الجزء ٥٢ .
-و لكنّي كنتُ أقع بالأشياء وقوعًا عميقًا، لا أعرف الوسطية و هذا سبب مأساتي💔
💜💕 .......
في اليوم البعدو طوالي كنت شغاله مشيت وجيت راجعه وحسام لسه ماجا وجوي فالمطبخ وانا طالعه فالسلم وفالدرجه الال ١٢ تحديدا راسي لف وما قدرت اتوازن و ............
😭😭😭😭😭😭
..
..
..
لما صحيت لقيت روحي فالمستشفى ودكتورتي حقت الحمل وريان ورغد وميمي وربا واسيل كلهم قاعدين وساكتين بس وانا راسي لسسه لافي وبطني مألماني شديييددد ، عاينت في وشوشهم لقيت الوشها مورم من البكا واللي لسه دموعها في وشها ، انا لما قمت وصحصحت وقعدت زي الناس جات سندتني ربا ومسكت بطني وتلقائي اتآوهت من الالم بس ربا قعدت تبكي وريان غطت وشها بيدينها واسيل طلعت برا ورغد بس دموعها نازله الكانت الوحيده الصامده فيهم ميمي ، انا وترتني ربا سالتها قلت ليها
: ربا انتو مالكم في شنو ..... مالك بتبكي انتي
سكتت ماقالت حاجه
انا : يجماعه انا بتذكر انو ..... انو راسي لفا بس وانا فالسلم
بااااككك فلااش :-
طبعا بعد ماراسي لف ووقعت بعد نزلت درجتين حاولت اتمسك بالدرج واجرحت يدي بيهو ومع الجرحه فكيت السلم وجيت واقعه على بطني ، صرخت وسمعتني جوي جات واتصلت على حسام طوالي لما جا وداني المستشفى وعرفو كلهم وجو هناك
نرجع ''''
انا : يعني حتفضلو كدا م تتكلمو ...... طيب نادو لي حسام بس ........ يا جماعه ..... حسام وينو ......... ميمي تعالي قولي لي في شنو ........ ال .... ال ... البيبي كويس صح ؟
بس هنا ميمي الكانت صابره وساكته بقت تبكي وهنا انا راسي شطب ورغم الوجع الكنت حاسه بيهو في بطني قعدت كويس وقلت
: ميم.... ممييمي .... انتي انتي بتبكي مالك في شنو ..... البيبي مالو هو كويس صح معندو حاجه ..... لالا انا وقعت وقعه خفيفه و و واكيد م بتاثر .... صح صح اتكلمو 😳 ..... ربا ... ربا الله يرضى عليك اتكلمي في شنو انتي من متين بتخبي علي وليه بتبكو ....... (وبقيت بصرخ) ماالكم ياخي في شنو اتكلمو ليه ساكتين كدا .....
ومع صرختي دي جا داخل ابوبكر
انا : في شنوو اتكلمو حتى انت يا ابوبكر ! في شنو عاملين كدا
ربا طلعت وانا خلاص اعصابي باظت بقيت بتكلم براحه وخلاص دموعي نزلت وروحي عايزه تطلع
انا: ابوبكر ؟ ...... ابوبكر الله يخليك بس قولي حاجه وحده الله يخليك .... البيبي كويس صح ماعندو حاجه .... اتكلم الله يخليك
قام قرب مني وضماني ودموعو نازله وقال لي : ربنا يعوضك حبيبتي 😢😭😭😭😭
انا ضحكته طوالي .... ايوه! ضحكت وقال ليهو
: بطل هبالتك دي عليك الله ماوقت مقالبك لاحظ نحن في مستشفى بطل بالله
