⛔"L'amore" غير مباح⛔
بقلمي: نونة 🍷
الفصل الثالث: ايكادولي "أحبك" 💕
ايكادولي تعني أحبك
أحبك بكل اللغات ، و اعشقك بلغه واحده لا يفهمها أحداً سوانا!
أحبك لانك اول فكرة تخطر على بالي عندما استلقي على فراشي، و اول فكرة تخطر على بالي عندما استيقظ .. لانك الفكرة المستمرة معي طوال اليوم أصطحبها معي أينما ذهبت!
أحبك نيابةً عن كُل عِناق فاتنا، و عن كلّ مسافة مُنعَت يداي من مُلامسة وجهك!
أحبك بسوئِك و صلاحك بمرك و حُلوك بقليلك و كثيرك بكل مافيك!
فأنا اعرف الف طريقة كي احبك بها ولا اعرف طريقة واحدة كي انساك!
⛔"L'amore" غير مباح⛔
الفصل الثالث: ايكادولي "أحبك" 💕
يقال أن البعد لا يقلل المحبة، فالعزيز يضل عزيزا حتى و ان كان بعيدا كل البعد عن الأعين!
ـــــــــــــــــ
واقفة قبالت مبنى كاتشوف فيه مربعة يديها، نظارات سوداء مغطيين عينيها .. بسروال بويفراند و كابيتشو مع شال فوق راسها و سبرديلة .. هازة صاكادو فضهرها
اللي يشوفها من بعيد يقول هادي طالبة فالمدرسة و ماشي انثى فسن السادسة و العشرون .. جميلة بهية و مليحة!
تأفأفات بقلة صبر و هي كاتشوف فساعة يدها حتى خرج من داخل المبنى شخص مبتسم
تقدم عندها و مدلها الوراق اللي كانت كاتساينهم، حلاتهم كاتقرا فيهم و عينيها غاديين و يتوسعو تا رجعات شافت فيه شفايفها مجبدين بابتسامة عرييضة
اصالة: غانمشيو!
الشخص: امم الكونطرا وجدات، الوراق و كولشي كاين .. بعد غدا عندنا الڤول
تنهدات تنهيدة مسموعة كأن جبال و انزاحو من فوق كتافها و مدات يدها شدات فيدو مزيرة عليه
اصالة: شكرا بزاف حيت عاونتيني، لماكنتيش انت ماكنتش غانقدر ندير هادشي!
تبسم بدوره شد يدها كايطبطب عليها و قال بنبرة هادية
الشخص: مكانديرش هادشي غير على قبلك حتى أنا غانستافد ولا نسيتي؟
حركات راسها بالايجاب بدورها
اصالة: عمرني كنت كانضن انني غانقدر نتفارق مع بنتي بهاد الطريقة و لكن انت جابك سيدي ربي فطريقي باش نرجعها ليا، شكرا بزاف أ هشام!
هشام: (بجدية) شوفي انا بغض النظر على البنت عندي حساب مع الشخص اللي خذاها ليك، حساب طوييل و بالصدفة مللي اكتشفت أن ختي الله يرحمها قبل ماتموت عطات البنت اللي كانت حاملة بيها لباها و مشات .. قلت هادي الفرصة نتاحدو انا وياك و نردو البنت اللي من لحمنا و دمنا من شخص آذانا!
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
