سرية: (بحدة) هيييه انت جمعي راسك و خرجي عليا من هنا يلاااه
اصالة: (وقفات) و لكن ا ام ر راني خدامة هنا و هذا پوسطي
سرية: (خنزرات فيها) ياااك خدامة هنايا؟ (شافت فليسيرڤور) نتوما قولوليا الحق هادي خدامة هنا؟
شافو فبعضهم كاملين، ديجا جداد و ماشافوهاش من قبل .. حركو راسهم بالنفي و دوا واحد منهم
-اول مرة تجي امدام
سرية: (عقداتهم فيها) نوضي .. نووووضي تقلعي من بللاصتك يلاه، خرجي علينا ولا نعيطليك للبوليس
وقفات معبسة .. صدرها كايطلع و ينزل مخلوعة و البكية واحلالها فقراجطها خنقاتها .. شافت فجويرية اللي حاضياهم شدات فيها مع شداتها قبطات فيها سرية
-واااش عرفنا هادي بنتك مسارقاهاش؟ جايباها معاك لهنا؟
اصالة: (خرجات فيها عينيها) بزااااف عليك قالاك سارقاها .. بنتييي هادي و مانسمحليكش تزيدي تهينيني، يجي مهيار سوليه واش....
مزال ماكملاتهاش هزات يدها فالسما و عطاتها للحنك بتصرفيقة قاااصحة النيت، خلات الكل يشهق و ميادة تبسمات بمتعة عاجبها فيها الحال
سرية: سيييييدك مهيار هدااااك الشفااارة و خرجييي عليا من هنا مانعاودش نشوف وجهك، سحابليك لا عرفتي سمية مول الشي و گلتيهاليا غانتيييقك؟ و هاد البنت هادي عطيني شي وراق كايدلو على انك ماماها (خرجات فيها عينيها كاتبكي و تشهق و جرات عندها بنتها ضاماهالها)
اصالة: بنتييي هادي و انت ماعندكش الحق تدوي معايا بهاد الطريقة و لا تصرفقيني اهئ هئ (بدات تشهق حاسة بالحگرة) هئ ا انا م ماشي شفارة و خدامة هنا و و السي مهيار م مسكني معااكم فداركم ، س سولي هادي اللي معاك
شارتلها لميادة بيدها كاترجف
ميادة: لا اختي! اش هاد الباطل هذا اوووول مرة نشوفك فحياتي كاااملة
سرية: (ضحكات بالجهد) هههههه سمعتي بعدا قالتليك ولدييي مهيار اناااا، غايخلي خدامة فحالها تسكن عندو فدارو هههههه
ضحكات باستهزاء كاتشوف فيها بحدة .. حتى شداتها من ذراعها و دفعاتها بالجهد
سرية: خرجييي عليااا يلاااه الشفااارة و الكذااابة، (شداتلها فجويرية) البنت تبقى عندي تا تجيبيليا الحالة المدنية ديالها و وراقك حتى انت يلاااه براااا بعدا حيدي دوك الحوايج دالخدمة يلاه حيدييي
طفجات فيها كترجف بالخلعة، حيدات الطبلية اللي كانت لابساها لاحتهالها على وجهها، شافت فميادة اللي كاتشمت فيها و حتى فجويرية اللي تخلعات مسكينة .. دارت خارجة غاتمشي عند مهيار باغا تحماق بالبكا، غير شافتها سرية سلكات طريق غير طريق الباب خرجات لعندها طااايرة .. و جرات موراها شداتلها من شعرها بالجهد، حيداتلها زييفها تا طاح و شعرها بان مجموع جمعة بدات كاترخفلها حتى ترخف ديال بصح اول ماعاودات نتفاتها على حر جهدها قربات تطيرلها خصلات شعرها الطوييييلة .. بدات كتنتفها مغددة و شافت فالحرس اللي عند الباب كاتغوت
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
