សំណព្វចិត្តប៉ាតូច{រដូវកាលទី២}

ភាគ: ១២៧

ភាគ:១២៧
យ៉ុនហ្គីគ្រវីក្បាលហួសចិត្ត និងចរិតវ័យក្មេង របស់ប្រពន្ធ ទោះមានកូនពីបី ក៏ដោយ អារឿងមើលថែកូនមួយ ហ្វីឡាមិនសូវប្រសព្វ លួងកូនប៉ុន្មានទេ ច្រើនតែសម្តីធំដាក់កូន រាល់ថ្ងៃមាននាយ ជាអ្នកមើលថែយកទៅក្រុមហ៊ុនផង យកទៅកាសុីណូផង ហត់នឿយបន្តិចមែន តែមានក្តីសុខណាស់ ព្រោះចង់ឱ្យប្រពន្ធធូកម្លាំង ស្រណុកកាយ បន្ទាប់មកហ្វីយូ
ក៏ដើរតេះតាស់ ទៅរកលោកប៉ា នាងតូចឡើងអង្គុយលើភ្លៅប៉ាពេបមាត់យំ រំអួយដាក់ប៉ា ហើយគ្រប់គ្នាក៏បន្តជជែកគ្នាលេងបន្តទៀត ៖
" ហេតុអី ប៉ាម៉ាក់មកលេងកូន? " ហ្វីយ៉ាអង្គុយក្បែរម្តាយ នាងឱបចង្កេះម្តាយជាប់ ចិតកូនពៅលាក់មុខ នៅតែធ្វើឫកពាដូចកូនក្មេងដដែល ធម្មតាប៉ាម៉ាក់ មិនសូវមកលេងទេ ពួកគាត់រវល់កិច្ចការរៀងៗខ្លួន ម្តេចពេលនេះគាត់មកលេង ដោយមិនផ្តល់ដំណឹងជាមុនអ៊ីចឹង។
" ម៉ាក់ឮថាកូនឈឺ ណាមួយម៉ាក់មកមានការ ជាមួយប៉ាកូន "
ហ្វីយ៉ាញញឹម អង្អែលក្បាលកូនស្រីតិចៗ នាងងាកទៅមើលមុខប្តីរួចតបសម្តីនិងកូនស្រី។
" ប៉ាឡើងមកនេះ ដើម្បីឱ្យដុកទ័រប្រចាំ របស់កូន ចាត់ចែង
រឿងចាក់ស្ទីមស៊ែល ឱ្យកូន មិនត្រឹមតែកូនទេ លោកយាយកូន ជំទាវមីង ម៉ាក់កូន ត្រូវចាក់ទាំងអស់គ្នា វាជាស្ទីមស៊ែល ដែលទទួលបាន ក្រោយពីការសម្រាល ហ្វីយូរួច "
តាំងពីតូចមកហ្វីយ៉ា មានដុកទ័រប្រចាំកាយ ពិគ្រោះជំងឺផ្ទាល់ខ្លួនជាប្រចាំ ក្រោមការយកចិត្តទុកដាក់ពីប៉ាតូច
ក្រោយពិនិត្យដឹងថានាង មានជំងឺតំណរពូជពីម្តាយផង
ឳពុកផង។
ទម្លាប់មួយ ជារៀងរាល់ខែ ហ្វីយ៉ាតូចបញ្ជូលឈាមប្រភេទO+ទៅបំពេញកោសិកា រាង្គកាយ ព្រោះនាងមានជំងឺតំណរពូជ ឆ្លងពីលោកម្ចាស់មីន តែវាអាចបាត់ទៅវិញ នៅក្នុងករណី ពិសេសណាមួយ ជាហេតុដែល លោកម្ចាស់បារម្ភពីកូនស្រីម្នាក់នេះ ជាងគេ។
