"Tumayo ka na r'yan, nag-iintay na si Fiona sa back entrance ng pack house," utos ni Algern kay Feranda at habang binubuksan ninto ang selda. walang nagawa si Fernanda kung hindi sumunod sa kaniyang fated mate dahil sa ngayon ay ito na lamang ang tanging paraan nila para makatakas sa Forestheart.
"Maglagay ka ninto sa katawan mo," utos ni Algern, gamit niya rin ang perfume na kahanv itago ang wolf scent nila sa ibang pack members.
Ginawa naman ito ni Fernanda at sumunod sa paglalakad nila palabas ng dungeon pero bago pa sila tuluyan makaakyay ng hagdan ay sinalubong sila ni Calisto.
Halos kumawala ang puso ni Fernanda sa kaniyang dibdib nang makita niya ang kaniyang chosen mate. Galit na galit itong nakatingin sa kanilang dalawa, nanlilisik ang mga mata nitong umiilaw sa madilim na dungeon at kitang-kita nila ang mahahabang kuko at pangil na handa nang sakmalin at sugatan sila.
"Ca-Calisto?" Nauutal na tawag ni Fernanda pero agad siyang pinaurong ni Algern at pinatago sa kaniyang likuran.
Nangangatog si Fernanda dahil sa takot, ngayon niya lang nakita na magalit nang ganito si Calisto na walang ginawa kundi maging mabuting chosen mate at ama sa anak niya.
Nanlambot si Fernanda, habang si Algern naman ay naghahanap ng paraan para makatakas sila nang hindi nakakatawag ng ano mang atensyon sa labas.
"Anong ginagawa mo Algern?" Tanong ni Calisto, nakahanda na itong sumugod pero nais niyang kausapin ang kaibigan bago siya gumawa ng hakbang.
"Anong ginagawa sa dungeon kasama si Fernanda? Bakit siya nakakulong? At bakit niya pinatay si Emely?" Nang bitawan ni Calisto ang tanong na iyon ay alam na ni Fernanda at Algern na hindi na nila matatago pa ang totoo, na hindi na nila makakausap o makumkumbinsi si Calisto.
"Ah, so ibig bang sabihin ninto ay inagaw mo ang masayang buhay ni Emely dahil sa hindi ka masustentuhan ni Algern? Ginamit mo ako para makuha ang buhay na gusto mo at pinahirapan mo ang anak ko habang nakatalikod ako?" Tanong ni Calisto, namginginig ang buong kalamnan niya at nais niya na pakawalan ang wolf niya na kanina pa nais lapain ang nasa harapan nila.
"Sa totoo lang ay hindi ko na maintay na patayin kayo, pano ko ba mababawi ang buhay ko na sinira niyo?" Tanong ni Calisto, unti-unti na nangbabago ang kaniyang anyo, binabalot ng makapal na balahibo ang kaniyang buong katawan simula sa kaniyang mga binti at braso papunta sa kaniyang leeg at mukha, lumabas ang kaniyang mga pangil na sing laki ng isang palad, lumabas ang kaniyang matutulis na tenga at nguso na anyong lobo.
Buo na ang wolf form niya, handa na makipaglaban sa ano mang oras. Alam ni Algern na wala siyang laban kay Calisto kung iisipin niya si Fernanda sa kaniyang likuran, pero kung pagtutulungan nilang dalawa ni Fernanda si Calisto ay malaki ang kanilang advantage rito.
"Fernanda, humanda ka sa pakikipaglaban," sagot ni Algern na hindi inaasahan ni Fernanda.
"Ha? Gusto mo akong mag transfrom sa wolf form ko? Ayoko, saka wala akong laban kay Calisto," sagot ni Fernanda kaya wala na nagawa pa si Algern kundi magbuntong hininga at siya na lang ang nagtransform bilang wolf.
Isang kulay grey na wolf ang kulay ni Algern samantalang brown naman si Calisto. Malakas na umungol si Calisto na dumaundong sa buong Forestheart, kinaantala ito ni Algern dahil magigising ang mga gamma at iba pang warrior sa loob ng pack at lalong mabubulilyaso ang plano nila.
'Fernanda tumakbo ka na,' utos ni Algern at hindi nagdalawang isip si Fernanda na iwan siya sa loob ng dungeon kung saan hindi na siya makakalabas pa kung matalo siya ni Calisto.
