#حنين
الجزء 8
قمتا في اليوم التاني مع صلاة الفجر صليت وسبحتا وقريت لي وجه من صورة البقرة بعدين قعدت في السرير وبقيت بفكر في الحصل معاي امس لقيت دموعي لا اراديا نزلت وبقيت بقول لي نفسي ياربي هسي الاولاد ديل كلهم كدا ؟ كللهم بس همهم حاجه وحده في الدنيا دي ؟ بس بمشو ورا شهوتهم وبيعاينو للجسم قبل القلب وبحبو البنت عشان جسمها ؟ ، ماعارفه بس انا الصراحه بديت افقد الثقه في انو الاولاد كلهم نفس بعض وكلهم من نوعية عدنان وعماد مافيهم ذررة رجولة 💔 ، مسحت دموعي وقلت اصصصلو تاني ماببكي واقفل قلبي دا بي طبلة ولا سمح اللله وحبيت اعصر عى قلبي ليمونه وما اوري الطرف التاني بالشي دا لانو بقو لي كلهم شبه بعض💔💔💔 ، وقلت تاني اصصلو مابفكر في الحصل معاي لا مع عدنان ولا مع عماد لانهم مابيستاهلو ، شلت تلفوني فتحت الفيس سسبحان الله بس عشان ما عايزه اتذكرو لقيت بوست لي عدنان مصور يدو مع يد بنت كدا وكاتب ليهو كلام غززل وكدا وعامل منشن💔 ، مع انو انا عارفه انو ارتبط وتقريبا بي عشرة من بعدي يعني قدر ينساني بس انا اللي لسه ماقدرت انساهو وما عارفه ليه اساسا ، مرات بحس بي نفسي هبلة لأنو لسه ما ارتبطت بي شخص بس ممكن تقولو انا شبه جاني جفاف عاطفي وبرود مشاعر شديد ، يعني قرابة الثلاثة اولاد اعترفو لي لاكن انا ماكنت قادرة افكر بي واحد منهم ، شوية كدا قطع افكاري دي ابوبكر 😂 دق الباب وتووووشك دخل😂😂
قال لي : صبااااح الخيير حبيبتوو😍😍
انا : طيب بعد ما دقيت الباب ماتصبر لما اقول ليك ادخل ؟
ابوبكر : قلت ليك صباح الخير ياقرض 😉؟
انا : صباح النور يا بيبي ، اصبحته كيف ؟
ابوبكر : تمااام وانتي كيف (وهو جاي على سريري)
انا نسيت انو مخليه الجوال فاتح على الفيس في بوست علي
انا : اهها
ابوبكر عااينن مساافه في الجوال وعاين لي
قال : حنين داشنو دا
انا : شنو في شنو ؟
ابوبكر : التلفون ؟
انا شلته التلفون سرعة وقفلتو وقلتا ليهو
: لالا لا ماف شي
ابوبكر : بالمناسبة ياحنين ما بتعرفي تكذبي
انا : بس انا مابكذب 😧
ابوبكر : عايني ياحنين ستين الف مرة قلنا ليك عدنان دا .......
انا قاطعتو :انساهو واشوف لي زول تاني وما افكر فيهو وزي ما عمل ولقى ليهو وحدة تانية انا اعمل نفس الشي لاكن ما قبل كدا سألتوني هل انا قادرة ارجع احب مرة تانيه ؟
هل انا مشاعري ممكن تطلع ليها تجاه ولد تاني ؟
هل انا نظرتي دي بقت كيف تجاه الاولاد كافة من بعد العملو فيني والعملو امس عماد ؟ (ودموعي دي جارية عشرات) تصدق وتأمن انا هسي ما واثقه غير فيك وغير في احمد اخوي ؟ انا خلاص ثقتي في الاولاد انتهت وماقادرة اجددهها ماقادرة ماقادرة 😭😭😭
ابوبكر : خلاص خلاص اهدي انا اسف
انا : علفكرة انتو لما تقولو لي حبي غيرو وانسيهو بموت الف مرة في الدقيقه عارف ليه ؟ لانو ما قادرة بالجد ماقادرة م م ماقدرة احب غيرو وانساهو م م ماعرفه هل انا لسه بحبو او لا بس انا ماقادرة احب غيرو وكل ماتقولو لي الكلام دا انا بحس بي ضعف لانو ماقادرة انساهو زي ماهو نساني في اسبوعين 😭
قام حضني وحسيتو هو زاتو اتأثر شديد بس فضلنا على الحالة دي زي عشرة دقايق بعدين انا فكرت انو انا ح اقعد انكد عليهم وعلى نفسي كل يوم كدا لي متين ؟ حا اقعد ابكي كدا يومي واتأثر لمتين ؟
قمتا من حضنو ومسحت دموعي وبأبتسامة بااردة كدا قلت قلتا ليهو خلاص قوم انزل تحت انا انا بلبس وبجي تحت الجماعه ديل بكونو قامو (وانا خانقاني العبرة 💔) ، سكت مسااااافه وقال لي
: حنين انتي كويسة ؟ ( وبيعاين لي جوووه عيوني لما وترني ، اوول مره يعمل كدة )
انا : اي تمام 😊
ابوبكر : متأكده
(دفيتو بهظار وكده وضحكته) وقلت ليهو : متأكده
