⛔ "L'amore" غير مباح ⛔
الفصل الأول: مستنقع الذئاب 🔥
الما كايغلبها كل مرة كايهبطها لتحت و تولي تطلع لفوق، كاتشهق مخلوعة و الفردي اللي موجهلها للراس خالعها اكثر .. غمضات عينيها بقوة باغا تثبت نفسها و تمتمات بنبرة راجفة ، الخوف متملكها
"عفاك اسيدي سمحليا .. ن نحاول نردليك دوك الفلوس، ن نكون خدامة عند رجليك حياتي كامرة، الله يعطيك مكاتمنى ماتقتـ •ـلنيييش (غرقها الما تا طلعات كاتشهق و تبكي) اهئ هئ ع عندي بنت صغيرة و عائلة كايساينوني هئ ب بنتي مريضة محتاجاني (جسدها مابقاتش قادرة تحكم فيه بالما فحالا كايجرها تغرق) خاص نديرلها عملية اععععع (حلات فيه عينيها حمرين) س سمحليا الفلوس تسرقوليا فداك النهار غير خرجت من الطرام طيروووه (صرطات ريقها من الكذبة اللي كذباتها كاتنهج) عفاك سمحلي عفاك .. م مكانش عليك تعطي فلوسك لوحدة مكاتعرفهاش اسيدي"
كاتدوي و هو كايشوف فيها ببرود و ابتسامة .. نظراته و ملامحه خالعينها، الفردي اللي بين يديه مرة مرة كايحك بيه على شعره الاشقر الكثيف و عينيه متربصينها، تا بانتليه عيات، الما غالبها .. بلا والو مخلوعة و عاد التقريدو اللي داير قبالتها .. بدات كاتستسلم للما كايتسمعو منها غير كلمات متقطعة
"س سم ح لي اااااه اننننن (علات راسها كاتنفس) عفاك رحمني اهئ ررررر حححححح اااااااااه"
شهقات شهقة طويلة مسموعة مع صرخة من أعماقها، أول ماحسات بشي حاجة قاسية تغرزات فكتفها العاري .. كانت رصاصة بااردة و قاااسية من مسدسه، تغرزات فلحمها تا عمر الما حواليها بدمها الاحمر .. و هو كايشوف فيها محافظ على ابتسامته و الفردي منيشو ليها، الذراع اللي تصابت ليها ماقدراتش تحركها مزال، غير هبطاتها تجرات للقاع دالما، كاتخبط بيد وحدة و تغرغر و تفركل، المووو •ووت زااارها .. كتفها عاطيها الحريييق كايوزوز مع الكلور دالبييسين ...و كاتعافر باغا ترجع تطلع لسطح الماء غير تاخذ نفس خفيف و لكن وااالو .. ماقدراااتش و تغلبات، مقاومتها بدات كاتفشل و جسدها بدا كايترخى، بين عينيها غير صورة جويرية .. خايفة عليها و برخوة غمغمات بحروف ثقااال تا خرجولها البواوق مع الماء
"ج وي رية"
ترخات كثر تا هزها الما، يديها ترخاو و رجليها كذلك .. تجبدات و وجهها غاطس لتحت .. عينيها ترخااااو و غااابت عن وعيها
.............
دار عاطي بضهره للپيسين، ابتسامته المجنونة كاتدل على انه واصل للطوب دالجنون د اعصابه، فما بالك اذا قهقه بصوت مسمووووع .. قهقهته دارت الصخب مع سكون الليل .. جلس فوق واحد الكرسي كايشوف فجسدها المرخي وسط داك البيسين و ببرودة باينة فملامح وجهه وقف و مشا من تما بلا مايتلفت وراه مزال.....
...........
الليلة مدازتش طويلة بزاف عنده .. تشغل فيها و نعس ساعات غير قلال .. خرج من غرفته الصباح بكري، بسروال بيجامة فيه كاروات و بينوار حريري فالبلو مارين، صدره العاري كايبانو عضلاته جذابين و عينيه الزرقين كايخلعو بنظراته الباردة .. كمل طريقه حتى وصل لديك الغرفة، دفع الباب و دخل بانتليه خادمة كاتقادلها المخدة تحت راسها و هي مرخية، وجهها شاحب و تحت عينيها كحال .. اللون هارب منها باينة فحال شي جثة و هي ممددة بديك الطريقة .. شافته الخادمة وقفات حانية راسها و قربات عنده مكاتهزش فيه عينيها
الخادمة: سيدي حرارتها نزلات و كيفما قال الطبيب كل شوية كانديرلها كمادات .. السيروم راه قرب يكملها ديك الساعة نبدلو و بانتليا غاتفيق عن قريب
مجاوبهاش، عينيه على جسدها اللي فوق الفراش ببرود .. حرك يدو كايشيرلها تمشي و قرب تا لجنبها، وقف عند راسها كايشوف فيها تا سمع صوت الباب تسد ورا ماخرجات الخادمة .. ربع يديه كايطلع و ينزل فيها، غزز سنانه و تبسم ببرود كايتمتم
"نشوفو شنو يخرج منك! غاتعوضيني .. اكيييد غاتعوضيني على داكشي تعتقتي من الموت اللي كان ضاير بيك من كلا جيه!"
"نشوفو شنو يخرج منك! غاتعوضيني .. اكيييد غاتعوضيني على داكشي تعتقتي من الموت اللي كان ضاير بيك من كلا جيه!"
