الجزء ٤٨
-
الرجل الذي يعامل المرأة كملكة دليل علي انه تربي علي يد ملكة اخرى ❤👑
- -
صحيت زي الساعه ١٠ كده وم كان في حاجه كل شي جاهز مشيت استحميت ولبست لي بجامه وجابو لي فطور فطرت بعدين زي الساعه ١١ كدا ماما جات قالت لي خلاص بعد دا ابدي اجهزي عشان الساعه ١٢ حيجي حسام واهلو ويبدا الجرتق بعدين رقيص العروس ، وبس جوني الشله الكريمه 😂😂😐 ، ربا بي ولدها وكرشتها وميمي ولدها واسيل وريان والاء وميرا 😘😍😍 ، مشيت اول شي عملوهو شعري عملو لي بوف خفيف بي ورا وعملت ليهو سيراميك بس وجمبتو بالجمبتين وعملت مكياج عادي باللون الاحمر بعدين لبست لي فستان فنيله بدون اكمام وتحت الركبه والتوب 😍😍😍😍😍😍 ، احمر سكر سكر نوع البتمطا كدا ولبست معاهو طقم الشبكه😍 وطلعنا بره وسيد ريدي بالجلابيه السمننيه😥😍😍😍😍😍😍 ، وتمت مراسم الجرتق بنجاح😂😍😍 وقطع الرهط كمان ومشيت دغري لبسوني ووجهزو الحته للرقيص العروس وكان احلى شي في العرس كلووو 😂😂😂😂 وحسام يععجببكمم طلع فناان فالرقيص 😂😍😍 ، وبس كدا ممكن اقول انتهت مراسم زواج حنين محمد الشافعي وحسام محمد السواحلي بنجاح 👌🙈😍😍😍😂 ، وبس بعدين طلعنا كانت طيارتنا الساعه ٦ مساء والساعه كانت ٥ ونص على بال م اجهز وكدا الساعه ٦ جات والمطار ودونا اسيل وابوبكر بس
وصلونا وفاتو ، ونحن قاعدين فالمطار وحسام ماسك يدي وطبعا ظاهر علينا عرسان من حنتي وحنة حسام😍 ، انا كنت لابسه بنطلون وتونيك وطرحه وحسام بنطلون وتيشيرت ، سالتو
انا : حسام ماناوي توريني ماشين وين
حسام : تدفعي كم 🤔😚
انا : حسااام النبي 😟😢
حسام : طييب بقول ليك بس عايز مكافأه
انا: شنوو🙂🤔
حسام قرب لي ومد خدو قربت اكفتو بس قلت ماف داعي من اول يوم😂😂😂😂😂
انا : حسام زح مني اخير ليك
حسام : خلاص م حتعرفي
انا : وم عايزه اعرف اصلا بنداء الطائره ح اعرف م تعمل فيها ذكي
حسام : خلاص😏🤷♀️
انا سكت ومديت بوزي😟لما شافني كدا ابتسم وباسني في خدي
وقال : ياخ بحببكك انا وبحب زعلك وبحب اي شي فيك 😍😍😍😍😍😍
طبعا انا خلاص سسحت😥☺ ابتسمت كدا وقعدنا شويه كدا نداء الطياره (الرجاء من المسافرين على متن الخطوط الاماراتيه في الطائره رقم ٥٦٩٨٨٤ المتوجهه لباريس التوجه للبوابه رقم ٨ )
بس حسام قام وشال شنطتو وقال لي : يلا
انا نططت عيوني وقلت ليهو : وين 😲
عاين لي وقال : البوابه رقم ٨ 😏
انا قعدت كدا بستوعب انو نحن ماشين باريس وقلت ليهو : حسام انت جادي🙁😦
حسام مسكني من يدي وكررر كراني لصاله الانتظار وقعدني وطلع لي زي فايل كدا وفتحو وقال لي
: دي البلان بتاعتنا تمام اول شي ماحيكون شهر واحد حيكون ٣ شهور مقسمه لي ٦ دول يعني شنو كل دوله حنقعد فيها اسبوعين بس وفي الاسبوعين ديل حنقعد الاسبوع الاول فالكبتل سيتي والتاني في المدينه المعروفه فالبلد ...... وطبعا بعد ال ٣ شهور دي حنرجع السودان بنقعد اسبوعين ونمشي لندن ....... اما الدول الحنمشي ليها اول حاجه اللي هي حاليا فرنسا حنمشي باريس في اول اسبوعين وتاني حنمشي ستراسبورغ ...... كدا تم شهر ..... تاني حنمشي سويسرا واول اسبوعين حيكونو في برن وتاني اسبوعين حيكونو في جنيف ...... تاني حنمشي كندا حنمشي اوتاوا وتاني نياجرا ..... بعدين نمشي جورجيا تبليسي بعدين كوتايسي ...... بعدين المانيا ..... برلين بعدين ميونخ .... بعيدن البرازيل .... برازيليا واخر وجهه لينا حتكون ريو دي جانيرو ........ كدا تمينا ال ٣ شهور ودي حيكون شهور عسلناا 😂 ........ اها رايك شنو
انا : بس ياحسام ماتعب علينا ؟ ....... يعني المناطق دي كتيره شديد يعني والوقت حيضتيقنا وم حنستمتع ولا انت رايك شنو
حسام : انا ماشايف فيها تعب لانو اسبوعين حاجه ماهينه وانا من هسي حجوزات السفر كلها عندي وحجوزات الفنادق والمنتجعات ..... يعني حننزل مرتبين وعارفين وجهتنا
انا: خلاص ظابط يا قلبي
حسام : يعني عاجبك ؟
انا : اييونن شديد كمان 😍😍
حسام : الحمدلله ..... يعني ماعندك اي تعديلات عليهو ؟
انا : لالا حبيبي
حسام : خلاص تمام😍😍
وقعدنا شويه كدا واتفتحت البوابه ويافرنسا جاييك زووول😍😍😍😍
يتبع .........
