⛔"L'amore" غير مباح⛔
الفصل الثاني: اللعب مع الكبار🔥
خارجة من الدوش، فقط فوطة صغييرة ملوية على جسدها، شعرها الطويل كايقطر على الارض يبللها و خذوذها مزنگين حيت الما دارتو سخون طايب .. سدات الباب وراها دالبيت و مشات للبلاكار كاتقلب على ماتلبس، عقدات حواجبها فدوك الملابس الرجولية، كولهم بدون استثناء كانو غير حوايج الصيف، شورطات و تيشرطات .. الظاهر انه كايجي لهاد الشقة غير فالصيفية .. تأفأفات بصوت مسموع معارفة ماتلبس .. حتى بانتلها فقميجة قطنية بيضاء و واحد الشورط يقدر يغطي فخاضها .. نشفات جسدها بالفوطة .. بدلات عليها لداكشي و قربات جيهت المراية، طلعات و نزلات راسها، خذوذها كانو مزنگين و شفايفها اكثر .. شعرها كايقطر بالماء عيات تنشفو تا عصبها و خلاتو هكاك مطلوق .. خشات رجليها وسط كلاكيطة ديالو كبييرة على حجم رجيلاتها و مشات جيهت الباب، حلاتو و خرجات كادور فعينيها فجنابها و تقلب عليه، بداك المنظر و بداك الشعر و بديك القميجة اللي جات واسعة عليها و طويلة واصلالها خد الفخاض و حتى الشورط واصل للحد ديالها، سيقانها عريانين طوال و ممشوقين و طايتها كاتبان فاتنة تحت من داكشي، خصوصا انها ملابساش ملابس داخلية لا من لفوق ولا لتحت .. وصلات للكوزينة .. تكات على الكادر دالباب كاطلع فيه و تنزل، بانلها مخشع كايطيب و يوجد .. دار بنص وجهه اول مبانليه طيفها، شافها و هو يثبت على حركة وحدة طلعها من ساسها لراسها بنظرات متفحصة .. حتى قاطعات تأمله بصوتها الحاد
اصالة: جمع عينيك، انا لبست هادشي حيت مالقيت والو عندك غي الحوايج دالصيف
مهيار: (عض شفته السفلية و يده زيرات على الموس و هو كايشوف فالقطرات دالما اللي صنعوها خصلات شعرها) جاو معاك مالهم؟
عبسات فيه بملامح لطيفة و قربات لجنبه .. ربعات يديها كاتشوف فشنو كايطيب و همساتليه
اصالة: شنو كاتوجد؟
مهيار: (ببرود) ماتحنجري
اصالة: (تنهدات) ديما هضرتك فحال هاكا؟
مهيار: ماعجبااتكش؟
اصالة: لا
مهيار: (ببرودة دم) عاوديها لكرك
عقدات فيه حواجبها اكثر و دفعاتو مع ذراعه بيدها مكنززة
اصالة: ماتخسرش الهضرة قدامي! هادو الاخلاق؟
مهيار: كوليهم الاخلاق
تأفأفات و هو مراقب حركاتها، لو كانت للفتنة عنوان كان غايكون اصالة، كاتبان سيكسي بزاف .. مثيرة و كولشي فيها كايفتن ، عقد حواجبه بقوة كايحاول يركز فشنو كايدير، حنا راسو مكمل طبيخه حتى سمعات صوت تليفونها كايصوني، مشات تجيبو خلاته متبعها و هو كايقطع فالخضرة ، بقا كايتصنطلها و هي باينة كادوي مع راجل من الصياغة اللي دوات بيها، بقوة مكان مركز معاها داز على صبعه بموس بلا مايحس، زير عليه بصباعه بسرعة و رجع مراقبها كايسمعها كاتهضر و ضحك ، حتى رجعات عندو للكوزينة مزالة كاضحك
أنت تقرأ
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
