⛔"L'amore" غير مباح⛔
الفصل الثاني: اللعب مع الكبار🔥
دارت لوراها كاتصرط فريقها .. شافت فيه انفاسها مسلوبين .. حسات بالرعشة تمكنات منها .. صرطات ريقها بصعوبة و همسات بخفوت
اصالة: ا ا انت ش شنو كادير هنا؟
شاهين: (قرب لعندها كايشوف فيها بتمعن و هي كادور عينيها فجنابها) شنو هاد الشوفات! ماكنتيش متوقعة تشوفيني؟ ولا ماعجبكش الحال تشوفيني القطيطة؟
اصالة: (بثوثر) ت تفاجئت
شاهين: (شدلها فيدها و هزها لفمه، قبلها قبلة خفيفة و هي كاترجف قبالته .. تبسم كايشوف فيها) ماتخافيش، انا هنا معروض!
اصالة: (صرطات ريقها بصعوبة) انت صاحبو د مول الشي؟
شاهين: (شاد فيدها مابغا يطلقها) تقدري تقولي انا هو داك الصديق اللي كايطعن من ورا الضهر! ماعلينا، فين وصلتي فخدمتك؟ فوقاش غاتكملي الدار توحشاتك و فراسي متشوق للنهار اللي غاتسخنيه فيه
اصالة: (حلقها حساتو شحفان) مزال ماشفتو، م ماعرفتوش كانسول عليه تاحد مكايعطيني خبار و تا انت ماعطيتيني لا تصويرة و لا سمية! كيفاش غانعرفو؟
شاهين: (عقد حواجبه) دابا تعرفيه! دابا زيدي سبقيني
دارت بشوية سابقاه .. مثوثرة من وجوده و خايفة منه، ديك الهالة ديالو و الرعب اللي مركبو فيها خلاها تحس برجليها لاويين تحتها فحال العجينة، دخلات للريسطو و هو تابعها و من بعيد كانو عيون متبعة مشهدهم من الأول حتى للتالي فاش دخلات....
.........
الدنيا بدات كاتعمر، دراري و بنات و فطبالي كثار مصفوفين على شكل طاولة وحدة، الطبلة عمرات بمأكولات من كل الاصناف، الكوزينة باينة نايضة فيها الحرب باش وجدو هادشي فظرف وقت قياسي .. هي جالسة فمكانها مراقبة كولشي الداخل و الخارج كاتصرط فريقها، كاتحاول ماتشوفش فشاهين اللي حتى هو مامراقبهاش و مدايهاش فيها، حتى تجمع الكل و عمرو گاع الكراسة، بقاو ثلاثة خاويين .. كثرة الهضرة و الضحك من طرف البنات كايتسمع فوذنيها، حتى بانولها داخلين مع الباب، عابدين .. عبد الحي و متوسطهم هو .. شافت فيهم بجدية، اذا كانو گاع الكراسي عمرو و بقاو ثلاثة اذن الشخص اللي كاتقلب عليه هو من بيناتهم!
شكون غايكون فيهم!
واش عابدين؟ مكاضنش؟ داك الشخص اللي كاينرفزها و يطرطقلها المرارة! بفمو قالها ماشي هو! واش داك الشخص الثالث اللي معاهم؟ تبعاته بنظراتها بجدية، غادة معاه تا جلسو و للمفاجأة ماشي داك اللي تبعاتو بعينيها هو اللي جلس فالراس ولكن لاخر!
صرطات ريقها بصعوبة كاتحاول تفهم اللي طاري، حتى تقاد فجلسته و علا عينيه فجأة لجيهتها .. شاف فيها و اشارلها بصباعه بجدية
-اجي
ناضت كاترمش بثوثر فيه، كاتحاول تستوعب استنتاجها بأنه هو مول هاد الشي!
هو اللي كاتقلب عليه و هي محمقة راسها عليه!
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
