الجزء ٦٠ .
Always fight for the things that you love.
"حارب دائماً من أجل الأشياء التي تحبها"💜
صحينا بعد العشاء لما قمت لقيت حسام صاحي وبهبش في وشي ، ابتسمت قرب مني وباسني 🙆🏻♀️🙃، جيت عايز اقوم حاوطني بيديهو قال لي
: على ويينن
انا : خلاص خلينا نقوم نايمين من متين نحن🙃
حسام : خلينا في حتتنا دي لاحقين على شنو 😉
طبعا م اوصف ليكم الشكل هو شبه ضاميني محاوط يدينو فيني بقوه وانا خاته يديني في صدرو عشان عايزه اقوم بس ويينن 😂😂😂
انا : حسااام خلااص☹🙂🙂🙂🙂
حسام م اتفاهم قرب مني وتاني كفاكم يعني 🙊🙈🙈
صحيت اليوم التاني وحسام كان لسه نايم قمت دخلت الحمام لما طلعت تلفوني رن كانت اسيل طلعت بره ورديت، قالت لي
: حنووونن كيف اصبحتي حبيبه م اكون ازعجتك
انا : اهليينن ياقلبي ... الحمدلله والله ... مافي ازعاج قمت قبيل
اسيل : كوييس .... اها وحسام كيف انشاءالله م يكون تعبان
انا : والله ناييم هو تعبان فعلا الايام القعدهم ماهينات ... الحمدلله بس ..... اها انتي كيفك وابوبكر معاك م لقينا وقت ذاتو عشان نسالكم 😂
اسيل : والله الحمدلله ماشي الحال وكلو تمام
انا: الحمدلله يارب ...... واها الكرامه متين
اسيل : هسي عاوزه اقول ليك حددوها يوم الجمعه ابوبكر قال كان عايز يكلمك امس لكن قال ماظريفه
انا : لالا تمام ..... كويس الكلمتوني بدري
اسيل : اي .... خلاص يلا م ازعجك لي بعد بكره
انا : طيب يلا وسلمي على ابوبكر
اسيل : يوصل ياقلبي
قفلت وجيت داخله لقيت حسام طالع من الحمام جا على ضماني وباسني في راسي وصبح علي قلت ليهو
: الفطور جاهز تحت
حسام : طيب يلا
نزلنا، اثناء م نحن بنفطر قال لي
: نونة اتصلت علي ريان قالت عاملين كرامه في بيتنا وقالت لي تعالو بدري بكره وبيتو عشان هي اصلا بعد بكره
انا : لكن المشكله كرامة اسيل وابوبكر بعد بكره برضو
حسام : جد ..... خلاص مامشكله بكلمهم هم ذاتهم لو عارفين مابعملوها بعد بكره
انا : اي قول ليهم يعملوها بكره احسن
حسام : فكرة والله ..... خلاص بكلمهم
ومر اليوم دا عادي م طلعنا لمحل الا بالليل مشينا عشان بكره الكرامه ومرت الكرامتين حقت حسام وحقت العرسان وبعد حكايه زي اسبوعين كدا رجعنا لندن كللناا ،، بعد زي ٤ شهور كدا وصلت خلاص الثامن وانا اصلا كنت كل يوم بتعب زياده اكتر من اليوم القبلو وتقلت خلاص وبقيت في حالة خمول غريبه وتاكله اي شي في حسام لانو بالجد ماقادره كسسل م طبيعي ، وبالمناسبه اسوول حاامل😍😍😍😍 ، طبعا كانو حيجوني ماما وبابا وخالتو دانيه للولاده وكده ، المهم يوم كنا قاعدين انا وحسام اتصل لي ابوبكر رديت قال لي وهو بصرخ وهايج
: حنين هاك اتفاهمي مع صحبتك دي لانو انا خلاص تعبت وم قادر استحمل طيب (وشكلو رما التلفون وفات واسيل بتصرخ وبتقول )
تتفاهم معاي في شنو اصلا انت الغلطان وعارف الحاجه دي كويس ياخ زهجتني وكرهتني اليوم العرستني فيهو وخلاص زي م قلت ليك تطلقني يعني تطلقني
وهي بتتببكي طبعا
