese na si Brian?" Natatawang sabi ni Emma. "Almost 'kayo' na noon ah."
"Okay. Two and a half na lang." Tumawa kaming lahat.
"Okay, ikaw naman, Cha!" Tumingin sila sa'kin.
"What? Alam niyo naman. Two." Sagot ko sa kanila.
"Hindi ba dapat isa lang kasi pinakasalan mo naman yung isa?"
"Eh. Naghiwalay pa rin kami noon. So, technically, naging ex ko pa rin yung asawa ko."
"Pinag-uusapan niyo ko?" I heard the amused voice of my husband bago siya umupo sa tabi ko at umakbay sa'kin.
"Yeah. Usapang ex eh." Sagot ko sa kanya.
He smirked. "Bakit kasama ako? Tayo naman nagkatuluyan sa huli ah?"
"Oo nga. Pero naging ex pa rin kita. Bakit ka ba angal ng angal diyan?" My husband just laughed and shook his head.
"Asus, eto na naman 'yung dalawang 'to. Nilalanggam na naman kami dahil sa inyo!" Pang-aasar samin ni Maggie.
"Honey." Napatingin kaming lahat sa bagong boses na nagsalita.
"Ace!" Masayang bati ni Tiffany sa asawa niya bago siya tumayo at niyakap ito. "You're here! Akala ko hindi ka na makakahabol."
"I promised you I'll be here. Syempre hahabol ako kahit anong mangyari.." He smiled fondly at Tiffany. Direktor kasi si Ace kaya lagi siyang busy at hindi regular yung schedules niya. Yun din yung reason kung bakit hindi namin gaanong naging kaclose si Ace para makasama siya ng tuluyan sa barkada. But we all like him for Tiffany dahil nakikita naman namin kung gaano niya kamahal si Tiffany. "Hi everyone." Bati niya sa'min. Honestly, hindi namin alam kung bakit hindi pa nag-artista 'tong si Ace because he has the looks to be one. But I guess he really loves directing.
"Hi Ace!" Sabay sabay naming bati sa kanya.
I glanced sideways at my husband and he stole a kiss from me. Tumawa ako at kinurot ko siya sa braso.
"I love that you're pregnant with our baby." He whispered to me. It's something my husband and I do. We randomly tell each other things we love about one another. Why? So that our relationship will always have that excitement and kilig factor. So we'll always remember the reasons we chose and love each other. So we'll always have faith in our relationship no matter what trials we face.
Tinaasan ko siya ng kilay. "Really? Kala ko mabilbil na ko at lumalaki na yung pata ko?"
Tumawa siya. "Di ko naman sinabi yun ah?"
"Yeah, right. Sinabi mo yun indirectly! Sabi mo kailangan ko ng bumili ng maternity dresses eh!"
"Eh kasi sabi mo di na kasya yung jeans mo."
"See! Ibig sabihin nga, sa tingin mo bumibilog na ko!" I know I'm not making any sense but sometimes, I pick my fights with husband just because. Kasi alam ko naman ako yung papanalunin niya sa huli tapos susuyuin niya pa ko pag kunwari nagtatampo ako. Sabi nga niya sa'kin once, wala daw siyang pride pagdating sa'kin dahil mas importante daw ako sa pride niya. Sweet, right?
He grinned. "So what? I'll still love you kahit bumilog ka pa ng bumilog hanggang sa gumugulong gulong ka na sa paligid ng bahay." Sinuntok ko siya sa braso at lalo siyang tumawa.
"Nakakainis ka!"
"I love you too." Sabi niya then he kissed my cheek.
"Ew, bawal PDA!" Sigaw sa'min nina Maggie at Nicole. Tumawa kaming dalawa ng asawa ko.
"Eh bakit sila Tiffany?" Tinuro ko si Tiffany na nakahilig sa asawa niya.
"What? PDA ba 'to?" Pabirong sabi ni Tiffany. "Mas malala kaya kayong dalawa."