عاين لي وفات ، انا قعدت كداا في الكنبة واخدت عهد على نفسي انا تاني مايبكيني لا عدنان ولا غيرو واطوي صفحتو دي وابدا حياتي بدون لا حب ولا بطيخ 😪 ، دخلت الحمام استحميت وطلعت لبست بنطلون وتيشيرت وفكيت شعري عملتا لي قلوس شفاف وجيت طالعه ، لاقيتهم كلهم قاعدين في الصاله وفاتحين التلفيزيون وبشربو في الشاي قععدت واتووونست معاهم تماام ولا كأنو حصل شي وابوبكر بيعاين لي سااي وحسيتو زعلان بس انا كل مايعاين لي ابتسم ليهو نظام ماف شي وكده ، المهم فتحو موضوع السواقه والعربات وانهم عايزين يشترو لي ابوبكر عربية ، انا كانت عندي الفكرة المهم قلت ليهم : ياربا انتي اتعلمتي السواقه وين ؟
ربا : في مدرسه كده رهييييبه ياخ تعاملهم زووق وراقيين كده واهم شي بيعلموك في حدود شهرين بس ومابخلوك تطلعي الشارع بدون مايكون معاك زول يوريك وكدا المهم رهييبه شديد😍
انا : يلا عايزاك تسجلي لي فيها😍
ربا : كدي قولي بسم الله انتي جيتي متين ؟
انا : ياخي انا مليت وعايزه اتعلم لانو حسي اوبعدين مصيري اسوق عشان كدا عايزه اتعلم هسي قبل مايبدا موضوع الجامعه ودا ، وانت صحي التقديم دا حنكو شنو ؟؟
ابوبكر : حيبدا من بكرة
انا : لا لا تماام نمشي بكره التقديم ونسجل
ابوبكر : انشاء الله
خالتو منى : اها انتي ما خاته ليك جامعه في راسك ؟؟
انا : ولله ماعندي حاجه معينه اي جامعه من جامعات الخرطوم كويسه الا الزعيم والخرطوم ومامون 😷
ميرا: اي ديل وووبعليي بس كل وحده فيهن اززفت من التانيه
ربا : عليييييكم الله ما تكسرو في خاطري خلو رغبتكم الاولى النيلين عليييكم الله 😢😢
ابوبكر عااين لي وانا سررحت سرحه طويييله كدا (النيلين جامعة عدنان)
ابوبكر : انا ماعندي مشكلة الصراحه
انا فكررته فيها وحسبتها قلت عشان اقدر صحي صحي اتخطى الموضوع دا واكسر حنكو انو اوصل لي غاية انو عدنان دا يمر من قدامي وانا ما اتأثر عشان كدا
ف قلتة ليهم بأبتسامه :أكيييد ماعندي مشكله طبعا😍💔
ابوبكر قللع عيونو كدا ما اتخيل اني اقدر اخطو الخطوه دي مع انو كان متمني مني القرار دا لأنو عايزني اتغير والسبب التاني انو ماحايخليني براي في جامعه وهو عايز النيلين عشان محمد هناك 😂😂😍
المهم قال لي : زييييييت 😍 (بفرحه كدا 😂😍)
بعدين شوية كدا جوناا محمد وعهد😍😍 قالو جايين نبرمج بيكم عايزين يفسحوني😍😂 انا طوووالي ولا كذبته مشيت الاوضه وعلى لبسي داك لبست لي جكت طويل مع التيشيرت ولبسته سبورت اسود ورفعت شعري بي مشبك وختيت لي طرحه سااي بس في كتفي وجيت طالعه (طبعا ابوبكر بقا مابسألني نهااائي من ناحية الطرحه لاكن اللبس بسألني😥) المهم لبسو الباقين ومشينا بي عربية محمد كللنا وصصلنا هناك قععدنا واتونسنا كنا قاعدين لينا كدا في جلسة فووق البحر طواللي بس الا المح ليك ..... اتخيلو منو ومعاهو منو ؟
يااااربييه انت لي بتمتحني امتحانات صعبة زي دي وكل ما احاول انسا بتذكرني الفات ؟ ، لقيت في ثالث طربيزة مننا قاعد فيها عدنان ومعاهو بنت كدا مبااالغه بس 😷😷 هي مززه بس لابسه مخششلع بطريقة ماعاديه وصابغه ليك الشعر دا اشقر 😷 والتيشيرت القصير وكمو كتت والنظارة الشمسيه 😷 يعني يتخيل لي كدا انها ما سودانيه سورية او حاجه بالشكل دا (عااد لاكن الما بخلي السوريات يتكسرن في عدنان شنو بس ؟ هو كان لابس ليهو شورت جينز وفنيلة بيضاء ومعاها نظارة 😧 هو طبعا طويل واسسمر سممرة كدا حلللوه خلاص سمره هاااديه كدا ومعضل شويتين وشعرو ماشاء الله بس كان حالق جديد تقريبا رافع شعرو كدا والسكسوكه يخلوها ليهو 😍 )طبعا هو اتغير شديد من اخر مره لاقيتها فيهو بس يعني لسه بعرفو ، المهم بقيت بعاين كدا بي نظرة ما مفهومه زااتها كنت انا قاعده وقدامي ابوبكر وجمبي عهد وابوبكر جمبو محمد وميرا بي طرف وربا بي طرف تاني ( مقابلات بعض) كنت بعاين ليهو نظرة شوق وانكسار وكره في نفس الوقت المهم ابوبكر لاحظ لي .
يتبع ............