Dedicated to: YAMkulet. Thank you for reading my stories! :>
Thirty-first Chase
"Sino siya, Jasper?"
Eh sino ka at makayakap ka naman kay Jasper——Ano ba 'tong iniisip ko. Nevermind.
"Guys, meet Charm. Siya yung kinukwento ko sa inyo." Nakanigisi si Jasper habang pinapakilala niya ko sa mga kaibigan niya. Mukha siyang proud na ipakilala ko, I tried to stop myself from smiling.
"Aha, yung babaeng, finally, nagustuhan ni Jasper. First time sa'yo 'yun, Charm!" Sabi ng isang lalaki na nakaupo dun sa table nila. Bigla siyang siniko nung mga katabi niya. Bakit kaya?
"Hoy, ayaw niyang tinatawag na Charm ng kung sinu-sino." Sabat ni Jasper.
Ngumiti ako. "Cha na lang."
"Siya si Gino, sa Xavier din siya nag-aaral. Tapos si Alex, si Helen, si Roj, tsaka si Grace." Hindi ko rin masyadong natandaan kung sino si sino except the last one, si Grace. Yung babaeng tumakbo kay Jasper.
Tumawa si Grace. "Ella na lang." Nalito ako sa sinabi niya. Halata siguro sa mukha ko dahil nagsalita ulit si Grace, or Ella, or whatever her name is. "Graciella kasi talaga yung pangalan ko, pinangalan ako after my great-grandmother. Ella talaga ang tawag sa'kin ng mga kakilala ko. Pero kilala mo naman si Jasper at mahilig talaga siyang gumawa sarili niyang nickname para sa mga tao. So, his nickname for me is Grace, dancer kasi kami pareho kaya mas bagay daw sa'kin. Cha is short for...?"
Nung unang beses akong tinawag na Charm ni Zeke, I thought it was special. Nung si Jasper naman yung tumawag sa'kin noon, tumutol ako nung simula but later on, nasanay na ko dun. I actually thought na totoo yung sinabi niya noon, that he thought na mas bagay sa'kin yung pangalang Charm. But turns out, hindi naman pala ako special kay Jasper.
"Um, Charmaine."
"Cool! Tara, join us!" Nung umupo kami ni Jasper sa table ng mga kaibigan niya, napansin ko na agad na hindi kumportable sa'kin yung mga kaibigan niya (bukod kina Gino at Ella). I'm the outsider after all. Ang awkward din nung atmosphere at sobrang tahimik nila, samantalang sobrang ingay nila nung maabutan namin sila.
Base sa mga palitan nila ng tingin na may ibang meaning, ramdam ko na hindi nila ako gusto.
And I don't know why pero gusto kong magustuhan ako ng mga kaibigan ni Jasper. I don't why but I really care about what they think of me and I'm the girl who doesn't give a shit kung anong iniisip ng iba. Weird, right?
"I didn't know you were bringing someone." Rinig kong mahinang sabi ni Ella kay Jasper. Hawak hawak ni Jasper yung kamay ko pero kay Ella siya nakatingin at kay Ella nakatuon yung atensyon niya.
Tumawa si Jasper. "Biglaan nga rin eh. Hindi ko alam na pupunta ka ngayon. Akala ko may lakad ka?"
"Eh. Di natuloy so I thought, why not just spend some time with you guys, right? Namiss ko kaya kayo nung nagbakasyon ako!"
"San kayo nagkakilala ni Jasper, Cha?" Tanong sa'kin ni Gino. Nakita ko sina Helen at Roj na sinamaan siya ng tingin habang umiiling naman si Alex sa tabi. Ano bang problema nilang tatlo sa'kin?
"Common friends," na lang yung sinabi ko para less explanations. "Orgmate niya yung bestfriend ko."
"Ah! Alam mo lagi kang kinukwento ni Jasper sa'min. Lakas kaya ng tama sa'yo ng kaibigan namin! Di ba, guys?" Tanong ni Gino dun sa tatlo pero walang sumagot sa kanila at nag-iwas lang sila ng tingin. "Ow, sinong tumapak sa paa ko? Itabi tabi niyo nga yung mga paa niyo. Ang haba ng naaabot ah." Tumawa si Gino na wala pa ring kamalay-malay sa mga nangyayari. He's so clueless. But I'm not.
"Taga Xavier din ba kayo?" I smiled at them. Tumingin silang tatlo sa'kin. "Um, Helen, right? Alex, Roj? Tama ba yung tanda ko?"
Tumingin si Helen kay Ella bago bumuntong hininga at ngumiti ng alanganin sa'kin. "Hindi. Si Jasper at Gino lang yung taga-Xavier."
Nakita kong pinapanood ni Roj si Ella. Tumingin din ako kay Ella. Ang laki ng ngiti niya habang nakikipag-usap siya kay Jasper. She's been nice to me mula nung una akong ipakilala ni Jasper and yet... That look.... I know that look. I've had that look for Zeke noong highschool ako.
That's when I realized the reason kung bakit iwas sa'kin yung mga kaibigan ni Jasper. They don't hate me. It's not that they don't like me. Nag-aalala sila para kay Ella.
