#حنين
الجزء 18
ميمي قرصتني وقالت لي بلسان سعودي بحت :فدييييت المطقمين انا فديت الابيض والاسود والحلاوي😍
انا : ممكن تتبكمي ؟
انا طبعا طوالي ركبت وش وجيت ماشه
قال لي حسام : السلام سنه لا ريده لا محنه
انا : براك قلتها سنه لا فرض ولا واجب
وعاينت ليهو كدا ومشيت 😆
ميمي جات لاحقاني وقالت : بتبالغي طبعا هس عليك النبي ولد زي صبحيه العيد بتكلمو معاهو كدا
انا : كان صبحيت العيد زيو اخير الزول مايعيد ، وبعدين تعالي تعالي ، انتيي عارفه انو بيقرا هنا ؟
ميمي : اي عارفه انا ماقلت ليك ؟
انا : اسكتي مني عليك الله
فجآه عاينت لقيت وحده رافعه لي يدها وجاتنا طلعت البت اللاقيناها في الداخليه دييك ( أسيل )
اسيل : هااي
انا : هلا هلا أسوله اخبارك
اسيل : تماام الحمد لله
شوبة كدا جاتني بت من شكلها واضح عليها من ناس الهاي هاي ديل 😂وشلتها كانو بيعاينو ليها ساي وهي جايه علينا😂 قالت لي : لوسمحتي
انا : اهلين
البت : عايزه اسألك سؤال بس اذا ممكن طبعا
انا : اكيد اتفضلي
البت : انتي بتعرفي حسام السواحلي ؟؟!
انا : نعم ؟؟
البت : حسام حسام الدقشتيهو قبل شوية وسلم عليهو الولد الكان معاك دا وابيتي تسلمي عليهو ومشيتي فتي خليتيهو ( نااسكم مكشفين من طقطق للسلام عليكم ، جنسس شي 😑)
انا : اها ههههه ايوه بعرفو في شنو يعني
البت : عليك الله هسي ولد زي دا بيخلوهو ويمشو ، ياخ دا يتدردقو ليهو عديل كدا بالغتي طبعا تاني ماحتلقي ليك معاهو فرقه
انا : فرقه ؟ ههههههه فرقه لشنو ، اسساسا انا نوع الاولاد الثقيلين ديل مابينفعو معاي وماتقولي علي مفترية لاكن النوع الوهمي دا ماامن ستايلي يا حبه 😊 ( طبعا البت غااظتني شديد حسام شنو وزفت شنو عليك الله ، قال فرقه قال )
البت : اووومايقاااد 😦😦 ، تصدقي وتآمني في الست سنين ديل المن دخل الجامعه دي فيها ما سمعت لي وحده قالت كلامك دا ، يابت حسام دا البنات ديل بجرو وراهو جري ماباقي ليهم الا يخطبو عديل كدا ، عجييبه انتتي ولله ، معقوله بس ماعاجبك ؟
انا : ولا ممكن في يوم يعجبني ، ( وفي جواي بقول : بلا ياخدك وياخد حسام معاك )
ومشت خلتنا وقعدت تتوشوش مع صحباتها
ميمي : شكلو ود السواحي دا مكسر الخلق
انا : يكسر اضلاعو
