#حنين
الجزء 15
وصلنا المطار ( انا وميمي ) وكان معاي ابوي وهي ابوها وبعد ما وزنو الشنط وكدا الساعه القالو النداء الاول انا وميمي فتحنا بيت البكا 😂😂 ، غايتو بكينا لما بقت بي شهقات كمان 😂 ، المهم بعدين ودعناهم وكدا ومشينا على صالة المغادرة ، هناك مااخلينا مححل مالفينا فيهو 😂 ، يحدي لم خلاص فتحو الباب مشينا ركبنا وفي الطيارة ياهو من روايات لي افلام ونوم واكل وشوية ونسات 😥😥 ، المهم لما جينا للهبوط ميمي تعبت شوية ( هي طوااالي في الهبوط بتجيها زي دوخه وكدا ) ونحن نازلين انا لما مسكتها من يدها 😟 ، لما وصلنا صالة الوصول استقبلونا ابوبكر ومحمد😍 ، طبعا ماشاء الله كلل واحد يقول الحلا عندي انا 😍 ، ابوبكر كان لابس بنطلون ابيض وقميص حرجلي كم نص اما محمد😍 ، كان لابس اسود في اسود 😍♥ ، وامووت انا في ناس الاسوود يااخ 😍♥♥ ، لابس قميص كم طويل لونو اسود وبنطلون اسوود وجزمة لونها اسوود زي الماشي لي عرس او حاجه 😍😍 ، وسبحان الله كان مطقم مع ميمي هي كانت لابسه عباية بيجية ومن جوة بنطلون اسود وبلوزة سوداء 😂😍♥ ، اما انا كنت لابسه عباية سوداء وبنطلون اسود وبلوزة كبدية ، المهم ميمي كانت مدرررووشه وماعارفه هي هسي وين اساسا انا كنت ماسكاها وماسكه شنطتي وماسكه كيس كمان 😑 ، من ماشفت ابوبكر رفعت ليهو يدي لما جا شال الكيس وكدا بعد السلام هو والدرة ،،
ابوبكر: حمد لله على السلامه ،
انا : الله يسلمك
ابوبكر : انشالله خير مالها ميمي
انا : انت عارف مشكلتها مع هبوط الطيارة دي والليله هي زاتها كان عندها وجع راس ، بس اسمعوني هسي ، واحد فيكم يمشي يشوف موضوع الشنط دا والتاني يقعد معاي ، البت دي كان وقعت انا اقول يا منو ؟!
ابوبكر :خلاص اسمعيني انا بمش للشنط وانت يا محمد خليك معاهم
محمد : خلاص اوك
ابوبكر فاات ونحن لسووء حظنا جينا في يووم الرطوبة التقول ميناء بورتسودان 😤😤 ، وانا وميمي عندنا ربو ( أزمة ) ، (طبعا دا واحد من امراضي كمان 😧) المهم قعدت ميمي في كرسي شوية كدا وبدوون مقدمات البت دي كتتتتمت وبقت نففس ماقادرة تشيلهو 😨 ، انا طبعا بقيت ماعارفه اعمل شنو نسيت البخاخ نهااائي ، ومحمد دا اتووتر وبقى ماعارف يعمل شنو لما انا قلت ليهو الباخ يا محمد البخاخ ، بقى يفتش ليهو بي هستيريه ولما لقاهو وعاين لي ميرا لقاها خلاااص على وشك الاغماء وعيونها بتغمض دخلو بسرعه في خشمها ورشاهو رشتين والثالثه بعد كم ثانية كدا 😢 ،
محمد : ميمي ، ميمي يابت سامعاني ؟؟
ميمي : ا ا اييو ايووة سامعاك
محمد : اتماسكي شوية ، حاسه بشنو انتي ؟
ميمي : راسي لاافي
ابوبكر جا ومعاهو الشنط ، طبعا اتأخر عشان ماشالله كل وحده فينا شايله ليها قرابة ٦ شنط 😂 ، المهم لما جا
قال : انشالله خير مالكم عاملين كدا
(طبعا انا كنت بررجف لأنو البت كانت حتموت عديل كدا ومحمد كان قاعد في الارض قدام ميمي وميمي كانت معرررقه شدددييد لما شعرها دا سايح في وشها😧 )
انا : ميمي كتمت 😨😨
ابوبكر : عاينو بعد دا نمشي انا ماشي اودي الشنط واجهز العربية بعدين بديكم رنة تجو طالعين تمام ؟
محمد : تمام
شوية كدا ميمي رقدت في كتفي طبعا انا لما جاتني رعشه قايلاها اغمى عليها ولا شي وبقيت بناديها وبضرب فيها في وشها 😂