خرج من عندها بعدما نطق هذا الكلام، بقات هي على حالها فاقدة وعيها .. حتى داز النص فالنهار .. عاد بدات كاتفيق .. شوية بشوية كاتحل عينيها، حاسة بالحريييق و ذاتها گاع كاترجف كولها .. عينيها مرخيين عليها و قلبها مزيررر .. هزات راسها بشووية باغا تنوض كاتوجع، حتى ماقدراتش و رجعات نعسات. . تأفأفات و قاصت فكتفها اللي حساتو كاينغزها بالحريق، شافت فيه و هوما يتجمعو دموعها فعينيها .. كان ملوي بضمادة و صپارادرا كبيرة .. الجرح مغطي و ذاتها كاترجف .. ماعرفات باش تبلات و كيفاش حتى حطها قدرها في هذا الموقف .. حلقها حساتو شاحف، مدات يدها السليمة ناحية الكوافوز جنبها .. جراتلها قرعة دالما بانتلها فحالا طاحت على كنز، شرباتها كاااملة كاتبل ريقها و رجعات ترخات فوق السرير .. تكمشات فبعضها بخوف كاتفكر فالقرطاسة اللي نهشات لحمها فالليلة الماضية و همسات بخفوت
"تفووو غاتخلي ليا ليماااارة ثاني .. لحمي ولا خارطة لولاد الحراااام .. لا ماشي ولد الحرااام .. ذييب هداك، ذيب خايب .. كان غايقتلني، يمكن مت و رجعت للحياة يعلم الله شنو تابعني .. الله يا ربي (شدات فراسها بيدها تا تحل عليها الباب و دخلات عليها الخادمة، غير شافتها فايقة تبسماتلها و قربات عندها كثر)"
خ: على سلامتك فقتي
شافت فيها كاتنفس بعنف و همسات بخفوت و حذر
"خ ختي عتقيني عفاك (ناضت جالسة) ا انا مخطوفة ا انا اهئ كان غايقتلني"
خ: (بابتسامة فحالا ماسمعاتهاش) فيك الجوع امدموزيل؟ نوضي معايا نهبطو لتحت .. موسيو شاهين كايساينك
ملامحها ذبلو كاتبكي بحرقة
"وااش سمعتي شنو قلتليك؟؟؟"
خ: (مشات جيهت الماريو حلاتو و جابتلها واحد اللبسة حجابية من ستيلها) هادي غاتجي معاك زوينة لبسيها
رمشات فيها بعدم استيعاب، ثواني قلال حتى تبسمات باستهزاء، اكيد خادمة عنده مغاداش تعتقها، تقدر تكون قتالة فحالو و تقدر تكون مهددة فحالها .. تقدر تكون وفية ليه بداك القدر اللي ماتديهاش فكلامها و فتوسلاتها و العديد من الاختيارات طاحو فذماغها .. ناضت جلسات بتعب حاسة بالدوخة و تمتمات بنبرة صوت مبحوحة
" كولي مدگدگة، عاونيني نبدل"
خ: (بهدوء) واخا، ديجا انا اللي كنت بدلتليك البارح
مجاوباتهاش، اكتفت بالصمت و الانصياع لأمرها الواقع، عارفة راسها طاحت وسط مستنقع مخيف .. مستنقع عامر اشرار، تقدر هاد الخادمة تكون منهم .. عاوناتها تا بدلات عليها و قبل ماتلبسلها دارتلها الدوا لكتفها و عطاتها مسكن للألم، شدات فيها و عاوناتها بيديها تخرج .. غاديين هي و ياها مسندة عليها، عينيها صغارو بقوة العيا و كاتزطم على الارض بالزز حتى وصلو لتحت و هي تسمع صوت مألوف، قفزها و خلا ناقوس الخطر يدق فقلبها و ذماغها و جميع حواسها .. طلقات من الخادمة و فحالا ولاو فيها عشرة، مشات كاتجري للجيهة دالصوت اللي سمعاته .. حتى وصلات لمصدره و غير شافتها حسات بالفشلة .. جالسة بين يديه كاضحك و تهضر و هو مبسم كايشوف فيها .. كانت غاطيح غير شدات فراسها بالزز و قربات عندهم خايفة، كاترجف و تدور عليهم عينيها، شافت فيها بدورها و غير قشعاتها نقزات من بين يديه و قربات عندها كاتجري و تهتففف
"مااااااماااااا"
عنقاتها من رجليها و هوما يطيحو دموعها .. كاتشوف فالمدعو بشاهين و تحركليه راسها بالنفي، بينما هو تقاد فجلسته اكثر و نطق ببرود
"گلتيليا بنتك مريضة و محتاجاك على داكشي جبتها لعندك (دار رجل على رجل كايطلع و ينزل فيها بعينيه) دويت مع پروفيسور غايتكلف بعلاجها و قبل مانجيبها لهنا دوزات شي تحاليل، عندك البنوتة مؤدبة ماعذباتناش و مابكاتش مللي دارولها الشوكة"
