إستعداد، Ready، إنطلاق 🎬
فنظركم شنو هو مدى تأثير الفلوس على حياة الإنسان؟
كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها
"زعيم الذياب...
كولشي الناس شهقو، عائشة بغا قلبها يسكت و باها تزيزن كايشوف فيه مخرج عينيه .. شاف راسو عيق مللي جبد الفردي، رجع خشاه فبلاصتو و هزليه سبابته كاينطق ببرود
عابدين: البنت ماشي د تمارة تهلا فيها الاب: (مخنزر واخا الفردي بقا على نفس موقفه غا هو قلل الغوات و جمع يديه) بنتي و غانزوجها مانخليهاش عندي بعد الشوهة اللي دارت ليا هنا
عابدين علا عينيه فعائشة اللي قريبة تسخف بالبكا، غزز سنانه و شاف جيهت العريس اللي كان بجبادور موجد راسو لعرسو، طلعو و نزلو و رجع شاف فيه
-تسخى تعطي بنتك لهاد الاشكال؟ شوفها هيييي كي دايرة و شوووفو هوووو!! يقتلللها!
الاب: ماسوقكش، لا شداتك عليها النفس تزوجها انت النيت، عطيني صداقها و سترها من الفضيحة اللي دارتليا بهروبها
عائشة خرجات فيه عينيها بينما عابدين شاف فيها و رجع شاف فيه و فراسو القاصح، واخا شاف الفردي مابدلش موقفه و عارف راسو يدور مع الدورة يشدها يقتلها عصا كيفما قالتليه هي، بطريقة ما عزات عليه! بقات فيه و مابغالهاش ديك الحالة!
غزز سنانو و شد فيها مقربها عنده عابدين: واخا غانتزوجها! ولكن غناخذها معايا دااابا .. مغاتبقاش معاك هنا الاب: لا تا تعقد عليها، العدول راهم جايين .. عقد و هز البنت، ماعنديش انا البنات اللي يمشيو مع رجالاتهم بلا زواج
تكنزز و شاف فيها هي اللي ماسكتاتش من بكاها تأفأف كايسب فقلبه الطيب فسره .. زيرها معاه فحال اللي معنقها حاسبها غير صغيرة و باغي يواسيها، بحركته خلا باها يطير عليه جرها من عنده و خرج فيه عينيه الاب: اااااشهاد قلة الحياااا كاتعنق فيها بلا حيا ولا حشمة! هاااه دويييي
عابدين: (بحدة) فين دوك العدول! عائشة خرجات فيه عينيها معارفاه شكايدير، بينما هو شاف فيها مخنزر و قلب وجهه للجنب كايتمتم -نعل ديلمي انا و قلبي البيض، آخرتي نعقد على برهوشة! لاكان كاين عبد الحي كنت نلصقها فيه (شاف فيها طلعها و نزلها و عاود قلب وجهه ماداخلاليهش لذماغه انه ياخذ وحدة صغيورة فحالها جاتو فحال بنت عشر سنين و هو ولد 30 عام!)
Oops! This image does not follow our content guidelines. To continue publishing, please remove it or upload a different image.
تغداو بصمت .. جو مشحون و عدم راحة من طرفها .. كتاكل بالزز، اللقمة كاتعيا تلويها وسط فمها عاد كتسرطها .. بينما هو كياكل ببرود و مرة مرة يطل على تليفونو، حتى كملو .. ناضت هي تجمع الطبلة و هو مشا مارجع حتى كانت غسلات الماعن، وقف وراها كايشوفها كاتغسل فلافابو، كانت فالاول بالشورط و لكن دابا محيداه، لون القاميجة داك الابيض الشفاف مبين بعض التفاصيل المخرششة فجسدها، كرز سنانو بالجهد حتى طلقات الما فلافابو و دارت .. مع الدورة بانلها حاضيها بدوك الشوفات قفزها تا شدات على صدرها، الشدة ديالها خلاتو يركز الشوفة فصدرها .. تبسم اول ماتفكر ملمسه الرطب حتى بانتليه عبسات و همساتليه بنبرة جادة