ميمي : يابت انا كويسه ماف شي ماتكفتيني
انا : هالكريهه دي😂
محمد كان بيعاين سااي ويتبوسم 😂
بعدين اتصل علينا ابوبكر وجينا طالعين البنت ماقادرة توقف على رجلينها وانا ليي روحي فترانه وكنت حاسه روحي ح أكتم ، دا حالتو نحن لسسه في الصالة لو طلعنا برة بيحصل شنو ، المهم تكلت ميمي من جهة ومحمد من جهة ، هوزاتو اتشلهت معانا شايل الشنطة حقتي وحقتها وكم كيس كدا 😥 ، الساعه بس الطلعنا من الصالة نفففس مااف والناس كثيييييرة شديد التقول ما صالة vip طبعا كان محمد ماسك البخاخ في يدو علبال ما نصل العربية رش لي ميمي ثلاثة مرات (طبعا ثلاثة مرات مش الرشه الرشة في المرة بتكون مرتين او ثلاثة يعني احسبوها) وصلنا العربية وركبنا كداا انا اتضايقت شدييد مع انو العربية التكييف مفتوح فيها بس كتتمت فيني 😧 ، شلت البخاخ من يد محمد ورشيت 😥😥 ،
ابوبكر : غايتو انتو مصيبتكم مصيبة 😂😥
محمد كان ركب قدام وانا وميمي ورا ، خليتها ترقد وختيت ليها راسها في رجولي ، لما وصلنا نص الطريق كدا ( بيتهم بعيييييد من المطار ) ميمي بقت بترجف سااي هبشتها لقيتها محمومه ( طبعا الواحد اذا اتضايق شديد من الازمة بتجيهو الاعراض دي لفة راس وحمى وبرد )
انا : ميمي انتي كويسه يا ماما ؟؟
ميمي : بردانه بس
ابوبكر : جاتها حمى ؟
انا : اي
محمد الخوف كان ظااهر عليهو 😍♥ ، قام طلع ليهو جكت بدلة بيج كان في الكرسي واداني ليهو
انا : دا شنو
محمد : غطيها بيهو
انا ابتسمت كدا وشلتو وغطيتها وخففضو التكييف شوية حتآ هي استكانت ، في نفسي قلت سبحان الله ميمي بنطلون وبلوزة سود وعباية بيجية ومحمد قميص وبنطلون سود وجكت بدلة بيج 😍😍♥ 《توارد افكار》 ..
وسألت محمد انت تعال ، مالك لابس كدا كنت ماشي محل ولا شنو ؟؟
محمد : اي ولله كنت ماشي خطوبة صحبي
انا : ماتمشي بعد دا عندك شنو ؟؟
محمد :ياخ ولله ماعارف لسه لاكن كان مشي سايق معاي ابوبكر
انا : اي سووقو وامشو هسي
محمد : مش بعد مانمش المستشفى ؟
انا : بسم الله مستشفى شنو ولي منو ؟
محمد : انتي ناسية المرقداها في رجولك دي ؟؟
انا : لالا انت ما جادي ! ميمي طوااالي مع الربو بيحصل ليها كدا ماحاجه جديده كلها مخفض حرارة على كمادات وتاكل وتاني ماعندها شي
محمد : ولله انتي بتباللغي
ابوبكر : لالا انت البتبالغ 😂 ، مامحتاج اساسا دي من اعراض الازمه ساي ، هسي شوفها نامت ولما تمش البيت حرارتها بتنخفض وعلفكرة ميمي مابتحب المستشفيات وجوها وحاتشمك كان وديتها وما حتنزل 😂
محمد : علكيفكم ( وهو عايز يطق نظام حرد وكدا 😂 )
انا وابوبكر قععدنا نننضحك
انا : بكووري👼 ؟
ابوبكر : بكووري دي نهاائي مامنها خيير مالك ؟
انا : جعاانه 👼
محمد : ههههههههه ، شوفي على يمينك 😂😂
ابوبكر : ماتشبكها لي يااخ
انا التفت كان القى ليك اووزون 😍😍
انا : اوووزوووون 😍❤
بالصرخه صحيت ميمي
ميمي : ياهبله يا حيوانه بتصرخي مالك يووخ
ابوبكر : حنين😠
محمد : متخلفه صحيتي البت
انا بعد ما هرشوني : متخلف انت مالك مالها مرتك ولا حبيبة قلبك 😢 ، ومش اوزون دا زااتو مادايراهو انشالله اموت جوع عشان انتو ترتاحو مني زاتو 😢 ( اتخيلو بديت ابكي😂 ، طبعا دي كلها خخطه عشان يراضوني الكلاب الثلاثه ديل )
