الجزء ٣٦
لاأستطيع الأبتعاد عنك ، وأخاف ألأقتراب منك ، فقل لي؟! أي الوجعين أخف ؟؟ .
• • • • • • • • • • • • • • • • • • • • • • • • • • • • • • • •
محمد قفل التلفون ومافتح خشمو بكلمه ،
ابوبكر : لو سمحتو ياجماعه اسمعو كلام حنين وخلاص الموضوع اتقفل
ريان : كلامك صح يا ابوبكر هي ماحمل توتر اكثر من كدا .... اما حسام انا بتصرف معاهو
اسيل اتنهدت وقالت : الله يهديك ياحنين الله يهديك
..
طبعا حسام لأنو خلاص خلص بقى مابيجي الجامعه الا ماندر ولو جا بيكون عندو شي عاوز ياخدو من المكتبه او من الدكاترة ، ومن يومها ما اتكلم معاي وكمان ماشفتو ، انا كنت بحاول قدر الامكان اكون طبيعيه قدامهم بس برضو كانو كاشفيني ، ، ، ،
بعد حكايه شهر وحاجه كدا يوم حسام اتصل لي ، للحظه كدا جاتني رععشه لما شفت اسمو لأنو لي قريب شهر وحاجه ، رديت بصوت وااطي
انا : ألوو ؟
حسام : حنين انزلي لي تحت
انا : شنوو ... تحت وين
حسام : انتي صح فالداخليه ؟
انا : أ أ .. اييوه
حسام : طيب انزلي لي تحت
انا : حسام انزل تحت لشنو وانت عاوز شنو
حسام : حنيييين انزززلي
انا سكتت مسافه وقلت ليهو : ط ط طيبب نازله
كنت لابسه لي بنطلون جنز وتيشيرت اسود وعامله شعري ضنب حصان ولابسه شبشب بيت شلت لي طرحه وجيت نازله لقيت واقف متكي على عربيتو ومدخل يدينو في جيوبو ، لما شافني مدى يدو لي وهو ساكت سلمت عليهو وركب العربيه
انا : حسام في شنو
حسام : اركبي
انا : حسام اركب وين ولشنو انت جنيت يعني
حسام : حنييين اررركبييي
انا : لا م حاركب لو سمحت يعني العاوزو قولو هنا ماف حاجه بتخليني اركب معاك
حسام سسكتت وغممض عيونو وقال لي : حنين اركبي معاي عاوز اقول ليك شي مابتقال هنا ... ماتخافي ماحيحصل شي انتي ماعاوزاهو
انا عاينت ليهو مسااافه
حسام : حنين لو عندي معزه عندك اركبي
مشيت ركبت وانا متردده ،
بعد ما ركبت سكتت مساافه بعدين قلت ليهو : عاوز شنو
حسام : حنين انتي بتكابري ليه ؟
عاينت ليهو وقلت : بكابر في شنو
ضرب الدركسون بيدو وقال لي : بتكابري وبتقولي انك مابتحبيني ليييه
انا اتخلعت من رده فعلو وحاولت اكون طبيعيه قدر الامكان وقلت ليهو دون ما اعاين ليهو : حسام انت بتتوهم بس ما اكتر ..... انا انا مابحبك
حسام : حنين عايني لي فعيوني دي وقوليها
انا : اقول شنو
حسام : مش قلتي مابتحبيني ... عاايني لي فعيوني دي وقوليها
انا سكتت سااي
حسام ضحك ضحكه استهتار كدا : لو بتتذكري اخر مره اتكلمو معاك ناس محمد وريان وديل وقالو ليك لي ما اعترفتي ليهو وكدا ..... حنين انا كنت قبل الكلام دا بتكلم مع محمد وهو نسى وخلى الخط فاتح وكلامك كلو سمعتو
انا عاينت ليهو ونططت عيوني
انا والتوتر بان فيني : حسام م ماف شي من السمعتو دا .... انا انا .. انا كنت كنت بكذب عليهم بس عشان عشان تاني ماسألوني من الموضوع بس بس الحقيقه انو ماف شي من الكلام دا
