الجزء ٥٥ .
أجيك شاايل حنان رريدي.. 💛
أجيك ياا حلوة مشتااق ليك 🚶♀😴
💛💕^^.
حددو زواج ابوبكر واسيل بعد اسبوعين وطبعا الشيله على ابوبكر ، واسيل نفس الحجات الكنت ماسكاهم انا في عرسي بس راجلها هي شويه متعاون اخير من حقي 😂 ، قالت لي شفتي هسي انتي لا حامل لا عندك شافع تخدميني طوالي زي م خدمة في عرسك اصصلو زول عبرك غيري وغير راجلي ماف 😂😂😂😂😂😂😂😂😂😂😂 ، بس الحمدلله هي الكل ساعدها من رجال ونسوان وخلصنا حجاتها بدري ، وبقيت في حجاتي انا ووحسام مشينا وانا اشتريت ٣ لبسات (فستان ، اسكيرت وبلوزه ، بنطلون وبلوزه )
ديل قلت صباحيات واشتريت تاني ٣ فساتين حقات سهره واحد لحنة ابوبكر وواحد لحنه اسيل وواحد للزفاف ، ومعاهم اكسسواراتهم ، وحسام اشتريت ليهو بدله كاجوال وقميصين وبناطيل جديده (طبعا من ما عرسنا وهدومو كلها بختارها ليهووانا 😑) بعدين نزلنا السودان واول حنه كانت حنة ابوبكر واصلا كانو اخر حنتين ليهو اسبوع شغال حنن😬 ، لما نزلت وبس حضرنا اول وحده وانا رجعت تعباانهه ومرهقه ارخاق شدييد بس م اشتغلت بالموضوع كتير وزي الليله وبكره العرس كنا في بيت ناس حسام وهو كان فالحمام وانا عايزه اجييب مويه الوقت كان بالليل راسي للفا شديد لما قعدت فالسرير بقيت بحسب فيها في راسي قلة لفة راس وطمام وارهاق وتعب م عادي ومن اقل نشاط بحس روحي مهلكه ، لقيت روحي تلقائيا باخد في شريط فحص الحمل وبطلع من الغرفه ، مشيت دخلت حمام خارجي وطلعت انتظرتو يقرا ، وفعلا 😍😍😍😍😍😍😍😍😍😍😍😍😍
الحمدلله حمدا كثيرا طيبا مباركا فيه ملء السموات والارض ❤❤❤ ، لقيت روحي قاعده في كرسي وببكي من الفرح لما بشهق ، من متين نحن منتظرين وبجد ربنا مابضيع حق زول ولا بظلم حد من عباده ، مسحت دموعي واخدت نفسي وشلت الشريط وخبيتو وراي ودخلت الغرفه ، لقيت حسام يادابو طالع من الحمام وبشكيرو في راسو ، جيت وقفت قدامو وضميتو علي شدييييييد حتى حسيت روحي م عايزه افكو ابداا ،
حسام : نونتي مالك
انا عاينت لي ودموعي نزلت لا اراديا ووريتو الشريط واناببتسم عاين ليهو مساافه وقلعو مني وبقا بعاين ليهو كويس وهو مقلع عيونو بعدين عاين لي وقال
: ح حنين .... حنين البتاع دا م م مش حق الح الحمل ؟؟؟؟؟
انا ابتسمت وقلت ليهو: ايوه ياحسام ايوه😢😍😍
وما احس ليك بيه الا وهو ضاميني ورافعني فوق وبضحك وبتحمد وشغال لي
: جد انا م مصدق واخيرا واخييرااا حاسي روحي بحلم يابت الناس ياخ انا بحبك ياخي بححببك 😍😍😍😍
وانا بضحكك فيهو بعدين نزلني وباسني مساافه وتاني حضني شديد وقال لي
: حنين م تصدقي انا فرحان قد شنو بالجد يعني والله الخبر دا ........ ياخي اقول ليك شنو انا الحمدلله بس الحمدلله اخخخخ ياحنين اخخ