ابوبكر وقف العربية وخت يدو جمب قزاز العربية وكفو في راسو ( فاهمين كيف 😂 ) اما محمد قببل لي وبقا بيعاين لي مسااااافه كدا اما ميمي قامت وصحصحت شوية (طبعا كان اديتها بندول ومخفض حرارة ) شالت شربة موية وختت يدها في خدها وبقت تعاين لي 😂😂😂😂😂
انا : ماتعاينو لي كدا انتو الجوز وانت شغل الزفت دي وديني بيت خالتي سريع والا قسما انزل فنص الشارع دا واخلي عربية تضربني عشان ترتاحو
محمد : جابت ليها انتحار عشان مطعم 😑
انا : حرك الززفت دي سووورعه
ابوبكر : انا يا الله عملت شنو عشان تجيني المصيبه دي فحياتي يالله عملت شنو انا
وحرك وعمل يوتيرن ووقف عند اوزون 😍 ، انا ولاااا كذذبت طواالي نززلت طلبت ووقفت هناك
جاني ابوبكر وقال : بتبالغي ولله
انا : 😁😁
شويه كدا جونا ميمي ومحمد ، محمد كان لبس الجكت حقو (تطقيم زي التطقيم 😍♥💛)
وكان شفتووهم حلووووووووووووييين مع بععض حلا كدا مباالغه 😣😍♥💛 ، وهم داخلين انا قلت لي ابوبكر : حلوين حلوين حلوين حلوين ياخ الله يجمعهم يارب
ابوبكر : شايف عاجبننك شديد
انا : مبالغه يااخ لايقين على بعض شكل وطبع وكلو
ابوبكر : الله يجمعهم ياخ
انا : امييين الله يسمع مننك الله يسمع منك
لما وصلو محمد قال : بتتأمني في شنو يا جننو
انا : حاجه بيني وبين ربي ، بس النبي كان تتأمنو معاي
ابوبكر بقى مقلع عيونو ويضحك
انا : محمد اتأمن ؟!
محمد : آمين
انا : ميمتي ؟!
ميمي : اها امين
انا : آميين يارب العالمين ، ماتخافو حتعرفوهو قرييب ( وعاينت لابوبكر وغمزت ليهو)
وقعدنا اكلنا والحمد لله ميمي بقت احسسن بكتييير ، بعدين اتصل جوال محمد وفتح
وقال : الو حسام كيفك ،، ياخ ولله جاي بس شكلي حا أتاخر ،، ولله ياخ جبت بنت خالتي من المطار ،، اي اي ابوبكر جاي معاي ،، لالا ياخ ماتتأخر بي سببي ،، كدي اسمعني يا زول ،، اووف خلاص تعال لينا نحن في اوزون ،، خلاص خلاص ،، وقفل
انا : دا منو الجاي دا
محمد : ابوبكر اجهز حسام جاي يسوقنا وانتو زاتكم اكلو سريع خلونا نتخارج زولنا دا كدايسو قايمه
انا : اججي اججي جاي يسوقكم قبل مانكمل اكلنا
محمد : قال سريع اتأخرنا
انا : زولك دا القومني من الاكل دا ققبل ما اشوفو شميتو وقلبي اباهو 😠
محمد : ههههههههههه بعد تشوفيهو بتنبرشي وحتغيري كلامك
انا : بيسسس ، قال انبرش قال كدي اليجي ونشوف كان بقى احمد السقا
محمد : نشوف😂 ،،،
شوية كدا هو جا ، وانا طبعا ااعععجبكم قطعة البيتزا قاعده اكل فيها قرابة الربع ساعه عشاان يجي ويلقاني بااكل بس كدا دا ، انا كنت قاعده في كرسي مقابل الباب بالعكس يعني كنت مدياهو ضهري وجمبي ابوبكر وميمي ومحمد قدامنا ، وجا وداك وقف يسلم عليهو محمد وابوبكر برضو وميمي كمان انا حلللللفت كان اقووم وقااعده اكل شوية كدا صوتو وضح لي وياااربي انا الصوت دا سامعاهو وويين قبل كدا وأعاين لي ابوبكر القاهو مقلع عيونو ويعاين وداك لما شافو سككت انا قمت ولفيت وياااريتني ما لفيت 😵😵😵 ، اتتخيلو معااي طللع منو ؟ انا كنت بمسح في يديني من الاكل ولما شفتو لما المنديل وقع مني من الصدمة ، حسام الضربت عربيتو ، متذكرينو ؟؟ ، هو بقى مبحلق فيني بي عيون الكدايس دي ( عيونو عسلية مسحوبه 😍)
محمد : اعرفكم على ...