'Mukhang walang pakialam sa'yo si Fernanda, hindi man lang siya lumingon nung iwan ka niya,' sagot ni Calisto kay Algern sa pamamagitan ng mind link at bago pa tuluyan makatakbo si Fernanda palabas ng dungeon ay agad siyang hinabol ni Calisto.
'Tingin mo papatakasin kita pagtapos ng ginawa mo sa pamilya ko?' Tanong ni Calisto at mabilis na nahabol si Fernanda pero nakalabas ito sa pinaka pintuan ng dungeon, napangiti si Fernanda nang makita niya ulit ang liwanag sa buwan, pero agad din itong napalitan ng gulat nang maramdaman niya ang pagtilapon niya sa ere at malakas na pagbagsak niya sa damuhan ng Forestheart pack.
Babangon pa sana si Fernanda ngunit hindi niya maramdaman ang kanang braso niya, pagtingin niya sa kaniyang harapan ay nakita niya si Calisto na kagat-kagat ang kanan niyang braso, putol na ito at nakahiwalay sa kaniyang balikat.
"Ahhhhhh!!!" Malakas na napahiyaw si Fernanda at nakita rin ni Algern ang mismong bagay na nakita ni Fernanda.
Agad na dinura ni Calisto ang braso ni Fernanda at humanda na sa pagsugod niya kay Algern. 'Anong ginawa mo!?' Hiyaw ni Algern sa kaniya at hindi sumagot si Calisto, hindi niya alam kung bakit hindi siya nakaramdam ng ano mang pagsisisi sa pagsakmal niya sa braso ni Fernanda, pakiramdam nga ni Calisto ay kulang pa ang ginawa niya sa ginawang kasalanan ni Fernanda sa pamilya niya.
'Tumatakas siya, anong tingin niyo ang gagawin ko sa kaniya? Hindi ba't pipigilan? Hindi ko naman sinasadyang na sa lakas ng pagsakmal ko ay sumama ang buong braso niya sa mga pangil ko,' sarkastikong sagot ni Calisto.
Hindi naman makapaniwala ang mga gamma at iba pang warrior na nagising sa wolf call ni Calisto, lahat sila ay kitang kita ang kalunos-lunos na sinapit ni Fernanda. Duguan ito pero walang tumutulong sa kaniya ni isa, nagkakagulo na rin ang mga pack members sa loob ng pack house kaya naman agad nilang ginising si Elara at kapareho ng nadatnan ng mga pack members, iyon din ang sumalubong na eksena kay Elara.
Gulat na gulat siya sa pagdating ng kaniyang ama na si Calisto, ngayon niya lang ulit nakita ang wolf form ng kaniyang ama, isang malaking asong lobo na kakulay ng lupa pagtapos ng malakas na ulan. Ang mga mata ninto ay nanlilisik, duguan ang bibig ngunit hindi galing sa kaniya ang dugo na iyon kundi galing sa braso ni Fernanda na nakahiwalay na sa kaniyang katawan at hindi gumagalaw sa damuhan.
"Algern! Gumawa ka ng paraan!" Hiyaw ni Fernanda at automatikong gumalaw ang katawan ni Algern para kalabanin si Calisto. Nais tumulong ng ibang warrior at gamma ngunit ramdam nila ang matinding galit ni Calisto na tila ba pinipigilan silang humakbang sa kinatatayuan nila.
Naglaban ang dalawa, pangil sa pangil, kuko sa kuko. Mabilis na tumakbo si Algern para bumuwelo ng takbo at sugod kay Calisto ngunit sa pagsugod niya ay agad naman siyang nasunggaban ni Calisto ng isa nintong kamay na nagdulot ng malalim na kalmot sa bandang leeg ni Algern.
Nangangatog ang mga tuhod ni Elara nang makita niya nakikipaglaban ang kaniyang ama, lalo na ngayon na nasa wolf form ito. Mabilis ang kilos nilang dalawa at kahit gabi na ay mabilis itong nasusundan ni Elara kaya kitang-kita niya kung gano kabangis ang labanan na nangyayari.