راقباته حاسة بصوتها واحل فحلقها، ماقدراتش تدوي مزال، حاسة بالخطر محاوطها هي و بنتها من كل جيه و كلامه حسات فحالا باعثولها برسائل مشفرة
شاهين: (وقف مقرب لعندها يديه فجيابه و ابتسامة ترسمات فملامحه) مالك كاتباني مامرتاحاش؟ مزالة مريضة؟ (وقف قبالتها و غمزها) ماتخافيش الزينة واليديك دويت معاهم و طمنتهم عليك انتِ وجويرية، قلتلهم على العملية
تبعاته بعينيها بدون مترمش و نطقات بنبرة مبحوحة
"لاش باغي توصل؟"
شاهين: (وسع ابتسامته أكثر و قرصها من خذها حتى هربات وجهها منه) براڤو عليك فهمتيني هه .. الجلسة ديالنا خاصها نكونو غير الراس فالراس .. (شاف لوراها و اشار للخدامة) اجي طلعي جويرية الزوينة للبيت لفوق
زيرات عليها بيديها كتحرك راسها بالنفي
"لا تبقى معايا"
شاهين: (ببرود) لا بغيتيها تشوف مناظر مغاتقدرش عليهم و هي فهاد السن الصغير خليها! انا ماعندي مشكل
كلامه زاد خلعها، مابقاتش عارفة كيفاش غاتصرف .. حنات براسها عند بنتها و تحنات عندها بالكامل، شدات فوجهها بيديها كاتشوف فعينيها بعيون لامعين دالدموع و همساتلها
"تمشي مع خالتو تلعبي معاها شوية تا نجي نلعب معاكم انا؟"
جويرية: (حركات راسها بالايجاب) ااااه
تبسماتلها و باستها فخذها بوسة عمييييقة، عنقاااتها فحالا كاطلب منها الامااان .. باغا تحس ان تا حاجة خايبة مغاتصيبها، مسحات دميعات نزلولها بالخف .. و مداتها للخادمة و وقفات .. كاتشوف فشاهين هازة راسها بالزز
طلعها و نزلها ببرود بنظراته و مشا من قدامها سابقها، تبعاته تا هي خطوة بخطوة تا حل واحد الباب و دخل لغرفة على شكل بار .. موسيقى الجاز مشعولة و واحد الكونطوار طويل فيه كراسة كثار، جلس على واحد فيهم و شاف فيها تجلس جنبه .. حرك يدو تا جا واحد السيد كايقادلهم المشروبات و شاف فيها مبسم
شاهين: غاتكوني كاتسائلي علاش خليتك عايشة؟ (حركاتليه راسها بالايجاب) و بنتك علاش جبتها؟ (عاودات نفس الحركة) و دابا علاش جالس كاندوي معاك
بنفس الايمائة حركات راسها، هز كاس حطوليه السيرڤور مدولها
شاهين: عصير بلا كحول، دوزي بيه دابا علاما تولفي النوع لاخر
شافت فيه باستغراب لكلامه و هو يقاد جلسته و شاد كاس ويسكي بين يديه كايجغم منه
شاهين: اولا خليتك عايشة باش تخلصيليا فلوسي مليار بخوه
يلاه زگفات من الكاس شرگاتلها و شافت فيه كاتكح و تعاود
-ش ش شنووووو؟؟؟ شحاااااال؟
شاهين: (طبطب بيدو على ضهرها و غمزها) شششش تهدني ماتخافيش غاتخلصيها كاملة واخا ضيعتيها و مادرتي بيها والو ولكن ضاعت و هي بين يديك (تبسملها) الصاك كانت فيه قرابة جوج مليار و الصرف و مللي مشاو غاتزيديني شوية دالفائدة و زائد العملية دالبنوتة ديالك (شاف فيها بجدية) ماتخافيش مغاندخلهاش فشغلنا (سكت و هز ثلجة من وسط كاسو حطها ففمه حتى انتعش و كمل كلامه) مغاندخلهاش اذا ماقصحتيش راسك Bella!!
شاف فيها لقاها غير كاتشوف فيه، حس بخوووفها الكبير و هادشي خلاه يستمتمع اكثر و زگف من كاسه
شاهين: اذن انا دابا كانتسالك 3 دالمليار! غاترديهاليا شوية بشوية .. و الطريقة انا غانگولهاليك ماتخافيش
غززات سنانها كاتحاول تضبط اعصابها
-م مافهمتش!!!
شاهين: (قاد جلسته كايشوف فيها بجدية و كمل كلامه ببرود) ماشي مهم، شوية بشوية غاتفهمي .. اهم حاجة كلامي غايتنفذ بالحرف، كلمة بكلمة (طلعها و نزلها بعينيه) و اكيد عارفك غاتنفعيني
رمشات فيه بسرعة حاسة بالنمل سارح مع ذااتها
-غير شرحليا اكثر عافاك باغا نفهم
شاهين: نفهم انك موافقة؟
-عندي شي خيار آخر؟
جاوباته على تسائله بسؤال آخر .. خلا ضحكته الرنانة تتزاد فوثيرتها و قالت
شاهين: للأسف كاين (شافها وسعات فيه عينيه و هو يكمل كلامه) الخيار الثاني هو اللي نجيتي منه البارح!