Pinanood ko sila ni Ace. They looked so good together. Matagal rin akong naguilty dahil sa mga nangyari sa kanila ni Zeke noong college. Pakiramdam ko kasi kasalanan ko kung bakit sila nagkahiwalay dahil sa mga ginawa ko noon. But seeing Tiffany with her husband and seeing how happy she is, I don't feel guilty anymore.
Siguro nga may mga kasalanan ako kung bakit sila nagkahiwalay ni Zeke noon. But at least I know, I didn't deprive Tiffany of her happy ending. Because now she's happy with her husband.
* * *
3rd year college. January.
"Dinner?" Tanong ni Jasper sa'kin nung nasa Manila na kami.
"Okay." I tell him.
"San tayo? Anong gusto mo? Pizza? Hm, may Via Mare dun oh." Tinuro niya yung isang resto.
Napairap ako. This rich kid. "No, too expensive."
"Okay lang naman sa'ki---"
"No way. Sayang sa pera. Wala namang special occasion eh. If you're sticking with me, dapat tandaan mo na ayoko ng mga masyadong posh na resto. Mas gugustuhin ko pang kumain sa karinderya kaysa magsayang ng pera sa mga ganyan. Palibhasa, mayaman ka or rather yung parents mo kasi sila naman talaga yung mayaman and not you---" Napatigil ako. Iniisip ko tuloy kung sumobra na yung mga sinabi ko at naoffend ko na si Jasper. Naisip ko lang naman na mga estudyante pa lang kami at hindi pa talaga kami kumikita ng sariling pera pero umaasa pa kami sa parents namin.
But apparently, he wasn't offended dahil tumawa siya at sinabi lang niya na, "Damn. Iba ka talaga, Charm."
"Buddy's!" Biglang sigaw ko nung may nakita akong restaurant na gusto ko. "Gusto ko yung pancit lucban nila."
"Sure." Ngumiti si Jasper at sumignal para makaliko kami papunta sa Buddy's.
"I'm paying." Sabi ko.
"Huh? No way. My treat."
"Ang makaluma mo naman masyado. I can pay."
"Ayoko."
"Okay, sa next date na lang natin."
Jasper smirked. "Next? Gusto ko yung tunog nun."
I rolled my eyes. "Yeah, yeah, don't change the subject."
Nakapark na si Jasper sa harap ng Buddy's. "Fine. Kung yun yung gusto mo."
"Papayag ka agad?" Wow. "Why are you such a perfect boyfriend?"
"Talaga? Perfect boyfriend ako?" Nasamid ako sa sarili kong laway nung marealize kong sinabi ko ng malakas yung last part. Para sa isip ko lang dapat 'yun! "Nagbublush ka ba, Charm?" Sabi ni Jasper na nilapit pa talaga yung mukha niya sa'kin para masilip yung mukha ko. Tinulak ko siya sa noo tapos lumabas na ko ng kotse niya. Nagtuloy tuloy akong hanggang sa makapasok ako ng resto.
Nakakahiya! Nakakahiya talaga! Bakit kasi walang preno minsan yung bibig ko eh?!
"Baby hintay!" Malakas na sabi ni Jasper. Nanlaki yung mata ko nung may ilang taon lumingon samin. Tawa ng tawa si Jasper nung makarating siya sa tabi ko. He knows I hate that endearment! Sinabi ko na sa kanya 'yun dati!
Siniko ko siya sa tiyan at tumawa lang siya lalo.
"Sorry, couldn't resist." Sabi niya sa pagitan ng mga tawa niya.
"Ewan ko sa'yo! Sasabunutan kita eh!" Akala ko titigil siya sa kakatawa nung magbanta ako sa kanya but he just kept laughing. Seriously.
Nung nakaupo na kami sa isang table, kinapa ko yung bulsa ko para sana itext si Maggie na hindi na ko magdidinner sa apartment. Kaso narealize kong naiwan ko yung cellphone ko sa kotse ni Jasper.
"I need to get my phone in your car."
