ثُم ماذا..؟
- ثُم بعد صبرك اليعقوبيّ ؛ ستنال أمانيك اليوسفيّة 💚
__________💕💚
حسام بجد بدا يتغير😢 وقبل مايحصل التغير دا قال انو ناجل موضوع لندن دا شويه لانو جاهو شغل فااسودان ونقعد في بيتنا الهنا مع الناس لانو الاغلر عندهم اجازه يعني ماف زول في لندن نمشي بس لما تبدا جامعتي ، ومشينا استقرينا في شقه اشتراها على بال مايجهز البيت وكانت عباره عن صالة و ٣ غرف ومطبخ وحمامين خارجيات وواحد داخلي ، واول ايام كان زي الفل معاي وشايلني جوه عيونو بس تاني فجاه بقا يتغير ومابجي البيت الا اخر الليل ويومو كلو بقضيهو بره حتى بقا ماعندو رغبه فيني زي اول وبتعامل معاي ببرود شديد ونافر مني نفور شين وبدا يشرب سجار كمان 😢😢😢 يوم شفتو وطبعا لما راسي سخن جيت عليهو وقلت
انا: حسام بتعمل في شنو انت
حسام: انتي شايفه شنو
انا : حسام لي بتشرب سجار من متين انت كدا
حسام : من الليله
انا بقيت ببكي وقلت ليهو : حسام انتي مالك الايام دي معاي كدا انا عملت ليك شنو بس وريني قصرت معاك في حاجه قصرت في بيتي ضايقتك بكلمه عملت ليك حاجه وريني بس ماتتعامل معاي كدا حتى البيت بقيت مابتقعد فيهو طول يومك يافالشغل يل ماعارفه وين ومابتجي الا بالليل وكمان اكنشف لليلهه انك بتشرب سجار في شنو يا حسام اتكلم😭😭😭😭
بقى بصرخ وقال: عايني انا م عندي اخلاق ليك زحي لي من وشي
ودفرني وطلع😳😳😳😳
انا بقيت مخلوعه وماقادره استوعب وبس قعدت ابكي 😭😭😭😭 ،،
مر ٥ ايام فالحاله دي انا بقيت مابتكلم معاهو وبس اليون كلو معدياهو بكا ومن يجي بخت ليهو الاكل من سكات وبدخل وحده من الغرف وبطبلها علي بقيت بنوم هنا واي شي فالغرفه دي 😔 والاكل اصلا مابياكلو يوميا بجي بلقاهو برد ، يوم جاني ابوبكر فالبيت وطبعا انا حتى شكلي اتغير وبقت في هالات في عيوني من عدم النوم والبكا ، دخلتو وقعدتو قام سالني
ابوبكر : اها كيفك واخبارك
انا: الحمدلله
ابوبكر : صوتك دا كدا ليه مالك في شنو
انا : لالا ماف شي
اببوكر سكت مسافه وقال : وحسام وينو مارجع من الشغل لسه ؟
انا : ااا ..... قال الليله عندو شغل اضافي وحيرجع متاخر شويه
ابوبكر : اهاا
وقعد شويه وفات جا حسام من الشغل جدع اللابكوت وتلفونو ومفتاح البيت والعربيه فالكنبه ورقد نام في حتتو
قمت من الصباح وانا عندي نيه امشي ناس امي جهزت وطلعت وهو كان يوم جمعه يعني ماشغال والغريبه ماطلع قعد فالتلفزيون جيت ماشه بعندو وقفني قال
حسام : على وين انشالله