قلبها كان كايضرب بأمل انها تفلت بطريقة اخرى غير اللي دوالها عليها، غير من طريقته فالهضرة حساتها غاتكون خايبة قبل تا مايقولها .. و لكن ملي عرفات الطريقة الثانية تكمشات و تنهدات بحسرة كادعي فخوها في سرها و تعاود
-ممكن تقوليا كولشي بلا غموض؟
شاهين: اهاه واخا هي اللولة .. الطريقة اللي غاترجعليا بيها فلوسي خاصها بزاف دالغييرات فيك .. و بزاف دالقواااعد و اهم قاعدة هي (طلعها و نزلها بعينيه و بحركة خاطفة جر الشال اللي فوق راسها تا طاح للارض مع كانت دايراه بلا فنيتة .. حط يدو على واحد السري ديال ردائها اللي لابسة هبطولها بشوية و همسلها بنبرة زادت الطين بلة عندها و عينيه على شق صدرها اللي بانليه) تتعراي آ Bella
بنتنا غاتعرااا وااارااكم للقحوو •وب 💃🏻💃🏻
جالسة فالغرفة اللي ولات خاصة بيها فالفترة الحالية، ساهية كاتشوف فالفراغ و جلستها مع شاهين مزالة كادور فذماغها .. كلامه و شنو قال و نهاية حديثهم كايتعاود فمخيلتها .. الخوف متمكن منها، خصوصا على بنتها اللي جابها تا لهاد المستنقع و أقحمها معاها فهاد اللعبة الموسخة ديالو .. علات عينيها كتقلب عليها، حتى بانتليها كاتقلب بواحد المكعبات كاترتبهم فالأرض مركزة معاهم .. تنهدات بحرقة و تمتمات بخفوت كاتشوف فيها
-جويرية!
علات فيها الصغيرة عينيها مبتاسمة
جويرية: ماماتي هاد البلاصة زوينة بزاف و عمو اللي لتحت ظريف
غززات خذها بسنانها مللي ذكراتولها و شارتلها بيدها
-اجي عندي ابنتي ندوي معاك
ناضت جويرية مبتاسمة و قربات لعندها .. تلاحت عليها عنقاتها و هي بادلاتها العناق، ضماتها لحضنها بعمق كطبطب عليييها مزييرة .. قلبها حارقها من الورطة اللي دخلات ليها .. الدموع تجمعو فعينيها و همسات بخفوت و حرقة
-الله ياخذ فيك الحق أعمر، انت سبابي! غايولي اللي يسوى و اللي مايسوى يتمنظر فلحمي
جويرية: (شدات فوجهها مبتاسمة) ماماتي غانبقاو هنا ديما؟
شافت فيها بعيون ذابلين و همسات
-ماعرفتش ابنتي (تنهدات بحرقة) ااااخ يا قلبي
جويرية: بغيت الميمة تا هي تجي عندنا
غير سمعات سيرتها صرطات ريقها و دورات عينيها فجنابها، بانلها تليفونها اللي دوالها عليه محطوط فوق الكوافوز جنب راسها فين كاتنعس .. ناضت موراه و مدات لو يدها تا تعگرات من كتفها، توجعات و تزنگات و تحسسات بيدها على جرحها .. تأفأفات بصوت مسموع و شدات فالتليفون ديالها نفسه حطولها بعدما اتافقات معاه على شروطه للجلوس عنده معززة مكرمة، إلا لا بغات تجلس مذلولة فبيت الفيران تحت هاد القصر الضخم ساعتها تعانده و تتصرف بطريقة تهيج براكينه .. دارت رقم ماماها رن شوية و سمعات صوتها كادوي بسرعة من وراء الهاتف
رقية: بنتي اشنو هاد الخدمة اللي خلاتك تمشي لمدينة اخرى و خذيتي البنت تشنططيها معاك و شكون هادوك اللي مسيفطة باش يجيبو البنت و....
قاطعاتها مغمضة عينيها بعمق
-ماما براكة من النگير عفاك راه راسي غايتشق
رقية: (تنهدات) يا بنتي قلبي بغا يسكت ببعادكم، مزال ماكملش تا نهار و توحشتكم، خويتو عليا الدار كولكم انتِ و خوك يعلم الله شمن طريق شاد و...
قاطعاتها من جديد بحدة
-ماتذكريييليييش سيرررتو امامااا، هداااااك الشماتة مانحملش نسمع سيرتووووو من جديد
رقية: (تنهدات) الله يهديكم على بعضكم ابنتي، نتوما اللي عندي
تأفأفات بصوت مسموع
-خلينا منو دابا .. صونيت عليك باش نطمنك علينا، جويرية راني عارفة كي نتصرف بيها مع البنات معايا هنا، راه اذا بعدت عليها غانبقى مشوشة مانقدرش نخدم (حسات بالصهدة طالعة معاها مللي تفكرات خدمتها و تفكرات الهضرة د شاهين و توصياته ليها لشنو غاتقول لعائلتها لا دوات معاهم) غانحاول نديرلها العملية فأقرب وقت انتِ غير تهناي
تنهدات رقية بحسرة بدورها معارفة ماتقول مزال و تكلمات بخفوت
-ايوا شنو بيدي مانقول ابنتي، حياة بنتك اهم و انتِ كبيرة و عارفة طريقك و حياتك ماشي تالدابا عاد نقوليك شنو ديري!
