#حنين
الجزء 20
اصبحنا واصبح الملك لله 💕
صحيت من النوم تعبانه وقرفانه وزهجانه مو يوم امس 😤😥 ، اول حاجه سويتها وان زاتي ماعارفه سويتها على اي اساس وليه ، اتصلت على حسام مارد ، قلت بيكون نايم لانو الساعه كانت 8 واليوم سبت ، زي الساعه 9 كدا رجع اتصل بي
من ما رديت قال لي : بقيتي كيف ؟
انا : لو ملاحظ الحصل لي ما اسوأ من الحصل ليك ؟
حسام : انا كويس الحمد لله
انا : الحمد لله
وحصلت لحظة صممت عجييبه كدا وغريبه ، وقطع الصمت دا حسام وهو بيقول لي : اوك يلا مع السلامه ، وراجعي الذاكرناهو امس كويس واتذكري كلامي القلتو ليك كويس
انا بكيت لا شعوريا ماعارفه مالي والله😢😂 ، قلت ليهو : تمام وشكرا ليك
وانا طبعا صوتي لما ابكي بيتغير دشلوميه درجة😂😂
حسام : مالك بتبكي في حاجه واجعاك
انا : لالا ابدا ماقاعده ابكي يلا سلام وخلي بالك من نفسك وانا كلمت ريان انها تغير ليك الشاش كل 8 ساعات بس ذكرها عشان ماتنسى
وطق قفلت المكالمه😂😂😧
تاني اليوم دا مر زيو وزي اي يوم عادي من قراية واستعداد ويوم الاحد الحمد لله امتحنت كويس واحسن من كويس كمان💕💕 ، وجا يوم الاثنين ، من الصباح في قروب الجامعه قاعدين يتكلمو من كثرة الرسايل جوالي بدا يتشهد😂 ، قالو عاملين ليهم حفلة موسيقيه بمناسبة انتهاء السمستر الاول ، شوفتو عليكم الله فارغين قدر شنو😣😑 ، وزولكم ابوكر مسستلمم الموضوع وقالو ماحيجيبو فرقه وحتى كورال الجامعه ماجايبنو ، اجي يا اخواني ! ، حفله بدون فنان ولا كورال كيف ، طبعا دا سؤالي ليهم في قروب دفعتنا ،، ،
رد لي واحد من الطلاب : حنوونه يا 😂😂
انا : نعم بتضحك مالك كمان
واحد تاني : نحن عندنا اصوات رائعه يا حنونه مامحتاجين لي كورال او فنان
وحده من البنات : سنايرنا كللهم بعرفو يغنو واصواتهم روعه وحتى البرالمه كمان😍😍
محمد : حنوونه يا انتي عندك غنية بالمناسبه وترتيبها الخامسه
انا طبعا اتصدمته من الثقه الفي الولد دا ، ياخ هو لدرجه اختار الاغنيه وترتيبها كمان ، وماحاول يسألني حتى ، شوفتو جنس دا قبل كدا ؟😧😧
( طبعا ان من صغيره وان بغني وصوتي حلو شديد كمان هي موهبة بس يعني وماطلعتها لزول قبل كدا الا القراب ديل ( ميمي ، محمد ، ربا ، ابوبكر ) وهم زاتهم بيعرفو وكلو واحد صوتو احلى من الثاني )
طبعا كللهم بقو يقولو حنين بتعرفي تغني وماعارفه شنو والمنصدمين والما مصدقين والماعارفاهم مالهم😂 ،
انا قلت ليهم : بس يامحمد القال ليك منو انا موافقه ؟
محمد : ولاعلى كيفك ووكمان عندك غنية معاي ياقلب
انا : اجي اجي ؟
طبعا حلفته كان اغني ليهم عشان ثقة الحيوان دا لاكن ديل جو وعليك الله وعشانا ومره وحده فلأخير وافقت والله اعمل شنو ما دفعه كامله ضاغطه علي 😥 ،، المهم الجماعه ديل بقو يخططو وانا بس بقرا في رسايلهم حلفت كان اقول كلمه ( طبعا الحفله دي اساسا عاملنها برالمة اولى وتانيه بس معاهم حيغنو من السناير برضو فعملو ليهم قروب جديد دخلو فيهو دفعتين اولى وثانيه ومعاهم شوية ناس من 3 و 4 و 5 و 6 ، ومن الناس الدخلوهم ديل كانو : ربا ، محمد ) المهم بقو بيتكلمو وبيتكلمو وكل زول اختار اغنيتين على الاقل 😂😂 ، انا قلت ليهم في الاخير اغنيتين مابزييدههن ، قبل ما اقول الاغنيتين شنو هم قعدو ينقنقو ،
انا : ياجماعه اصبرو لي عشان اوريكم هم شنو اول
فارس : اها ياهانم
انا : سائلين عليك كل العباد الجونا منك والمشو 😍😍😍😍😍😍😍 ، اها رايكم
محمد : لا ( طبعا سبب رفض محمد للاغنية دي حتعرفوهو لي قدام 💕💕)
انا : لي لي لا ؟!!