លោកម្ចាស់មីន បានរៀបចំឱ្យខាងមន្ទីពែទ្យ នៅអូស្ត្រាលី ធ្វើស្ទីមស៊ែល ដែលបានពីឈាមទងសុក ក្រោយសម្រាលហ្វីយូរួច មកធ្វើជាស្ទីមស៊ែល ចែកចាយ ចាក់ចូលក្នុងខ្លួនអ្នកផ្ទះ ជាពិសេសផ្តោតសំខាន់លើហ្វីយ៉ា ដែលពូកែឈឺច្រើនជាងគេ ពុះនាងមានហ្សែននេទិចខ្សោយ។
" តែកូនយ៉ា អត់បានឈឺផង " ហ្វីយ៉ាសម្លឹងមើលមុខលោកប៉ា ពេញដោយការងើយឆ្ងល់ ព្រោះនាងមិនយល់ពិតមែន ឱ្យតែឮថាតម្រូវឱ្យចូលព្យាបាល ឬទៅមន្ទីពេទ្យ នាងធុញទ្រាន់ខ្លាំងណាស់ ជារឿងធម្មតាសម្រាប់
អ្នកខ្លាចម្ជុល។
" ចាក់ដើម្បីឱ្យចៅយ៉ា មានសុខភាពល្អ " លោកស្រីមីន អង្គុយក្បែរចៅ គាត់លើកដៃទៅអង្អែលក្បាលចៅស្រី ដោយប្រាប់នាងបន្ថែម ខ្លាចថានាងមិនយល់ ពីចំណុចមួយនេះ ព្រោះគាត់ក៏ចាក់ដែរ ដើម្បីបំពេញកោសិកាចាស់ៗ និងទប់ស្កាត់ការកើតជំងឺមហារីក ផ្សេងៗទៀត។
" ពេលណាបងយកកូន? " នៅសុខៗហ្វីឡា ក៏បន្លឺសំណួរមួយប្រយោគ សួរទៅកាន់ជុងហ្គុក ព្រោះឃើញជុងហ្គុក ស្ងាត់មាត់ មិននិយាយអ្វី ដ៏តែសោះ នាងក៏សួរ ទៅដល់រឿងយកកូន យកចៅតែម្តង។
" ហ្អឺស!! សំណួរនេះ មិនមែនត្រូវសួបង " អស់សំណើចបន្តិចហើយ ហ្វីឡាយ៉ុនណា កើតកូនរួចហើយ នៅឡើយតែគូរនាយប៉ុណ្ណោះ ដែលមិនទាន់មានកូន មានចៅនិងគេ ជុងហ្គុកសើចដើមក តបសម្តីទៅកាន់ហ្វីឡាវិញ។
" គិតថាកូនជាអ្នកខុសឬ? មកពីហ្សែនប៉ាអន់ ហ្អឹកៗ " មួម៉ៅ មិនតិចទេ នៅសុខៗចាស់ៗ ក៏និយាយរឿងយកកូន ទាំងដែលម្នាក់ៗ មិនសួរពីចិត្តនាង ពួកគាត់កៀបសង្កត់ នាងខ្លាំងណាស់ ធម្មតាហ្វីយ៉ា មិនសូវចង់ឱ្យ មានអ្នកបញ្ជាទេ នាងចង់មានភាពម្ចាស់ការលើខ្លួនឯង។
" បង្ខំមិនបាន ឱ្យធ្វើដូចម្តេច? " ហ្វីឡាអង្អែលថ្ពាល់កូន ក៏យល់ពីចិត្តកូនធ្វើម្តាយគេ មិនមែនស្រួល តែចិត្តមួយចង់ឱ្យកូនមានអនាគតល្អ រួមរស់ជាមួយ មនុស្សដែលនាងស្រលាញ់ ចង់ឱ្យកូនមានសុភមង្គល ព្រោះពួកគេនៅជាមួយគ្នាជិតមួយឆ្នាំហើយ ម្តាយគ្រាន់តែបារម្ភ។
" តាមសម្រួលអូន កុំបង្ខំកូន " យ៉ុនហ្គីញញឹមស្ងួត យល់ពីចិត្តកូនច្រើនជាង ប្រពនហធ ធម្មតាធ្វើជាឳពុក ដឹងថាកូនចូលចិត្តអី មិនចូលចិត្តអី ដឹងថានាងមិនទាន់បើកចិត្តទទួលយកប្អូនប្រុសនៅឡើយ នេះជាបញ្ហា តូចមួយ តែស្មុគស្មាញ។