الدموع وقفو فقنات عينيها و نطقات بصوت و نبرة مخنوقة
-بسلامة اماما تهلاي فراسك و فبابا عفاك، براكة مادابزو انتِ وياه راه محتاج غير الحوار و الهضرة بالخاطر
رقية: (بنبرة حزينة) انشاء الله ابنتي، بسلامة و تهلاي في راسك
قطعات معاها و ناضت كولها كاترجف، خلات جويرية رجعات تلعب مامنتابهاش لدموعها و قربات للمراية الطويلة، تقابلات معاها، عينيها كايحكيو ألف حكاية للحسرة .. ببطئ حيدات الشال من فوق راسها حيداتو .. و رجعات حلات السلسلة د ردائها، حيداتو كامل تا بقات بضوني و سليب و سوتيانات .. بقات كاتطلع و تنزل فجسدها تا شدات فكتفها و بلاصة الرصاصة، غززات سنانها محاساش بالامان نهائيا و همسات بخفوت و نبرة صوت مبحوحة و خافتة
- غانتعرا ... غانتعرا باش نعيش .. غانتعرا باش نحافظ على حياتي و حياة بنتي .. غانتعرا و قلبي كايتقطع، غانزطم على المبادئ ديالي و اخلاقي .. غانتعرى و نبدل سميتي و كنيتي و كولشي فيا، حياتي مابقاتش ملكي، حياتي ولات رهينة بين يدين ذيب وانا واحلة وسط مستنقع ديالو، غانتعاشر مع شلا ذياب من هنا لفوق، غانتحطم و غايلعبو فيا و معايا كي بغاو و حتى انا غاندير اللي نقدر عليه باش نرضيهم و ناخذ منهم اللي خاصني ناخذو .. غانتعرا باش نعيش و مغاندمش (شهقات بالدموع فعينيها) اهئ على قبل بنتي و على قبل عائلتي و على قبل مانموتش فحال اللي كنت غانموت البارح (شافت جيهت كتفها و زيرات على عينيها) انا من اليوم مغانبقاش انا، غانزطم على قلبي و مبادئي و حياتي و كولشي، الر •جا •ل غايوليو لعبة بين يدي، لعبة غانتفنن فاللعب بيهم و بلا مانتردد
سكتات كاتصرط فريقها .. ضمات جسدها بيديها بجوج و مشات بشوية، خطوة بخطوة جيهت سريرها، تكات عليه تا تفرش شعرها تحت من راسها و ترخات كاتشوف فسقف الغرفة و رجعات بذاكرتها لجلستها مع شاهين من جديد
🔙🔙🔙🔙
شاهين: تتعراي (طلعها و نزلها بعينيه) بيلا
وسعات فيه عينيها بخوف من كلامه، حسات برعشة سرات مع جسدها و برودية قاصت عضامها .. عضات على خذها من لداخل بقوة و تمتمات بقوة
-كيييفاش؟؟؟ شنو قلتي؟؟؟؟؟؟؟
حط ضهر يدو على عنقها، مبسم ليها و عينيه متوهجين فعينيها .. غمزها و نطق ببرود
شاهين: شششش تهدني .. ماتخافيش .. ماشي العرا اللي فهمتيه (ضحك باستهزاء) هه انا ماشي بديك النذالة باش نقود النسا الزوينين اللي خدامين معايا و نعطيهم على طبق من فضة للر •جال!!
صرطات ريقها بصعوبة كاطلع نفسها بالزز
-شرحليا شنو قصدتي!!! مادويش بالألغاز (عينيها حمارو بالانفعال) عفاك شرحليا و فهمني
شاهين: (محافظ على ابتسامته المستفزة) غاتخدمي للصالح ديالي .. و اول حاجة غاديري غاتحيدي عليا الحجاب و اللباس المستور، تعراي شوية و لبسي فوق الفخاض شوية .. تزيني اكثر خليي اللي يشوفك يتبهر بيك، بجمالك غاتلعبي و بجمالك غاتجيبي ليا اللي بغيت (جبد گارو من جيبه، شعلو و سف منه كايشوف فيها) انا كايهموني الفلوس .. الفلوس اللي غاتجيبي ليا و نشدهم، كل راجل تقربتي منو غاتجيبيليا من عندو مبلغ يا كبير و لا صغير (ميل راسو معاها مبسم باستهزاء) نقدر نجيب فلوسي بطرقي الخاصة و لكن اللعب معاك و بيك غايكون ممتع و منها النيت تحسي بغلطك و بالملاير اللي ضيعتيليا بغبائك
صرطات ريقها بصعوبة متبعة كلامه اللي مزال مافهماتو مزيان و هادشي فهمو من نظراتها، كمل بهداوة كايدوي و يسف من گاروه و يبخ الذخان
شاهين: خدمتك هي تغري الرجال، تمشي معاهم لديورهم، دوخيهم شوية .. تحلوني عليهم، شطحي و بوسي گاع و لكن ماتعمقيش (غمزها) مامسيفطكش تتحو •اي و تبرديه bellissimo (صرطات ريقها و تزنگات من تخصاره للهضرة و الكلام اللي كايقوله نرفزها و لعب بأعصابها مامتخايلاش نفسها بالطريقة اللي كايدوي عليها) اي واحد غانصيفطك لعنده، ضوسيه عندي خانز و كنتساليه شي فلووس .. غاتجيبي ليا من عندو فلوسي .. كل واحد غادوخيه بطريقتك و انتي غاتجبدي منهم الفلوس فينهم و منين تقدي تجبديهم هادشي كايبقى عليك و على شطارتك (قربلها لوجهها كايشوف فعينيها بتركيز و بنظرات مخيفة و نبرة هامسة نطق) اي واحد مشيتي لعندو و ماجبتيليش فلوسييي منو نقدر نعاقبك بطريقة خايبة بزاف (دوز ابهامه بخفة على شفايفها اللي ولاو كايرجفولها و تبسم ببرود عاض على شنايفه) العقاب يقدر يكون فحال دالبارح و يقدر يكون عن طريق الحباب و القراب، مثلا ماماك ولا باباك ولا (جر خصلة طويييلة من شعرها و حطها على انفه كايستنشق منها) البنوتة ديالك الزوينة
طولات فيه الشوفة كاتستوعب تهديداته المباشرة ليها، حتى دخلات معاها كل كلمة فحال السم و تغلغلات فدواخلها .. حركات راسها بالنفي مقادراش تستوعب ان عائلتها كاملة دابا فخطر و تقدر تخسرهم فرد بفرد اذا غلطات معاه مجرد غلطة صغيرة .. شافت فيه بترجي كان كايطلع و ينزل فيها بابتسامة و همسات بخفوت
-و اذا هوما مكانوش عندهم فلوس فديورهم، حاطينهم فالبنكة مثلا!
