الجزء ٥٧ .
وبخيّرك لو فيك قدرة ارح نمش ، بوصل معاك حد الشمس🎼💜
💘●●●.
بعد مامشى عبدالرحمن حسام استغفر كدا وكان الاذان اذن طلع مشى يصلي انا اتوماتكلي لقيت روحي بتصل لي ربا وبحكي ليها بالحاصل كلوو هي قالت لي
: طيب هسي حتعملو شنوو
انا : ماعارفه ياربا ماعارفه وحسام عاوز يجن متوتتر شدديدد لما موترني معاهو ماعارفه عرف عن العصابه دي شنو خلاهو يتوتر قدر دا
ربا سكتت مسافه وقالت : بس جد مابتقدرو ترفعو قضيه عليهم لانهم لسه مايعتبرو غلطو في حاجه معاكم
انا : نفس كلام همام ..... يعني ننتظر كدا ولا كيف ☹
ربا : ماف حل ...... بس امسكو في همام دا قوي شااااطر شدديد قالو ماقبل كدا خسر ليهو قضيه نهائي ...... انشالله ماف الا الخير حبيبتي بس انت ذاتك ماتتوتري وخليك مع حسام بس فالوقت دا محتاج ليك شديد هو
انا : واايي ياربا والله حاسه حتحصل حاجه ما كويسه والله 😭😭😭😭😭😭
ربا : ماتقولي كدا هبله انتي ...... انشاء الله ماف حاجه وخلاص الوقت اتاخر بعد دا امشي اتعشي انتي وراجلك وماتفكرو بالموضوع دا تاني تمام حبيبه ...... وانشاء الله حتلقو حل لي بكره
انا : انشاالله ياارب ☹☹😢
وقفلت منها حسام جا ومن ماشفتو ضميتو وقلت ليهو
: حبيبي ممكن ماتزعل وتتنشن عشان الحكايه دي ...... ممكن ماتجيب سيرتها تاني .... عشااني
وقربت منو وبوستو 🙈🙊 بعدين مسكتو من يدو وقعدتو فالكنبه وقعدت وختيت راسو في رجولي وهو سااكت لما نام ...... اول مره اشوف حسام فيهو كميه التعب والهم قدر دا 😭😭😭، في محلي داك نمت بس
تاني جاتني صحيه لقيتو شايلني ورقدني فالغرفه وطفا الانوار ورقد صحينا زي الساعه ٩ كدا وانا كان قلبي مقبوض لدرجه م طبيعيه وكان كل حاجه عادي قريب للضهر كدا الباب دق ، مشيت فتحتو لما شفت المنظر زي الاتكبت فيني موية تلج ،،،،،،
دخلو حتى بدون م ينتظرو افتح الباب زي الناس وانا كنت لابسه لي توب وشبشب بيت وحسام بجهز للصلاة كان يوم سبت ، دخلو وبقو ينادو حسام السواحلي حسام السواحلي بعدين جاني ضابط واضح انو هو البوس فيهم قال لي
: انتي دكتوره حنين الشافعي صح ؟
وانا ساكته بس
: دكتور حسام السواحلي وين
وانا ماقادره ارد اصلا شويه كدا جا حسام طالع ومن شافوهو طوالي جو اتنين وكلبشو ليهو يدينو وقالو ليهو انو مرفوع عليهو قضية نصب واحتيال ، في الاثناء دي جا داخل شاب كدا الظاهر انو في عمر حسام او اكبر منو اسمر وملامحو حاده وطوويييل ونحيف لابس بنطلون اسود وقميص اسود وشاكي ولابس سانقلاسيس سوداء ورافع الشعر جا داخل وانا طبعا جمب الباب وحاسه روحي خلاص هبطت جد جد شفتو رفع راسو عاين للبيت كدا وطلع النضاره ولف عاين لي مسااافه وابتسم ابتسامه جانبه وهو عيونو ناعسه وحاده بشكل يخوف ، بعدين لف لي حسام وقال ليهو
