#حنين
#الجزء_30
💕لا تيأس إذا تعثرت أقدامك وسقطت في حفرة واسعة.. فسوف تخرج منها وأنت أكثر تماسكاً وقوة.. والله مع الصابرين.💕
---،،،،،---،،،،---،،---،،---،،---،،--،،،-،،،❤❤❤
مراسي الشوق : شارع النيل :-
انا : ايوه يا عمووري
عامر : عيوون عمموري قلت لي فرح مالها
انا : طبعا زي ماقلت ليك انا صحبة فرح بس ما بشبهها يعني هي مثلا عامله روحها شريفه وبت نااس ومابعرف ايه .. هه المهم ماعلينا .. بس هي قالت لي .. بما انها شريفه يعني .. قالت ماعاوزه تعمل معاك كدا وما بعرف شنو .. عشان كدا قلت اساعدها فاضيه وماعندي زباين ... قلت ليها باخد مكانك وانا متأكده انو حيحبني وح أطير عقلو
( وقربت منو ومشيت اصابعي في كتفو )
عامر : اوووه لا انا كدا ح انسى فرح وسنين فرح
انا : هههههه ، ح اخليك تنساها اكيد
عامر : بس صور صحبتك ما حتنمسح الا لما نقضي ليالينا مع بعض صح
انا : اكييد يا بيبي انا ااساسا مابيهمني اذا مسحتها ولا لا اهم شي اكون معاك
عامر : وانا كمان بمووت انو اكون معاكك
انا : بيبي ممكن توريني صور فرح اللي في اللاب واللي فالجوال ؟
عامر : اكيييد يا قلبي
ومسكني التلفون في يدي واللاب توب في رجليني وقعد يشرب فالعصير حقو ،، بحركه سريعه مني رميت اللاب توب والجوال مع بعض في المويه ، الولد لما شرق بالعصير 😂 ، وعاينت ليهو وقمت نزلت وهو بيهرج ونازل وراي ، وانا ماشه مسكني من يدي قبلت عليهو ورفعت اصبعي في وشو وملامحي مابتنشاف من الغضب
انا : اووووعك تلللمسنني يااحيووان ...كنت مفتكر مني شنو يعني ..اني اجي وامشي معاك محل ماعايز ...هه لا يالحبيب شكلك ما بتعرفني كوويس ... ( وقرربت منو ) وابقى رااجل وابووك رااجل وتعال المس سبيبه من فرح ياتافه يا المابتختشي خساره الشنب فيك ( طبعا بتكلم بأعلى صووتي والمكان مليااان نااس طبعا قاصده عشان امسح بسمعتو الارض ) .. يعني عشان هي بتحبك ووثقت فيك ومنتظره مننك حاجه تمشي تسرق صوورها وتفبركها .. وعامل فيها بتبتزها بصورها عشان تعمل ليك العايزو ... فكرك بتبيع شرفها عشان كم صووره هاايفه فبركتها ... احمممد رببك واشكروو انو انا هسي ماعملت ليك حاجه لسسسسه .... بس وحياااات الربووني تعمل حاجه تاانيه ولا القااك في سككتها ان ما خليتك تتجرجر في المحاكم وفي السجوون !! .. ما ابقى بت الشافعيي ( ولفيت عاوزه امشي تاني رجعت وقلت ليهو ) .. اهاا اتذكررت هاااك ( ورميت ليهو 100مليون في الارض ) ... تقريبا القروش دي بتشتري ليك فون ولاب جديد .. مع انها كثيييره فحقك .. ( ولفيت عاوزه امشي وقفني صوتو وهو بيقول )
عامر : كووويس المره دي صابت ليك لكن تاني يتخييل ليك يا بت الشافعي كان ماخليتك تكوني المره الجايه في محل القروش دي ما اكوون عامر