ابوبكر : اي لي لا مالها وحنين بتظبطها كمان ؟!!
محمد : حنين تعالي فالخاص
وخل الكل في حيرة من امرو 😕
في الخاص :-
انا ؛ مالك انت الحاصل شنو
محمد ؛ اسمعيني هنا الغنية دي اكسري حنكها وانتهى الموضوع
انا ؛ محمد ؟!!
محمد ؛ عمري ماغصبتك على شي ولا ح اغصبك على شي بس خلي فبالك انتي بغنيتك دي حتأزي شخص بكره وحتندمي بعدين
انا طبعا كلامو بقى لي هظار هظار وما اديتو وش 💔
وطبعا الغنيه الثانيه كانت هندية هااادية شدييد اسمها (Hahse bang ye) بعدين رجعنا هناك فالقروب 😂😍 ، وعملو ليهم قرابة الخمسه اغاني مشتركه ، منهم ديسباسيتو ومنهم don't you need somebody واغاني سودانيه ، غايتو ماقصرو نوهااائي ، وجا اليوم الموعود 😥 ، والكل كان متجهز وبيعمل بروفات وقامو مشو الجامعه مع اذان الصبح الاول ( فارغين خلاص ) طبعا عملوها في قاعه المؤتمرات والاجتماعات ، والحفله كانت بتجمع ناس طب بس 😍😍 ، وقاشرين قشره التقول في عرس ، انا غايتو لبست لي بنطلون ابيض سكيني ( طبعا ح تسألوني وين الاداره ولابسه بنطلون كيف ، اليوم دا مشررف وااحد سااي جاي بالغلط ماف 😂 ) ، ولابسة تيشيرت بدون اكمام لونو ابيض وجكت طويل شيفون مبطن بالحلاوي معهاو حزام ( ومفتوح من قدام ) ، وطرحة ؟ 😂😂😂😂 ، ماف طرحه ☺💔 ، طبعا ابوبكر قال لي ترجعي بيتكم وهدومك ديل فالفرن😂 ، وفكيت شعري وعملتو ويفي 😍 ، وشبط ابيض ومكياج روج حلاوي وايلاينر وانتهى الموضوع😍، غايتو ماعرفت نفسي ماقايله روحي مزه قدر دا😱😂 ، المهم اتوكلته ، طبعا جيتهم للساعه 8 دخلت مع اول ايقاع 😂😂 ، مالي ومال الهم عشان اجي من الاذان الاول للصبح 😂😤 ، المهم لما وصلت ياهم لقيتهم كلهم في والبشاغل والبصفر والماعارفاهو بعمل فشنو ( طبعا جايه براي 😂) ، المهم جيت داخله ابوبكر بحمر لي 😂 ( طبعا عشان اللبس )
انا : عاين لي عشره عشره
محمد : والله ياحنونه وريتينا
ريان : مزززتي
انا : لاكن ياريان مزتك دي ماطلعت احلى منك نوهاائي ( كانت لابسة ليها فستان شيفون احمر سندريلا وطرحة شال بيج بي احمر ومحجباها موبااالغه بس 😍😍)
فارس : اللهم الثباات اللهم الثبات 😂😂
انا : على منو ؟
ولفيت ورا
طبعا فارس كان بقلد في كلام بنات والزول البتكلمو عنو كان حسام 😤😂😂 ،،
بس صحي اللهم الثبات 😍😍
كان لابس قميص حرجلي وبنطلون ابيض وساعه بيضاء وشبشب 😍 ، وكان مغير حلاقتو حاجه كدا عجييبه ، المهم البنات يترقدن ساااي 😤 ، الغايظني شنو انا زاتي ماعارفاهو 💔 ، وبدت الرربه 😍
اول شي بدو بي اغنية Despacito😍 ، طبعا شلتي كللها الا انا وريان وحسام بس 😂 ، ومعاهم ثاني ولدين وبت كدا اسمها حلا البت دي اسم على مسمى بس وحده بتاعت فرفشه وهجيج 😍😂 ، وبدو يغنو 😍
Ay
Fonsi
DY
Oh
Oh no, oh no
Oh yeah
Diridiri, dirididi Daddy
Go
Sí, sabes que ya llevo un rato mirándote
Tengo que bailar contigo hoy (DY)
Vi que tu mirada ya estaba llamándome
Muéstrame el camino que yo voy (Oh)
Tú, tú eres el imán y yo soy el metal
Me voy acercando y voy armando el plan
Solo con pensarlo se acelera el pulso (Oh yeah)
Ya, ya me está gustando más de lo normal
