⛔"L'amore" غير مباح⛔
الفصل الثاني: اللعب مع الكبار🔥
داخلة مع الباب مشطونة عليها بما ان اليوم و كيفما توقعات الخدمة حابسة .. سولات فالاستقبال عليها و طلعات للغرفة اللي نقلوها ليها .. دقات بشوية فالباب و دخلات .. بانلها مهيار متكي على كرسي جنبها و غفى بلا مايحس على نفسه .. تحنحنات كاتقرب ببطئ ناحيتها و طلات عليها .. كانت تا هي ناعسة .. عضات على شفتها السفلية معارفة مادير و قبل ماتدور باغا تمشي فحالها، تحل الباب من جديد و دخلات سرية معاها عائشة مخلوعة من الخبر اللي سمعاتو تالصباح فالوقيتة دالفطور .. و عبد الحي و عابدين دخلو موراهم .. و ميادة جايا هي الاخيرة بالزز منها محاملاش المجية
شافت فيهم شريفة حاطة سبابتها على شفايفها
شريفة: ناعسين!
عائشة: (قربات عندها الدموع فعينيها) كي بقات اختي مسكينة عزات عليا
شريفة: (عنقاتها بابتسامة) ماتخافيش غاتكون بخير مدام حاطينها فغرفة عادية
على صوت التوشويش حل عينيه مخنزر .. دور عينيه على الكل بنظرة حادة و تمتم بحدة
مهيار: مالكم داخلين دقة غاتخلعوها!
عابدين: (تحنحن) هاحنا خارجين
ميادة: (معوجة فمها) البركة فراسك! (شافو فيها كولهم و هي تحنحن) اممم بغيت نقول الله يشافيها راه تخربقت
خرجات كاتنفض معصبة بينما عبد الحي و عابدين تبعوها، بقات غير سرية و شريفة و عائشة
مهيار: (ببرود) دابا هي ناعسة، تقدو تخرجو تا تفيق
سرية: (قربات عنده) انت اللي بنتيليا خاصك شوية دالراحة! هاحنا معاها دابا انت نوض و سير للدار دير شي دوش و كوليك شي حاجة بدل عليك و رجع .. حوايجك كولهم كوحل بسباب الذخان و العافية!
مهيار: (ببرود) تفيق ردولها البال ماتخليوهاش تتحرك راها مخلوعة مللي عرفات راسها تحرقات
سرية: (حطات يدها على خذها) الله يا ربييي و فين تحرقات؟
مهيار: (وقف) ضهرها و كتافها (تأفأف) حضي معاها اسرية مابغيتش نجي نلقاها فشي حالة ماشي هي هاديك!
سرية: لا كون هاني اولدي راها فعويناتي
شاف جيهت البنات بنظرة حادة خلعاتهم بجوج، عندو ديك التخنزيرة كاتجيب الهيبة .. خرج من الغرفة خلا البنات كايتهامسو بيناتهم
شريفة: مصاحب معاها؟
عائشة: واقيلا
شريفة: هي اللي ضبرات و عرفات اش ضبر
عائشة: انا كايخلعني بازلها كاتعرف تعامل معاه!
شريفة: زعما غايكون كايعاملها فحالنا! راه الر •• جال ولاد القحا • ب مع اللي كايبغيو كايتسيفو
أنت تقرأ
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