حسام واضح من وشو انو فاار شددييد شغل العربيه بسررعه وساق بسرررعه خيااليه ووصل كدا لشارع فااضي مافي زول وانا كنت بقول ليهو نزلني وبقيت ببكي بس هو في وشي ماعاين لي ، لما وصلنا الشارع داك ووصل اخرو وداس فراامل لما صووت الاحتكاك بتاع الارض والكفرات بقا واضح ، انا بس ختيت يديني في اضنيني ، بقيت بقول ليهو
: حسااام دا شنو البتعمل فيهو دا انت جنييييت جنيت انتت
حسام : مش قلتي مابتحبيني .. خلاص خليني اففش غلي في العربيه دي لانو ماشاء الله عليك ياحسام اللحبيتها شوكشتك وما اشتغلت بيك
انا : حساام كفاايه خلااصصصص
وطبعا رجطع وللف العربيه قوووي وتاااني مشا بسرعه ووصل اوول الشارع وعمل الحركه دي تااني ، انابقيت بتكلم معاهو وهو ماسامعني وخلااص راسي لففا
بعد مادق فرامل ووصل نهاية الشارع ( لاحظو دي المره الرابعه اليعمل الحركه دي )
انا انفعلت وقلت ليهو : حسام دي شنو حركات الشفع والمراهقين البتعمل فيها دي انت عاوز تموتنا ولا شنو يعني ، عاوز تصل من حركتك دي شنو يعني
وهو ولاااالشغله وماسك الدركسون بيد وحده ومتسند على الكرسي بكل ارتياح😤😢
وانا خلاص بقيت ببكي وماسكه راسي لانو بالجد دخخت عديل ، ،
انا بقيت ببكي وبقول ليهو : حسام خلاص الله يخليك وقف خلاص الله يرضى عليك كفايه كفايه انت حتودينا الاخره بحركاتك دي يا حسام خلاص 😭😭😭😭
حسام وقف بعد ما دق فراامل وقال : بكاك دا ولأول مره ياحنين ماحخليهو يهز فيني شعره ، اشوف اخرك وين الليله
وعمل حركتو دي تااني وتالت ورابع ، مع المره السادسه كدا انا كنت خلااص ماقادره اشوف قدامي
انا صرخت وقلت : خلااص خلااص كفاايه بحببك والله ببحبك كفايه كفايه خلاص الله الله يخليك ياحسام الله يخليك خلاص كفايه انا بحبك وربي بحبك بحبك والله بس بس انت وقف العربيه وقف
( طبعا الكلام دا بعد ماوقف ولف يوتيرن وعاوز يكمل )
رجع لي ورا واتنهد وغغمض عيوونو وقفل العربيه ، وانا بقيت ابكي من الخلعه ،
حسام : يعني لو ماعملت معاك كدا ماكان اعترفتي صح
انا ولا رديت ليه ولسسه ببكي
حسام : حنين خلاص ياقلبي بطلي بكا
انا : اسسسكت ولا كللمه ماتفتح خشمك معاي كفايه العملتو هسي دي حركات واحد في عمرك ياحسام ... دي شنو حركات الاطفال البتعمل فيها دي
حسام : خلاص ياحنين انا اسف
انا : اسف .. اسف حقتك دي حتعمل لي شنو انا ... نسي كان جات عربية ساي ماشه كان حصل شنو .... انا ذاتي نازله مابقعد لي مع واحد مختل
فتحت الباب وهو نزل قدامي جا بعندي انا لما قدرت اقوم هو كان خلاص وصل عندي قمت وبقيت ماشه وانا ماشايفه قدامي وماعارفه ذاتو حمشي وين ، مسكني من يدي وركبني في العربيه وركب وانا بس اتكلت على الشباك وغمضت عيوني ،
انا : حسام وديني الداخليه لو سمحت
حسام : انتي كويسه هسي ؟
انا : وديني بس
اتحرك وماكان رابط الحزام وبقا ماشي براحه
انا : اربط الحزام
حسسام : قربنا بعد دا ماليهو لازمه
انا : حسام اربط اللحزاام
عاينت لي وابتسم وربطو وكملنا ونحن ساكتين ، لما وصلنا وانا كنت عاوزه انزل قال لي
حسام : حنين ممكن دقايق
انا رجعت قفلت الباب واتسندت على الكرسي وقلت ليهو : نعم ؟!
