#حنين
الجزء 26
: السلام عليكم
من الصوت المابغباني اتلفتنا انا وميمي وربا ومحمد وابوبكر والخلعه بانت في وجوهنا
،،
نشووف ليك حساام ورياان واقفين قدام الباب طبعا هم الاثنين زااتهم غلبهم الكلاام بقينا بس بنعاين كدا ما مستوعبين البحصل وخالتو منى وعمو محمد قامو يسلمو عليهم وديلك لما ماقادرين يسلمو من الخلعه اما نحن الاربع حيلنا برد ماقدرنا نقوم نسلم زاتو لما خالتو منى قالت لينا : اجي مالكم مبحلقين كدا قومو سلمو
محمد : نسلم على منو يا خالتو
خالتو منى : اجي يا ولدي ديل حسام وريان اولاد داليه صحبت ام حنين
هنا حسام وريان اتخلعو اكثر وانا بس بعاين
عمو محمد : شكلهم بيعرفو بعض يا منى ولا شنو ياولدي
ابوبكر قام وهو بيضحك لما حسام وريان قعدو يضحكو معاهو : غايتو الصددددف تححححكيي
حسام : ايي والله
وجا سلم عليهو بالكتف وقال : شفت الصدف جمعتك بيها كم مره ، لدرجه امك طلعت صحبة امها الانتيم ، حسام حنين كان مابقت ايك مابتبقى اغيرك
حسام ابتسم ليهو وسكت ، قامو ميمي وربا يسلمو اما ميرا قاعظه تتقرص فيني
وتقول : اللهم الثبات وااي دا جايبينو من وويين ، حنين ياكلبه بتعرفي الاشكال دي وماتقولي لي وااي وللد زي قطعه المارشملوو مبااالغه يا انتي اللهم الثبات اللهم الثبااات😢
انا : ها يا حيوانه اكلتي لحمي
انا قممت اسلم سلمت على ريان هي تضحك وانا اضحك جيت اسلم على حسام لما مسكت يدو اتذكرت لما حضني جاتني رععشه كدا هو زاتو بكون حسس بيها من يدي طووالي فكيت يدي منو
( بس ياجماعه بالجد حضن لحضن بيفرق يعني لما واحد يحضنك حضن شهووه ونزوه فرق من البحضنك من خووفو عليك ولهفتو وحبو ليك )
حسام عاين لي وقال : اسف
انا عاينت ليهو ونزلت راسي ومشيت منو ، كان كساااااااااااااااااار بالجد كسار ، لابس قميص اسود وبنطلون اسود والنضاره والساعه برضو اسوود ، ياخ الاسود يخلوو لييهوووو 😻♥، اما ريووونه ، لابسه فستان زي الستان كدا ، المهم حاجه رووعه ، قععدو شويبه يتونسو كدا طبعا كنت شايله لارين من شافت خالها نزلت مني وفاتت ليهو وهي بتنادي : حاالو حاالو تتخيلو 😢 ،
قام حسام قال ليها : حبيبه خااالو ياناس
المهم قعدو يتوونسو وحسام دا عينو مانزلها منني انا لما خجلت بالجد واتوترت ، شويه كدا ابوبكر قال لينا نمشي نقعد في الحديقه برره ، طلعنا نحن الشباب وخلينا ديل براهم ،
مشينا قعظنا في كراسي كدا في الحديقه
ابوبكر : والله يا حسام يا محاسن الصدف ياخ
حسام : اي والله
ريان : وانا من قبيل امي ماعطاني ماشه اعرفكم على بت صحبتي ماشه اعرفكم على بت صحبتي يحليلا ماعارفني بت صحبتها دي منفسنه كيف
انا مارديت ليها ولا جبت خبر
ميمي : من متين وانت بتسكتي غريبه
انا : مالك ياخ
ابوبكر : حبيبتي المززه
انا : بتكلمني ؟
ابوبكر : شايفه ليك مززه هنا غيرك ؟
انا : هه ظريف
محمد : مدام ماعندكم موضوع اخير نلعب صراحه وجرائه
كلهم وافقو وجابو ليهم قزازه وقعدو ، اول شي جات علي وعلى محمد ومحمد هو البسال
محمد : صراحه ولا جرائه ؟
انا : صراحه ، وشكلك ناوي تنتقم من المره الفاتت
محمد : امم ، بتحبي ؟
انا سكتت مسااغه وعاينت لحسام لقيتو بيعاين لي غمضت عيوني وقلت : لا
محمد : متاكده ؟
انا : يب
محمد : اوكككيه
