⛔"L'amore" غير مباح⛔
الفصل الثاني: اللعب مع الكبار🔥
ريقها الناشف و رجفات الخوف من جسدها، عينيها اللي محدورين للأرض و شفايفها اللي كايرجفو من خوفها
هادشي اللي شافو خلاه يستمتع!
شحال عجباتو و هي خاضعة و ضعيفة امام امرها الواقع
خلاتو يحس بلذة الانتصار .. لذة كبيير ترجمها على شكل ابتسامة وااسعة و نطق بتلاعب
شاهين: يلاه عتاذري من سيدك، بوسي ليا رجليا و رغبيني
زيراات عينيها من كلامه، حاسة بالذل و القهرة
فكرة ان حياة اقرب اقربائها بين يدين واحد فحالو كاتخليها تبغي تحماق
شهقات بلا ماتحس ببكاء مريير، مقابلاش انها ترضخ من جديد و لكن الكابوس و الرعب اللي عاشته فالثواني الاولى اللي حلات فيهم عينيها هاد الصباح خلاوها تفكر غير فحياة صغيرتها، هي مستاعدة تقتل راسها على قبلها .. مستعدة تعيش اسوء انواع العذاب غير هي تبقالها بخير و على خير!
علات عينيها فيه بنظرة ضعيفة و همسات ببحة
اصالة: س سمحليا السي شاهين، مانعاودش
شاهين: (بنشوة و متعة من كلامها) علاش بالضبط كاتعتاذري؟
اصالة: (دافنة غلها وسط من قلبها، غير كاتشوف فوجهه كاتفكر واليديها اللي مشاو ضحية لواحد فحالو!) ح حيت قللت ادبي و تطاولت عليك و و حيت ضربتك البارح
هزها لعنده من ذراعها تا وقفات مقابلة معاه، زير بيدو على ذراعها تا بانو ملامح الوجع عليها و نطق بخبث كايشوف فعينيها
شاهين: شنو غاديري دابا؟
اصالة: (حادرة راسها) ال الل اللي بغيتي
شاهين: (تبسم بخبث مقربهاليه اكثر) بغيتك انت!
وسعات عينيها بذعر من كلامه، حتى تبسم باستهزاء من ملامح التفاجئ اللي بانو فملامحها و كمل كلامه
شاهين: بغيتك و لكن ورا ماتكملي من هنا! جيبيليا الشي اللي جيتي على قبلو (زير على ذقنها بيدو غارس صباعه بطريقة موجعة فجلدها) ياا وييلك نشم ريحة الخيانة منك و يااا ويييلك نشم ريحة انك طايحة فيه، لعبتي معاه شوية جا الوقت تخرجي من احلامك الوردية .. (تبسم باستهزاء) فالنهاية نقدر نعطيك انت المهمة باش تقتليه
غي نطقها وسعات فيه عينيها بنظرة كولها صدمة .. بينما هو تبسم باستهزاء دافعها من عليه، شاف فجويرية اللي شادة فرجلين ماماها خايفة منو، بغا يتحنى عليها يشدها و هي ضمهالها اصالة اكثر .. علا فيها حواجبه شاف فملامحها .. طلعها و نزلها بفتور و داز فيها بكتفه غادي لداخل، خلاها كاتزفر انفاسها بعنف و عمق .. هادشي اللي عمرها تقدر ديرو! تقتلو! بيديها! هي!
...........
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