انا قاطعتو : انت ؟
هو ضحك ضحكه كدا استفزتني وقال : ماشاء الله الظاهر ذاكرتك قوية 😏
ابوبكر : اوو حسام بالله دا انت ولله يا محاسن الصدف ياخ
انا وبعين استحقار كدا : يا مساوؤ الصدف قصدك
محمد : شكلكم بتعرفو بعض قبل كدا
انا وبضحكه استهتار كدا : ايي كييف معقولة بس ؟
وعاينت ليهو كداا وولاااا كذبت طوووالي لفيت وقعدت كملت اكلي ،، ميمي بقت تحمر لي نظام دا شنو دا البتعملي فيهو دا 😠 ، بس ولااا عاينته ليها ، وكمملت اكل وبمزاج كمان ،
قام ابوبكر انحنى لي مستواي وقال لي :ماشين نحنا
انا : طيرو طيران بلا ركه
ابوبكر ضحك كدا وقال : علفكرة ؟ حتمشي معانا
انا : انا وميمي ما ماشين
وقمت عاينت ليها
وززوولكم حسام اتكتف وبقى يعاين
ابوبكر : حنين لا اله الاه الله ؟
انا : محمد رسول الله لاكن انا ماااماشه وميمي كمان حتقعد معاي
طبعا ميمي خافت وقعدت 😂😂
حسام : ياجماعه اتأخرنا الساعه 10
انا قبلت عاينت ليهو ورجعت محلي
محمد : جنو يابت
انا : نعم
محمد : استهدي بالله وقومي ياخ
انا : أ ب ي ت ابيت ابيت ابيت كان ماخلصت اكلي ماقايمه تمام ؟
حسام بصوت واطي : شاففعه
انا : نعم نعم قلت حاجه ياباش مهندس ؟؟
حسام : دكتور لو سمحتي ،،
ابوبكر : هي هي خلونا نتخارج قبل ما يتخابطو ، واساسا البيت بعد شارعين ما اكثر خليهم يا محمد
انا بصوت واطي : هه قال دكتور قال ، هسي دي خلقة دكتور ،، امشو امشو الله معاكم
محمد وهو بيلبس في بدلتو : يلا سلام
طبعا ان من فرستي وحرقني من حسام شاغلت محمد قلت ليهو وانا بقلب الملعقه في الصحن : بالمناسبة عجبنا الطقيم ياخ
ميمي بقت تعاين ليهو ساي 😂
محمد عاين ليها وعاين لي وقال : طقيم شنو يابت
انا : خلاص خلاص انسى يلا اتقلعو ، وباركو لي للعرسان معاكم
ابوبكر : ماعندك موضوع
ومشو اتحركو شويه كدا ووقف ابوبكر وقال : هي نسيت ، هاك مفتاح العربية
رماهو لي ولقطتو
محمد : يلا شباب
حسام : بالمناسبه ، سوقي كويس ما تقومي تنهي ليك حياة زول
ومشا فات ، ديل ضحكو كدا ومشو وراهو
انا اتفرررسته شدييد واتحمقته منو
ميمي : وااي لاكن ياحنين الزول دا ماخطير ، ماكذب محمد لما قال حتنبرشي
انا : عليك الله ماتكرهني وتقفليها معاي ياتو حلا وياتو انبراش عليك الله ، زيو والكديسه واحد ماشايفه فرق
ميمي : انتي قصتك معاهو شنو
انا حكيت ليها القصه كلللها وهي شغاله تضحك الهبله وانا محرروووقه مولعه مولعه 😬😬 بعد شوية قمنا طلعنا وصلنا البيت (ميمي نامت معانا ) بعد السلام والكلام ، طلعنا فووق ومعانا ميرا ( ربا مشت داخليتها الحنقعد فيها نحن زاتنا 😍 )
اتوونسنا شووية كدا والنووووم
يتبع _______