شاهين: (شد يدها كانت حاطاها فوق فخضها و قربهاليه كايلعب فصبعها و هي كاترجف، خايفة من قربه منها، باغا تنتر منه و تهرب و تمشي لآخر الدنيا و لكن هادشي كانت غاديرو لو كانت بوحدها فهاد البلاصة معاه و لو مكانتش عائلتها تا هي مهددة، قربلها يدها تا لفمه باسهالها تا رجف قلبها و نطق ببحة رجولية) سينيهم على الشيكات بيلا، كاين شلا طرق تجيبيليا فلوسي، تقدري گاع تصوريهم بطريقة تفضحهم و تبقاي تبتزي فيهم، الطرق باش تجيبي الفلوس موجودين، خصوصا ان اللي غاتمشي عندهم، كولهم ضوسيهم كحل، مووسخ و ذيااب بسيفة بنادم!
"شحال كايتقدرو عند كل واحد فيهم؟"
قربلها اكثر عينيه فعينيها و مرة مرة كايشوف فشفايفها المكتنزتين و المنفوختين مثل حبات الكرز .. حافظ على ابتسامته ليها و قرب باسها قبلة خفيفة جنب شفايفها تا زيرات على عينيها و همسلها و شفايفه مزال كايقيصو فجلدها
شاهين:شحال مالقيتي جيبي ، دابا حتى ترتاحي و تبراي شوية و نشوفو العملية دالغزيولة ديالك عاد غانبداو اول مهمة ليك، تكوني وجدتي راسك و عرفتي كي غاتصرفي
رمشات كاتشوف قبالتها بجمود، حاسة بنفسها كاتحرق وسط العافية و معارفة منين تخرج، همساتليه بخفوت
-بغيت ندوي مع واليديا
شاهين: التليفون تلقايه فبيتك و لكن (شاف فيها بجدية) هادشي ماتدويش فيه، الخدمة ديالنا تبقى بيناتنا، يسيق طرف ثالث الخبار ماتلومي غير راسك
حركاتليه راسها بالايجاب بضعف
-كون هاني اللي قلتيها غاتنفذ (ناضت وقفات و تحنات هزات شالها بلا ماديرو) غانتعرا و غانتقرب للرجال و غاندير جهدي نجيبلك فلوسك و نكملهوملك فأقرب وقت
شاهين: (هز كاس ويسكي آخر و قال ببرود) اذا عحباتني خدمتك نقد نشدك عندي على طول (طلعها و نزلها بعينيه) تولي قحـ •ـبتي ديك الساعة
تزيرات فقلبها من كلامه، عمرها كانت غاتضن غاتوصل فحياتها لهاد النقطة هادي .. زيرات بيديها على الشال بين يديها و تمتمات ببرود مصطنع
-نمشي لبيتي؟
تبسم ببرود بلا مايشوف فيها و حرك يدو بمعنى سيري، مشات فحالها كاتخبط فصراعات بينها و بين نفسها .. عقلها و قلبها مامطاوعينهاش لهاد الجحيم اللي لايحة نفسها فيه و لكن ماعندها مادير، تيقنات ان هذا قدرها و مكاين هروب من هاد المستنقع اللي غرقات فيه غير بتنفيذ الأوامر و الامتثال ليهم .. مشات خلاتو مكمل على كيسانه كايشرب و يعاود .. حتى تبسم بلا مايحس كايتفكر فرائحتها الخفيفة و جمالها الغريب و الاستثنائي، داك الجمال و البرائة المخلطين فعينيها هوما اللي خلاوه فالنهار الاول يحطلها الصاك على حجرها، باشما كان بغا يورطها معاه و يدخلها لمستنقعه، حتى و لو ماضيعاتليهش فلوسه .. كان غايلقى طريقة اخرى يلصقها بيها معاه، وحدة فحالها غاتنفعو بزاف فخدمته
تكى براسه على الكرسي اللي جالس عليه و همس بخفوت منغم بألحان الاغنية الايطالية اللي تشعلات عند وذنيه و همس
شاهين: بيلا راگازّا (بنوتة زوينة) اللعب بيها غايكون حلووو
🔚🔚🔚🔚
"بيلا ديالنا راااحت بين الرجلين، مكاين غالعرا و النصب على عباد الله 💃🏻💃🏻"