" បងចង់ឱ្យពួកយើង លាក់បាំងជំទាវមីង ដល់ពេលណា? "
ហ្វីឡាក៏សួរបក ទៅកាន់ស្វាមី នេះជារឿងដែលនាងពិបាកបែងចែកបំផុត ជាង១ឆ្នាំហើយ ទំនាក់ទំនង ពួកគេទាំងពី បានត្រឹមតែជាការលួចលាក់ មិនអាចបើកចំហរបាន។
" ម៉ាក់ចេះចាត់ចែងហើយ កុំបារម្ភអីហ្វីឡា " លោកស្រីមីន សម្លឹងមុខកូនប្រសា ដឹងថាកូនព្រួយចិត្ត គាត់ក៏ព្រួយបារម្ភដែរ តែធ្វើម្តេច ពេលវេលាសមគួរ គាត់ជាអ្នកចេញមុខមកបកស្រាយដោយខ្លួនឯង ប្រាប់លោកជំទាវចន ដោយផ្ទាល់មាត់។
" កូនគ្រាន់តែមានប្រផ្នូលមិនល្អ ពេលពួកយើងលាក់បាំងរឿងទាំងនេះ ជាមួយគាត់ តែប៉ុណ្ណោះ អ្នកម៉ាក់ "
" កុំគិតដូច្នេះ "

យប់យន់ស្ងាត់ឈឹង ម្ចាស់តូចក្រោយបញ្ចប់ការងារ ក្រុមហ៊ុនដែលនៅសេសសល់ខ្លះ ក៏ដើរមកបន្ទប់គេងរបស់ប្រពន្ធវិញ ពេលចូលមកដល់មិនឃើញស្រស់ចរណៃទេ នាយកំលោះឈរអេះក្បាល មួយសន្ទុះក្រោយមកក៏ដើរ ទៅបន្ទប់បងប្រុសដែលនៅជាន់ទី២ នៃវិមាន។
ទ្វារបន្ទប់មិនបានជាប់សោរ នាយរុញចូលយឺតៗ ក្រឡេកឃើញបងប្រុស កំពុងអង្គុយនៅសាឡុង កាន់ថេប្លែត ធ្វើការងាររបស់គាត់ ទើបលោកម្ចាស់សួរប្អូន ៖
" ថ្មើហ្នឹងហើយ ម្តេចមិនដេក អើតលើមៗដូចចោរ " លោកម្ចាស់អង្គុយ ធ្វើការងារទេ តែអារម្មណ៍ក៏ដឹងថាប្អូនប្រុសមកអើតលើម មុខបន្ទប់ដែរ។
" ប្រពន្ធខ្ញុំ? "
" គេងលក់ហើយ បីនាក់ម៉ែកូន "
" យកទៅវិញបានអត់? "
" ដាស់នាងទៅ តិចៗប្រយ័ត្នភ្ញាក់ស្រីយូ " លោកម្ចាស់ងាកមើលប្អូន ដោយប្រាប់បង្គាប់ប្អូន ខ្លាចប្អូនដាស់កូនស្រីច្បងភ្ញាក់ទាំងហ្វីយូ។
" យ៉ាយ៉ា ទៅគេងនៅបន្ទប់យើងវិញ " ជុងហ្គុកឱនខ្សឹបក្បែរត្រចៀកនាងតូចតិចៗ បបួលហៅនាងត្រឡប់ទៅគេងនៅបន្ទប់វិញ ព្រោះនាយមិនធ្លាប់គេងបែកប្រពន្ធទេ។
" អត់ទេកូនគេងជាមួយ យូយូ " ហ្វីយ៉ាបើកភ្នែកមីមី នាងស្រវាឱបប្អូន ហើយបិទភ្នែកគែងបន្ត តែប៉ាតូចនៅតែដាស់នាងដដែលៗ វិធីដែលជុងហ្គុកប្រើការ គឺយកហ្វីយូទៅគេងជាមួយដែរ។
