الجزء ٥٦ .
"وعسى ان تكرهو شيئا وهو خير لكم 💘 "
💘👑 ..........
حسام جاهو اتصال من ولد خال ليهو ، وفي معنى المكالمه انو مشروعهم هو وحسام حاصله فيهو مشاكل والمستثمرين طلعو حراميه وكلام كتير (حسام كان قبل مايمشي لندن بدا مشروع مع ولد خالو "عبدالرحمن" ) وطبعا المتضرر الاساسي هو حسام لانو كان هو الجهه البتدفع ماليا لاي حاجع فالمشروع وعبد الرحمن فقط ماسك الاداره ولو اضطر لحاجه بدفع ، بس في المره دي بالذات حسام كانت عاجباهو فكره منتج طبي وحاب فكرتو فصنع المنتج هو ، المهم اتصل لحسام وقال
عبد الرحمن : والله يا حسام المستثمرين قالو انو المنتجات ماعجبتهم وعاوزين يرجعو قروشهم
حسام : كيف يعني الكلام دا والمنتجات عيبها شنو عشان ماتعجبهم
طبعا حسام اصلا كان زهجان وهنا كملت معاهو
عبد الرحمن : حسام ممكن تهدا وتسمعني ...... المشكله ماهنا لانها بتحصل بس انو هم قالو العقد موقع انو ممكن استرجاع القروش في كال عدم موافقه المنتج للي هم عاوزنو ...... انت فعلا كاتب فالعقد كدا ؟
حسام : عبد الرحممننن العقد م مكتوب فيهو كدا طبعا وانا اصلا متاكد انو المنتجات كويسه وانا راجعتها بيديني الحصل شنو هسي
عبد الرحمن : والله م عارف انا ياحسام
حسام بدا يهيج اكتر وقال ليهو : كيف يعني م عارف ......... اقفل اقفللل
انا جيت قربت منو وهو لسه في تلفونو قلت ليهو
: حسام ....
حسام : حنين عليك الله اصبري
اتصل تقريبا للمستثمر الرئيسي وبعد السلام وكدا حسام قال ليهو
: اااا .... طبعا وضلني انو الطلبيه ماعجيتكم وقلتو فيها مشاكل كيف الكلام دا
: اي والله طلع فيها مشاكل كتيره ونحن كل العاوزنو ترجع لينا قروشنا
حسام: بس انا متاكد ميه فالميه انو مافي مشاكل وانا راجعتها بي يدي
: لالا في مشاكل وواضحه كمان
حسام طبعا فار شديد معاهو وسمعو ماسمعو اخخررر فلاخخر قال ليهو المستثمر
: اسمعني هنا يادكتور حسام السواحلي ....... الطلبيه فيها اغلاط كتيره ولا اقول ليك ..... م فيها اي غلط بس نحن ماعاجبانا وعايزين قروشنا ...... ياتدينا بيها يا نتفاهم معاك فالمحاكم وبالنسبه لي عقدك دا بلو واشرب مويتو نحن بنعرف نرجع قروشنا كيف ...... اتعامل معانا بالحسنى وادينا قروشنا عشان ماندخلك في حتات انت مابتقدر عليها
........ تييييتتت تيييييتت تييييتت .......
حسام كان فاتح السبيكر وانا لما سمعت الكلام دا جسمي لما ارتعش ، حسام بقا ساكت بس وفن التلفون فلارض انا قمت وجيت عليهو وهو معصصب بشكل م طبيعي وبتنفس بسرعهه بقيت عايز اتكلم معاهو قال لي
: حنين لو سمحتي عشان م اتفشى فيك واظلمك معاي خليني براي شويه بس