صباح نهار جديد .. مع أحداث جديدة .. غادة على طول ممر طويل، البيبان معمرينو فكل جيه و هي قلبها عالم بيه غير الله، لابسة الحوايج بنفس ستيلها الحجابي و هازة صاك بين يديها .. حلات الباب و دخلات للغرفة اللي وصلاتليها فآخر الممر .. غير دخلات قلبها توجع لمنظر صغيرتها و حبيبتها ممددة فوق السرير و اجهزة المشفى ضايرين بيها .. قربات جيهتها الدموع حابسين فعينيها و جلسات على طرف السرير جنبها .. كاتشوف فيها بنظرات حنونة و خايفة عليها .. قبطاتلها فيدها الدافية بيديها الباردين و حطاتها على قلبها اللي كايزدح .. تنهدات تنهيدة حزييينة و همسات بخفوت و نبرة صوت مبحوحة
"على سلامتك الكبيدة ديالي خرجتي على خير و بخير من العملية (تبسمات بحزن كاتشوف فراسها اللي ضاير بضمادة على شكل طربوش مغطي گاع راسها .. كولها عارية و السلوكة ضايرين بيها من كلا جيه) كانساين فوقاش تحلي عينيك بخير و على خير، تجري و ضحكي و تنقزي قدامي (تبسمات بحزن) باغا ديما نشوفك فأعلى المراتب الكبيدة ديالي"
تأملاتها شحال و لمدة طويلة .. كاتشوف فيها بسهوة و خايفة عليها كاتساين غير فوقاش تحل عينيها و تدوي معاها و تعنقها .. تنهدات بوجوم كاتفكر فالخدمة اللي قربات تبدا فيها، دازت قرابة الشهر ليها و هي بادية فحياة جديدة فداك القصر الغريب و المخيف مع شاهين .. حياته غامضة و داره غامضة اكثر منه .. طول الشهر كلامهم قليل و حتى احتكاكااتهم قلال، ديجا كانت ملازمة غير غرفتها مع جويرية و الخادمة كاتعالجلها فكتفها اللي برا حاليا .. المدة هادي اللي فاتت عليها دوزاتها غير كاتفكر فشنو تابعها معاه و مع خدمتها، مكانت كاطلاقى شاهين غير فالفحوصات ديال جويرية و كيفما قاليها هو وقف على علاجها و مصاريف عمليتها و الحمد لله تدارتلها و طمنها البروفيسور المختص انها ناجحة هادي مجيتها من عنده .. صرطات ريقها مبسمة بحزن و همسات بخفوت
"هادي احسن حاجة ربحتها فهاد الورطة اللي دخلني فيها عمر! (سكتات كاتفكر فخوها لو مكانش طمع و هز الفلوس، يمكن كان غايكون عفى عليها و لا قلل معاها العقوبات)"
راسها عطاها الحريق و ذاتها ترخات فوق الكرسي و هي مراقبة حبيبتها، تا بدات كاتغفى و تنعس و هي تقفز على حركة من يد جويرية فوسط يديها هي .. شافت فيها بلهفة و قربات لعندها كاتسناها تحل عينيها و تشوفها هي اول وحدة .. حتى حلاتهم فعلا عسلاتهم فيها ، شافت فيها لمدة قصيرة و رجعات غمضات عينيها من جديد .. بقات مغمضاهم لمدة قليلة و عاودات حلاتهم، مزال دايخة بالبنج .. غير شافت فيها من جديد وسعات هي ابتسامتها و همساتلها بحب
"الحبيبة ديالي باش حاسة!"
جويرية: (بخفوت) م ماما
صرطات ريقها كاتبسم و تبوسلها على يديها و همساتلها
"ماماتك اعمري حداك، هانا معاك"
جويرية: (بخفوت) ما ما نخر ر جو من السـ ـ ــسـ ـبيطـــار
تبسمات بدفئ
"تا تبراي شوية و نخرجو نتساراو"
جويرية: مابقيتش مريضة داك المرض الخايب؟
حركاتلها راسها بالنفي مبتاسمة
"لاء تبداي تبراي دابا ، شوية بشوية غاترجعي صحيحتك و الدوا غايزيي يعاونك تبراي، على داكشي مخاصكش تقوليلي عليه لا مللي نعطيهلك!"
