⛔"L'amore" غير مباح⛔
الفصل الأول: مستنقع الذئاب 🔥
داخلة للصالة دالحفل البورجوازي .. مع سمارة اللي كاتلقاها فكل سهرة هي اللي كتاخذها عند مرافقيها .. بانلها من بعيد .. شاب طويل و مگلضم .. بكوستيم انيق و شعره ممشوط و عطره سابقه .. كايبان جذاب و ذو شخصية مهمة، صرطات ريقها بصعوبة كاطلعو و تنزلو و فنفس الوقت وقفات قبالته، شاف فيها مبتاسم بدفئ و شدلها يدها اللي مداتهالو .. تحنى قبلهالها و شاف فسمارة
-ميغسي مدموزيل تقدري تمشي
مشات سمارة بعدما غمزات أصالة و هو رجع شاف فيها مبسم
أصالة: (بنعومة) انت سميتك عمر؟
عمر: (مبسم) اممم عمر و انتِ؟
أصالة: (بنفس ابتسامتها) شامةعمر : (حاوط يديه على خصرها) سمية زوينة فحالك
أصالة: ميغسي
جرها معاه لوسط القاعة
عمر: ترقصي معايا!!ومآتليه براسها، حركاته هاديين، كايبان ثقيل و مرزن .. شد فيها كايرقصو على انغام الموسيقى الرومانسية، عينيه محطوطين على عينيها كايبان اعجابه من لمعان عينيه
أصالة: (صرطات ريقها من نظراته، وثروها بغات تخرج من الجو المشحون و همسات بخفوت) انت خدمتك فاشمن مجال؟
عمر: (كايمرر صباعه بشووية على ذرعانها .. و مرة مرة كايخشي وجهه وسط عنقها، عجباته بجمالها و هادشي بان فتصرفاته) اممم انت زوينة بزاف أشامة! انا خدام فالمجال اللي كنرتاح فيه
اصالة: (غمضات عينيها اول ماحسات بقبلاته كايوزعهم على رقبتها بدفئ) امممم نفهم من جوابك انك كاتهرب؟؟
تبسم و شاف فعينيها .. قربهالو اكثر زادح صدرها مع صدره و حاوط يديه على وجهها
عمر: (مسلوب و منتشي بريحتها و نظراتها) عينيك قتالين أشامة (باسها جنب فمها قبلة طويييلة و همسلها فوذنها) الرفقة ديالك كاتكون غير فالحفلات ولا كاتكمل حتى للدار؟أصالة: (تبسمات حاسة بالراحة لأنه ماشحفهاش باش ياخذها للدار) انا هاد الليلة مرهونة ليك
عمر: (تبسم عينيه كايغليو و غمزها) يلاه نمشيو؟
شدات فيه مبتاسمة و نظراتها بان فيهم اعجاب خفيف مع خذوذها احمارو من الخجل، هذا اول شاب وسيم رافقاته فخرجاتها .. عجبها و طريقة تعامله رجولية خلاتها ترتاح كاضن ان ليلتها غاتكمل بخير و على خير معاه....!!
............
صوت صرخاتها العاالية من داخل ديك الڤيلا خلاه يقرب بسرعة و رجالو اللي جايبهم معاه تابعينو .. ملامحه متجهمة و ابتسامته المألوفة ممحية من وجهه .. فرعو الباب و دخلو لداخل كايجريو كايقلب عليها بعينيه حتى بانتليه طايحة على ركابيها فالارض، كاملة عامرة دمايات كاتلهث عينيها خارجين و كاتبكي .. و جنبها طايح عمر، جثة هامدة بدون حراك .. عينيها غارقين بالدموع و كولها كاترجف و تبكي .. عقد حواجبه فالمنظر و قرب عندها كايغوت بعنف
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...