الجزء ٥٤ .
-❤️
الليله ساقتني الدروب لي قلب عامر بالحنان ، ما بيعرف الغش والنفاق معاهو حسيت بالأمان ❤️
__❤
انا : طيب مش قلت ليك تمشي البيت ترتاح لانو عارفاك تعبان
حسام : بنتظرك لما تخلصي اصلا عربيتك مامعاك
وصل الكوفي قمت جبتو وجيت اديتو ليهو
انا: عارفهه راسك واجعك اشربو ورووق شويه انا بمشي اشوف خالتو وبجي اوكي
حسام : طيب
مشيت لقيت حالتها مستقره شديد والدكاتره المتابعين معاها ، رجعت لي حسام لقيتو رقد فالكنبه وخاتي يدو في وشو جيت عاوزه اقومو عشان نمشي لقيت جسمو دا النار بس وهنا ياداااب خفت عليهو جد قومتو وهو عينو واقعه نزلنا تحت وسقت انا وهو بس ماسك راسو لما وصلنا البيت طلعنا طوالي فوق اديتو مسكن ورقد نزلت تحت لقيت ماما في وشي سالتني خالتو كيف وكدا
انا : كويسه الحمدلله ..... .لكن ياماما حسام جسمو مسخن
ماما : كرعليي من التعب ليهو كم يوم ما نايم زي الناس حتى الاكل دا مابياكل كويس
انا اتنهدت ومشيت جبت عملت ليهو كمادات حمتو نزلت شويه وجبت ليهو الغداء فوق وطلعت ليهم غداهم اتغدو وانا اتغديت مع حسام ، بعدين الناس دي كلها رقدو نامو وانا حسام برضو نمنا ، صحيت زي الساعه ٦ وحسام لسه نايم هبشت جبهتو لقيت حمتو نزلت مشيت ادوشت ولبست وطلعت طوالي بس في الحديقه اتلاقيت مع ابوبكر جاي ، طوالي عمل خلف دور ومشا معاي 😂😂 ، مشينا لقينا حالتها مستقره الحمدلله وم عندها حاجه ، رجعنا البيت وانا حيلي منهدد لما وصلت لقيت حسام ياداابو نازل من فوق ، سلمت عليهو وقلت
: حبيبي بقيت كيف
حسام : الحمدلله ...... كنتي وين انتي
انا: مشيت المستشفى اطمن على خالتو
حسام : ولقيتيها كيف
انا : كويسه شديد الحمدلله وحالتها مستقره والدكاتره منوابين مناوبه على جللستهم معاها
حسام : كويس الحمدلله
انا : ماشي محل انت ؟
حسام : ماشي المستشفى كنت ........ عندي موعظ مهم مبقدر افوتو ..... وامر على امي بالمره
انا : حسام انت تعبان مابتقدر تاجلو يعني
حسام : ماينفع .... لازم امشي ..... واالله انا ذاتي م عندي ليهو نفس لكن مجبور ...... يلا سلام ياروحي
وباسني في راسي مساافه ومشا ، انا طلعت اتدوشت ولبست لي قميص نوم ورقدت فالسرير قلت ارتاح شويه م حسيت بي روحي الا وحسام بصحي فيني وماما جمبو ، طلع ماشاء الله نمت وهسي العشاء ، صحيت مخلووووععهه خلعه فيها نوع من المبالغه ونطيت من السرير وانا بقول ليهم خالتو كويسه حصل ليها حاجه ومقلعه عيوني
