⛔"L'amore" غير مباح⛔
الفصل الثالث: ايكادولي "أحبك" 💕
معقولة شي جمال اكثر من هذا اللي مقابل معاه! كاتخليه يغرق فتفاصيلها بدون مايحس، دور يديه على خصرها بتملك عينيه محاوطين عينيها من كل الجهات و قال بنبرة رجولية خشنة
هشام: انت خطيبتي، تعرفنا هادي ست شهور .. انجذبنا لبعضنا و بغينا نكملو حياتنا بالزواج، قصة عادية و تقليدية نبانو على طبيعتنا
اصالة: و جويرية كيفاش غانجيبوها؟
هشام: جويرية من بعد دابا غانديرو الخطوة الاولى و من بعد نشوفو ردة فعله كولشي ملحوق
حركاتليه راسها بالايجاب شادين فبعضياتهم
اصالة: و عائشة
هشام: مانقدروش ناخذوها معانا اليوم!
تبسمات ابتسامة ساحرة و شدات فيدو خارجين من تما بعدما هزات فيرور دوراتو على كتافها، مشاو مباشرة للطموبيل و ركبو بجوج و هي مثوثرة لأقصى درجة .. عائشة بقات فالفيلا كاطل عليهم من شرفة غرفتها تا انطلقو و خرجو بالسيارة من البوابة الكبيرة عاد تنهدات و دارت كاتحيد فبينوارها، تخشات وسط الفراش و هزات تليفونها دخلات لغروب قصص فايسبوك كاتقرا فيه قصة من القصص، مدوزة ليلتها و وقتها
...............
اول ماوصلو للمكان المحدد للحفل، زفرات زفيير طوييل، تنفسااات بعمق، خلاتو نزل هو الاول و مدلها يده الرجولية تشد فيها، حطات يدها برقي وسط يديه و نزلات عنده مبتسمة ليه
كادور عينيها فجنابها و قلبها مزير من لقائهم هذا النهار .. شدات فطرف جنب الكسوة ديالها و تقابطو داخلين لداخل، عينيها كايدورو عليه باغا غير فوقاش تلقاه، و لكن من ضمن كل دوك الوجوه اللي حاضرين فالحفل وجهه مكانش، صرطات طعم الصدأ المتكوم فريقها ببطئ كاتنفس بالثقالة، يديها بداو كايرحفو و هي كاتساينو فوقاش يدخل، حتى وقف عليهم هي و هشام شخص خمسيني، شعره شايب مبسم ببشاشة كايرحب بيهم
الشخص: (بالانجليزية) اهلا اهلا اهاا الحباب (شاف فأصالة و رجع شاف فهشام) شكون هاد الزوينة اللي معاك؟
هشام: (تبسم و دور عينيه لأصالة بنظرات اعجاب و انجذاب، قرب باسها فخذها بوسة طويلة خلات خذوذها يتزنگو بالثوثر و قال ببحة فصوته) خطيبتي هادي
الشخص: (بابتسامة) اوووه شهاد العشق اللي كانشوفو فعينيك، شكون كان يضن انت بالذات توقع فالحب هههه عندي جوج دالناس كانقول موحال نشوفهم شي نهار كايبغيو من قلبهم، انت و (شاف لوراهم مبسم كايحرك يدو بحركة ديال "اجي" لشي حد) انت و مهيار المتوكل!
غير نطق ديك السمية جسدها تشنج عليها و سخن اكثر، سخونيته تزادت اول ماحسات بشي حد وقف جنبها .. دورات راسها ناحيته و هو يبانلها واقف بطقم كلاسيكي و نطرات باردة مثل عادته، ذقنه مشذبة بطريقة رجولية، حدة وسامته كاتقتل ، عينيها مابعدوش من عليه حتى تبسم الشخص اللي معاهم و قال
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
