إياكي أن تبحثي عن حبيب إبحثي عن رجل ... ستجدي فيه الحبيب والصديق والأخ ... وسيكون رجلاً لك لا عليكي💚🌸...
مرت الايام وانا وحسام علاقتنا فل الفل 😍😍😍😍 ، وحياتنا حلوه ومافيها مشاكل سواء بالنسبه لي انا وحسام او غيرنا من الباقين ، في يوم انا كنت يادااب جيت من الجامعه وحسام كان جاي الليله من لندن ( طبعا هو مشا عشان يبدا شغلو هناك ومشا ماشاء الله واخد الجنسيه كمان ، وقال عاوز يشتري ليهو بيت لما نعرس😂😂 ، اما محمد ورائد ورامي برضو بشتغلو هناك بس بجو شهريا ، وريان حاملل😍😍😍😍 ، )
وطبعا لي زززمن ماشفت راجلي 😂😍😍😍 ، ياجماعه دي حكايه ٨ شهوور😣 ، كانت الساعه ٥ ومع اني جايه مههلكه من الجامعه بس قلت لازم امشي ليهو فالمطار ، واي زول قال يمشي معاي ابيت ليهو😂 ، لبست لي فستان اخضر فيهو بالبيجي وسرحت شعري كعكه وختيت الطرحه وشويه روج وايلاينر وساعه وحلق وشبط وطلعت ، قعدت فالمطار مساافه بعدين شفتو جاي من بعييد ، شكلو دا اتغيير بقا حلو حلاة😍😍 ، اسكتو سااي ، لما جا جمبي وواضح تعبان قاعد فالطياره قرابة اليوم😂😂 ، اول ماقرب مني ابتسم وضماني عليهو ، انا جسمي اررتعش لحظتها لاول مرره يعمل كدا وانا بادلتو الحضن 😍😍 ، بعدين قلت ليهو
: حمد الله على السلامه حسام
حسام : الله يسلمك ياروح حسام .... كيفك
انا : تمام الحمد لله ..... شكلك تعبان تعال يلا نمشي نتونس بكرا
حسام : اوكي يلا
مشينا ركبنا العربيه وبقيت بسووق وساكتين كنا بس وهو وترني شدييد كل شويه يعاين لي بعدين مسك يدي
انا: حسام عايزنا نموت ولا شنو ماشايفني بسوق انا 😂
حسام : اشتقت ليك 🙁🖤
انا ابتسمت وعاينت ليهو وقلت : وانا كمان ياحسام اشتقت ليك كتير
اهو ابتسم وقال : يلا هدي فكيتك سوقي سواقتك 😂
سوقت ووصلتو بيتهم نزلت معاهو سلمت عليهم ورجعت الداخليه نمت من الصباح صحيت علي صوت صريخ جاي من غرفة اسيل زي الببتكلم مع ززول طلعت ببجامتي جريت ليها ، فتحت الباب ودخلت لقبتها بتبكي وقدامها ابوبكر وبتكلم معاها باخر نفس ليهو
انا : مالكم ياجماعه في شنو 😳😳 ..... اسيل مالك بتصرخي وبتبكي
اسيل : شوفي شووفي اخووك طللع واحد كذاب وبكذب علي كمان وماسكني يقضي بي زمن بس ..... مشيتها ليهو لما كل يوم تجيني بت تقول لي حبيبك وحبيبك وحبيبك ومشيتها كمان ...... لما اشوفك وانت بتضحك وتتونس عادي مع اي بت وبلعتها برضو ...... لكن انو تجي وحده وتقول انو انت متزوجها عرفي وزواج متعه انا خلاص فاض بي وم حقدر اسكت ..... كفايه علي انا كدا اصلا نحن ماحنقدر نكمل مع بعض لانو كلو يوم مشكله وماققادرين نتفاهم
انا : هي هي كدي اصبري شنو الماحنقدر نكمل انتي هبله ولا شنو ..... اول شي بعيدا عن باقي الناس القلتيهم ديل دي منو القلتي متزوجها عرفي دي ..... وحتى لو قالت كدا انتي تصدقيها طوالي كدا
