علاقة من غير مسمى
ومضمون تلك العلاقة سعادة 🖤🌹 .
●●●●🌹●●●●🌹●●●●🌹●●●●
طبعا مشيت رصيت الحصل كلللوو لحسام بعد طلع من عمليتو وهو يشيل ويضحك 😂😂😂😂
انا : اها راايك شنو😏😉
حسام : جريئه يا حنونتي 😍😍
انا: دا كلامك🙂😂
حسام : اها ياحبي كلمتي امك ؟
انا سكت مساافه وقلت ليهو : مممممممممم🙂
حسام : ممم شنو كلمتيها ولا لا ؟
انا : لسسسه🙉
حسام : يلا اتصلي ليها
انا : كويس
قفلت منو وقعدت شويه واتصلت ، الو كيفكم تمام واخواني وووو
انا : ماما عاوزه اقول ليك حاجه
ماما : اها ياروح ماما في شنو
انا : ممممممم ...... يعني شوفي في زول كدا يعني .....
ماما : زول شنو
انا سكتت مسافه وقلت ليها : امي في زول هاوز يتقدم لي
سكتت مساافه وقالت : حسام ولد داليه صح ؟
انا : ماما عرفتي كيف 🙉🙂
ماما ضحكت مساااافه وقالت لي : واضح انكم بتحبو بعض ..... وماوريتيني ليه يا فصعونه😏
انا : ماما عرفتي كيف عليك الله
ماما : في عرس ربا لما ابيتي تاكلي الا من يدو وفي عرس ميمي وريان كمان وواضح اهتمامو بيك وطوالي جمب بعض
انا في نفسي : سجمنا كان كدا الدنيا كلها عارفه ماقايلاها مركزه معانا قدر ده 🙆♀️
انا : ممممم اها رايك شنو ..... لانو هو قال داير يتقدم
ماما : والله ياحنين حسام زيو مابنلقى وكنت متمنيه ليك اليوم دا وماحتصدقي قدر شنو فرحت لما لاحظت ليكم في العرس وماعندي اي مشكله انا وابوك انا بوريهو
انا غايتو قربت ازغررد قلت ليهو : ك كوويس كويس
ماما : خلاص يلا سلام جوري جات من المدرسه
انا : تمام يلا باي وماتنسي تكلميهو لانو دا مستعجل شديد
ماما : هههههههههههه مستعجل هو ولا مستعجله انتي😉😉
انا : لا وربي ياماما هو 🙂
بعد قفلت منها لقيت حسام داخل لي انتظار مارديت😈😈😈 ، تااني اتصل مارديت وفضل يتصل مساافه انا مارديت تاني زي المكالمه ال ١١ كدا رديت
حسام : اها ياحنين مالك ما بتردي وامك قالت شنو
انا بقيت ببكي ليهو 😂😂 وبقول : حسام ..... حسام .... حسام امي ......😭😭😭😭😭
😂😂😂😂😂😂😂😂😂😂😂😂😂😂😂😂
بس هو سكت وقال لي : جاييك هسي ماتطلعي محل
قفل وانا مشيت غسلت وشي وبديت ابكي من جديد وبقيت بحمر فعيوني غصبا عني وقعدت فلارض وبقيت منتظراهو ، لما سمعت صوت الباب بديت ابكي تاني ، هو جاجاري وقومني قعدني في كرسي وقعد جمبي وبقا بسال فيني وخايف 😂😂
حسام : مالك ياحنسن في شنو ليه بنبكي اتكلمي ياروحي قولي لي حصل شنو لما اتصلتي على امك في شنو
انا بقيت بتمتم ليهو واتشاهق واتنهد 😂😂😂😂😂😂🙆♀️ ،
انا : ح حسام مم ماما ماما .... قالت .... قاالت😭😭😭😭😭😭😭😭😭😭😭😭
بس هنا سكتت وبقا بعاين لي وقال بصوت واطي : قالت شنو
انا صرخت وقلت ليهو : وااااافقتتت 😂😂😂😂😂😂😂😂😂😂😂😂😂😂😂😂
حسام رجع ضهرو وسندو فالكرسي وانا بضحك فيهو 🤣😅 ،
حسام : الله يصبرني عليك انتي
انا : تصبر ورجلك فوق رقبتك كمان بتلقى زي انا ويين
حسام : حنين عايني لي هنا 😍
انا : مالك يااخ
حسام : بس عايني لي عايز اقول ليك حاجه
انا : اهاا اها ( ورفعت راسي عاينت ليهو فعيونو )
حسام ابتسم : بحبك يانور عيوني 😻😻
انا عاينت ليهو وابتسمت وقلت ليهو : وانا كمان ياقلبي 😘
حسام : يلا هي انا ماشي اجهز بدلتي الحمشي بيها ناس خالتك 😉😉😉
انا : هههههههه ..... بطل استعجال خليني اكلمها بلاول ... وانت عاوز تمشي متين
حسام : بكره بكره 😍😍
انا : حسام كدي قول بسم الله واستكين ☹
حسام : خير البر عاجله يا ..... يا خطيبتي😉😉
انا : خطيبتك 🙁 ..... هسي قول سااي انا هسي رفضتك او خصل اي شي ياااخ قول متّ خطيبتك من متين