انا لفيت طلعت على ريان وحسام والبتسال ريان
ريان : اممم صراحه ولا جرائه ؟؟
حسام : جرائه
ريان : شيل التلفون وافتح الفيس واتصور مع وحده من البنات القدامك ديل واكتب : زوجتي
كلهم اتخلعو منها
حسام : ببدل صراحه
ريان : كللب 😂😂 ، طيب ياحسكو ، قبل كدا بوست ( قبلت ) ليك بت ؟
حسام : والله انتي عايزه ليك كف يعوج وشك دا
ريان : جاوب 😊
طبعا خلعتنا اكثر واكثر
اما حسام : اي وكثييير كمان
لما هو قال كدا انا موويه باارده واتكشحت فيني بقيت بعاين ليهو بعدم تصديق وحصلت لحظه صممت قطعها حسام لما قال : انتي انا قبل كدا ما بستك ؟؟
ريان : كرييهه خوفتني
انا لما غمضت عيووني واتهدت براحه كدا ، فتحت عيوني وعاينت ليهو لقيتو بتبسم لي 😑
، محمد وحسام
حسام : اسال اسال متعود عليك
محمد : حبيت قبل كدا ؟؟
حسام : لا
محمد : وحاليا ؟
حسام : عندك فرصة سؤال واحد بس ولا شنو 😚
محمد : ود اللذين
لفو ثاني وجات على ميرا وابوبكر
ميرا : صراحه ولا جراءه ؟
ابوبكر : صراحه
ميرا : امممم ، اسيل بالنسبه ليك شنو ؟
( شوفو حتتى ميرا لاحظت 😅)
طبعا هي قبل كدا لاقتها معانا وشافت حركاتهم
ابوبكر عاين ليها وقال : صحبتي المتخلفه😂
ميرا : بس كدا ؟
ابوبكر : يس 😊
( كذاااااب وررربي كذذاب 😑 ، بحبببها ومكسسر فيها)
ميرا : اوووككي
لفينا ثاني طلع ميمي وانا وانا البسال
انا : صراحه ولا جرائه ؟؟ ، والبتختاري ماتغيري
ميمي : امم جرائه
انا : تعالو تعالو
مسكت تلفوني وفتحت الكاميرا ووقفت محمد وميرا ورفعت سيلفي انا قدامهم وهم وراي
انا : ابتسمو ياحلويين
محمد : انتي عاوزه شنو
انا : اصبر بس .. ابتسمو 😚
صورتهم ورسلت الصوره لميمي
انا : يلا الصوره دي رسليها لخالتو تمني ( ام ميمي ) وقولي ليها شوفي البويفريند حقي 😚 ،
محمد :😳😳
ميمي : 😳😳
وكللهم : 😳😳😳😳
انا : 😂😂😂😂 .. يلا يلا
ميمي : لالا مستحيييل طبعا
انا : براك اخترتي جرائه ، ماكنت ح اسالك سؤال قووي شديد بس براك عملتيها فنفسك
محمد : حنين عليك الله غيري
انا : هو انت الوحيد المفروض تكون فرحان لانو خالتو تمنى ما حتزعل هسي شوفوها حتقول شنو 😂.. وانتي يلا سريع ماتتصدمي فيني
ريان : خطيره يانونه
انا : افوو دا كلامك معاك بت حاتم الشافعي
ميمي : حنين
انا : وللا كلمه
انا جيت قعدت جمبها رسلتها وكتبت ليها الكلام .. وهي بتتشهد 😂😂 ، خطفت منها التلفون وقلت
: يلا نكمل .. وفونك دا حيقعد معاي يابيبي
ميمي : والله الليله يحصل شي مابخليك
شويه كدا بعد كم دور تلفون ميمي رن رنة الرساله ديك .. طبعا كلهم بعاينو لي 😂😂 .. جات ميمي عايزه تشيلو مني طلعت الكعب وقعدت وجريت منها 😂 .. فتحتها وقلت : اليييله كتتتتمتتت
ميمي : سجمي يامحمد الليله امي بتضبحني
انا فتحت الرسالتلقيتها كاتبه :-
: تتهنو يابيبي 😚😚 ( ادعو يكون عندكم ام زي دي بالله 😍😍)
: انتي مش دا من قرايب نونه ؟
انا طبعا مثلت انو امها ردحت ليها وكده عشان تخاف ، وجات عايزه تشيل التلفون بقيت بجرري وانا حفياانه وهي ورااي لما الساعه العفصت لي قزازه قطططعت قللبي 😢😢😢 ، بس الساعه الصرخت صررخه جو كلهم جارين وميمي بقت ترفع فيني ورجلي دي نززفت بقووه القزازه كانت كبيره وغارزه في الرجل 💔💔 ، طبعا الكبار ديل ما جو لانو اساسا ماسمعو من كبر الحديقه وهم لجووه ، بس قعدت في الارض وقعدت ابكي ، طبعا حسام جا وقعد معاي في الارض ورفع رجلي فوق رجلينو ، طبعا منظر القزازه جووه رجلي فظييع وانا كنت بصرخ وببكي باعلى حسي وطبعا هو زاتو بقى ماعارف يعمل شنو وديلك كلهم تنشنو واتوترو وبس بقو قاعدين جمبي في الارض ،،
