#حنين
الجزء 6
قمتا لي يوم جديد ، اول يوم لي في بلدي الماعشت فيها كتير ولا بعرف فيها حاجات كتير ، صحيت الساعه 11 مشيت صليت واستحميت لبستة لي عباية خليجية شفون لونها ابيض بي وردي فاتح (اليوم دا كان خالتي عازمه خالاتي وعماتي واولادهم) سرحت شعري ضفيرة وعملت بوف وختيت الطرحه في نص الراس 😂 عملت ايلاينر وكحل ابيض ماسكرا وروج مات وردي طبطبت على شفايفي منو ولبست صندل ابيض 💕 جيت نازلة ، طبعا عارفه انو في الوقت دا بيكونو بجهزو 😂 نزلت تحت لقيتهم برتبو ترتيب اخير في البيت (ميرا وربا) وابوبكر بيلعب بلايستيشن ، سلمت عليهم كدا وقعدتا اساعد فيهم ورتبنا وخلصنا بعدين قعدنا انا وميرا وخالتو منى كانت بتجهز في التحليه (مابتحب زول يعملها معاها بتحب تتفنن فيها براها😂)
قالت لي ربا : دي شنو القشرة دي يا رباا التقول جاييك عرييس 😂( ابوبكر بيعاين لي وصااري😂)
انا : ههههههههه مش كدا بس عشان اول شوفة لي ليهم كمان يقولو مبشتنه ويكشفو حالي😂
ابوبكر : علفكره يا سكرة اولاد اهلك جايين
انا : اي عارفاهم
ابوبكر :عارفاهم يعني شنو يعني
انا : (عاينتا ليهو كدا 😇)
ابوبكر : حنين من الاخر كدا فوتي حجبي الطرحه دي سرررريع
انا : ابوبكر احمد ربك مالبستا لي بنطلون وتيشيرت او فستان سكيني ولا انتا ناسي لبسي عامل كيف 😏 ؟
ميؤا :هسي لبسها دا مالو عيبو لي
ابوبكر : لا عليك الله كان تلبسي كدا عشان امسخ ليك اجازتك دي
انا : (قلبته لي وشي وكشرته ليهو ، وعيوني بقن يتراقشن من الدموع😂 ، كلامو كان بي نهرة كدا 😭 ، جيت قمتا ولفيت عايزه امشي شوية كدا الا زول يحضني من ورا 😳(طبعا يا حبايبي ابوبكر عادي بيحضني وبيبوسني في راسي يعني ماحنك وكدا 🙈) بقيت ماسكه يدينو اللي هو خاتيهن لي فوق بطني وعايزه اتفكفك منو
قال لي : زعلتي ؟
انا : فكني يا ابوبكر
ابوبكر : طيب انا اسف بس ولله بغير عليك وماعايز زول يشوف جمالك دا غيري انا والحايعرسك😔 ، انتي امانه في رقبتي يحدي لما تعرسي واديك للراجل الصح بي يدي والامانه بيصونوها عشان كدا ماعايز زول يشوفك ويحاول يغلط عليك لانو شرفي من شرفك وعرضي من عرضك 😢
انا : ( اساسا دموعي كانت قاعده علي الهبشه قبلت عليهو وحضنتو وقعدت ابكي😢😂)
ابوبكر : حبيبتي خلاص بالجد انا اسف وماعايزك تبكي لانو دموعك دي بتوجعني شديييد
فكيتو وقام خت يدينو في خدودي وباسني في راسي 🙈 وبعدين اتخيلو الكانت بتعاين للفلم الهندي دا منو 😂😂 ( خالتو منى ) طبعا عاينة لينا وففففكته ضضضحكه وقالت لي ابوبكر
: حنكك البتراضي بي اخواتك دا بقا قديييم غييرو 😂 ، لاكن يا ابوبكر هسي انا ماشايفه اي شي غلط في لبس حنين دا ؟
