ثُم ماذا..؟
- ثُم بعد صبرك اليعقوبيّ ؛ ستنال أمانيك اليوسفيّة 💚
رقدنا زي ساعتين كدا وصحيت مشيت قدؤ ماحاولت اتكلم مع اسيل كانت بتصدني وماعايزه تسمع ولا اي شي وابوبكر لمده يومين بتصل وانا بقول ليهو ماف تجي هسي وكدا لحدي اليوم الرابع كنا نايمين اتصل ابوبكر في تلفون حسام انا رديت لانو حسام كان لسه نايم
ابوبكر : الوو
انا : اهلين ابوبكر ... انا حنين
ابوبكر : كيفك حبيبتي انشاءالله تمام
انا : كويسه الحمدلله ..... حسام نايم معليش
ابوبكر : شكلك انتي ذاتك كنت نايمه
انا : ههه اي والله
ابوبكر : معليش والله ياقلبي م اكون ازعجتكم
انا : لالا .... اصلا كان مفروض نقوم عشان بعد دا الصلاة ..... انت كيفك
ابوبكر : الحمدلله ........... اسيل كيف ؟؟
انا : خليتا نايمه قبل ماننوم
ابوبكر : ممم .... يعني كويسه
انا : اي الحمدلله
ابوبكر : طيب انا جاي عليكم اتفاهم معاها لانو بعد دا لزم انها ترجع ليها اربعه ايام برا البيت
انا مسحت وشي بيدي ولقيت حسام يتقلب عاوز يقوم قلت ليهو
: والله يا ابوبكر خليها تاخد راحتها ماف داعي انا كل ما بتكلم معاها بتصدني وزعلانه شديد
ابوبكر : لالا ... ماظريفه ذاتها انها تقعد معاكم اكتر من كدا
انا : ابوبكر شنو ماظريفه ياخ انا بعتبرها اختي وحسام بعتربها اختو
حساه التقول لما سمع اسمو ياداب فتح واستوعب جراني ورقدتي في حضنو وبقا بسمع معاي بس ساكت
انا مع حركتو دي اتلبكت هو كان قال لي لالا خليها تجي وانا سكت مارديت بعدين قال لي
: الوو سامعاني حنين؟
انا : ااا ... ااا اي اي سامعاك قلت شنو
ابوبكر : جاي هسي انا
انا : لالا ماتجي ... عشان ماتنفعل وتقوم تحصل ليها حاجه اول شي خليني اتفاهم معاها انا طيب لو لقيتها لانت بتصل ليك تجي ليها لكن غير كدا ماف داعي حتنفعل ساي وهي حامل ماليها لازمه .
ابوبكر : طيب تمام
وقفل ، انا قبلت لي حسام ومسكتو من قميصو وقلت ليهو
انا: حسام
حسام خت يدو في خدي وقال لي : روووقييي ما حيحصل حاجه اشي هسي غسلي وشك وصلي وانزلي ليها وبروااقه اتكلمي معاها وشوفي رايها شنو
انا : طيب
حسام : يلا يقلبي قومي
مشيت قمت غسلت وشي واتوضيت وصليت بعدين نزلت ليها لقيتها صاحيه وقاعده بس وسرحانه دقيت الباب اتلفتت لي ودخلت جيت قعظت جمبها وانا ساكته لقيتها مالت براسها على كتفي ، مسكت يدها وقلت ليها
: انسي اني بقرب لابوبكر ..... اتكلمي معاي زي زمان لما كنت صحبتك بس واي شي بعرفو عنك
لقيت اسيل دموعها بتنزل بس وساكته وقالت لي : حنين انا بحبو ....انا... انا ..... انا مابقدر بدونو وربي بحبو شديد ..... بس هو هو المخلينا نصل للمرحله دي والله ..... هو البجبرني اطلع من طوري بتصرفاتو .... انا وحده ما اتعودت على الكبت من وانا صغيره اهلي مخليني على راحتي ..... البس العاوزاهو امشي محل م عاوزه ماف زول كان بسالني لانو عارفه حدودي مع ربنا ومابتخطاها ... فجاه لما حبيت ابوبكر وفتنا فالعلاقه دي انا كنت بشوفو بزعل من حجات او بتضايق لكن مابسالني ..... هسي بقا يسالني وبتصل لمرحله الشكل والجوطه يعني بجد انا ..... انا م كنت متوقعه انو كدا ياحنين ..... يعني انا عارفه انو بحبني وكل حاجه بس ياخ ياحنين مامعقوله كدا
