كل ماترغب به موجودٌ في الجهة المقابلة لخوفك.
-جاك كانفيلد
💕💎......
مر اليوم دا ومر شهر وانا نزلت طوالي بعد اسبوع الجامعه اولا عشان اشغل نفسي وم افكر بالموضوع تاني وخليت الحبوب وركبت شريحه كونترسبشن بدل الحبوب 😄 ، ومضت السنين وانا وحسام اتخطينا الحته دي نهائيا الحمدلله ، ،
واخيييررااا😍😍😍😍😍 ، دكتورره حنين حاتم الشافعي اخصائية جراحة القلب والشرايين 😍😍😍 ، ايوه الحمدلله خلصت التخصص واستلمت الشهاده ، طبعا ابوبكر انتهى كمان هو وريان واسيل وفارس ومهند ، ريان قعدت واتوظفت كمان ابوبكر اتوظف واشتغل على مدار سنتين ونزل السودان وخطب اسيلل😍😍 ، هي ماكانت خطوبه يعني بس لبسها دبلتها ولبستو وجاب ليها شويه حجات وحلف علينا ماننزل معاهو لانو حنتجهجه ساي قال للعرس تعالو ، واسيل برضو خلصت بس م اتوظفت ورجعت السودان قالت تجي عروس بس تاني 😂😂😂 ، فارس قال عايز فرح ومهند عايز ميرا اخت ابوبكر 😂😂😂😍 ، حسام اتقدم بشغلو كتير والحمد لله انجز وبقو بطلبوهو في البلدان للعميات الصعبه ، انا فكيت الشريحه بس ربنا ماكتب لي حمل فالفتره ديك مشينا وفحصنا وطلع كل شي كويس ، وانا قلت اشوف حياتي المهنيه وما اسعى ورى الموضوع كتير والبجي من الله كلو كويس ، في يوم كدا ونحن قاعدين اتصلت ريان لي حسام وهو كان فاتح الاسبيكر وكانت تببكيي بكا شديد طبعا خلعتنا وحسام كان راقد قام وبقا شغال ليها
: مالكم .... في شنو ريان اتكلمي
ريان : ماما ياحسام ماما 😭😭
حسام : امي مالها في شنو
انا بقيت منططه عيوني وساكته بس
ريان بس تبكي ومافاهمين حاجه قام شكلو رامي شال منها التلفون وقال
رامي : حسام كيفك
حسام : اهلين يارامي ريان مالها وامي مالها
رامي : والله ياحسام خالتو داليه دي قالو تعبت ووقعت فالشغل ولما ودوها المستشفى وعملو الفحوصات ضغطها طلع مرتفع شدييد ولما قعدت وما اتحسنت مع الادويه عملو ليها فحوصات ادق طلع عندها شريان مقفول فالقلب 😭😭😭
حسام بقا ساكت وانا لسه في حالة الخلعه
قام حسام قال ليها : ومن متين الكلام دا وليه مابتكلموني
رامي : حسام والله نحنا زيك ياداب هسي اعرف اتصلت لي ريان تبكي ولما جيت قالت لي كلمتها خالتو دلال هسي ياداب ليهم خمسه يوم فالمستشفى وكانو بدوها لينا نتكلم معاها عادي وماقالو شي كانو قايلنة حاجه بسيطه وخلاص
حسام: لاحول ولا قوة الابالله ....... خلاص يلا مع السلامه وريان دي سكتها
حسام اتصل في تلفون ابوهو وامو وخالتو كلهم مابردو قام اتصل في تلفون ود خالتو ورد