" ក្រោក! "
" អាប៉ាឡប់ ហ្អឹកៗ "
" ចំមែន ក្មេងៗអស់នេះ សឺត!! ប្រពន្ធបងក្រអូបណាស់ "
ប្អូនប្រុស និងកូនស្រីចេញទៅផុត លោកម្ចាស់ក្រោកពីសាឡុង ទៅគេងឱបប្រពន្ធដែលគេងលក់លើពូក លោកម្ចាស់ថើបប្រពន្ធខ្សឺតៗ រួចគេងឱបនាង យ៉ាងមានក្តីសុខ អត់មានមានកូនរំខាន។

ពេលមកដល់បន្ទប់វិញ ម្ចាស់តូចដាក់កូនស្រីពៅ នាងតូចហ្វីយូនៅលើពូកថ្នមៗ ដាក់នាងគេងកណ្តាល ចំណែកហ្វីយ៉ាគេងខាងស្តាំដៃ ប្អូនស្រី ទើបម្ចាស់តូចដាក់ខ្លួនគេងក្បែរ កូនពៅ ដោយមិនភ្លេចឈោងទៅ ដណ្តប់ភួយឱ្យប្រពន្ធ ៖
" ផាច់!! ម្តេចគេងគងប្អូន? កូននេះ " ធំហើយ មិនចេះគិតគេងសុខៗ ក៏លើកជើងគងប្អូន គ្នាខ្លួនតូចយ៊តែមួយសោះ គេងគងប្អូនស្អិត បេះមិនចេញ។
" ស្អប់ប៉ាហ្អឹកៗ " ហ្វីយ៉ាយកខ្នើយគ្របមុឋរួចគេងបែរទៅម្ខាង ព្រោះនាងងងុយគេងខ្លាំងណាស់។
" មឹមៗ "
" អូហ៌ៗកុំយំ មឹម!ទៅកូន បើមានកូនខ្លួនឯង បងសង្ស័យថាអូនមិនចេះមើលកូនទេ បែបគេងគងកូន រាល់ថ្ងៃហើយ "
" ថ្លង់ណាស់អាកញ្ចាស់ ហ្អឹក!! "

ព្រឹកថ្ងៃថ្មី ដើរតួនាទីជាលោកប៉ាល្អមួយរូប ថ្មើរនេះត្រូវតែក្រោកងើបឡើង ទាំងព្រឹកពលឹម ដូច្នេះ ដើម្បីរៀបចំសម្លៀកបំពាក់សិស្សសាលា រៀបចំសម្ភារៈសិក្សា ជូនកូនទៅរៀន ម្ចាស់តូចបើកភ្នែកមមី យកដៃស្ទាបក្បាល ខ្លួនឯងទាំងមានអារម្មណ៍ថាស្ពឹក មួយតួខ្លួន មូលហេតុគឺ ៖
" អុញ!! ហើយម្តេចឡើងមកដេកលើក្បាលប៉ាអ៊ីចឹង ហ្វីយូ "
ហ្វីយូ ឡើងទៅគេងពោបលើក្បាលប៉ាតូច ដាក់ជើងមើលលើស្មាប៉ាតូច គេងលក់លក់យ៉ាងមានក្តីសុខ នាងគេងរើបម្រះខុសកន្លែង ប៉ាភ្ញាក់មុនកូនៗ កូនរត់ឡើងទៅលើក្បាលបាត់។
" ឱពុទ្ធោអើយ ជីវិតស្មើសូន្យ ប្រពន្ធគងហើយ នោមដាក់ទៀត អើយ!! អញអើយអញ សើមជោក " ងាកមកមើលអ្នកខាងកហរោមវិញ នាងតូចហ្វីយ៉ា បងស្រីហ្វីយូ គេងលើកជើងគងលោកប៉ា ឱបខ្លួនលោកប៉ាស្អិតជឫប់ ថែមទាំងគេងនោម ស្រោចជោកអាវលោកប៉ា។
