الجزء ٥١
ـ وڪــان اللـــه أختصـــر فــرح قلبـــي بكلامـــك وبصوتــك وبأبســـط تفاصيلــك
₎ 🖤♩❋ ء﴾
طبعا انا موضوع رنيم دا قلت حسبي الله ونعم والكيل وسكت بس ويييينن معقوله ديل يسكتو 😂😂😂 اول شي وانا م كنت عارفه انو ربان من بعد م عرفت طوالي مشت ليها وادتها كف وسفلت بيها وجات راجعه ولما اسيل كلمها ابوبكر مشت وردحت ليها سسمممح بعدين خلتها😂😂😂😂😂 ابوبكر قال لي اسيل عارفها رداحه بس قدر دا ما لاقاني 😂 ، مشينا زي العصر كدا المستشفى وبعد الفحص وتاكيد الحمل الدكتور قال
: المدام صحتها ماكويسه فالبتالي الجنين صحتو ماتمام والحمل ماثابت ...... يعني في احتماليه اجهاض كبيره ...... وعشان تضمنو ثبات الجنين لازم المدام ماتتعب نفسها وماتشيل شي تقيل نهائي وماتطلع محلات بعيده وتبعد عن التعب الجسدي والمعنوي ...... وهسي ح اوصف ليكم فايتمينات بتقيدها ومثبتات حمل
طبعا كلام الدكتور ماطمنا نهائيا😥
حسام : خير يادكتور ...... طيب انت عارف حالتها الصحيه كويس ممكن تاثر علي الحمل؟
الدكتور : م اظن ....... العمليه ليها فتره كويسه م بتاثر
حسام : كويس طيب
وطلعنا ونحن فالعربيه
حسام : سمعتي الدكتور قال شنو صح
انا : ايوه
حسام : ماتشيلي تقيل وما تتعبي نفسك نهائي وتااكلي تاكلي ياحنين ماعاوزين فقر الدم يرجع ليك تاني فالفتره دي لانو حتبقى مصيبه
انا: حاضر يعيوني ....... هسي انت شغلك انتهى هنا ؟
حسام : لسسه ...... باقي الاسبوع الجاي دا ...... حيكون عباره عن عمليات بس ٢ في رويال وواحده في فضيل وكده نكون انتهينا ....... رايك شنو نحجز يوم الاحد ؟
انا : ممممم ...... كويس طييب م عندي مشكله
حسام: ويلا حنمشي نقعد هناك عند ناس امي ماناقص تتعبي هنا ...... نقضي الاسبوع دا ونرجع
انا : طيب لي نتعب خالتو داليا معانا هي اصلا براها وريان ورغد في حوامل و في بيوتهم احسن نمشي لي ماما علاقل الين في وجوري في وبيساعدوني مابقصرو ...... ولا انت رايك شنو
حسام: طيب ممكن ...... م عندي مشكله ...... يلا نكنل باقي اليوم دا هنا ونقول ليهم يجهزي لينا غرفه فالطابق الارضي عشان السلم
انا: طيب تمام
مشينا رجعنا البيت وحسام لو بمرادو يمشي شايلني ويجي شايلني😂 ، بس انا م كنت حاسه بي اي تعب ولا حاجه بس حاسه انو في قطعة لحمه صغييره شايلاها😂 ، طبعا يادابو الشهر الاول ، وانا طبعا الموضوع عاجبنب حتى الغدا عملو هو😂😂😂😂🤣 ، بالليل كدا واحنا راقدين قلت ليهو
انا : حسام
حسام : عيوونو
انا : تسلم لي عيونك ..... هسي القرايه كيف بعد دا
حسام: تقري منزلي بس ماف طريقه نهائي
انا : حسااام😢😢😢 .... هي كلها ٣ ايام فلاسبوع
حسام : لما نمشي ونشوف جدولك كيف
انا: طيب 🙁
حسام : يلا نومي خلاص صاحيه من متين انتي
ورقدنا نمنا واليوم الثاني صحيت قبلو وبديت بدخل في حجاتنا وسويت الفطور قام لقاني بقفل فالشنط وقاعده في طرف السرير جراني عليهو ومسكني بيدينو الاتنين
حسام : صباحك خيير يا كل الخيير😍
انا : صباح النوور ..... كيفك
حسام : وكيف م اكون تماام وانا متصبح بيك.... ( ومد راسو وعقد حواجبو ) انتي بتعملي في شنو قاعده فطرف السرير كدا