انا لما سمعت الكلام لما راسي وجعني وطبعا بقيت ساكته ماقلت حاجه وحسام كان جمبي سمع الكلام كلو شال التلفون مني وبقا بقول الو الو ماف رد وسامعين بس صوت اسيل بتبكي وماف اي رد ، حسام طوالي قام وقال لي ماشي ليهم انا وانا قمت معاهو بعد تحانييس حتى خلاني ، مشينا لما وصلنا لقينا الباب مفتوح يعني م مطبول دخلت انا اول وحسام مشا يشوف ابوبكر انا مشيت غرفتهم لقيتها قاعده وبتبكككيي بكا م طبيعي لما شافتني جات وحضنتني 😭💔💔 حاولت اتكلم معاها ماف اي طريقه بكا م طبيعي ، بقيت بهدي فيها بس لما سكتت ، يلا خسام دق الباب قمت اديت اسيل اسدال الصلاة لبستو بعدين دخل قال ليها
: اسيل مالك بتبكي في شنو وابوبكر وين
اسيل سكتت شويه وتاني قعدت تبكي
وبقت بتحكي وتتكلم ومعنى كلامها انو ليهم فترة عندهم مشاكل وماقادرين يتفقو وكدا والليله اخر فلاخر اسيل قالت ليهو طلقني وهو هاج وطلع برا فات
انا وحسام بقينا نهدي فيها بي وهي تبكي تبكي بطريقه ماطبيعيه اخر فلاخر سكتت شويه مشت غسلت وشها وشربت مويه وجات قعدت قالت لي حسام
: حسام ممكن اطلب منك طلب ؟
حسام : مالك في شنو
اسيل : ممكن امشي معاكم بيتكم انا بصراحه لو قعدت اكتر من كدا هنا حموت وحمَّوت اللفي بطني معاي
حسام : استغفرالله يا اسيل م تقولي كدا .... كدي انتي اهدي شويه م تستعجلي
اسيل : حنين
انا عاينت ليها وسكتت قلت لي حسام
: حسام ارح خلينا نمشي
حسام عاين لي وقام وقال : تلقوني في العربيه
ومشا
قلت لي اسيل : ادخلي شيلي ليك كم غيار
اسيل : حنين م عايزه حاجه بس عايزه اطلع من هنا حاسه نفسي مكتوم وربي 😢😢😭
انا : طيب طيب ارح
مشينا شويه كدا لما وصلنا للباب تلفوني رن قلت لي اسيل امشي اركبي وبلحقك انا ، طلعتو كان رقم غريب رديت كان صوت ابوبكر قال لي
: حنين
انا : ابوبكر انت مشيت وين
ابوبكر : حنين اسيل كيف انشاءالله بس تكوني مشيتي ليها .... حنين ماتخليها براها الله يخليك وذكريها حبوبها طوالي بتنساهم .... اكيد م حتقعد فالبيت عارفها انا
انا سكتت مساافه بعدين قلت ليهو : طيب مدام خايف عليها للدرجه دي مشيت خليتها لي
ابوبكر سكت وقال لي : خلي بالك من نفسك ومنها ..... انا ح اقفل سلام
وقفل الخط مشيت ركبت ولحدي ماوصلنا زول فتح خشمو ماف دخلنا ودخلت اسيل غرفه كدا ودخلنا انا وحسام غرفتنا اول مادخلت قال لي
: يعني افهم شنو انا من العملتيهو دا
انا: حسام اسيل لو قعدت هناك وجا ابوبكر كانو حيتشاكلو تاني واصلا هي م في وضح يسمح ليها تتشاكل وتتنشن .... خليها تقعد هنا فتره لما يرجع ليها عقلها وتشتاق لي ابوبكر براها بترجع .... دا لو مارجعها هو ...... قبيل اتصل علي وكان بسال منها وبوصي فيني عليها
حسام : يعني عايزها
انا : طبعا ..... اصلا هم الاتنين لو هسي قلت ليهم وقعو على اوراق طلاقكم م بقدرو ها ..... بس مشكلتهم م قادرين يتفقو
حسام : العمر ليهو اثرو ياحنين
انا : فعلا والله .... غايتو ربنا يهديهم بس
حسسام : امين
انا : طيب انا امشي اشوفها عامله شنو واجي اوك
حسام : اوك ياقلبي
انا مشيت شلت من دولابي كم بجامه وتوب (طبعا بجامات زمان هسي مابتدخل فيني من الكرشه 😭😂😂) شلتهم ووديتهم ليها لما دخلت لقيتها بتبكي ووالله حالتها تحنن .. قعدت جمبها وقلت ليها
: مش عايزه تتطلقي .... طيب بتبكي مالك ؟.... مش انتي براك القلتي عايزه الطلاق هسي في شنو