Ella's in love with Jasper and I'm willing to bet na walang kamalay malay si Jasper tungkol dun.
Minsan talaga, ang engot lang nung lalaking 'to.
"Ay, oo nga pala, Cha, tignan mo 'tong planner ni Jasper." Biglang sabi ni Gino. May tinaas siyang isang notebook, narealize ko na yun yung tinitignan at pinagtatawanan nila kanina nung dumating kami.
"Planner?" Weird. Madalang akong makakitang lalaki na may planner.
Tumawa si Gino. "Oo.. kasi—kasi..." Hindi naman niya matuloy yung sinasabi niya dahil tawa siya ng tawa.
Si Alex na lang yung nagsalita. "Laging sinusulat ni Jasper sa notebook lahat ng mga plano niya, o kaya mga to-do list ganun. Kaya nga bagay na maging teacher 'yan eh. Adik sa schedule at pagpaplano."
Tumatawa pa rin si Gino nung nagsalita siya ulit. "Teka, teka. Eto! Ideas for super awesome first date with Charm."
"Hoy!" Narinig ata ni Jasper yung sinasabi ni Gino kaya bigla siyang tumayo at hinablot yung planner slash notebook niya mula kay Gino. Tumawa kaming lahat dahil sobrang nagpapanic yung hitsura ni Jasper.
"'Yan ba yung date na utang ko sa'yo? Sige nga, anong ideas 'yan?" Hamon ko sa kanya.
Namumula na yung tenga ni Jasper. "W-wala 'to, Charm. Aish, langya ka talaga Gino!" Tumawa kaming lahat ulit.
I know the feeling of having an unrequited love, of loving someone who doesn't love you back. And yet, sa pagkakataong 'to, I'm choosing to be selfish. Kasi narealize ko, ayoko palang makita si Jasper na kasama ng ibang babae.
Kasi baka yung puso ko... hindi na unrequited love yung nararamdaman.
Kasi baka hindi na si Zeke yung laman ng puso ko.
Kasi baka nga nasisimulan ko nang magustuhan si Jasper.
At hinding hindi ko siya ibibigay kay Ella because whatever happens, I'll fight for Jasper, just like how he fought for me.
* * *
"Okay ka lang ba? Ang tahimik mo ata kanina pa?" Tanong ni Jasper habang nagpapark siya sa harap ng apartment namin ni Maggie.
"Yeah. Of course, I'm okay."
"Alam mo ba, Charm, nagulat ako kanina. Kasi di mo sinungitan yung mga kaibigan ko." Tumawa si Jasper. Sinuntok ko siya sa braso bago lumabas ng kotse niya. Nakangisi isyang sumunod sa'kin.
"Ewan ko sa'yo. Bwisit ka."
"'Yan yung Charm na kilala ko."
Nakita kong nasa sala si Dave nung pumasok kami sa apartment namin. Ngumiti at kumaway siya sa'min habang lumabas naman si Maggie sa kusina na may bitbit na malaking bowl na may laman na pinaghalo-halong junk food.
"Uy, sakto yung dating niyo! Nood tayong movie! Pakipatay ng ilaw, Cha!"
Nung magsimula na yung movie, sa sahig umupo sina Dave at Maggie habang nasa sofa naman kami ni Jasper. May kalahating metro sa pagitan namin pero yung kamay niya ay nakapatong sa gitna namin.
Bakit hindi niya inaabot yung kamay ko? Eh yun naman yung madalas niyang gawin?
Nagsisimula na yung movie pero nadidistract ako sa kamay ni Jasper sa pagitan namin. Nagpapalit-palit yung tingin ko sa TV at sa kamay niya.
I badly want to hold his hand. Nababaliw na ata ako.
I found my hand inching closer to his hand little by little pero natatauhan din ako at binabalik ko yung kamay ko tabi ko. Utang na loob, Cha! Baliw ka na nga talaga! And yet, that process of inching to his hand and going back kept repeating.
Sinilip ko yung mukha ni Jasper at nakita kong nakangiti siya kahit pa wala namang nakakatawa sa pinapalabas na scene. Nag-init ata yung mukha ko dun. Nakakahiya! Di kaya napansin din niya ko?
Pero gusto ko pa ring hawakan yung kamay niya. And so I did. At nung ginawa ko yun, Jasper intertwined our fingers tapos lumapit siya ng upo sa'kin at hinila niya ko papunta sa kanya. He hugged me sideways at nilagay ko yung ulo ko sa balikat niya.
I love feeling his warmth around me.
"Charm?"
"Hm?"
"Have I ever told you I love you?" he whispered to me.
I stiffened dahil yun ang unang beses na sinabi niya sa'kin yung tatlong salita na 'yun. But after a few seconds, I relaxed into his arms again. Umiling ako.
He tilted my chin so I'm looking directly at his eyes. Madilim yung paligid but I could clearly see all the emotion in his eyes.
"E di sasabihin ko ngayon. I love you, Charm." I tightened my hold on his hand. Hindi ako sumagot. Bumalik lang ako sa pagsandal sa balikat niya.
I love hearing him say that.