أهم عمل يمكن أن تحول به الشرّ إلى خير هو أن تنظر إلى الأشياء السلبية بمنظار إيجابي ..!!^ 💫💭💕 ☘✨ 💕
^^^^^^^^^^^^^^^^^^^^^^^^^
^^^^^^^^^^^^^^^^
مرت الايام ، وبدينا السمستر الثاني 😢😢 ، هو كان تقريبا نفس المواد وكل حاجه الا في ماده جديده وهي (علم التشريح Anatomy ) ، الماده الكانت مخووفه الدفعه كلها😂😂 ، انا تقريبا الوحيده الكنت ماخايفه 😇 ، المهم زي الليله والمحاضره بكره كنا بنتكلم في الواتس
ريان : وااااي يا جماعه انا خاايفه بقولو ريحة الفورمالين ( الماده البحفظو بيه الجثث ) براها بتدوخ
محمد : نحن لما دخلنا في اولاد وقعو خللو انتو
انا : اصلو شنو هو اولاد وقعوو كان ما ريحه عاديه وبعدين هم داخلين وعارفين حيشوفو شنو
اسيل : غايتو انا حاسه اني ح الحق الاولاد ديل بكره
ابوبكر : شوفي ليك زول يمسكك كان كدا😂😂
انا : غايتو عن نفسي ما خايفه ولا شي بالعكس متحمممسه كمان وانشاء الله الريحه ماحتعمل لي شي
محمد : انتي ؟😂😂 ، انتي اسكتي سااي انا النقاله حخليها جمب الباب
ابوبكر : الريحه ساااي بتطيريك ناسيه روحك ولاشنو
انا : هه😑 ، انشاء الله ماحيحصل شي ، بعدين انت يا محمد حتدخل معانا ؟؟
محمد : اي اول يوم للبرالمه ديل بخلو يدخل معاهم ززول من السناير لو عايزين عشان كدا انا وربا داخلين 😆
انا : كوييس والله
ريان : خلاص انا حخلي حسام يدخل معاي للاحتياط يعني
مؤيد : هدا بيسمع في كلامك😂😂
ريان : حتدخل صحح ؟
حسام : انشاء الله بس كان وقعتي شوفي البيرفعك 😂
ريان : طيب داخل لبها شنو انت مدام ماحترفعني😑😑
المهم والونسه جرررت تاني مشينا نمنا علشان بكره😍
صحيت بدررري 😂😂 ، طبعا في اليوم دة ما حتكون في محاضرات غيرو هو بس حيكون اليوم كلو داخلين في المحل دا المهم وصلنا الجامعه قعدنا مساافه كدا تاني جانا دكتور كدا في القاعه قال : السلام عليكم ورحمة الله ، طبعا عارفين انو من الليله حتبدا محاضراتكم في الاناتومي وطبعا بماانو الليله اول دخله ليكم اللعندو زوول من السناير عاوزو يدخل معاهم الليله مسموح ليهو بس تانب مهما كا ماحيدخل معاكم زول وحنبدا الشرح من بكره .. الليله حتشوفو شكل الجثث وتتعرفو على الاعضاء الخارجيه وكدا .. المجموعات معلقه في الباب عباره عن 3 مجموعات A.B.C المجموعه A تتفضل بعد خمسه دقايق
وطلع ☺ ، المهم الناس كلها بقت عند الباب مشا فراس يشوف جا قال لينا
المجموعه A : انا ومؤيد
المجموعه B : الباقين كللكم