اسيل : حنين هو الجبرني وربي هو الجبرني انا تعبت منو كل يوم مشاكل ومهاترات وانا والله م بقدر اعيش في جو زي دا ابوبكر صعب ياحنين اي شي مني مامتقبلو وبغير بطريقه عجيبه مامعقوله يعني هوس دا وربي تعبت معاهو انا
انا سكتت مسافه وقلت ليها : طيب ممكن تحكي لي من اوول مشكله ليكم وسببها شنو لحدي لما وصلتو لي هنا ؟
اسيل قالت لي : حنين ابوبكر كل مره بديني ايحائات انو هو شاكي فيني ولا شنو بالضبط انا مافاهمه .... عندي واحد من زملائي فالشغل هو بحاول يتقرب مني لكن انا وربي مامدياهو فرصه فيني ومحافظه على نفسي لكن ابوبكر هو البهلوس 😭😭😭😭.. و الله يا حنين انا لما عرستو ما كنت عارفه انه شكاك كده
انا : اسيل والله هو بس بعمل كدا عشان بحبك وعايزك ليهو براهو مافاهمه غيرتو انتي والله هو بحبك عشان كدا بيغير عليك من دون م يحس حتى
اسيل بقت بتتنهد وسكتت شربت مويه وقعدت
انا : خلاص يا قلبي ارقدي هسي لي بعدين بتتحلا باذن الله
اسيل هزت لي راسها قمت وطلعت وقفلت الباب ، دخلت لقيت حسام بتكلم مع ابوبكر وشكلو كان ابوبكر بحكي ليهو ، دقيت الباب عاين لي واشرر لي بيدي انو ادخل جيت قعدت جنبو فتح السبيكر وسمعت ابوبكر بقول ليهو
: حسام والله اقولها ليك على بلاط ؟ ...... اسيل انفتاحها ماعاجبني نهائيا كونها هي مرتي .... هي شايفاهو عقده فيني وانا شايفها صون ليها هي .... اسيل بتعرف ليها ناس وهم بتعاملو معاها بنوايا م كويسه وهي بتتعامل معاهم بطيبتها وانا بعرفهم كويس ناس استغفرالله السلام مابدوهو ليهم .... لما بجي بحذرها واتكلم معاها براحه بتنفعل وبتقول انا كابتها ومامخليها تختلط بمجتمعها ! ، حسام اسألك بالله لو انت بتعرف ليك زميل في شغلك كلمه خايب وتافه قليله عليهو .... اكتشفت انو مرتك عندها معاهو علاقه بتتعدى علاقة الزماله وهو نيتو ليها ما كويسه حتعمل شنو ؟
حسام سكت ماردى وانا برضو ساكته
ابوبكر قال : طبعا مستحييل تخليها تتعامل معاهو باي شكل خوفا ساي عليها خلي اي حاجه تانيه ....(سكت مساافه وقال ) .. المهم يا حسام والعايز اصل ليك معاهو انو انا لو في غلط ممكن اكون غلطتو انو الليله انفعلت معاها شديد بس لو جينا للحق .... هي سبب انفعالي دا ... واخر فلاخر تقول لي طلقني بكل السهوله دي ... ((عشان تكونو فالصورة اكتر ، ابوبكر واسيل طبعا شغلهم في نفس المستشفى واسيل وحده بطبيعتها اجتماعيه شديد والناس كلهم بعرفوها ومختلطه معاهم ، ابوبكر الحكايه شويه ماعاجباهو من خوفو عليها طبعا ، يلا في واحد عندو سوابق وابوبكر بعرفو كويس ويدا يتقرب من اسيل على اساس انو زميل وعايز يبقى صديق وكدا واسيل ماحاولت تصدو لانها ماعارفه عنو حاجه ، ابوبكر كان كل مره بحذرها ويحذرها بس باسلوب هادي واسيل بتقول ليهو ماشايفه ليهو حاجه وهو ماكان قال ليها عن ماضي الراجل ، وفي اليوم دا جا ابوبكر هايج وزعلان لانو شاف الستيتس بتاع الواتس حق الراجل ناشر فيهو كلام عن اسيل وكده وعرف انو العلاق هفي تطور مشى البيت وهو زعلان وجا هايج وبجوط فيها واسيل زادت الطين بل لما قالت ليهو انت واحد "معقد" وحصل نقاش حاد بينهم انتهى بانو قالت ليهو طلقني واتصل لي والباقي عارفينو )) ، حسام بس عايز اطلب منك طلب اسيل انتبهوا ليها لما تهدى شويه واجي اسوقها تمام