Todos mis sentidos van pidiendo más
Esto hay que tomarlo sin ningún apuro
Despacito
Quiero respirar tu cuello despacito
Deja que te diga cosas al oído
Para que te acuerdes si no estás conmigo
Despacito
Quiero desnudarte a besos despacito
Firmo en las paredes de tu laberinto
Y hacer de tu cuerpo todo un manuscrito (sube, sube, sube)
(Sube, sube)
،،
،،
طبعا انا في النهاية حلقي حكاني عديييل كدا طوااالي شللت المايك وبديت اغني معاهم 😍😍
،،
تاني بعدها عشان يربووها ويقومو الناس فجأة وبدون مقدمات في اخر كلمتين وقفو الغنية 😣 ، ونزلو كلهم من المسرح وانا عامله زي الاطرش في الزفه 😥 ، المهم نزلت معاهم شوية كدا بدا لحن اغنية ( وقع النظر ) وطلعو فارس ومعاهو ولد تاني و ،،
ماجيتي مره عليك وقع النظر
قلوبنا دي في خطر
ياجمالك ، يادلالك
جننتي البشر
دا بغني دا كتب شعر
دا حلانكي دا مفتول العضل
ياجميله دي متعتي البشر
كدي قللي من السحر
ملاك لابس بشر
في فريقنا تقول وقع القمر
اتواضع نزل
( المهم ياجماعه انشالله تكونو بتعرفوها عشان كلماتها صعبه شديد ومابتتكتب 😤 )
بعدها نزلو كلهم ويا الجزيره مدني اشتغلي 😂😂 ، بس قولو لي الما رقص منو 😂 ، وانا حتيييتو قررض 😂 ، ياجماعه مالي شهوور ماحضرت عرس معقوله بس ، وطبعا طلعو كلهم رقاصين مبالغه عديل كدا ريان واسيل واساسا ميمي ماعندها مشكله وفارس ومؤيد يخلو ليهم الرقيص 😍😍 ، شوية كدا وقفو والناس استكانت شويه ، طبعا ماقلت ليكم حسام انا ماعرفتو 😂😍 ، رقااص لدررجه وحتاهو معاي ومن كتر ما البنات بعاينو لي للحظه حسيتهم حياكلوني 😂😥 ، المهم قعدنا لينا في تربيزه كدا انا وميمي وابوبكر وريان واسيل ومحمد وفارس وربا ومؤيد وحسام ، المهم بعد شوية كدا والناس هدت طلع ولد كده اسمو فراس ظريييف ، طلع ومسك المايك وقال : طبعا ياجماعه انتو عارفين نحنا في كليتنا دي عندنا مواهب جميله شديد واصوات حلوه ، بالذات في سنة اولى دي ولانهم برالمه وماف زول عارفهم حبينا نعمل الحفله دي عشانهم اولا وثانيا عشان نطلع من جو الامتحانات دا ، وانتظروهم مع الاغاني والاصوات الرائعه ،،، غنى اوول زوول الشليق محمد 😂 ، التقول الحفله ما للبرالمه ، قال ليهم الحفله تتفتح بسناير 😑 ، وطنننننن بدا اللحن طبعا حلللف حليفه كان يقول عايز يغني شنو قال مفاجئه بس من بداية اللحن انا عرفتها بقيت اقوول ليهو : مكشووووفه مكشووفه
عاين لي وضحك وو ،،
راح النهاار وانا في رجااك ..
غربه وهواجس وانتظار ..
ماجابك الشووق بالدرب ..
ولا جاني طيفك باعتذار ...
ماكان تخلي الريد ..
يعلم صبري فيك الانكسار ...
او ينهزم لحظة غيابك ..
بالمخاوف والهواجيس الكتار ...
طبعا الناس اندمجو معاهو شديييد وهو صوتو زااتو بس اللهم الثبات علقولتو 😂😍😍
بعدين فجأة كدا وبدون مقدمات دخل معاهو ابوبكر ،،
ياغاليه يا ماعارفه الصبر ...
كيفن بعذب وجمرو حار ..
لي زول بشوف اللقيا جنه ..
وواقعو نار ...
الناس من سمعو صوتو الصواريخ والصفير والصفيق مايدوك الدرب 😂😍 ،،
بعد ماخلصو صصفففيق عجييب ، بعدين كان في بت من ورانا هي
يتبع ...