الجزء ٣٧ .
ومن أين جاءت عيناكِ بكل هذا السحر ليخونني عقلي لتخونني نفسي ليخونني كل شيء وأُهزم 🌸 .
⠀⠀⠀⠀╰┄┄┄┄┄﴿🌹﴾ ┄┄┄
انا : امممم .... اتفضل
حسام ابتسم ودخل
بعد سلم وكدا
ابوبكر في اضان حسام : اها يالنسيب على قولة السعوديين 😂😂
حسام : عقبال ما ابقى نسيب جد جد
انا كنت سامعاهم وبعاين ليهم سااي ، المهم كلهم اصرو على حسام يقعد للعشاء وكدا ، المهم قعد ودخلنا المطبخ بنعمل فيهو بعد خلصنا جينا بنخت في الصفره ومحمد وابوبكر وحسام بتونسو في الصاله (طبعا الصاله طووليه كدا جمب المطبخ في السفره وقدامها بشويات كدا في الجلسه وهم كانو قاعدين فيها ) المهم كل ما اجيب صحن واجي عاوزه اختو فالسفره بلقا حسام بعاين لي وانا ذاتي ماعارفه بعاين ليهو لي 😂 ، المهم قعدنا فالسفره وانا كان قدامي ابوبكر وجمبو حسام وجنبي انا اسيل ، كان وقت الاكل كلوو بعاين لي وكل ما ارفع عيوني القاهو بيعاين لي ولما يشوفني ببتسم😥 ، شويه كدا لاحظو لينا ابوبكر واسيل اسيل بقت بتلكز فيني بكوعها وابوبكر يرفع لي في حواجبو ويضحك ، المهم بعد خلص الاكل قامو ومشو ، في الفتره دي ربا كان شافها دكتور في المستشفى الاتعمل لي فيها العمليه وهو كان داخل معاهم العمليه اسمو رائد ، وحصل بينهم كم نقاش كدا واخدو ارقام بعض وبدت قصه حب جميله بينهم😍😘😘 ، طبعا هو برضو من معارف حسام وكدا وكان ناوي يخطبها ويعمل العرس طوالي بس هي رفضت وقالت بعد ماتخلص وطبعا هسي خلاص خلصت وباقي ليها بس سنتين في التخصص ، المهم كان اليوم دا يوم الاربعاء ويوم الجمعه كانو جايين تعارف ، وربا كانت متوتره شويه لانو ماف زول من اهل بيتهم كان عارف بس طلع بالصدفه انو اخوها الكبير قرا معاهو الجامعه وبعرفو حق المعرفه بس بعد الجامعه افترقو بسبب ظروف الشغل وكدا ، فالموضوع تم سريع وقالو يعملو الخطوبه بعد اسبوعين ، والعرس بعد شهر من الخطوبه ، طبعا دا كلام رائد كان مستعجل شدديد😂😂
اما انا وحسام كان علاقتنا بدت تتصلح فالبدايه اول ايام ماكنت متجاوبه معاهو وساحبه كلامي القلتو ليهو اساسا😂😂 ، بس تاني لنت وخضعت للامر الواقع ولقيت حبي لحسام اصلا ماكان غلط في يوم من الايام لانو عمرو ما خذلني ولا خلاني اشك فيهو حتى وكان بتعامل معاي في حدود ماحاول في يوم من الايام يتعداها لدؤجه انو حتى يدي ماحصل مسكها ، مع انو كان في حبكانيات وكلام معسول بيحصل 😂 بس برضو بحدوود وما كان الكلام دا فيوم حيوصلنا لشي غلط وماصح ، انا الشي دا كان مريحني جدا من ناحيه حسام ومخليني اتعامل معاهو عادي وبدون خوف لانو ثقتي فالزول القدامي دا كانت فوق الوصف وبالجد ماف يوم خلا ولا بالغلط ثقتي فيهو تتهز ، وحياتنا وعلاقتنا كانت ماشه كويس وفل الفل ، المهم بعد خلص التعاؤف بقينا في الخطوبه وحجاتها وكده ،
بدينا معاها كللنا اول شي كنا مقررين انو تتعمل في حديقة بيتهم ، عملو التجهيزات وختو الكراسي والتربيزات على شكل قروب قروب ، وكانت كلها باللون الابيض وفي زي الاحجار الكريمه باللون الذهبي في الكرسي من فوقو كدا بس وفي التربيزه من الاطراف السفليه ، وكان العشاء عباره عن بوفيه مفتوح والخطوبه اساس كانت مختصرن على الاهل من عندنا نحن ومن عند ناس رائد ، اما ربا في نفسها ماشاء الله مامحتاجه حاجه بس زي الليله وبكر الخطوبه مشت عملت ليها فيشل لوشها وبديكير لرجولها ويدينها ، وجا اليوم الموعود😂 ، قمنا نحن من الصباح ماكان في شي بس تاني بعد الضهر خلاص بدينا بنشوف في الحجات الناقصه وبنرتب ترتيب اخير ، طبعا مشينا انا وميمي واسيل لبيتهم كنا بايتين معاهم من امس وريان من الصباح جاتنا ، وبقينا بنرتب وكدا شويه البيت خلاص بقا بيتملي بالناس قمنا طلعنا ربا ومشينا معاها ناس خالتو منى عشان بيتهم كان فاضي ، طلعنا برا وعاوزين نمشي كان بعربيتي لقينا حسام كان قاعد مع ابوبكر ومحمد برا جانا وقال لينا