انا : اسيل وربي من حبو انتي قايله هو براهو كدا .... وربي انا ذاتي حسام معاي كدا واحر كمان والله كلو من حبو وغيرتو عليك بعمل كدا بس والله ..... ومامعنى الكلام دا انو م غلطان لالا والله برضو غلطان هو بس يا اسيل انا م حقول ليك عشان الفي بطتك ولا حقول ليك عشان زول ولا حاجه .... بقول ليك عشانك انتي ذاتك هسي انا لو سالتك ..... لو جبت ليك هسي ورقتك وقلت ليك يلا وقعي واديهو دبلتك حتوقعي ؟
اسيل سكتت بس وماقالت حاجه
انا : اسيل ابوبكر جاي عايز يتناقش معاك تمام ياقلبي ؟؟
اسيل سكتت مسافه وهزت براسها ، عانيت ليها وابتسمت وقمت مشيت طلعت فوق ووريت حسام الكلام كلو
حسام : خلاص يازوله خليهو يجي
انا : تمام
اتصلت لابوبكر شويه كدا الباب دق فتحتو لقيتو هو وشكلو كان تعبان شدددييدد سلم علي وحضني قووييي وانا خاته يدي في راسو بقول ليهو: ماتزعل حبيبي انشاءالله خير
وكدا اخد مسافه كدا بعدين رفع راسو ومسح وشو بيدينو وحسام كان ورانا جا وسلم عليهو ودخلنا جوا قال لي : حنين اسيل وين
انا : فالغرفه ديك (واشرت ليهو على الغرفه الفيها اسيل )
قال لي طيب ومشا دخل وقفل الباب .... انا مسكت يد حسام قويي وهو خت يدو التانيه فوق يدي وقال لي : ماتخافي حبيبي كل شي بيتحلا
انا : انشااء الله ياربب
شويه كدا سمعت صوت اسيل علا قمت حسام مسك يدي وقعدني قال لي
: خليهن يتفاهمو على راحتهم
قعدت وبس ماسكه يدين حسام وصوتهم كل مالو يعلا اخر فلاخر قمت قلت لي حسام
: حسام مابقدر اصبر اكتر من كدا انا ماشه
مشيت وهو م سألني دقيت الباب سكتو فتحتو لقيت اسيل كانت واقفه وقعدت وختت يدها في راسها
مشا عليها ابوبكر سحبها وضماها قوي واسيل شغاله ليهو فكني اخر فلاخر رخت وضمتو وبقت بتبكي انا طلعت وقفلت الباب ، لقيت حسام في وشي ضميتو وقلت ليهوو : اهههخخخخخ الحمدلللههه 😭😭😭😭😭❤❤❤❤
حسام : مالهم
انا : ماف حاجه خلاص ششكلو اتصالحو
حسام: الحمدلله والله
شويه كدا جا طالع وهو ماسك يدها وهي تتبسم متن تحت تحت 😭😂😂😂
انا ضميت ابوبكر طوالي وقلت ليهو : اخر مره
ابوبكر ابتسم وقال : انشااءالله
وبعدها ضميت اسيل وقال لي : شكرا ياحنين
انا : شكرا على شنو انتو اخواني والله ماتخليني ازعل منك
بعدين قعدو اتغدوا معانا ومشو بيتهم ، مرت الايام وخلاص بقيت على ولاده وماشين وجايين فالتجهيزات وناس ماما وخالتو داليه جوني كلهم وميرا جات معاهم وتمشي وتجي معاي يحليلا وانا خلاص بقيت تقيله ، في ثالث يوم من الشهر التاسع حسيت بوخز بسيييط في بطني يعني م حاجه قويه
يتبع ............