الجزء ٥٨ .
قآلَ تَعالىْ : ^^( فإن مع العسر يسرا ،، إنّ مع العسر يسرا )^^
،💝🕸
انا عاينت لي حسام مسافه ودموعي نزلو وقلت ليهو : ليه كدا يا حسام ...... ليه
حسام نزل راسو وقال لي : حنين انا ماكنت قادر احبها مطلقا ..... اعمل شنو يعني امشيها كدا لمتين وانا م عاوزها حتجي فتره وحزهج من التنثيل عليها وم حقدر اواصل ...... مش احسن من انو كان اقعد معاها واتزوجها وم اقدر اديها حقوقها كامله لانو انا اصلا ماعاوزها ؟
انا اتنهدت وسكتت مساافه وقلت : طيب انت كويس هنا ..... عملو ليك شنو من ماجيت
حسام : بس قعدوني هنا وجا خالد اتكلم معاي كلام كتير ومشى وقالو لي مسموح ليك باتصال واحد فاتصلت بي عبدالرحمن جاني ومعاهوو همام (قام عاين في يدي وانا بحاول اغتيها بالتوب وقال لي ) حنين في يدك في شنو
انا : لالا مافيها حاجه كمل بس انت
قام مسك يدي وسحبها ووجعتني لما ظهر في وشي وشاف هو القطنة واللصقه حقت الجروح ومسك يدي وقال لي : حنين دا شنو .... مالك حصل ليك شنو
انا : دوخه بسيطه بس
حسام : حنين دوخه بسيطه بركبو ليها درب ؟ ...... قولي الحقيقه احسن ليك .... في شنو
سكتت مساافه ونزلت راسي وقلت ليهو
: بعد م انت مشيت انا كنت ببكي فجأه بطني وضهري وجعوني شديد لما بقيت م قادره اتحرك ........ ولحقوني ربا ومحمد
حسام عاين لي مساافه وهو ماسك يدي وحسيت فيهو كسره ماطبيعيه وعيونو اتملت دموع ، نزل راسو وقال لي
: حنين ممكن بعد دا تمشي من هنا
انا : حسام عاوزه اقعد معاك شويه بس
حسام : حنين انا لو حصلت ليك حاجه بسببي م عارف ممكن اعمل في روحي شنو ..... امشي خلاص
انا دموعي نزلو قلت ليهو : طيب حمشي بس اتطمن حتطلع قريب من هنا طيب حبيبي نحن حنخاي همام يتفاهم معاهم وحيطلعوك
حسام : حنين خلي بالك من نفسك
انا سكت وعاينت ليهوو مسافه ودموعي نزلو بعدين نزلت راسي وقلت ليهو : طيب
طلعت برا لقيت محمد وربا مشيت انا وربا دخلنا العربيه ومحمد مشا لي حسام ، انا كنت ساكته لما ركبنا العربيه بعدها ماقدرت امسك نفسي بقيت ببكي وماسكه في ربا ، اخر فلاخر لما شفت محمد جاي مسحت دموعي واستغفرت واتكلت على الكرسي وبقيت ساكته بس ، محمد لما دخل ودور العربيه قال
: ياجماعه الكلام دا م ساهل والله ...... القضيه كبيره ونسبة ربحهم ليها كبيره .... حتى همام قال كدا
انا خشمي م فتحتو بدو يتكلمو هو وربا حسيت روحي م سامعاهم حتى ، لما وصلنا البيت لما ربا ضربتني في كتفي ومحمد دا يعاين لي ساي ، طبعا ودوني لي ناس ماما ، وانا داخله حتى كلموها وكلمو بابا وبابا مشى لي حسام هو وعمو محمد ، انا ماما ادتني اكل وبلعت حبوبي ورقدت مقدرت انوم نهائي بقيت راقده كدا وبفكر نعمل شنو نعمل شنو ، لقيت روحي تلقائي اتصلت لي همام وبعظ السلام قلت ليهو