Lumingon sa'kin si Jasper tapos inabot niya sa'kin yung susi ng kotse niya. Kinuha ko 'yun. "Cool, itatakas ko na yung kotse mo at iiwan na kita dito." Ngumiti si Jasper at ginulo niya yung buhok. Sinapok ko palayo yung kamay niya. "Hey, not my hair!"
"Bakit marunong ka ba magdrive?"
"No..."
"Kaya hindi mo ko maiiwan." Ngumisi siya.
"Yeah, right." Tumayo ako at lumabas ng resto. Mabilis akong nagpunta sa kotse ni Jasper yung cellphone ko habang tinetext kay Maggie na nagdidinner na ko kasama ni Jasper at para ibalita sa kanya na kami na ni Jasper.
I realized I must look crazy kakangiti ko mag-isa sa phone ko.
Nitong mga nakalipas na araw, lagi na lang ako nakangiti dahil kay Jasper. Ngayon ko narerealize kung gano ba ko kaswerte sa kanya. Bakit nga ba nagtagal pa ko sa pagpapakatanga kay Zeke kung pwede naman akong maging ganito kasaya kasama si Jasper? I'm so lucky na hindi niya ko sinukuan noon pa man. Maybe I should start being a little bit kinder to him. Maybe I should be more vocal to him about how I really feel. So he knows I'm slowly falling in love with him too. Tama, I should do that.
Napatigil ako nung nakita kong may kasama ng babae sa table namin si Jasper. Nakaupo si Ella sa upuan ko kanina. She's still the same. Jolly, cheerful, palangiti. And she still looks at Jasper the same way, halatang halata pa rin sa kilos at ngiti niya na sobrang in love siya kay Jasper. Manhid ba 'tong si Jasper at hindi niya makita yun?
Bumagal ako sa paglalakad at nagtago ako sa pader para hindi nila ako makita pero marinig ko pa rin yung pinag-uusapan nila.
"Wow, nagulat ako nandito ka rin pala! Sabi ko na nga ba ikaw yung nakita ko mula sa labas eh."
"Oo nga, Grace eh."
"Akala ko wala ka sa Manila ngayong araw? Kala ko may lakad kayo ni Cha?"
"Meron nga. Kababalik lang namin."
"San kayo nagpunta?"
"Sa Hot Air Balloon Festival sa Pampanga. Thank you nga pala sa suggestion, Grace. Ang galing mo talaga!" Tumawa si Jasper.
"Suggestion ko pala yung pinili mo. Kala ko susundin mo yung sinabi ni Gino na ilipad si Cha sa helicopter eh."
"Hindi matutuwa si Charm sa ganun. Baka batukan pa ko nun at sabihan ako ng OA pag ginawa ko yun." Napangiti ako, dahil sobrang kilala ako ni Jasper. Pero at the same time, nalulungkot ako para kay Ella. Kasi alam ko yung feeling ng unrequited love tapos siya pa pala yung tumutulong sa'min ni Jasper.
"Kamusta? Natuwa ba siya?"
"Sobra! Tsaka sinagot pa niya ko! Pumayag siyang maging girlfriend ko, Grace! Akalain mo yun? Salamat talaga! I owe you one!" Sumilip ako at nakita kong niyakap ni Jasper si Ella. Hindi niya tuloy nakita yung expression ni Ella na halos maiyak na siya.
"Jasper..." Mahinang sabi ko. Humiwalay si Jasper kay Ella at ngumiti siya sa'kin.
"Charm! Nandito si Grace oh! Kasama niya yung pamilya niya. Nandun sila." May tinurong table si Jasper.
"H-hi Cha! C-congrats! I heard the news! Um, sige ha? Maiwan ko na kayo para makapagsolo kayo. Balik na ko dun. Enjoy kayo!" Pilit yung ngiti ni Ella bago siya tumayo at naglakad palayo. Nakita kong nilagpasan niya yung table nung pamilya niya at dumiretso siya sa restroom.
Samantalang 'tong si Jasper naman, wala pa ring kamuwang muwang at kinawayan pa si Ella.
I sighed. Tapos pinitik ko siya sa noo.