حسام عاين لي في عيوني قوي انا لما خفت منو قلت ليهو : حسام في شنو
حسام : حنين ممكن تاني ماتجيبي سيرة الموت او اي شي ممكن يبعدك مني ...... حنين افهمي انا مابقدر اعيش بدونك لو حصل ليك شي بموت انا ..... مابتخيل نفسي بدونك فاهمه ياحياة حسام .... بالجد انتي حياة حسام ولما اناديك حياتي ما حاجه بسيطه او هينه لانو دي حياة يعني حاجه اذا مشت مشيت معاها فاهماني
انا بقيت ببكي وقلت ليهو : وانا كمان بحبك
حسام: هسي انتي بتبكي مالك😂 ...... كان كدا انا تاني مابقول ليك كلام حلو طالما بتتبكبكي فيني كدا
انا : عبيط ...... يلا امشي خلاث
جينا انا وهو طالعين دخلت اسيل ، طبعا توووشك بتدخل لا بتساذن ولا بتدق الباب 😅😂
انا : اسيل مابتعرفي تدقي الباب
اسيل : ادقو لشنو ششوف دي كمان قايله روحك في بيت راجلك ...... صحبي كيفك
انا مستغربه فالبت دي وحسام يضحك 😂
حسام : تمااام كيفك انتي😂😂
اسيل: تمام الحمد لله ...... اسمعوني هنا سايقتكم معاي السوق
انا : ولشنو انشاء الله
اسيل : عايزه اشتري مراد هديه ( مراد دا اخوها الصغير امتحن هسي الشهاده الثانويه )
حسام : ساي ولا في مناسبه
اسيل : ساي شنو شوف دا 😂....... عشان طلعت نتيجتو وجاب ٩٣ 😍
انا : ماشاء الله واللله مبروووك
حسام : مبروك والله ..... خلاص امشو انتي وحنين انا بوصلكم ولما تخلصو برجعم ماشي المستشفى
انا : مستشفى شنو ياحسام الليله مش الجمعه
حسام : اي لكن عندي مريض اتصلو لي قالو حالتو ما كويسه وعمليتو الاتحددت يوم الاحد حيستعجلو وبعملوها اللبله وانا الحعملها فلازم امشي...... وماشكلو اقدر ارجعكم تاني فتعالو بعرباتكم او كلمو ابوبكر
اسيل : تمام ...... يلا انا جعانه ماشه اكل البسي وتعالي
انا : تمام ...... حسام انت ذاتك ماماكل شي انزل معاها وتعالو
مشوا نزلو وانا لبست لي بنطلون جنز وقميص رمادي وطرحه كبديه وسبورت كبدي ، مشينا ورجعنا ابوبكر واثناء مانحن فالسياره
ابوبكر : قلتي لي جايين يخطبوك بكره 😂
انا : تصدق
اسيل : خايفه خووف 😂😂😂😂
ابوبكر : ها ماتخافي واصلا انتي حتكوني في داخليتك مابتجي البيت حنستقبلهم نحن كلهم قبل كدا شافوك
انا : اي اصلا
ورجعنا ونمنا وجا اليوم الموعود ...... انا كنت متوترررره شديييد ماعارفه ليه والاسوأ مني كان حسام 😂😂😂😂 ، ابوبكر قال لي ماشي يتكبكب وجاي يتكبكب 😂😂 ، مشا معاهو محمد وعمو محمد ابوهو وخالتو داليه ورغد ولااري السكررر ، اللهم اليوم مشى وحددو الخطوبه بعد شهر طبعا بعد اخدو راي 😏 ، كمان يقدرو😚 ، المهم والشهر دا كانو يومين ورربي😣😣😣 ، تتتعب تتعب ، بس انا واسيل وريان الشغالين فالحجات قلت يحليل حسام الكان بعمل معاي 😂😂 ، طبعا ميمي حامل وربا حامل ، بس غايتو اتسهلت وجا اليوم الموعود😂😂😍 ، طبعا ماما وبابا جو وفتحو بيتنا وكانو عاملينها فالحديقه وتقريبا نفس ترتيبات خطوبه ربا بس انا كل شي كان لونو بلاسود والذهبي ، اما انا كنت لابسه فستان على الجسم لونو بنفسجي غاامق قماشتو تقيله وفنيله كدا وساده واكمامو منفوخه ٣ ارباع فيها لولو ابيض وشبط كعب ابيض فيهو باللولو وشعري عملتو ويفي وفكيتو على طولو وجبتو بقدام ، وحسام كان لابس قميص ابيض وبنطلون ابيض وجكت البدله الداخلي باللون البنفسجي وجزمه بنفسجيه غامق ، وانا خلاص بلبس في اكسسواراتي وكان معاي اسيل وربا وميرا وميمي تحت ، سمعت الناس بزغردو عرفتهم وصلو ، جات ريان سلمت علي وبقت قاعده معاي ، قعدت شويه كدا حسام اتصل لي