انا: كنت بدخل في هدومنا وحجات التلاجه فضيتها وعملت الفطور وجهزت ليك الحمام قوم يلا
حسام : يابت انتي شليقه كدا مالك
انا: ماالي 🤷♀️
حسام : شنو المالك ناسيه انك حامل يعني 😒
انا : م ناسيه🤷♀️
حسام : بطلي شلاقه طيب ..... هسي الحجات ديل م كتن ممكن تنتظريني اجي اسويهم انا
انا : حسام انت ذاتك ماشفت روحك كنت نايم كيف ...... انت لسه تعبان من اليوم داك وجيت عليك انا زدت ليك تعبي امس والله لما حننتني من بعد كلامنا عن الجامعه نمت طوالي رفعت وشي وشك كدا تعباان ومرهق 😢
حسام : يابت ها م هدي انا كويس مالك
انا : حسام تاني تتحصن سامعني ....... انا بالجد م فيني حيل يحصل شي تاني زي دا
بس تلفونو اتصل ردا واتكلم كدا كلام زول ببارك لزول
انا : دا منو دا الربنا يتم ليهو على خير
حسام : داحبيبيك يا مزتي
انا : حبيبي منو هيي
حسام : دا عدنان خطوبتو بعد بكره ..... بركه البقت واحنا قاعدين عشان ما نفوتها ساي
انا : بالله ..... خطب منو دا
حسام : قالو وحده اسمها علا
انا: ماشاء الله والله
حسام : خليك من حبيبك دا وتعالي لي بهنا
قام جراني ورقدني معاهو 🙈
حسام : انتي م حاسه انك مشتاقه لي من ناحيه كده 😉 ؟
انا: لالالالا نهائي م مشتاقه ليك🙈
حسام : بس انا مشتاق شديد😢🙁
انا : حسام وحد ربك وفكني قوم ادخل الحمام وتعالي افطر
حسام: خلاص بس شويه ☹
انا: حساام 😂🙈🙈
ويلا بعد دا نتلاقى في بيت ابوي كفاكم لحد هنا😄🙈😂🤣
بعظ فطرنا طوالي حسام شال الشنط وطلعنا وصلنا هناك وتعالو شوفو المعامله الملكيه😍😭🤣😂😂😂😂 حتى محمد م مقصر معاي 😂 ، طبعا محمد فالجامعه وبقرا هندسه كهربائيه والين ممتحنه السنه دي وجوري برضو ممتحنه شهاده الاساس😍😍 ، تمينا باقي ايامنا دي وحضرنا الخطوبه واتوجهنا لي بريطانيا حبيبة الشعب 😍😍
فالطياره طبعا المسافه طويله وانا نممت نووم فيهو نوع من المبالغه وحاسه روحي مررهقه شديد وبس عاوزه انوم من م ركبنا الطياره شويه كدا رقدت وحسام يتونس معاي لفا لقاني نمت ماصحيت الا لما نزلت الطياره صحاني حسام عشان اكل حلفت م اقوم
لما وصلنا قومني قال لي
: حبيبتي انتي كويسه ...... عارفه روحك نمتي كم ساعه
انا : نعسانه ياحسام عايزه انوم خليني
حسام : بس نحن وصلنا خلاص قومي نومي فالبيت
قمت وانا اتلولح😭😂😂😂 وصلنا البيت قال لي قبل م تنومي اكلي حاجه قلت ليهو ماعايزه ، وداني الحمام غسل لي وشي وجا قعدني في كنبه قال لي
: حنين انتي كويسه
انا : حسام انا تعبانه بس مرهقه مرهقه شديييدد
حسام سكت وقال لي : معليش حبيبتي مامن الحمل
انا : عارفه 😢 بس خليني انوم هسي بلييز
حسام : طيب نومي اصلا الوقت متاخر لكن اللخ يرضى عليك اكلي ...... عشان ماتنتكسي علينا انتي سمعتي الدكتور قال شنو
انا : طيب
وهو كان جايب لي ساندوتش شاورما اكلت نصو وولا اتفاهمت رقدت نمت😔😂