حسام : حنين انا لما حبيتك حبيتك زي ما انتي .. حبيتك بكل تصرفاتك ... غيرتك .. تصرفاتك ... كلامك العفوي ... برائتك .... حبيتك زي ما انتي .... وحبيت عيوبك معاك .... ماف بشر فالدنيا دي كامل .. كل الناس عندهم عيوب مافي زول خلق بدون عيوب ... وانا ياحنين بااجد حبيتك مع عيوبك .. ولما صمعت كلامك اليوم داك عرفت انتي كنتي بتعملي كدا ليه لانو انا كنت عارف ١٠٠% انو انتي بتحبيني بس ماعارف انتي كذبتي علي ليه ... وعملت الحركه دي عشان اشوف نهايتك وين وحتكاببري لحدي متين لانو ماف زول كان حينأذي من الشي دا غيرك ... ولو انتي مفتكره انك كنتي حتحميني من انك توجعيني لبعدين فاعرفي انا في الفترة دي ممكن اقول اكتر زول كان موجوع فالدنيا دي بسبب كلامك معاي ... لدرجه انو حسيت انا بالجد فيني حاجه غلط خلتك تعملي معاي كدا ... ( واتنهد وقاال لي ) ... نففسي ياحنين تاني ما اسمع الكلام دا منك لانو مهما عملتي انا حفضل احبك وماححب غيرك مهما طال الزمن وماحتقدري نخليني انساك .... انا عارفك هسي زعلانه من العملتو بس اذا الشي دا حيأثر على علاقتنا انا بالجدد اسف
عاينت ليهو وقال لي : يلا تعالي اوصلك
نزلت وانا ساكته بقا ماشي جمبي لما طلعنا لفوق دق الجرس فتحت لينا ميمي
ميمي : حنين انتي كنتي وين ؟
انا اتكلت على يدها وهي طوالي مسكتني دخلتني جووه رقدتني في السرير وطلعت ، لما طلعت برا حسام حكى ليها الحصل ، جاتني لقتني قاعده فالسريع وماسكه راسي بيدي ، جات حضنتني بقووووه قرب تخنقني الهبله😥 ،
انا : يامتخلفه مالك ياخ راسي دا واجعني بالله زحي مني
ميمي : مبروووووكك
انا : مبروك فشنو ؟
مميمي : اخيرا رجعك ليك عقلك وبطلتي تكابري
انا : ميمي ؟ ... اطلعي لي برا بدون مطرود
ميمي : اصلا طالعه ياحبه بس جيت ابارك ليك يالمجنونه والله زي حسام مابتلقي ... المهم ابلعي حبوبك عشان ماتدوخي
وباستني في خدي وجات عاوزه تطلع قلت ليها
انا : ميمي انتظري
ميمي : اها
انا : اا ... حسام فات ؟؟
ميمي ضحككت كداا وقالت لي : يب حبيب القلب فات
انا : اطلعي اطلعي الله لا جاب باقيك
ررقدت كدداا وماجاني نووم ( طبعا الكلام دا لما اتصل لي حسام وركبت العربيه وكدا كان الساعه ٥ وهسي الساعه ٨ وبكره كان الجمعه يعني ماف جامعه )
طلعت من الغرفه لقيت اسيل وريان وربا وميمي عاملات ليهم قهوه وبيشربو ،
ريان : مرة اخووي بقيتي كيييف 😉😉
انا : 😒😒
اسيل : اخيرا رجع ليك عقلك 😏
انا : 😒😒
ربا : كويس العرفتي تتصرفي
انا : 😒😒
ميمي : بقيتي كيف هسي لسسه دايخه من لفة العربيه 😂😂؟
انا : 😒😒
اسيل : مالك بتحمرري كدا
انا : 😒😒
شويه كدا جا ابوبكر داخل ومعاهو محمد سلمو كدا لما جا ابوبكر يسلم على ريان قال
ابوبكر : حمااة اختي كييفك انشااالله تمممام
ريان : ههههههههه تمااام الحمد لله وانت كييف
جاني وسلم وقال لي : كيف بعد لففة العربيه 😂😉
انا : 😒😒
محمد : جنوو ياجنوو اصلك مابتمشي الا بالعين الحمرا صح😉😂😂😂
انا : حتبطلو تشغيله ولا كييف ؟
كللهم : ولا كيييف 😂😂😂😂
مشيت دخلت الغرفه لقيت الجوال بتصل وكان حسام مسكتي للتلفون فصل ، لقيت في اكتر من مكالمه وانا بشوف في السجلات اتصل تااني ، ثالث رنه كدا جتى رديت
حسام : الوو
انا : اهلا
حسام : كييفك هسي ، انشالله الدوخه خفت
انا : تمام الحمد لله
حسام : الحمد لله
وحصلت لحظه صممت كدا بعدين قال لي : مممم ريان معاككم صح ؟
انا : ايووه
حسام : تمام قولي ليها فالطريق انا جاي اسوقها
انا : اممم كوويس
حسام : يلا مع السلامه
انا : تمام
قبلت وراي لقيت اسيل فالباب
انا : بتعملي فشنو انتي ؟
اسيل : هههههههههه ..... نو ثينق بس كنتي بتتكلمي مع منو ( وبقت بترفع لي في حاجبها )
انا :😒😒😒 .... بتكلم مع حسام عندك مانع ؟!
اسيل : هههههه نووووو اببداا .... المهم يلا نرص العشاء
انا : والعامل عشاء منو
اسيل : جابو ابوبكر
انا : طيبب
طلعنا بره ونحن بنجهز فيهو بعد مارصيناهو جرس الباب دق وم كان محمد برا مشى يجيب مشروبات من السوبر ماركت فقلت دا هو ، مشيت فتحت الباب لقيتو حسام😂😥 ،
يتبع ......