انا : الوو
حسام : حنين معاك منو انتي
انا : مممم معاي اسيل وريان وميرا وشويه بنات في شنو ؟
حسام : ياقلبي عايز اقول ليك حاجه امشي على جنب كدا
انا سكتت شويه وقلت ليهو : ك كوييس ......... اها في شنو
حسام : حنين رايك شنو نعقد ؟
انا فلحظتها قلبي قال شحححح😂😂 : شنوو لالا طبعا مستحيل عقد شنو كمان
حسام : حنين اسمعيني ماتجوطي انا شايف الوقت مناسب ووالله انا الفكره دي ماجبتها انا قالوها ابوك وابوي وهم اتفقو وجو كلموني وانا صراحه كدا موافق وقلت مابعمل شي من دون ما اكلمك واخد رايك
انا : حسام انت عارف رايي فالموضوع دا .... انا لسه ماخلصت جامعتي وماشه على الاصعب وكنا متفقين العرس والعقد يكون كلو بعد ما اخلص الحصل شنو ياحسام
حسام : يا قلبي افهميني انا ماقلت ليك هسي العرس ونحن على اتفاقنا انو العرس بعد ماتخلصي الجامعه وانا موافق وانتي موافقه تمام ..... يلا مدام وافقتي على الخطوبه معناها ماعندك مشكله على العقد لانو ماعندك اي مسؤوليه حتكون كانها خطوبه يعني ..... وبعدين ياحنين انتي عاجبك حالتنا دي .... انتي عارفه البنسوي فينو دا حرام كونو انو نقابل بعض وانا ما محرم ليك ..... ياخي على الاقل اقدر امسك يدك وانا مطمن انك بعد دا بقيتي حلالي ...... لي ياحنين ماعايزاني افرح الفرحه دي لي يعني ...... وانا اوعدك انو مايكون عندك اي مسؤوليه معاي وما حخليك تحسي في بفرق بين الخطوبه والعقد الا لما تشوفي دبلتك فيدك اليسار بس ....... حنين لو بتحبيني جد مابترفضي الله يخليك يا حنين
وفضل ينق كدا انا قاعده نص ساعه بتكلم معاهو وبقا يحنك فيني كدا لما اقنعني وقلت ليهو
انا : حسام خلاص اعمل البريحك
حسام : لالا ماف شي اسمو اعمل البريحك دا زي ماهي حياتي حياتك كمان ..... قولي عديل موافقه ولا لا
انا سكتت كدا
حسام بزعله كدا : خلاص يستي مامشكله ...... انا بكلمهم وو ... ووخلاص بس انزلي خلينا نخطب وخلاص
انا : خلاص موافقه
حسام: جاادددههه
انا: ايوه جاده ياحسام بس ماتزعل فيوم زي دا ممكن ؟
حسام : خلاص تمام ما حزعل ياقلبي ...... انا حكلمهم ونشوف
قفلت منه لقيتهم كللهم وراي
ريان : انشالله خير ياحنين دا حسام مش ..... لي طولتو كدا
اسيل : في شنو ياحنين
انا : حسام عايز يعقد
اسيل : جاددهه انتي😍😍😍
ميمي : اها وافقتي ؟
ربا جااات داخله وقالت: ماكانت موافقه بس اقنعوها😉
انا: بالضبط كدا
بس ريان فكت الزغروده😂😂😂 وجات حضنتني
تاني دخلت امي وسالتني وجا ابوي برضو وقلت ليهم موافقه ومشو .... بعد شويه اتصل حسام وقال
: مبروك علينا يا حلالي 😍😍😍😍
انا هنا قلبي قال ششحححح ومن كلمتو دي والزغاريد قامت وجوني كلهم يبكو وماما وخالتو منى وام ربا برضو وطبعا حسام ماكملت مكالمتي معاهو ذاتها بس قال كدا وقفلت التلفون بعدها
بكييت قدرتي وعدلت مكياجي ونزلت والزغاريد جد تديك احساس عرس ترس مع انو الناس الاهل بس
لما شفت حسام رقدت رررررز 😂😂😂😂😍😍😍
كان حاجه كدا بس اللهم الثبات هو جا ولاول مره يمسك يدي انا جسمي لمَّ كششَ 😂😥 ، عاين لي مسااافه
وقال : الله يحفظك لي 😍❤
انا بس ابتسمت ليهو ، لبسنا الدبل ووانا احساس وحده خلاص متزوجه احساس غريب كدا وحسام بعد متخلاص خلصنا طلعنا قبل العشاء قال ماشين مطعم ، طبعا ماف زول بيقدر يحميهو مرتو عاد😂😂😂 ، مشينا مطعم كدا وكان حاجز ليهو تربيزه قعدنا اتعشينا واتونسنا شويه وانا خجل وكبكبه شدييده 😂😂😥 ، خلص العشاء وخلص اليوم على كدا
يتبع ...............