⛔"L'amore" غير مباح⛔
الفصل الثاني: اللعب مع الكبار🔥
مهيار: (عينيه على ديك اللي مقابلة معاه، جالسة كاترجف و هو راقبها ببرود) شكون مصيفطكم نتوما بجوج؟
صرطات ريقها بصعوبة كاتشوف فيه باستفسار و ذعر
- ش ش شنو كاتقصد؟
هز حاجبه فيها ببرود و فرقع صواعبه فالهواء، ثواني و جا راجل حط بيسي قبالته .. شاف ناحيته و ضغط على بعض الازرار بصباعه .. دورو لعندها تا تقابلات معاها شاشة كاميرات المراقبة، شافت فيها باستفسار عاقدة حواجبها، تا شهقات اول مبانلها دوز الموس مع العنق د اصالة تا طاحت مرخية .. شدات على فمها مصدومة و تمتمات بنبرة راجفة
-اويييلي واش قتلها؟؟؟ ا انا مكانعرفهاش و و مامصيفطاش!
مهيار: من بين گاع الناس هي بوحدها اللي تتآذى؟
شافت فيه بتوسل
-عفاك ثيقني اسيدي! انا ا انا راه داك السيد ديما كايلاحقني .. لدرجة بلغت بيه للبوليس و سبقليهم شدوه .. كنت عايشة حياتي عادي ضاناه فالحبس تا خرجليا اليوم على غفلة بعدما جيت لهنا ندير جولة بالخيل! يلاه مؤخرا باش رجعت لنشاطاتي اما من قبل كنت مخلوعة حيت داك الشخص حمق واقيلا .. عقلو مفوت .. ديما مورايا باغي يبزز عليا نكون معاه
مهيار: (طول فيها الشوفة) المفروض عليا نتيق هاد الهضرة؟
-قلب لا بغيتي و سول! انا كان فخباري انه فالحبس ماعرفتش واش خرج و و ديك السيدة ماعرفتش واش مزالة عايشة راه دخلت فيها وانا هاربة منو! يمكن جات مورانا حيت انا كنت مخلوعة بزاف غانكون شككتها
مهيار: (وقف ببرود) مزيان، تقدري تمشي بحالك دابا
شافت فيه برهبة لهيبته و صرامته و دوك النطرات اللي عنده .. دار خارج فحالو من تما عاقد حواجبه كايتمتم بهداوة
مهيار: المليحة صدقات فضولية بزاف! نبدلولها اللقب واقيلا .. ديما مطوفانا موراها!
.............
حبس بالسيارة عند باب دارها .. شاف ناحيتها عاقد حواجبه و نطق بهداوة
محمود: متعاوديش تركبي معاه!
شريفة: (تبسمات باستهزاء و شافت ناحيته) ماتعاودش توريني كمارتك من غير فالخدمة
حلات الباب و نزلات .. تبعها بعينيه بجدية بينما هي دخلات للعمارة كاطقطق بطالونها .. طلعات الفوق ملامحها حادة و جادة .. زدحات موراها الباب داخلة مخنزرة كاتقلع فحوايجها مع الباب، غادة و تفسخ فيهم كاتلاوحهم فينما كان تا بقات بدوبياس فقط .. جمعات شعرها وسط من قبضة يدها و جلسات فوق واحد الفوطوي مرخييية و مهلوكة كتهمس
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