صحيت اليوم التاني قبلو قمت ياداااب طبعا اشوف البيت امس ماركزت كا طابقين ومن بره في حديقه صغيره كدا وفيها قعدات ونافوره 😍 تاني من تدخلي جوه في نظام ٣ صالات موزعات وفي نصهم السلم على شكل دائري وفي الثلاثه صالات دي مفروشه كل وحده بجلسه براها وبي اثاثها براها ، وفي كل وحده من الصالات ديل في غرفه مثلا او حمام او مطبخ مفتوح فيها في وحده من الصالات مفتوح عليها المطبخ ومعاهو غرفه للشغاله ودي الصاله اللي لي جوا وتاني الصالتين اللي لبرا فاتحه فيها حمام وغرفه وغرفة الاكل والتانيه فيها حمام وغرفة الغسيل 😍 ، دا الطابق الارضي اما الطابق الفوق كان عباره عن ٤ غرف كل غرفه بحمامها الداخلي وصاله صغيرونه كده وفي بلكونه طوييله وكبييره مقفله بالفايبر وعباره عن شتلات😍 وقعده كدا ، ومطبخ صغيروني ، طبعا الغرف بس المفتوحه غرفتنا انا وحسام باقي الغرف مقفوله وغرفتنا ذااتها مع الحمام في غرفة بيبي 😍😍😍😍😍😍 صغيرونه كده ومختصره من شفتها جاني حماس التجهيز 😍 مع انو لسه الشهر الاول ياداب بس ياخ شعور حلوو😍😍😍😍😭 نزلت تحت دخلت المطبخ لقيت في حجات بسيطه خلطت لي عصير وعملت تونه وبيض مقلي وجبنه وزيتون ختيتهم وطلعت فوق اصحيهو صحيتو بطريقتي الخاصه😋😍😂🙈 وخليتو دخل الحمام ونزلت وانا برص جا لقاني رصيت قعدنا اكلنا واتونسنا وقال لي انو الاسبوع دا م حيشتغل وحيوريني الاماكن وكدا😍
قضينا الاسبوع دا وبدا حسام شغل في يوم كدا بالليل قلت ليهو
: انت عارف ..... ريون واسيل وابوبكر وناس مهند وفارس حيبدو فالتخصص انت عارف 😢😢
حسام: ايوه انا عارف وانتي عارفه
انا: عارفه شنو😢
حسام: حنين نومي ساي وماتستعجلي بلاحداث انا عمري مامنعتك من حاجه واوعدك اذا حملك ثبت م عندي مانع تكملي تمام
انا : طب لو ماثبت😢
حسام: م تقولي كدا انشالله بثبت .... يلا نومي هسي
ضماني عليهو ونمنا ....... مرت الايام وزي اي حامل انل كنت ماشه بتعب وبتعب بس الحمد لله جات فترة الحمل ثبت وقررت انزل 😍 وحسام سمح لي 😍😍 ، طبعا بعد تحانيس وسلام راس وضرايب 🙂🙈 ، المهم نزلت اول يوم وانا متحميه جامعه جديده وكمان جست انقلش اند انقلش 🙂😍 ، نزلت وكان السستم لي انا بالذات يعني كان عندهم نظام للحوامل😍😍😍 ، ٤ ايام فلاسبوع يومين نظري ويومين عملي ، وحسام كان بوديني كل يوم ويجيبني واليوم البقعد فبهو فالبيت بكون عباره عن البييت ذااتو😥 ، مع انو حسام جاب لي شغاله فالبيت بتعنل اي حاجه بس برضو ، يعني لما اجي للنوم خلاص بكون منهده شدييددد ومابقدر اعمل حاجه وحسام حاسي بي يحليلو ، وتعال يالوحم تم الباقي ، وطبعا وحمي كان عباره عن لحمه مااففف بتقلب لي بطني وبرجع طوالب لو شميت ريحتها ساي ، تاني حاجه السمك 🤧 ، دا كمان حاجه عجييبببه وطوالي في حالة بطني طاامهه ودابخه بقا معندب اخلاق بتعررييففه ، بس حسام وقف معاي وقفة رجال جد يعني م عمرو اتافف مني وكان قدر الامكان بحاول انو مايزعلني وكذلك مايتعبني وطوالي في حالة انو مطلعني اغير جو ، وطبعا ععشششقييي حاجهه اسمها فراوله😍😍😍 ، وماف شي محدد بعني اي حاجه ، يوم صحيت الساعه ٣ ونص صباحا وقعدت في نص السرير وبس مشتهيه حاجه اسمها كرواسان 😟😍😍😍 ، تشوكلت كمان وبس مابين اصحي حسام وم اصحيهو فلاخير اتوكلت وصحيتو طبعا قام مخلوع قلت ليهو
: اهدى اهدى حبيبي مافي شي
حسام : كويسه انتي طيب
انا: تمام بس .....