حسام : حنين اصبري واهدي هسي بطلعها ليك بس انتي اصبري
انا : ﻻﻻﻻﻻ ماتهبشها واجعاني شديد ماتهبشها ياحسام الله يخليك
ربا : حبيبتي اصبري بس هي نغزه بسيطه وبيفكها
انا : ﻻﻻ ( وببكي لما ماقادره اتكلم )
حسام جا لمسها لي بس صرخت باعلى حسي 😢
حسام : خلاص خلاص
انا : قلت ليك ماتهبشها خلاص قوم خليني
وحاولت اقوم نهرني وقال : حنين .. خلاص اهدي قلنا ليك ، انا ح أاذيك ولا بيهون علي اأذيك فاهمه ياقلبي ؟.. ( وخت يدينو في وشي ).. ماتخافي انا معاك تمام بس انتي خلي قلبك قوي يا عمري
انا بش بقيت ببكي وبعين ليهو ، يغني انا والله الله بحبني بالجد لما خلا حسام يحبني .. عوضني عن حبي لعلي بالف مره .. بالجد شعور حلو انو تلقى زول بحبك وبخاف وبغير عليك قدر دا ..♥♥
قام خلاني اوقف ووقف هو قدامي وكان قريب مني لدرجه 🙈 ، وقال لمحمد : حاول عليك الله .. الساعه المحمد رفع لي رجلي انا قبلت عليهو
وقلت : هيهي عايز شنو انت فك رجلي دي يامحمد حسام عليك الله كلمو خليهو يفكني
حسام قببل وشي عليهو وقال : اصبري يا عمري الله يرضى عليك شويه بس وتاني ماحتحسي بشي تمام ياقلبي ؟
انا كنت بهز ليهو في راسي بالنفي وببكي 😢😢🙈
هو عاين لي وقال : ماحيحصل شي بس اصبري ..
وحضني ودفن راسي في صدروو🙈( سجلو عندكم دا الحضن رقم اثنين😤🙅)
تاني محمد مسك رجلي انا صرخت بس طبعا صرختي ماكانت مسموعه بسبب حسام ، قام حضنيي بقوووووه لدرجه حسيت نفسي للحظه انكتمت ، سمعت محمد بقول : بسم الله
انا لما قال كدا بس اتصبرت وحضنت حسام دا قووي ، بعدين حسيت بالم الله لا يوريكم 😢😧 ، ماصرخت بس بس مسكت في حسام دا لما قميصو اتكرفس ،( طبعا ميمي وريان وربا وميرا من م محمد قال بسم الله مشو خلوني 💔)
ياجماعه القزازه الكان داخل في رجلي اكبر من الكان برا 😢 ، وطبعا نززلت دمم مبااالغه محمد دا هدومو لمن اتملت وانا مع نزلت الدم دا دخخت وفكيت حسام وقربت اقع بس حسام مسكني ، طبعا راسي لففا شدييد
المهم ابوبكر قال ليهو : شيلوها ختوها فااكرسي داك وانا بمشي بجيب ضمادات وشاش ومعقم وبجي
وانا لسسه دايخه يعني على انو عندي فقر دم هسي تقريبا نقصت ثلاث ارباع دمي 😥 ، غايتو الحمد لله
حسام شالني وهو ماشي بي قاعد يقول : اصلن عشان انتي شافعه هسي في زول بتجارا زي جريك دا وبعدين ماشه حفيانه مالك
اناصريت ليهو وشي وقلت : اولا انا ماشافعه ثانيا عايزني اجري بكعب ؟
حسام ختاني فكرسي وقال : راسك لافي صح
انا : شديد
حسام : عشان نقصتي دم .. ميرا
ميرا : هلا
حسام : ممكن لو ما اتعبك تجيبي ليها عصير ومويه
انا : لالا ماعايزه
ميرا : طيب
حسام : شكرا ياقلب
ميرا : يسلم ليك قلبك ( وعاينت لي وعاينت ليهو )
حسام اكتفى بضحكه كسرتني ودشدشتني☺😻
مشت جابت العصير وحسام كان قاعد جمبي شالو اداني ليهو انا يدي بترجف ماقادره امسكو ، عاين لي كدا
وقال : خليهو
شالو شربني ليهو وانا بس بعاين ليهو بعاين للراجل الخشن وعصبي من بره بس من جووه فيهو حنية العالم دي كللها 😍😍
