⛔"L'amore" غير مباح⛔
الفصل الثاني: اللعب مع الكبار🔥
عابدين: (انفاسه تحقنو فصدره بقوة و عقد حواجبه .. عارف نفسيتها كل خطرة غادة لجيه و تا افكارها هبال و بسبابهم تخاصمو .. شد فشعره بقوة كايمشي و يجي فمكانه، خايف عليها بزاف .. عمرو تحط فموقف انه يخسر شي حد حاسبه هو حياته .. تزير اكثر كايمشي و يجي فبلاصته حتى داز وقت و خرج الطبيب من غرفة العمليات، طاار لعنده كايتمتم بلهفة) شنو طرا كي بقااات؟
الطبيب: (تنهد) للاسف تعطلتو باش جبتوها! درنا جهدنا كامل و لكن ماقديناش نعتقوها
🔚🔚🔚🔚
رجع لواقعه على صوت كلاكصون فالطريق .. تأفأف بتعب و جبد ديك الصورة كايحقق فيها! تصرفات بأنانية ضنا منها انها غاتعتق و يتصالحو لا اذات نفسها و لكن هي نهات حياتها و خلاته يتبدل حتى هو مية و ثمانين درجة، كان شقي و زهواني و شخصيته مغايرة تماما لهاد الشخص المثبت، بسباب انتحارها تبدل و الخطر اللي كاتعرضليه عائشة حاليا كايخلعو باش يعاود نفس الموقف!
خايف عليها و خايف يخسرها! ولات غالية عنده و مغايستحملش فكرة انه يعيش بلا بيها ولا بعيد عليها .. دوامة الذكريات اللي رجعوه لداك الوقت اتعبو عقله .. زير على صورتها وسط يده حتى كمشها .. حل الشرجم اللي جنبه و لاحها، ماعمره قدر ولا غايقدر يسامحها على فعلتها، خلاتو مشموت فيها!
..........
بعدما هبطات بنتها عند استاذتها خرجات للاصطبل .. وقفات كاتشوف فسينام شادة فواحد العود كاتلمسو بحنية و بطريقة رقيقة مبتاسمة .. تنهدات تنهيدة مسموعة حاضياها حتى قشعاتها سينام، طلقات من العود و قربات عندها مبتاسمة
سينام: كبييدة اخيرا جيتي عندي
اصالة: (عنقاتها) بب لاباس؟
سينام: طووب توحشتك و عقلي بقا معاك من داك النهار
تحنحنات بحرج من داك النهار معارفاش شنو تعاودلها و كيفاش غاتواجهها و تقولهالها تقدر تشوف فيها بشوفة ناقصة
اصالة: امممم عادي غير السي مهيار انا عندو عزيزة و حتى جويرية
سينام: (قلبات عينيها) اصالة انا ماشي مكلخة، انت وياه بيناتكم شي علاقة غا گري
اصالة: (بعبوس) ماعرفتش انا وياه داكشي بيناتتنا مخربق
سينام: كاتعجبيه و كايعجبك؟
اصالة: (حركاتلها راسها بالايجاب و تنهداات) اممممم
سينام: (هزات حاجبها فيها) ياك قلتيليا مزوج؟
اصالة: هادشي اللي مخليني مترددة
سينام: (تبسمات) تا انت ماديريش فبالك راه الشرع محلل اربعة
اصالة: (تبسمات) كاتشجعيني زعما هههه
سينام: باغيك ببنتك و كايعاملك مزيان الفلوس كايتشتتو عليك ، شكون بحالك؟
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