حسام : بس شنو
انا: عاوزه ... عاوزه كرواسان شوكولاته🙁😭
حسام عاين لي مسافه وقال لي : عاوزه شنو قلتي
انا عاينت ليهو كداا☹ ورقدت قلت ليهو: خلاص خلاص انسى
حسام: قومي قومي على حيلك ... .في شنو يالسمحه
انا : عايزه كرواسان قلت ليك مابتفهم 😭
حسام : بببسسس ما تتبكبكي فيني ..... الساعه كم
انا : ٣ ونص الا ٥ 🙂
حسام : قام وقعد فالسرير وخت يدينو في راسو ومسح وشو وقام دخل الحمام ، غسل وشو واتسوك وطلع بي شورتو وتيشيرتو شال مفتاح عرببتو ومفتاح البيت وتلفونو وقال لي ماتنزلي من هنا وطلع 😭😂😂😂😂😂 ، المهم قعدت منتظراهو واتاخر شدييدد اتصلت ليهو م برد بس خلاص جات في راسي افكار عجيبه حسام طلع اخر الليل والناس البخطفو وم عارفه شنو والمافيا🙁😭 ، 😂😂😂😂😂😂 المهم بقبت بتصل وبتصل وبتصل فلاخير لما مارد انا خلاص قربت ابكي شويه كدا فتح باب الغرفه اتوماتكلي جريت عليهو حضنتو😣😭 ،
انا : حسام لي مابترد ياخي .... غلطانه انا القومتك
حسام : يابت مالك التلفون كان صامت بس م اكتر واتاخرت حتى لقيت لي محل فاتح ممكن القى فيهو حاجه بتخص حامل بتتوحم😂
انا : ماتضحك
حسام : خلاص سكت .... وهاكي ليهو
فتحت الكيس لقيتو جايب بوكسين فيهم ٢٤ حبه🤦♀️
قال لي : مدام طيرتي لي النومه من راسي اخير نقعد نحضر لينا فلم وبكره ويكند
مشا فتح التلفزيون وقعد قال لي تعالي مشيت قعدت ليهو في رجلينو 😆
حسام : يعني انا اشوف كيف هسي
انا : ماضروري تشوف
حسام اتحرق مني ورجع ضهرو فالكنبه وكتف يدينو وبقا بعاين لي 😋😂🤣😁 ، انا اكلت وحده والتانيه وختيت البوكس وعدلت قعدتي اديتو ضهري وبقيت بعاين فالتلفزيون 😗😗 ، لما حس انو ماف فايده قال لي
: قومي انا عايز انوم
انا : لا
حسام : حنين
انا : قلت ليك لاا
بس بحركه منو شالني وقام انا اتحمقتت قلت ليهو
: يلاا احسسن وفرت على مشوار 😏 😭
حسام رقدني وبقا زي الرقد فوقي بس بينو وبيني ملمترات 🙂
انا: ززح مني يلا
حسام : هسي المفروض يزعل منو
انا: افكورس انا
حسام عاين لي بحميره وابتسم ابتسامه خبيثثه كدا وقال : طيب مش الزعلان براضوهو 😉😉
انا طبعا فهمته مقصدو وبقا بقرب مني قربت اقول ليهو اصلا م ح امنعك ليك اسبوعين صابر علي 🙂😂🙈 ،
وزي ماقال الفنان طه سليمان💃💃 : حصل الحصل قلبت عسل ضافت معاي طلقت هبووب انا م خطيير انا م صصعب 😎😄
وطبعا في وحمي زي ماقلت ليكم عادي بصحي حسام اخر الليل بس اكتر حاجه م كنت بخليها تخلص من البيت هي الفراوله😚 ، ومر ٣ شهور وانا فالرابع يوم جيت من الببت مهدووده مره وحده وفكرت انو لازم احول انرولمنت (انتساب ) لانو جد م قادره والدوخه بقت تزيد علي وقلت بس م ح اكلم حسام (ودي غلطه انا م عرفت عواقبها الا لبعدين ) لانو لو كلمتو حيحمبني ليها مره وحده وعندو حق ، فاليوم داك بالذات جيت حشيت لي توست بجبنه ورقدت فوق نمت م صحيت الا المغرب انا لما استغربت في نفسي للني جايه بدري ماكملت اليوم من التعب ، لما صحيت حسام كان جا وفي الحمام ، لما طلع لقاني قاعده فالسرير سلم علي وقال لي قومي الغداء الليله عاملبن كلسه عاديه بالدجاج م فيها حاجه ، دخلت الحمام ونزلت معاهو واحنا فالسلم راسي لفا بس مسكت حسام قوي بيد ويدي التانيه ثبتها فالسلم
حسام : مالك ياحنين
انا بعد مسافه : مالك ياخ يعني م امسكك
حسام : انتي كويسه
انا: اي ياخي كويسه ارح انزل
من ماقعدت فلاكل حسيت بطني طامه مع انو ماعندي مشكله من الدجاج او الرز ختيت الملعقه وقلت لي جولينا (البت الشغاله )
انا: جوي في اي نوع من انواع السلطه (طبعا الكلام بلاننجليزي )
جوي: قالت لي مافي بس ممكن اعمل ليك عايزه شنو
انا : اي حاجه لس انتي عارفه ماتختي فيها الحجات الماباكلها
جوي : طيب
حسام : حنين ليه يعني ماتاكلي
انا : معايزه بطني طامه يا حسام ...
مشيت قعدت في الجلسه وفتحت التلفزيون جابت لي سلطة سيززر😋 قعدت اكلتها وقمت
يتبع .........