جويرية: (بعبوس) و لكن شعري مابقاش طويل اماما
تبسماتلها بحزن
"ندير للكبيدة ديالي خلطات يطولوهلها يوليلك كثر من ديالي"
تبسمات جويرية بفرحة كاتشوف فيها و هي توقف
"نمشي نعيط للطبيب يجي يشوفك"
حافضات على ابتسامتها ليها و خرجات من الغرفة شادة بيديها على قلبها و كادعي مايخرجولها تا مضاعفات، عيطات للطبيب د جويرية و رجعو عندها للغرفة، دارولها بعض الفحوصات، اطمئنو عليها و الطبيب كايضحك مع الصغيرة و يشوف فالكبيرة مبتاسم .. مكانش شخص كبير بزاف و انما شاب زوين و عاطي للعين
الطبيب: (بابتسامة) ماشاء الله البنوتة كاتشبهليك
تبسماتليه بهدوء
-شكرا
الطبيب: يخرجو التحاليل د دابا و نطمنو عليها و نشوفو نتيجة العملية النهائية، لا شفنا مزال احتمال ديال الورم كاين نقدرو نكملولها بالكيماوي شي ثلاثة دالحصص
غير سمعات الكيماوي قلبها نقز من بلاصته و قالت بلهفة
-انشاء الله ماتحتاجوش
الطبيب: (تبسملها بوقار) انشاء الله
خرج من عندها خلاها رجعات عند جويرية، خايفة عليها من الالم دالكيماوي، لو كان بيديها كانت تهز عليها اي ضربة خايبة تاخذها فبلاصتها، اي طيحة توجعها و تا هاد العملية .. ماكرهاتش لو كانت جات فيها و ماشي فصغيرتها .. تنهدات بحرقة و هزات يدها باستها و عاودات و عاودات مدوزة معاها داك النهار
خمسة ايام اللي دازو .. اليوم فاقت جويرية حاسة بنفسها شوية و هاد النهار دايرة مع الطبيب باش تخرجها من السبيطار للدار و مرة مرة غاتجيبها للفحوصات، بعدما طمنو ان الورم تزال بصفة نهائية و مابقاوش فيها آثاره و مغاتحتاجش الكيماوي الحمد لله , بقالها غير الدواء ماتقطعوش تا يخبرها الطبيب .. السيارة بالشيفور كانت مستنياهم فباب المشفى، محاولاتش تهرب ولا تعتق راسها هي و بنتها، ماشي غير حياتهم اللي معلقين تا مها و باها فدار غفلون فدارهم و مغاتستحملش تطرالهم شي حاجة اللي خايبة .. ركبات كاتنهد و جويرية فوق حجرها .. كاتشوف فالطريق بعيون غائمة و الحسرة باينة على ملامحها، بعدما كملات مع بنتها علاجها عارفة خدمتها معاه قريبة تبدا و هادشي خالعها، خايفة لمتقدرش تجيبليه فلوسو و تصدق مرزية فشي حد عزيز عليها
وصلو للدار .. هزات جويرية بعدما بغا يهزهالها الشيفور و مابغاتلوش، ما مأمناش تعطي بنتها لأي كان خصوصا فهاد البلاصة، دخلات بيها و نيشان طلعاتها لغرفتهم، غير حطاتها فوق الفراش و وقفات كاتغطيها تحل الباب و دخل بخطواته المسموعين كايقرب عندها، عرفاته غير من وقع خطواته .. قريبة لأسبوع مشافتو رغم انهم فنفس الدار عايشين .. دارت شافت فيه ببطئ كاترمش بهداوة و نطقات بخفوت
-موسيو شاهي....
قبل ماتكملها، داز من قدامها فحال الريح مشافش فيها و قرب لعند جويرية طل عليها مبتاسم كانت حالة عينيها فحال القطيطة، تبسم و قرص خذها بخفة
شاهين: بريتي ارنوبة؟
جويرية: (بخفوت) اااه
شاهين: (تبسملها) مللي تبراي فخطرة ناخذك لمدينة الألعاب نساريك
جويرية: (تبسمات موسعة فيه عينيها) واااو ياااي، اه اه بغيت
شاهين: (تبسملها و دار خارج من البيت، تا وقف جنبها هي اللي بقات مراقباه و قال ببرود) نعسيها و اجي عندي للجناح ديالي
خرج من عندها، خلاها غير كاتشوف، حتى تنهدات و قربات عند جويرية
-محتاجة شي حاجة؟ حاسة بالوجع؟
جويرية: لا اماما
-فيك الجوع؟
جويرية: لا امامي؟
-فيك پيپي؟
جويرية: (تبسمات) لا مامي
-هممممم! اذن تنعسي ترتاحي؟
جويرية: (تفوهات) واااه فيا النعاس
قربات لعندها مبتاسمة، باستلها على جبهتها و يديها و خذوذها و بدات كاتلعبلها فشعرها تا بدات كتغفى .. تسنات تا طاب فيها النعاس مزيان و قادات وقفتها، خرجاات من البيت و مشات مباشرة للجناح ديالو اللي كانت وراتولها واحد الخادمة من قبل حيت طلبها ليه كذا مرة .. وصلات ليه، دقات دقة خفيفة تسنات شوية و حلات الباب، دخلات عاقدة حواجبها كاتقلب عليه، تا سمعات صوت من واحد الغرفة بابها مسدود، تمشات لجيهتها مستغربة لغبرتو و حلات الباب، غير حلاتو شهقات و وسعات عينيها فالمنظر المقزز اللي بانلها .. كان السيد جالس مفرق رجليه و وحدة سمراء حانية لتحته كاتمصو و تصدر اصوات طلعولها قلبها، عوجات سيفتها حاسة بقلبها كايطلع و خرجات لبرا بالزربة، بقات شحال واقفة فمكانها كاتنفس بسرعة و عنف مقززة من المنظر اللي شافت، حتى قفزات اول ماحسات بيدين دارو على خصرها و راسو تخشى وسط عنقها تا ضرب بأنفاسه فشالها و هرها، خلاها تقفز و بغات تنترليه و هو يحكمها مزيان و همسلها بجدية
"ماعجبكش المنظر اللي شفتي bella?"
تزيزنات كاتشوف فالفراغ بلا ماتنطق و لا تحاول دفعو من جديد
تبسم ابتسامة خفيفة رنت فوذنها و همس بنبرة خشنة
-فحال هادشي جاري بيه العمل .. (دورها لعندو حتى تقابلات معاه و شد فشنايفها كايشوف فيهم برغبة) فوقاش غايزيروليا عليه تا هوما و يمصوه؟
#يتب________ع