بعد ماخلص ابوبكر كان جا وجو معاهو الجماعه الجووه ديلك ،
خالتو منى : مالك يابتي في شنو
ابوبكر : ماما ماتخافي هي هسي كويسه
انا : ماتخافو انجرحت بقزازه وبس جرح بسيط
حسام حمر لي ورفع رجلي وراها ليهم وقال : جرح بسيط 😒😒
خالتو دانيه : سجمي دا شنو دا
حسام مسك العلبه حقت المطهر وشال قطنه كب فيها شوية واول ما ختاها انا صرخخت كدا براحه ( فهمتو كيف ) ،
حسام : اصبري
وبقى بيعمل فيها وانا ماسكه يد ابوبكر وضاغطه غليها وهو بيعدي فيني ، تاني خت لي فيها قطن وربطها
بشاش وقال : خلاص خلصنا ، يلا خلونا ندخل جووه عشان هي تقعد
ربا : خلاص يلا ذاتو بعد دا العشاء ندخل جووه احسن
سندني حسام وكان محاوط وحده من يدينو ورا ضهري وخاتيها بخصري ويدو الثانيه ماسك بيها يدي
طبعا المسكه مستفززه بس ماعرفت اقول ليهو شنو
دخلنيحووه وقعدني بكرسي وجاب زي تربيزه وااطيه كدا وخت فيها مسند ورفع رجلي فوقها
حسام : بعد دا بطلي هبل واقعدي هنا وماتتحركي تمام ؟
انا : اوك
مشو ديل يجهزو العشاء بقيت قاعده انا وخالتو داليه وعمو محمد وعمو محمد 😂😂 واتي محمد وابوبكر وحسام ، المهم قعدت اتونس مع خالتو داليه وقصصهم هي وامي فالجامعه وكدا ، وحسام عينوو مانزلها مني وكان مررركز معاي شديد لما اتوترت ، تاني جو نادونا عشان نمشي لغرفة الاكل جات ميرا سندتني ، حسام كان ماشو ورانا
وبيقول ليها : على مهلك على مهلك
ميرا ابتسمت وقالت : ماتخاف عليها
مشو هم قعدو طبعا الرجال في تربيزه والنسوان في تربيزه ،، المههم اتعششو واخدو قعدتهم ،، بعدين لما جو ماشين
حسام قال لي : خلي بالك من نفسك وحاولي ماتتعبي رجلك اوتضغطي عليها وماتفكي الشاش عشان مايلتهب الجرح كويس يا غلاي ؟
انا كنت منظله راسي لما قال يا غلاي دي رفعت راسي وعاينت ليهو وقلت : حسام انت ليه .....
ابوهو ناداهو قال ليهو يلا
طلع وقال لي : بتصل عليك بعدين تمام
انا : تمام
بعد طلعو كداا بشويه طلعنا نحنا ووراهم طبعا خالتو منى قالت الا نقعد معاها بالذات انا عشان رجلي بس
تاني اقتنعت ووصلنا ابوبكر للداخليه ، لما وصلنا ميمي وهي بتسرح في شعرها كانت قاعده معاي ،
ميمي : تقولي لي مابحبك
انا : شنو ؟
ميمي : قلت ليك تقولي لي مابحبك وبنتوهمن ، يابت الولد نظراتو ليك تصرفاتو خوفو حتى كلامو معاك غيير انتي بس بتتهربي من واقعك ما اكثر
انا سكتت سااي كنت ماسكه تلفوني
ميمي : غايتو بتضيعيهو من يدك م اكتر ولا اقل
وطلعت خلتني بفكر فكلامها .، المهم رقدت نمت والاسبوع دا مر عادي ومافيهو اي شي لما جا يوم الجمعه ، يوووم نتيجة الفحص 😑
مشينا انا وميمي وربا واسيل ببعربية اسيل وحسام جاب معاهو ريان وابوبكر ومحمد جو مع بعض ، ولاقانا رامي هناك ، كللهم كانو متجرسين وخايفين الا انا كنت متمسكه وماخايفه نهاائي اما حسام دا ، التقول المرض فيهو هو مافيني ، رامي قال لينا النتيجه بعد نص ساعه انتظروني هنا
( طبعا انا الايام الفاتت دي كللها راسي كان بيتتكسر فيها عديل كدا لما بيلف ، بس كانو مديني مهدئات كل ما اتعب بشيل منو ، مرات فاليوم بشيل منو اكثر من 3 حبات )
انتظرنا كدا بعد شويه طلعت نتيجة الفحص طلعتها لينا الممرضه مسكها حسام فتح الورقه وقراها و ...
يتبع ....