"Aray, Charm. Bakit?" Nag-isip siya saglit bago ngumisi. "Nagseselos ka kasi niyakap ko si Grace no? Ano ka ba, wala 'yun---"
"Of course not."
"Sus, okay lang naman na aminin mong nagseselos ka---"
"Di nga! Ang manhid mo kasi!"
"Huh?" Mukha siyang nalilito but no way am I spelling it out for him kung anong nararamdaman ni Ella para sa kanya. I am his girlfriend, after all.
"Wala. Pupunta lang ako sa CR." I stood up and went to the restroom. Saktong pagdating ko doon, lumabas si Ella sa isang stall. Kaming dalawa lang sa banyo.
"Uy, Cha, hello! Congrats ulit ha!" Halatang kakaiyak lang niya dahil namumugto pa yung mga mata niya.
Lagi na lang ba kong may masasaktan at matatapakang tao? Hindi ko tuloy maiwasang maisip... bago kaya ako dumating, nagkakamabutihan na sila ni Jasper? Katulad ba namin sila ni Zeke noon? Ang kaso nga lang dumating ako para hadlangan yung love story sana nila ni Jasper? Naging kontrabida na naman ba ko sa isang kwento? What if hindi ako nakilala ni Jasper? Masaya kaya silang dalawa ni Ella ngayon? What if noong highschool ako, katulad ni Jasper, may nakilalang iba si Zeke? Ganoon ba yung nararamdaman ni Ella ngayon?
"I'm sorry," na lang yung sinabi ko sa kanya.
"Ha? Bakit naman?" She tried to smile pero halata ko pa rin yung lungkot niya.
"For stealing Jasper away from you."
Umiling siya. "Hindi naman sa'kin si Jasper para manakaw mo siya sa'kin eh."
"But you're in love with him, right?" Diretsang sabi ko.
Umiwas siya ng tingin. "Ganon ba ko kaobvious?" Tumango ako. "Kung ganon, bakit ilang taon na yung nararamdaman ko para kay Jasper pero hindi pa rin niya nahahalata? Ganon ba talaga kamanhid yung lalaking yun?" Bahagyang tumawa si Ella. "I'm sorry, hindi ko dapat sinasabi sa'yo 'to. Ikaw na nga pala yung girlfriend niya---"
"It's okay. I get you. Napunta rin ako sa posisyon mo dati so I understand what you're feeling."
Tumango si Ella. "Wag mo lang sasaktan si Jasper, Cha. Kasi kung nagkataon, hindi kita mapapatawad. Kasi pag nangyari 'yun, kakalimutan ko na yung kaduwagan ko at aamin ako kay Jasper. Then I will steal him away from you. Kaya wag na wag mo siyang sasaktan, okay? Hindi ako magpaparaya ngayon para masaktan yung bestfriend ko."
"Okay. We have a deal."
Ngumiti sa'kin si Ella. "Good. Aasahan ko 'yan, Cha."
Nung bumalik ako sa table namin, nakarating na yung pagkain.
"Charm! Kain na tayo!" Masiglang bati sa'kin ni Jasper. Umupo ako sa tabi niya and then I hugged him. Napatigil siya. "Charm..."
"Thank you for choosing me."
"Ano bang... sinasabi mo?"
"Wala lang. I just realized I'm lucky to have you."
Tumawa si Jasper then he kissed the top of my head. "I could get used to this. Yung panglalambing mo."
Humiwalay ako sa kanya. "Wag kang abusado."
Tumawa siya. "Wala akong second choice, Charm. Wala akong pinili. Dahil sa simula pa lang, ikaw lang talaga."
==========================================
Yey, maraming scenes si hubby! Hahaha. Baka mabawasan pagkamysterious niya XD
Again, yung ibang clues ay pampalito dahil akala niyo sa ngayon tinuturo si *tooot* pero sa later chapters malalaman niyo na kaya pala sinabi 'yun ay *tooot* so si *tooot* pala talaga yung asawa lol sabog HAHAHAHA