" ហ្អឹកៗ មឹមៗ " ហ្វីយូ មិនដឹងជាក្រោកចុះមកអង្គុយ មើលមុខប៉ាតូចភ្លឹះៗ នាងយំសសិតតិចៗ បៀមដៃខ្លួនឯង សម្លឹងមើលមុខប៉ាតូច រួចវាកើមៗ ទៅអង្គុយលើភ្លៅប៉ាតូច។
" មកប៉ាមកកូន មឹមអីដោះគោអស់ហើយ កុំយំប៉ានាំទៅ
ម៉ាក់កូន " ម្ចាស់តូច ឱបក្រសោបកូន ងាកឆ្វេងស្តាំរកទឹកដោះគោ ឱ្យហ្វីយូបៅ សល់តែកំប៉ុងទទេ ក៏រហ័សពរកូនរត់ទៅបន្ទប់បងប្រុស។
" តុកៗ ហ្វីឡា ហ្វីយូឃ្លានបៅ "
" មានរឿងអី? "
" ព្រូត!! ចប់បាត់បងប្រុស កូនបង...ហ្អើយ! " ជុងហ្គុកឆ្លេឆ្លា រត់មករកបងប្រុស ខណៈហ្វីយូនាងឈឺជុះល្មម មុខឡើងក្រហមជុះដាក់ ពេញដៃប៉ាតូច។
" កាន់នាងសិន បងទៅយកកន្សែង " យ៉ុនហ្គីរត់ចូលបន្ទប់វិញ រត់ទៅទាញកន្សែង មករុំខ្លួនកូនស្រី ជៀសវាងប្រឡាក់កាន់តែខ្លាំង។
" បងប្រុស ប្រឡាក់ពេញខ្ញុំហើយ " ហ្វីយូខំប្រឹងជុះបន្ថែម ប្រឹងឡើងមុខក្រហម នាងជាក្មេងតូច នាងមិនដឹងអីទេ ឈឺជុះក៏មិនចេះប្រាប់ ចំណែកលោកម្ចាស់មីនវិញ ទម្រំតែទទួលកូនពីប្អូន ឆ្លៀតដៀលចរិតប្អូនសិន រហូតដល់ហ្វីយូឈឺជុះ ប្រឡាក់ពេញអាវប្អូនប្រុស។
" ឱ្យសមមុខហ្អែង ឱ្យរាង ឱ្យដឹងថាមានកូនវាពិបាកម៉េច "
ថាទៅពីរនាក់បងប្អូន មិនដែលត្រូវគ្នាទេ ជួបគ្នាដឹងតែឈ្លោះគ្នារាល់ពេល បងប្រុសឆ្លៀតបន្ទោស ថាស្តីឱ្យប្អូន ចំណែកប្អូនឆ្លៀតតវ៉ា តមាត់ជាមួយបងទៀត។
" យី...មើល៍មកបន្ទោសទៀត កូនខ្លួនឯងសោះ ហ្វីយ៉ានាងគេងនោមដាក់ខ្ញុំ ឥលូវកូនពៅបងហ្វីយូ មកឈឺជុះដាក់ញុមទៀត កូនបងឯងមួយៗ ចម្រើនណាស់ "
" ចុះអាចង្រៃណា ស្រលាញ់កូនបង? "
" កុំនិយាយច្រើ យកកូនទៅលាងគូទសិនទៅ យាប់ណាស់តាចាស់នេះវើយ "

______
និពន្ធដោយ: មីនស៍ហ្វា
(តទៅអេតមីនអាចនិងUpdate រឿងខកខានខ្លះ មិនបានជាប់លាប់ទេ បើថ្ងៃណាខ្លះឃើញអេតមីនយូរក្រផុសលើសម៉ោង10យប់អីគេងទៅណា អេតមីន ធ្វើការផង រៀនផង
ហើយឥលូវ ចុះកម្មសិក្សា ថែមទាំងបង្រៀនសិស្សទៀត
ដូច្នេះការងាររាងច្រើនក្នុងដៃធ្វើតែឯង មេត្តាយោគយល់
ដល់អេតមីនផងណា🥰🙏🏻)

To be continue