Gumanti si Algern at dinamba si Calisto saka ito kinagat sa kaniyang tagiliran. Napahiyaw si Elara dahil nakita niya kung gano kalalim ang pagkakabaon ng mga pangil na iyon sa tagiliran ng kaniyang ama ngunit sinipa ni Calisto si Algern at siya naman ang dinamba ninto saka pinagkakalmot ang braso at dibdib ninto saka niya kinagat ang leeg ni Algern nang napakalalim.
Tila ba hihiwalay na ang ulo ni Algern sa kaniyang leeg ilang segundo pa kung hindi lang siya nakapalag at nakatakbo palayo kay Calisto, duguan na ang kaniyang leeg at balikat, umuungol na rin sa sakit ang kaniyang wolf na hindi na kinakaya pa ang dami ng sugat na kanilang natamo.
'Sumuko ka na kung gusto mo pa mabuhay, pero kung ako sa iyo ay piliin mo na lang mamatay sa kamay ko kaysa mabulok ka habang buhay sa kulungan Algern,' tugon ni Calisto sa pamamagitan ng mind link. Hindi ito marinig ni Elara, pero rinig iya ang usapan ng mga gamma at ibang warrior sa paligid niya, ngayon alam niya na kung bakit pamilyar si Algern sa kaniya, dahil nakita niya ito sa lumang photo album ng kaniyang ama noong bago pa ang pack ng Forestheart, isa si Algern sa mga founding members ninto pero may isa pang pagkakataon na nakita niya ito, iyon ay tuwing nasa mission si Calisto at si Algern ang nagdadala ng gamot niya sa bahay nila at si Fernanda ang laging tumatanggap ninto.
Hindi niya na mukhaan si Algern dahil sa makapal na bigote ninto noon, isa pa ay si Fernanda lang naman ang kinakausap ninto noon at paminsan-minsan ay ngumingiti sa kaniya at kay Fiona.
"Hindi kaya, siya ang fated mate ni Fernanda at ama ni Fiona?" Tanong ni Elara sa kaniyang sarili habang hindi inaalis ang tingin sa labanan na nasa harap niya, alam na nilang lahat kung sino ang mananalo sa laban na ito, wala ng ibang nakisali o umawat pa kay Calisto, hinayaan nilang gawin ninto ang nararapat at iyon din ang ginawa ni Elara.
Alam ni Elara na sa mga oras na ito ay alam ng kaniyang ama ang totoo, hindi niya alam kung pano nalaman ni Calisto pero hahayaan niya ang kaniyang ama na makaganti at mailabas lahat ng kaniyang galit sa ginawang panloloko at paggamit sa kaniya ni Fernanda.
Hindi lang akalain ni Elara na kaya pala magalit nang ganito ng kaniyang ama, pero kahit sino naman ay mawawala sa kontrol pagtapos malaman ang katotohanan, kahit sinong ilagay sa posisyon ng kaniyang ama ngayon ay magwawala sa galit dahil sa mga ginawa ni Fernanda.
"Calisto, parang awa mo na! Maawa ka sa amin!" Hiyaw ni Fernanda, alam niyang hindi na mananalo pa si Algern sa labanan na ito at hanggang sa huli ay wala pa ring silbi ang kaniyang fated mate sa sitwasyon nila ngayon.
"Patawarin mo ako! Si Algern ang may kagagawan ng lahat ng ito, si Algern ang nag utos sa akin na lokohin ka at patayin si Emely, siya rin ang nag utos sa amin ni Fiona na angkinin ang pagpapatakbo sa Forestheart!" Hiyaw ni Fernanda pero lahat sila ay tahimik lamang.
Naawa na lamang ang bawat isang pack member ng Forestheart kay Algern, dahil alam nilang si Algern ang nagamit sa sitwayson na ito at pagtapos niya iligtas ang kaniyang fated mate ay gagamitin pa rin siya ninto sa huli para mailigtas lamang ang kaniyang sarili.
Nanlalambot si Algern, nang hihina na siya sa mga sugat na natamo niya sa pagsugod ni Calisto sa kaniya, pero mas nangingibabaw ang sakit na dinulot ng mga salitang binitawan ni Fernanda sa kaniyang harapan ngayon.
Harap-harapan siyang nilaglag ni Fernanda, harap-harapan siya ginagamit para lamang maligtas ni Fernanda ang kaniyang sarili.