حسام بعد مسافه قال : ماتخاف اسيل في عيوننا وربنا يهدي سركم
ابوبكر : امين يارب ...... هي هسي كيف
حسام عاين لي وقال : كويسه حنين كانت معاها قبل شويه
ابوبكر : الحمدلله ...... خلو بالكم منها البت دي بدونها بضيع انا
انا ابتسمت تلقائي
حسام ضحك وقال ليهو : في الحفظ والصون ماتخاف
وقفل منو وقال لي : شفتي عليك الله 😂❤
انا ابتسمت وقلت ليهو : هي ذاتها بتكون هسي ميته وترجع ليهو بس بتكابر
حسام : لكن والله م قادرين يتفاهمو
انا : هم طريقه تفكيرهم مختلفه تماااما ... يعني اسيل بتحب تختلط وتتعرف على الناس ابوبكر مابحب كدا انو اي زول تتعرفي بيهو ...... بعرفو كوييس انا زمان برضو شكلنا انا وهو كتير فالقصه دي كان ..... هو بغير .. بغير شديد يعني انا الكان بعتبرني اختو بس كان بغير علي فما بالك بحبييبتو ومرتو
حسام : غايتو انا شايف انو الاتنين غلطانين واسيل غلطها الاكبر انها طلبت الطلاق
انا : بالضبببطط .... هم المفروض يراعو شويه ... ابوبكر يراعي انو اسيل دي شخصيتها اصلا وماحيقدر يغيرهابالسرعه دي واسيل تراعي انو هو راجلها وعندو فيها حق وهي عارفه كووييسس طباعو قبل العرس ... بتتذكر في عرسنا لما لبست ليها فستان قصير شديد ابوبكر زعل كيف .... يعني هي عارفه كويس انو عندو راي من الحته دي .
حسام : اي ..... غايتو ربنا يستر عليهم بس وماتصل حد الطلاق
انا : انشااء الله يارب .... طيب انا هسي نازله لييها كويس
حسام : لالا بنزل انا انتي اخدي ليك رقده لي بعدين
انا : حسام بطريقتك كان رقدت تاني مابقوم 😕😂
حسام ضحك وقال لي : ارقدي ارقدي لي بعدين بصحيك انا
وجا عايز يقومني من يدي مديت ليهو يديني الاتنين نظام يلا شيلني عاين لي كداا وقال : جاده انتي ؟
انا : هسي ليك كم شهر ماشلتني يلا شيلني سرعه
حسام : حنين عاوزه تقتليني لاقدر الله ؟.... اشيل لي نفرين مالك علي 😭😂😂😂
انا هزيت راسي ولسه ماده يديني
عاين لي مساافه وقلت ليهو : يلاااا
حسام قرب مني وقال : والله ياحنين لو اتكسرت شيلي شيلتك بكره بتلدي نشوف البشيلك صحي صحي منو😔😂😂
انا : مامشكله لو اتكسرت بوديك لي ابوبكر ماتخاف😆😆
حمّر ليهو وقلت ليهو : يلا 🙂
مسكني من نصي وعايز يرفعني من رجليني قال : لا اله الا الله
انا اتففققعتتت بالضحك وماسكاهو من رقبتو وبضحك
المهم غايتو بي كدا وكدا شالني ورقدني فالسرير جا عايز يقوم ضهرو عمل ططقق
انا ختيت يديني في خشمي ونططت عيوني وبقيت بضحك وقلت ليهو : واااييي ضضهرك ماللو😭😭😂😂😂😂😂😂😂😂😂😂😂😂😂😂😂😂
حسام : يابت انتي مالك الليله
انا : الليله بالليل اللييلله 👏👏💃💃💃
حسام بقا بعاين لي ويتبسم
انا : نممشيي شاارع النييل انا وانتت سسووا 😉👏👏👏💃
وبقيت بصفق وبغني لقيتو مشا خلاني 🙃💔 ، شويه كدا جاني وانا لسه مانمت قال لي
: اسيل قدر مادقيت ليها الباب مافتحت لما ناديت الشغاله دخلت ليها وكانت نايمه .
انا كويس خلاص .... انت ذاتك تعال ارقد
حسام : طوالي😉😉
يتبع ..........