طلعات فيه عينيها مبرققاهم و الصهدة بغات تسخفها .. تبسم من جديد و غفلها بلا ماتحس بقبلة خاطفة من شفايفها خلاها تنتفض بين يديه، بغات تهرب و هو يزير عليها و عضلها على شفتها العلوية بقوة تا تأوهات بوجع وسط فمه و همس بنبرة ساخنة
شاهين: حلويين (بعد فمو و شاف فعينيها) بيهم غاتخدمي من اليوم لفوق .. كان ليك شرف الافتتاح معايا و هاد الليلة غاتوجدي راسك باش تمشي لأول مهمة (تبسم بخبث و شحطها لمؤخرتها تا قفزات مخلوعة من تصرفاته) تعراي مزيان تا تقرب تبان سوتك .. بغيت اللي يشوفك يقيم و اول تجربة ديريها فيا انا (غمزها و صفر تصفيرة خفيييفة حتى تحل الباب و دخلات الخادمة جارة شاريو دالحوايج، دارت براسها كاتشوف فيه و رجعات شافت فيه هو كاترمش)
استجمعات صوتها بالزز، بوستو ليها خربقاتها و قربه منها رونها و جاتها البكية، تجمع عليها كولشي فدقة كاتشوف فدوك الحوايج اللي لا علاقة مع السترة
"هادشي اللي غانولي نلبس؟"
شاهين: (ومأليها براسو و طلق منها، قرب بخطوات محسوبين ناحية داك الشاريو كايشوف فالحوايج و قال بابتسامة) و اليوم غايكون ليك شرف انني نختارليك اول لبسة تلبسيها
شاف فيها مبسم و حط يديه على واحد اللبسة سوارية كاملة كاتلمع .. عبارة عن جاكيط قصير غايجي معري الكرش و صايا باينة مغاتغطيش كثر من شبر و نص ففخاضها، مدهالها و قال
شاهين: لبسيها نشوفها عليك (شارلها لواحد البيت) سيري لتما و بدلي غاتلقاي اللي تحتاجي
شداتها منه بتردد، عينيها غارقين فدموعهم و فحسرتهم .. تمشات بديك اللبسة تا لداك البيت، حلات الباب و هي تلقى غرفة عامرة بلوازم التجميل، ليدوپياس ليطالون ليزاكسيسوار و كل ما هو انثوي .. لاحت ديك اللبسة للأرض و تحنات معاها تا هي، ضمات جسدها بيديها كاتبكي بحرقة ، قلبها ضارها من شنو غادير، خايفة بزاف لا تحصل و تموت، خايفة لا ماتقدرش تنفذ اللي باغي و يعاقبها بطريقة قاسية من جديد، خايفة على مها ، على باها، على بنتها و على نفسها!
شهقات شهقة مسموعة مخشية فبعضها تا سمعات صوته من برا
شاهين: عندك ربع ساعة، بلا تقحـ •ـبين
غير سمعاته محددلها الوقت، ناضت طااايرة خااايفة .. حيدات حوايجها بالزربة و لبسات داكشي اللي عطاها، خلات شعرها مطلوق لوات غير القصة دغيا و قربات للماكياج كاتشوف فيه، باش مايبقاش وجهها ناشف، دارت فوندوتان و كونسيلر، آيلاينر رقيق و ماسكارا مع فاغاجو مع ليلونتي، كانو فلون أخضر لامعين، زادو زينو عينيها و زاادو برزو جمالها أكثر، يلاه بغات تهز العكر سمعات الدقان فالباب، كانت ناوية تهز غوز بارد و خفيف و لكن مع دقانه دعقها و دوزاتو مع شفايفها، احمر دموي مثير، برز شفايفها .. تأملات الشوفة فراسها بضعة ثواني، تبسمات باستهزاء و همسات بخفوت
"قحـ •ـبة هه"
طلعات و نزلات فراسها ببرود، و دارت عطات لوجهها بالضهر .. مشات لجيهت الطالونات و هزات واحد كبير و عالي .. لبساتو و دازت جيهت الباب كاطقطق بيه، يلاه غاتحل الباب تحلات عليها، غير تحلات ضمات نفسها حانية راسها، خافت من نظراته و حافت تشوف فيه و تلقاه كايفتارس و يعريها بعينيه، هو حل عليها و تسمر بلاصته، طلعها و نزلها بعينيه بانبهار و نطق بفخر و بابتسامة واسعة
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