'Sana si Fiona na lamang ang iniligtas ko,' tugon ni Algern, may lakas pa siyang natitira para tumakbo at tumakas sa back entrance. Base sa lumipas na oras ay sigurado siyang naroon na ngayon si Fiona at nag iintay sa pagdating niya. Kung tatakas na siya ngayon at iiwan si Fernanda ay may pagkakataon pa sila ng kaniyang anak na makalayo sa lugar na ito.
Tumingin si Algern nang huling pagkakataon kay Fernanda, nakita niyang wala itong kahit katiting na awa sa kalagayan niya ngayon.
'Hanggang sa huli, taksil at sakim ka pa rin,' saot ni Algern kay Fernanda sa pamamagitan ng mind link at buong lakas na tumakbo papasok ng magubat na parte n Forestheart.
"Algern! Saan ka pupunta! Huwag mo kong iwan dito!" Malakas na hiyaw ni Fernanda pero hindi na lumingon pa si Alger at agad siyang nagtungo sa back entrance ng pack house, nakita niya roon si Fiona na nag-iintay at balisang-balisa.
'Dalian mo at sumakay ka sa likuran ko!' Hiyaw at utos ni Algern kay Fiona na gulat na gulat sa pagdating niya. Hindi na nakapagtanong pa si Fiona at agad na sumakay sa likod ni Algern.
"Asan si Mom?" Natatakot na tanong ni Fiona habang nakayakap sa wolf ni Algern, duguan ito pero buong lakas pa ring tumatakbo para makalayo sa Forestheart pack.
'Wala na si Fernanda, iniwan niya na tayo,' sagot ni Algern kay Fiona at hindi makapaniwala si Fiona sa ginawa ng kaniyang ina.
"Pano niya nagawa 'yun?!" Inis na tanong ni Fiona, nagiging emosyonal na siya at hindi na napigilan pang umiyak dahil sa lahat ng nangyayari sa kaniya ngayon.
'Pinili niya ang mas magandang buhay, sinumbong niya tayo kaya nangyari sa akin 'to,' sagot naman ni Algern, mabilis siyang lumiko sa gubat at tumawid sa ilog upang mawala ang amoy ng kaniyang dugo at kahit papano ay malito ang sino mang susunod sa kanila.
"Paano niya nagawa 'yun sa'kin? Pano niya ko iniwan ng ganito?" Panay ang iyak ni Fiona dahil alam niyang kayang gawin iyon ng kaniyang ina sa kaniya.
Ang hindi alam ni Fiona ay naiwan si Fernanda sa loob ng Forestheart pack, nakaupo sa damuhan habang patuloy na dumadaloy ang dugo sa kaniyang kanang braso. Nakayuko lamang siya. tulala at iniintay ang gagawin sa kaniya ni Calisto.
"Dalian niyo at habulin niyo siya! Halughugin niyo ang buong Forestheart at iba pang karatig gubat nito!" Utos naman ni Elara, agad siyang lumapit sa kaniyang ama na si Calisto, bumalik na ito sa kaniyang tunay na form kaya agad na inabot ni Elara ang balabal sa kaniyang balikat upang matakpan ang katawan ng kaniyang ama.
"Hindi ka pwede mamatay Fernanda, kailangan mong sabihin sa akin lahat ng ginawa mo. Hindi ka pwede magsinungaling dahil kapag ginawa mo iyon ay ako mismo ang magdadala ng bangkay ni Fiona sa harapan mo," sagot ni Calisto at inutusan ang ilang gamma na dalhin si Fernanda pabalik sa kulungan ninto at doon na gamutin ang kaniyang naputol na braso.
"Teka! Calisto! Ayokong bumalik sa madilim na selda na 'yun! Ah!! Calisto! Mahal kita! Maawa ka sa akin!" Hiyaw ni Fernanda pero ni isang linggon ay hindi siya binigyan ni Calisto.
Kinakabahan si Elara na tignan kung anong reaksyon ang nakaguhit sa mukha ng kaniyang ama, pero lakas loob siyang tumingala at nakita ang galit at pandidiri sa mukha ni Calisto nang marinig ang mga huling salitang binitawan ni Fernanda sa kaniya.
TO BE CONTINUED